𑐳𑑂𑐰𑐩𑑂𑐴 𑐩𑐶𑐳𑐵 𑐔𑑂𑐰𑐩𑐶𑐫𑐵 𑐳𑑂𑐰𑑄𑐐𑐹 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵
𑐫𑐾𑑃- 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑑂𑐰𑐩𑑂𑐴 𑐩𑐶𑐳𑐵 𑐔𑑂𑐰𑐩𑐶𑐥𑐶𑐣𑐶𑐐𑐸 𑐳𑑂𑐰𑑄𑐐𑐹 𑐰𑐶𑐢𑐵𑐫𑐵 𑐳𑑂𑐰𑑄𑐐𑐹 𑐳𑐦𑐹 𑐕𑐐𑐹 𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐥𑐶𑐟𑐧𑑂𑐰𑐖𑑂𑐫𑐵 𑐖𑐸𑐮 𑑋 𑐰𑐵𑐒𑑂𑐩𑐫 𑐱𑐟𑐵𑐧𑑂𑐡𑐷𑐥𑐸𑐬𑐸𑐲, 𑐨𑐵𑐲𑐵𑐬𑐟𑑂𑐣 𑐜𑐵. 𑐳𑐟𑑂𑐫𑐩𑑀𑐴𑐣 𑐖𑑀𑐱𑐷 𑐳𑐕𑐶𑐡𑑃 𑐎𑑂𑐫𑑄𑐐𑐸 𑐮𑐳𑐟𑐵𑐫𑑂 𑐳𑑂𑐰𑐩𑑂𑐴 𑐩𑐶𑐳𑐵 𑐔𑑂𑐰𑐩𑐶𑐥𑐶𑐣𑐶 𑐣𑐶𑐎𑑂𑐰𑑅𑐏𑐸𑐳𑐷 𑐳𑑂𑐰𑑄𑐐𑐹 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐥𑑂𑐬𑐵. 𑐳𑐸𑐰𑐬𑑂𑐞 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑑀𑐟𑐶𑐮𑐎𑑂𑐲𑑂𑐩𑐷 𑐱𑐵𑐎𑑂𑐫𑐫𑐵 ‘𑐣𑐾𑐥𑐵𑐮𑐨𑐵𑐲𑐵𑐫𑐵 𑐨𑐵𑐲𑐵 𑐳𑐣𑑂𑐴𑐹’, 𑐩𑐣𑐡𑐾𑐰𑐷 𑐟𑐵𑐩𑑂𑐬𑐵𑐎𑐵𑐬𑐫𑐵 ‘𑐢𑐸𑐦𑑂𑐰𑑅’ 𑐰 𑐥𑑂𑐬𑐟𑐶𑐳𑐬𑐵 𑐳𑐵𑐫𑑂𑐩𑐶𑑄 𑐩𑐸𑐣𑐵𑐡𑐷𑐐𑐸 𑐮𑐸𑐩𑐣𑑂𑐟𑐶 𑐔𑑂𑐰𑐳𑐸 𑐩𑐸𑐣𑐵 𑐳𑐦𑐹 ‘𑐮𑐸𑐩𑐣𑑂𑐟𑐶𑐫𑐵 𑐏𑐸𑐳𑐶𑐧𑐵𑐮𑐫𑑂 𑐧𑐵𑐧𑐵 𑐰𑐶𑐨𑐹𑐲𑐞’ 𑐣𑐵𑑄𑐫𑐵 𑐳𑐦𑐸 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐄𑐐𑐸 𑐳𑐦𑐸 𑐩𑐹𑐥𑐵𑐴𑐵𑑄 𑐖𑑀𑐱𑐷, 𑐀𑐏𑐶𑐮 𑐣𑐾𑐥𑐵𑐮 𑐨𑐶𑐎𑑂𑐲𑐸 𑐩𑐴𑐵𑐳𑑄𑐑𑐫𑐵 𑐩𑐴𑐵𑐳𑐔𑐶𑐰 𑐨𑐶𑐎𑑂𑐲𑐸 𑐎𑑀𑐞𑑂𑐜𑐣𑑂𑐫 𑐩𑐴𑐵𑐳𑑂𑐠𑐰𑐶𑐬, 𑐱𑐶𑐎𑑂𑐲𑐵𑐰𑐶𑐡𑐮𑐶𑐳𑐾 𑐧𑐵𑐏𑑄 𑐔𑑂𑐰𑐩𑐶 𑐴𑐶𑐟𑐎𑐬 𑐰𑐷𑐬 […]

𑐳𑑂𑐰𑐩𑑂𑐴 𑐩𑐶𑐳𑐵 𑐔𑑂𑐰𑐩𑐶𑐫𑐵 𑐳𑑂𑐰𑑄𑐐𑐹 ...


𑐔𑐶𑐴𑐵 𑐳𑑄𑐎𑐶𑐥𑐵 𑐎𑐵𑐳𑐵 𑑑𑑑𑑓𑑘 ‘𑐴𑐵𑑅𑐳𑑅 𑐩𑐡𑐸𑐐𑐸 𑐳𑑅’ 𑐣𑑂𑐴𑐵𑐥
𑐩𑐳𑑂𑐟𑐫𑑂𑐟 𑐣𑐾𑐰𑐵𑑅 𑐨𑐵𑐫𑑂 𑐳𑑂𑐫𑐣𑐵𑑄 𑐕𑐸𑑄 𑐖𑑂𑐫𑐵 𑐩𑐰𑑅 𑐢𑐵𑐂𑐩𑑂𑐴 𑐕𑐩𑑂𑐴 𑐳𑐬𑐎𑐵𑐬𑐷 𑐀𑐢𑐶𑐎𑐵𑐬𑐷𑐫𑐵 𑐩𑐵𑑄𑐨𑐵𑐫𑑂 𑐩𑐴𑐟𑑂𑐰 𑐧𑐵𑐬𑐾 𑐩𑐶𑐏𑐵 𑐔𑐵𑐮𑐵𑐰𑑄𑐐𑐸 𑐧𑐵𑐏𑑄 𑐣𑑂𑐴𑑂𑐫𑐧𑑂𑐰𑐫𑐵𑐟𑑅𑐐𑐸 𑐳𑐸𑐣𑐶𑐟𑐵 𑐬𑐵𑐖𑐨𑐞𑑂𑐜𑐵𑐬𑐷 𑐖𑐸𑐣𑐸𑑄 𑐣𑐶𑐬𑑂𑐡𑐾𑐱𑐣 𑐫𑐵𑑅𑐐𑐸 ‘𑐴𑐵𑑅𑐳𑑅 𑐩𑐡𑐸𑐐𑐸 𑐳𑑅’ 𑐳𑐬𑑂𑐚 𑐦𑐶𑐮𑑂𑐩𑑄 𑐔𑐶𑐴𑐵 𑐳𑑄𑐎𑐶𑐥𑐵 𑐎𑐵𑐳𑐵 𑑑𑑑𑑓𑑘 𑐫𑑂 𑐣𑑂𑐴𑐵𑐥𑐵 𑐳𑐶𑐬𑐥𑐵𑑅 𑐟𑑂𑐫𑐵𑐎𑐹𑐐𑐸 𑐡𑐸 𑑋 𑐳𑐸𑐣𑐶𑐟𑐵𑐫𑐵 𑐮𑐶𑐳𑐾𑑄 𑐥𑑂𑐬𑐟𑐷𑐎 𑐜𑑄𑐐𑑀𑐮𑐫𑐵 𑐣𑑂𑐴𑑂𑐫𑐧𑑂𑐰𑐫𑐵𑑅 𑐠𑑂𑐰 𑐳𑐬𑑂𑐚 𑐦𑐶𑐮𑑂𑐩𑑄 𑑗𑑕 𑐴𑐖𑐵𑐬 𑐡𑐵𑑄 𑐳𑐶𑐬𑐥𑐵𑑅𑐫𑐵 𑐮𑐶𑐳𑐾𑑄 𑐴𑐣𑐵𑐥𑑁 𑐟𑑂𑐫𑐵𑐎𑐹𑐐𑐸 𑐏𑑅 𑑋 𑐀𑐠𑐾𑐴𑐾 𑐣𑐾𑐰𑐵𑑅 𑐨𑐵𑐫𑑂 𑐩𑐣𑑂𑐟 𑐢𑐵𑑅𑐳𑐵 𑐣𑐾𑐰𑐵𑑅𑐟𑐫𑑂 𑐡𑐿𑐰𑐷𑐫 𑐱𑐎𑑂𑐟𑐶 𑐡𑐸𑐐𑐸 𑐠𑐷𑐠𑐷 𑐐𑑂𑐬𑐣𑑂𑐠𑐟 𑐣𑑄 𑐮𑑀𑐥 𑐖𑐸𑐫𑐵 𑐰𑐣𑐷 𑐢𑐫𑐵𑐐𑐸 𑐠𑐶𑐩𑐫𑑂 𑐡𑐫𑐾𑐎𑐹𑐐𑐸 𑐡𑐬𑑂𑐱𑐣 𑐰𑐷𑐬 𑐱𑐵𑐎𑑂𑐫𑑄 𑐣𑐶𑐬𑑂𑐡𑐾𑐱𑐣 𑐫𑐵𑑅𑐐𑐸 𑐦𑐶𑐮𑑂𑐩 ‘𑐡 𑐩𑐶𑐠 –𑑐’ […]

𑐔𑐶𑐴𑐵 𑐳𑑄𑐎𑐶𑐥𑐵 𑐎𑐵𑐳𑐵 𑑑𑑑𑑓𑑘 ...


𑐣𑐾𑐰𑐵𑑅𑐨𑐵𑐳𑑄 𑐩𑐳𑑂𑐟𑐫𑑂 𑐳𑐦𑐹 𑐧𑑂𑐰𑑄𑐎𑐵𑐡𑐶𑐳𑑄
𑐫𑐾𑑃 – 𑐎𑑀𑐬𑑀𑐣𑐵 𑐨𑐵𑐂𑐬𑐳 (𑐎𑑀𑐨𑐶𑐜-𑑑𑑙)𑐫𑐵 𑐎𑐵𑐬𑐞𑑄 𑐰𑑄𑐐𑐸 𑐩𑑄𑐐𑐮𑐰𑐵𑑅 𑐣𑐶𑐳𑐾𑑄 𑐣𑐾𑐥𑐵𑑅 𑐮𑐎𑐜𑐵𑐄𑐣𑐫𑐵 𑐀𑐰𑐳𑑂𑐠𑐵𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐳𑐬𑐎𑐵𑐬𑑄 𑐎𑑀𑐬𑑀𑐣𑐵𑐫𑐵 𑐳𑑄𑐎𑑂𑐬𑐩𑐞 𑐖𑐸𑐂𑐦𑐸𑐐𑐸 𑐢𑐵𑐳𑐾𑑄 𑐕𑐰𑐵𑑅𑐫𑐵 𑐣𑐶𑑄𑐟𑐶𑑄 𑐕𑐾𑑃 𑐣𑑄 𑐥𑐶𑐴𑐵𑑄𑐩𑐰𑐣𑐾𑐟 𑐂𑐣𑐵𑐥 𑐫𑐵𑑅𑐐𑐸 𑐏𑑅 𑑋 𑐁𑑅 𑐟𑐎 𑐥𑑂𑐫𑐩𑑂𑐴 𑐣𑐾𑐥𑐵𑑅𑐩𑐶 𑐫𑐵𑐎𑐾 𑐠𑐸𑐐𑐸 𑐨𑐵𑐂𑐬𑐳 𑐏𑐣𑐾𑐰𑑄 𑐳𑐬𑐎𑐵𑐬𑑄 𑐮𑐎𑐜𑐵𑐄𑐣𑐫𑐵 𑐃 𑐀𑐗 𑐠𑐥 𑐫𑐵𑐂𑐐𑐸 𑐳𑑄𑐎𑐾𑐟 𑐧𑐶𑐄𑐐𑐸 𑐡𑐸 𑑋 𑐠𑐖𑑂𑐫𑐵𑑅𑐐𑐸 𑐀𑐰𑐳𑑂𑐠𑐵𑐫𑑂 𑐕𑐾𑑃𑐫𑑂 𑐔𑑂𑐰𑐣𑐵𑑅 𑐕𑐶𑐐𑐸 𑐩𑐳𑑂𑐟 𑐕𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 ? 𑐕𑐶𑐟𑑅 𑐣𑑄 𑐩𑐳𑑂𑐟𑐫𑑂𑐟 𑐕𑐸𑑄 𑐬𑐔𑐣𑐵𑐟𑑂𑐩𑐎 𑐖𑑂𑐫𑐵 𑐫𑐵𑐎𑐾𑐡𑐸𑐳𑐵 𑐰𑐵 𑐕𑐸𑑄 𑐱𑐶𑐎𑑂𑐲𑐵 𑐧𑐷𑐐𑐸 𑐖𑑂𑐫𑐵 𑐫𑐵𑐫𑐾𑐡𑐸𑐳𑐵 𑐖𑐶𑐄 𑐢𑐎𑐵𑑅 𑐧𑐶𑐔𑐵𑑅 𑐖𑐎𑑄 𑐰𑐫𑐵𑐔𑑂𑐰𑑄𑐐𑐸 𑐩𑐡𑐸𑐮𑐵 ? 𑐫𑐡𑐶 𑐀𑐠𑐾 𑐏𑑅𑐳𑐵 […]

𑐕𑐾𑑃𑐫𑑂 𑐩𑐳𑑂𑐟 𑐕𑐸 𑐫𑐵𑐣𑐵𑐔𑑂𑐰𑐣 ...



𑐀𑐣𑐮𑐵𑐂𑐣 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐷
𑐫𑐾𑑃 – 𑐮𑐎𑐜𑐵𑐄𑐣𑐫𑐵 𑐎𑐵𑐬𑐞𑑄 𑐡𑐾𑐫𑑂 𑐕𑐐𑐸𑐮𑐶𑑄 𑐛𑐥𑑂𑐥 𑐖𑐸𑐂𑐰𑑄 𑐩𑐣𑐹𑐟𑐫𑑂𑐳𑑄 𑐠𑑅𑐠𑑅𑐐𑐸 𑐕𑐾𑑃𑐫𑑂 𑐴𑐾 𑐔𑑂𑐰𑐣𑐵𑑅 𑐁𑐥𑐵𑐮𑑄 𑐎𑐠𑑄𑐫𑐵 𑐖𑑂𑐫𑐵𑐏𑑃 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐐𑐸𑐮𑐶𑐏𑐾 𑐩𑐣𑐹𑐟𑐫𑑂𑐳𑑄 𑐕𑐾𑑃𑐫𑑂 𑐔𑑂𑐰𑐣𑐵𑑅 𑐀𑐣𑐮𑐵𑐂𑐣 𑐩𑐵𑐬𑑂𑐦𑐟 𑐠𑑅𑐐𑐸 𑐀𑐦𑐶𑐳𑐫𑐵 𑐖𑑂𑐫𑐵 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸𑐳𑐵 𑐐𑐸𑐮𑐶𑐳𑑂𑐫𑐵𑑄 𑐕𑐾𑑃𑐫𑑂 𑐔𑑂𑐰𑐣𑐵𑑅 𑐀𑐣𑐮𑐵𑐂𑐣𑐥𑐵𑐏𑐾𑑄 𑐧𑐿𑐛𑐎 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐡𑐸 𑑋 𑐠𑑂𑐰𑐴𑐾 𑐗𑑂𑐰𑐮𑐫𑑂 𑐏𑑂𑐰𑐥𑐫𑐵 𑐰𑐶𑐬𑐵𑐚 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣 𑐐𑐸𑐠𑐶𑑄 𑐀𑐣𑐮𑐵𑐂𑐣 𑐩𑐵𑐬𑑂𑐦𑐟 𑐳𑑀𑐩𑐰𑐵𑑅 ‘𑐣𑐾𑐥𑐵𑐮𑐨𑐵𑐲𑐵 𑐃-𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐷’ 𑐖𑑂𑐫𑐵𑐗𑑂𑐰𑑅 𑐫𑐵𑐟 𑑋 𑐰𑐶𑐬𑐵𑐚𑐫𑐵 𑐥𑐸𑐮𑐵𑑄𑐩𑑂𑐴 𑐣𑐵𑐫𑑅 𑐮𑐶𑐳𑐾𑑄 𑐰𑐬𑑂𑐟𑐩𑐵𑐣 𑐳𑐮𑑂𑐮𑐵𑐴𑐎𑐵𑐬 𑐟𑑂𑐬𑐶𑐬𑐟𑑂𑐣 𑐱𑐵𑐎𑑂𑐫𑑄 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐄𑐐𑐸 𑐀𑐣𑐮𑐵𑐂𑐣 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐷 𑐖𑐹𑐩 𑐎𑑂𑐮𑐵𑐄𑐜 𑐩𑐶𑐚𑐶𑐒 𑐣𑐵𑑄𑐐𑐸 𑐊𑐥𑑂𑐳𑐥𑐵𑐏𑐾𑑄 𑐳𑐘𑑂𑐔𑐵𑐮𑐣 𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 […]

𑐀𑐣𑐮𑐵𑐂𑐣 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐷


𑐳𑑄𑐏𑑂𑐫𑐵 𑐰𑐬𑑂𑐞 (𑐮𑑂𑐫𑐵: 𑐁𑐏:)
𑐎𑐸𑐚𑐶𑐮𑐵 𑐰 𑐥𑑂𑐬𑐔𑐮𑐶𑐟 𑐣𑐾𑐥𑐵𑐮 𑐮𑐶𑐥𑐶 𑐢𑐸𑑄𑐎𑐵: 𑐠𑑂𑐰 𑐨𑐸𑐖𑐶𑑄𑐩𑑀𑐮 𑐮𑐶𑐥𑐶 𑐏𑐣𑐾𑐡𑐸𑐐𑐸 𑐏: | 𑐨𑐸𑐖𑐶𑑄𑐩𑑀𑐮 𑐏𑑃𑐐𑑂𑐰:𑐩𑐢𑑂𑐫𑐾 ‘𑐨𑐸𑐖𑐶𑑄‘ 𑐎𑐷𑐫𑐵 𑐣𑐵𑐩𑑄 𑐔𑑂𑐰𑑄𑐐𑐸 𑐀𑐥𑑂𑐰:𑐳𑐶𑐫𑐵 𑐧𑐶𑐱𑑂𑐰𑐵𑐳 𑐡𑐸 | ‘𑐩𑑀𑐮 ‘ 𑐳𑑄𑐳𑑂𑐎𑐺𑐟𑐫𑐵 𑐩𑐸𑐞𑑂𑐜𑐥𑐵𑐏𑐾𑑄 𑐩𑑀𑐜 𑐀𑐮𑐾 𑐩𑑀𑐮 𑐖𑐹𑐐𑐸 𑐏: | 𑐠𑐸𑐎𑐶𑐫𑐵 𑐀𑐬𑑂𑐠 𑐕𑑂𑐫𑑄 𑐏: | 𑐠𑐸𑐎𑐠𑑄 𑐨𑐸𑐖𑐶𑑄𑐩𑑀𑐮 𑐁𑐏: 𑐢𑐫𑐵𑐐𑐸 𑐨𑐸𑐖𑐶𑑄𑐕𑑂𑐫𑑄 𑐥𑐴: 𑐫𑐵𑐐𑐸 𑐱𑐿𑐮𑐷𑐫𑐵 𑐮𑐶𑐥𑐶 𑐏: | 𑐠𑐸𑐎𑐶𑐫𑐵𑐟 𑐴𑐵𑐣𑑄 𑐳𑑄𑐳𑑂𑐎𑐺𑐟𑑄 𑐀𑐣𑐸𑐧𑐵𑐡 𑐫𑐵𑐣𑐵: ‘𑐩𑐎𑑂𑐲𑐶𑐩𑐸𑐞𑑂𑐜’ 𑐣𑐵𑑄 𑐧𑐶𑐫𑐵𑐟:𑐐𑐸 𑐡𑐸 | 𑐐𑐸𑐩𑑂𑐴𑑄 𑐐𑐸𑐩𑑂𑐴𑑄 𑐰𑐶𑐡𑑂𑐢𑐵𑐣𑐟𑐫𑐳𑑄 𑐠𑐸𑐎𑐶𑐫𑐵𑐟 ‘𑐨𑐸𑐖𑑄𑐐𑐩𑑀𑐮’ 𑐳𑐬𑑂𑐥𑐵𑐎𑐵𑐬 𑐠𑐾𑑄 𑐕𑑂𑐫𑑄 𑐟𑐫𑐵𑐟:𑐐𑐸 𑐮𑐶𑐥𑐶 𑐢𑐎𑐵: 𑐣𑑄 𑐥𑐬𑐶𑐎𑐮𑑂𑐥𑐣𑐵 𑐫𑐵𑐣𑐵𑐟𑐵:𑐐𑐸 𑐡𑐸 | 𑐰𑐷𑐬 𑐥𑐸𑐳𑑂𑐟𑐎𑐵𑐮𑐫𑑄 𑐥𑐶𑐎𑐵:𑐐𑐸 𑐧𑐺𑐴𑐟𑑂 𑐳𑐹𑐔𑐶𑐥𑐟𑑂𑐬𑐫𑑂 (𑐣𑑂𑐴𑐵𑐥𑐵𑑄𑐐𑐸 […]

𑐨𑐸𑐖𑐶𑑄𑐩𑑀𑐮 𑐮𑐶𑐥𑐶


𑐨𑐸𑐲𑐣𑐮𑐵𑐮 𑐱𑑂𑐬𑐾𑐲𑑂𑐛
‍–𑐨𑐸𑐲𑐣𑐮𑐵𑐮 𑐱𑑂𑐬𑐾𑐲𑑂𑐛 𑐣𑑄𑐰𑐵𑐫𑑂 𑐩𑐦𑐸𑐩𑑂𑐴 𑐩𑐣𑐹𑐫𑐵𑐟 𑐣𑐾𑐰𑐵: 𑐨𑐵𑐳𑑄 𑐥𑐵𑐎𑑅 𑐰 𑐏𑐫𑑂 𑐨𑐵𑐳𑑄 𑐮𑐵𑐟𑐵 𑐢𑐵𑐂 𑑋 𑐥𑐵𑐎𑑅 𑐖𑐎 𑐢𑐫𑐵 𑐐𑐵𑑅𑐳𑐵𑑄 𑐣𑐾𑐰𑐵𑐟𑐫𑑂 𑐡𑐠𑐸𑐂 𑐮𑐵𑐟𑐵 𑐥𑐵𑐎𑑅 𑐢𑐵𑐂𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐳𑐩𑐵𑐖𑐫𑑂 𑐕𑐎𑑂𑐎𑐵 𑐥𑐘𑑂𑐖𑐵 𑐫𑐵𑐫𑐾 𑐩𑐳𑑅𑐩𑑂𑐴, 𑐟𑐳𑑂𑐳𑐎𑑄 𑐳𑑀𑐖𑐵𑐩𑑂𑐴 𑐀𑐮𑐾 𑐐𑐸𑐮𑐶𑐳𑐶𑐟 𑐴𑐾𑐳𑑂𑐫𑐵𑐣𑐵 𑐣 ‘𑐕 𑐮𑐵 𑐮𑐵𑐟𑐵 𑐥𑐵𑐎𑑅 𑐴𑐾 𑐎𑐵 !’ 𑐢𑐵𑐂𑐐𑐸 𑐔𑐮𑐣 𑐡𑐸 𑑋 𑑒𑑐𑑓𑑔 𑐳𑐵𑐮𑐫𑑂 𑐎𑐮𑐾𑐖 𑐧𑑂𑐰𑐣𑐵 𑐔𑑂𑐰𑐣𑐵𑐧𑐮𑐾𑐫𑐵 𑐏𑑃 𑐏𑑅 𑑋 𑐕𑐩𑑂𑐴 𑐥𑐵𑐳𑐵𑐣𑐵𑐥 𑐨𑐎𑐸𑑄𑐐𑑂𑐰𑐵𑐬𑐵 (𑐦𑐸𑐟𑐧𑐮) 𑐳𑑂𑐰𑐫𑐾𑐟 𑐰𑐣𑐵 𑑋 𑐎𑐵𑐄𑐣𑑂𑐟𑐬 𑐰𑐣𑐵 𑑒 𑐥𑐵𑑅 𑐟𑐶𑐎𑐟 𑐣𑑂𑐫𑐵𑐣𑐵 𑑋 𑐢𑑂𑐰𑐵𑐏𑐵𑐫𑑂 𑐠𑑂𑐫𑑄𑐧𑐮𑐾 𑐕𑐸𑑄 𑐴𑐾 𑐩𑐳𑑂𑐰𑐳𑐾𑑄 𑐡𑐸𑐟 𑐰𑑂𑐕𑐂𑐔𑑂𑐰𑑄𑐐𑐸 𑐏𑐣𑐵𑐧𑐮𑐾 𑐧𑐾𑐎𑐵𑐬𑑄 𑐢𑐾𑐧𑐵 […]

𑐮𑐵𑐟𑐵 𑐥𑐵𑐎: (𑐮𑐸𑐩𑑄𑐏𑑃)



𑐁𑐣𑐣𑑂𑐡𑐳𑐶𑐡𑑂𑐢𑐶 𑐟𑐸𑐮𑐵𑐢𑐬𑐫𑐵 “𑐮𑐶𑐖:” 𑐥𑐶𑐡𑐣
𑐫𑐾𑑄/ 𑐁𑐣𑐣𑑂𑐡 𑐳𑐶𑐡𑑂𑐢𑐶 𑐟𑐸𑐮𑐵𑐢𑐬𑐫𑐵 𑐮𑐸𑐩𑐣𑑂𑐟𑐶, 𑐧𑐵𑐏𑑄 𑐰 𑐔𑐶𑐣𑐵𑐏𑑄 𑐩𑐸𑐣𑐵 ‘𑐮𑐶𑐖𑑅’ 𑐣𑐵𑑄𑐫𑐵 𑐳𑐦𑐹 𑐰𑐶𑐩𑑀𑐔𑐣 𑐖𑐸𑐮 𑑋 𑐰𑑄𑐐𑐸 𑐔𑐶𑐮𑑂𑐮𑐵𑐐𑐵 𑐥𑐘𑑂𑐔𑐩𑐷, 𑐔𑐿𑐟 𑑑 𑐐𑐟𑐾 𑐱𑐣𑐶𑐰𑐵𑑅𑐫𑐵 𑐏𑐸𑐣𑑂𑐴𑐸 𑐕𑐐𑐹 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑃 𑐔𑐣𑑂𑐡𑑂𑐬𑐵𑐣𑐣𑑂𑐡 𑐣𑐾𑐰𑐵𑑅 𑐣𑑄 𑐄𑐐𑐸 𑐳𑐦𑐹𑐫𑐵 𑐰𑐶𑐩𑑀𑐔𑐣 𑐫𑐵𑐣𑐵𑐡𑐷𑐐𑐸 𑐏: 𑑋 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐠𑐸𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐦𑐹𑐟𑐶𑐂 𑐡𑐸𑐸𑐸𑐠𑑂𑐫𑐵:𑐐𑐸 𑐔𑑂𑐰𑐳𑐸𑐫𑐵 𑐧𑐵𑐬𑐾 𑐩𑐮𑑂𑐮 𑐎𑐾 𑐳𑐸𑐣𑑂𑐡𑐬𑑄 𑐳𑐩𑐷𑐎𑑂𑐲𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰:𑐫𑐵 𑐳𑐨𑐵 𑐣𑐵𑐫: 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑐫𑐵 𑐣𑐵𑐫𑑅 𑐥𑑂𑐬𑐵. 𑐳𑐸𑐰𑐬𑑂𑐞 𑐱𑐵𑐎𑑂𑐫𑑄 𑐳𑐦𑐹 𑐥𑐶𑐎𑐵𑐫𑐾𑐐𑐸 𑐢𑐿𑐐𑐸 𑐰𑐶𑐔𑐵𑐬𑐫𑐵 𑐳𑐩𑑂𑐥𑑂𑐬𑐾𑐲𑐞 𑐫𑐵𑐫𑐾𑐾𑐾𑐐𑐸 𑐏𑑅 𑐢𑐫𑐵𑐡𑐶𑐳𑐾𑑄 𑐳𑐵𑐴𑐶𑐟𑑂𑐫 𑐢𑐿𑐐𑐸 𑐫𑐸𑐐 𑐳𑐵𑐥𑐾𑐎𑑂𑐲 𑐖𑐸𑐂𑐩𑐵𑑅𑐐𑐸 𑐏𑑃𑐫𑑂 𑐣𑑄 𑐧𑑅 𑐧𑐶𑐫𑐵𑐡𑐷𑐐𑐸 𑐏: 𑑋 […]

𑐁𑐣𑐣𑑂𑐡𑐳𑐶𑐡𑑂𑐢𑐶 𑐟𑐸𑐮𑐵𑐢𑐬𑐫𑐵 “𑐮𑐶𑐖:” 𑐥𑐶𑐡𑐣


𑐱𑐎 𑐳𑐩𑑂𑐧𑐟 𑑘𑑐𑑑 𑐧𑐶.𑐳𑑄. 𑑙𑑓𑑗 𑐟𑐠𑐵 𑐃.𑐳𑑄. 𑑘𑑗𑑙 𑐀𑐎𑑂𑐚𑑀𑐧𑐬 𑑒𑑐 𑐎𑐵𑐬𑑂𑐟𑐶𑐎 𑐱𑐸𑐎𑑂𑐮 𑐥𑑂𑐬𑐟𑐶𑐥𑐡𑐵 𑐧𑐸𑐢𑐧𑐵𑐬𑐫𑐵 𑐡𑐶𑐣 𑐏𑐸𑐣𑐸 𑐖𑐸𑐖𑐸 𑐬𑐵𑐢𑐰𑐡𑐾𑐧𑐫𑐵 𑐥𑐵𑐮𑐫𑑂 𑐱𑑄𑐏𑐢𑐬 𑐳𑐵𑐏𑑂𑐰𑐵𑐮𑐣𑑄 𑐎𑐵𑐣𑑂𑐟𑐶𑐥𑐸𑐬𑐫𑐵 𑐖𑐣𑐟𑐵𑐟𑐫 𑐟𑑂𑐫𑐵𑐳𑐵 ( 𑐆𑐞𑐷) 𑐩𑐸𑐎𑑂𑐟 𑐫𑐵𑐳𑐾 𑐥𑐱𑐸𑐥𑐟𑐶 𑐥𑐹𑐖𑐵 𑐁𑐖𑐵 𑐫𑐵𑐣𑐵 𑐥𑐱𑐸𑐥𑐟𑐶 𑐨𑐚𑑂𑐚𑐵𑐬𑐎𑐫𑐵 𑐣𑐵𑐩𑑄 𑐣𑐾𑐥𑐵𑐮 𑐳𑐩𑑂𑐧𑐟 𑐳𑐸𑐬𑐸𑐰𑐵𑐟 𑐫𑐵𑐐𑐸 𑐡𑐶 𑐣𑐶𑐳𑐾𑑄 𑐣𑐾𑐥𑐵𑐮𑐫𑐵 𑐂𑐟𑐶𑐴𑐵𑐳𑐫𑑂 𑐥𑑂𑐬𑐵𑐔𑐷𑐣𑐎𑐵𑐮𑐫𑐵 𑐀𑐣𑑂𑐟𑑂𑐫 𑐰 𑐩𑐢𑑂𑐫𑐎𑐵𑐮𑐎𑑀 𑐱𑐸𑐬𑐸𑐰𑐵𑐟 𑐖𑐸𑐐𑐸 𑐏: 𑐢𑐵𑐃 | 𑐥𑑂𑐬𑐔𑐮𑐶𑐟 𑐮𑑀𑐎 𑐏𑑄 :- 𑐥𑑂𑐬𑐔𑐮𑐶𑐟 𑐮𑑀𑐎 𑐏𑑄 𑐎𑐠𑑄 𑐎𑐵𑐣𑑂𑐟𑐶𑐥𑐸𑐬𑐫𑑂 𑐖𑐫𑐡𑐾𑐰 𑐩𑐮𑑂𑐮𑑄 𑐀𑐠𑐾𑐴𑐾 𑐨𑐎𑑂𑐟𑐥𑐸𑐬𑐫𑑂 𑐎𑐶𑐖𑐵 𑐁𑐣𑐣𑑂𑐡 𑐩𑐮𑑂𑐮𑑄 𑐬𑐵𑐖𑑂𑐫 𑐫𑐵𑐣𑐵𑐔𑑂𑐰𑑄𑐧𑐮𑐫𑑂 𑐕𑐣𑑂𑐴𑐸 𑐏𑑀𑐥𑐫𑑂 𑐔𑑂𑐰𑐩𑑂𑐴 𑐖𑐸𑐖𑐸 𑐁𑐣𑐣𑑂𑐡 𑐩𑐮𑑂𑐮𑐫𑐵𑐟 𑐀𑐣 𑐔𑑂𑐰𑑄𑐩𑑂𑐴 𑐣𑐵𑐡𑐩𑑂𑐴 𑐖𑑂𑐫𑑀𑐟𑐶𑐲 […]

𑐣𑐾𑐥𑐵𑐮 𑐂𑐟𑐶𑐴𑐵𑐳


𑐳𑑄𑐏𑑂𑐫𑐵 𑐰𑐬𑑂𑐞 (𑐮𑑂𑐫𑐵: 𑐁𑐏:)
𑐣𑐾𑐥𑐵𑐮𑐫𑑂 𑐥𑑂𑐬𑐔𑐮𑐶𑐟 𑐠𑐷𑐠𑐷 𑐖𑐵𑐟𑐷𑐫 𑐥𑑂𑐬𑐵𑐔𑐷𑐣 𑐊𑐰𑑄 𑐀𑐬𑑂𑐰𑐵𑐔𑐶𑐣 𑐮𑐶𑐥𑐶𑐩𑐢𑑂𑐫𑐾 𑐡𑐬𑑂𑐱𑐣𑐷𑐫 𑐳𑐸𑐬𑐘𑑂𑐖𑐶𑐟 𑐮𑐶𑐥𑐶 𑐢𑐵:𑐳𑐵 ‘𑐬𑐘𑑂𑐖𑐣𑐵’ 𑐮𑐶𑐥𑐶 𑐏: | 𑐠𑑂𑐰 𑐮𑐶𑐥𑐶 𑐣𑐾𑐥𑐵𑐮𑐫𑑂 𑐖𑐎 𑐩𑐏𑐸, 𑐔𑐷𑐣, 𑐖𑐵𑐥𑐵𑐣, 𑐟𑐶𑐧𑑂𑐧𑐟 𑐁𑐡𑐶 𑐩𑐴𑐵𑐫𑐵𑐣𑐷 𑐧𑑁𑐡𑑂𑐢 𑐡𑐾𑐫𑑂 𑐰 𑐠𑑁𑑄𑐎𑐣𑑂𑐴𑐫𑑂 𑐳𑑄𑐫𑑂𑐟𑐫𑑂𑐳𑑄 𑐐𑐞 𑐐𑐣𑐟𑐎 𑐐𑐸𑐩𑑂𑐧𑐵𑐟 𑐡𑐫𑐾𑐎𑐮 𑐀𑐣 𑐀𑐣𑐟𑐎𑑄 𑐥𑑂𑐬𑐔𑐮𑐶𑐟 𑐰 𑐥𑑂𑐬𑐳𑐶𑐡𑑂𑐡𑑂𑐢 𑐖𑐹𑐐𑐸 𑐳𑐸𑐣𑑂𑐡𑐬 𑐮𑐶𑐥𑐶 𑐏: | ‘𑐬𑐘𑑂𑐖𑐣𑐵’ 𑐏𑑃𑐐𑑂𑐰: 𑐬𑐒𑑂𑐐𑐫𑑂 𑐫𑐵𑐫𑐾𑐐𑐸 𑐰𑐵 𑐁𑐣𑐣𑑂𑐡 𑐧𑐷𑐐𑐸 𑐢𑐫𑐵𑐐𑐸 𑐀𑐬𑑂𑐠𑐫𑑂 𑐕𑑂𑐫𑐮𑐷𑐐𑐸 𑐳𑑄𑐳𑑂𑐎𑐺𑐟𑐫𑐵 ‘𑐬𑐘𑑂𑐖’ 𑐢𑐵𑐟𑐸𑑄 𑐡𑐸𑐐𑐸 𑐏: | 𑐠𑑂𑐰 𑐮𑐶𑐥𑐶 𑐟𑐸𑐫𑐹𑐐𑐸 , 𑐩𑑂𑐴𑐵𑐳𑐸𑐐𑐸 , 𑐴𑑂𑐫𑐵𑐐𑐸 𑐰 𑐴𑐵𑐎𑐸𑐐𑐸 𑐩𑐳𑐶 𑐔𑑂𑐰𑐫𑐵𑐟:𑐐𑐸 𑐏𑐣𑐾𑐡𑐸 | 𑐠𑐸𑐎𑐶𑐫𑐵 𑐩𑐣𑑀𑐴𑐬 𑐧𑐣𑐵𑐰𑐚𑑄 𑐮𑐳𑐟𑐵 𑐥𑐶𑐖𑑂𑐰𑐫𑐾𑐎𑐹 | […]

‘𑐬𑐘𑑂𑐖𑐣𑐵’ 𑐮𑐶𑐥𑐶