𑐴𑐣𑐸𑐩𑐵𑐣 𑐝्𑐰𑐵𑐏𑐵
𑐫𑑀𑐐𑐾𑐣𑑂𑐡𑑂𑐬𑐩𑐵𑐣 𑐱𑑂𑐬𑐾𑐲𑑂𑐛 𑐣𑐾𑐥𑐵𑑅𑐫𑐵 𑐂𑐟𑐶𑐴𑐵𑐳 𑐀𑐢𑑂𑐫𑐫𑐣 𑐫𑐵𑐫𑐾𑐧𑐮𑐫𑑂 𑐩𑐾𑐩𑐾𑐐𑐸 𑐰𑐶𑐲𑐫𑐰𑐳𑑂𑐟𑐸 𑐠𑐾𑑄 𑐣𑐵𑐥𑐣𑐵𑐥𑑄 𑐰𑐂𑐐𑐸 𑐰𑐶𑐲𑐫 𑐟𑐣𑑂𑐟𑑂𑐬𑐱𑐵𑐳𑑂𑐟𑑂𑐬 𑐣𑑄 𑐏𑑅 𑑋 𑐟𑐣𑑂𑐟𑑂𑐬𑐱𑐵𑐳𑑂𑐟𑑂𑐬𑑄 𑐕𑐸 𑐕𑐸 𑐫𑐵𑐫𑐾𑐦𑐸 𑐰 𑐮𑐵 𑐗𑐷𑐳𑑄 𑐩𑐳𑐶𑐄 𑑋 𑐣𑐾𑐥𑐵𑐮𑐫𑑂 𑐐𑐧𑐮𑐾𑑄 𑐣𑐶𑐳𑐾𑑄 𑐟𑐣𑑂𑐟𑑂𑐬𑑄 𑐠𑐵𑐫𑑂 𑐎𑐵𑐮 𑐰 𑐣𑑄 𑐫𑐎𑐶𑐣𑐳𑐵𑐠 𑐗𑐷𑐳𑑄 𑐢𑐵𑐫𑐾𑐩𑐦𑐸 𑑋 𑐟𑐬 𑐣𑐾𑐥𑐵𑑅𑐫𑐵 𑐳𑐨𑑂𑐫𑐟𑐵𑐫𑐵 𑐱𑐸𑐬𑐸𑐰𑐵𑐟𑑄 𑐣𑐶𑐳𑐾𑑄 𑐳𑐩𑐵𑐖𑐫𑑂 𑐟𑐣𑑂𑐟𑑂𑐬𑑄 𑐠𑐵𑐫𑑂 𑐎𑐫𑐵 𑐰𑐫𑐵𑐔𑑂𑐰𑑄𑐐𑐸 𑐢𑐵𑑅𑐳𑐵 𑐥𑑂𑐬𑐳𑑂𑐚 𑐬𑐸𑐥𑑄 𑐏𑐣𑐾𑐡𑐸 𑑋 𑐣𑐾𑐥𑐵𑑅𑐫𑐵 𑐳𑐨𑑂𑐫𑐟𑐵𑐫𑐵 𑐱𑐸𑐬𑐸𑐰𑐵𑐟 𑐢𑐫𑐵𑐐𑐸 𑐀𑐖𑐶𑐩𑐵 𑐢𑐬𑑂𑐩 𑐏𑑅 𑑋 𑐠𑐣 𑐣𑑂𑐫𑐵𑐫𑐾𑐎𑐷𑐐𑐸 𑐀𑐢𑐶𑐎𑐵𑑄𑐱 𑐖𑐵𑐟𑑂𑐬𑐵 𑐥𑐬𑑂𑐰 𑐢𑐫𑐵𑐐𑐸 𑐀𑐖𑐶𑐩𑐵 𑐣𑐵𑐥 𑐳𑑂𑐰𑐵𑐥𑐹 𑐡𑐫𑐵𑐔𑑂𑐰𑑄𑐐𑐸 𑐗𑐷𑐳𑑄 𑐏𑑄𑐎𑐵 𑐰𑐫𑐵𑐔𑑂𑐰𑐣𑐵𑐐𑐸 𑐡𑐸 𑑋 𑐄𑐎𑐶𑑄 𑐣𑐾𑐥𑐵𑑅 𑐀𑐖𑐶𑐩𑐵 𑐥𑑂𑐬𑐢𑐵𑐣 𑐡𑐾𑐱 […]

𑐣𑐾𑐥𑐵𑐮𑐫𑐵 𑐂𑐟𑐶𑐴𑐵𑐳𑐫𑑂 𑐀𑐣𑐵𑐰𑐺𑐲𑑂𑐚𑐶 𑐰 ...


𑐖𑐶𑐐𑐸 𑐥𑑂𑐬𑐾𑐬𑐞𑐵𑐫𑐵 𑐕𑐐𑐹 𑐳𑑂𑐬𑑀𑐟 ‘𑐀𑐞𑐸’
𑐰𑐶𑐎𑑂𑐬𑐩 𑐳𑑄𑐰𑐟𑑂 𑑒𑑐𑑒𑑒 𑐳𑐵𑐮 𑐢𑐫𑐵𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐁𑐣𑑂𑐡𑑀𑐮𑐣𑐫𑐵 𑐃 𑐏𑑅 𑑋 𑐬𑐾𑐜𑐶𑐫𑑀 𑐣𑐾𑐥𑐵𑐮𑑄 𑐠𑑂𑐰𑐫𑐵𑐟 𑐥𑐶𑐟𑑂𑐫𑐸𑐐𑐸𑐮𑐶𑑄 𑐱𑐣𑐶𑐰𑐵𑑅𑐥𑐟𑐶𑐎𑑄 𑐟𑑂𑐰𑐵𑑅𑐟𑑂𑐰𑐵𑐮𑐫𑑂 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣 𑐖𑐸𑐂𑐐𑐸𑑋 𑐖𑐶 𑐠𑑅 𑐣𑑄 𑐀𑐧𑐮𑐫𑑂 𑐐𑐧𑐮𑐾𑑄 𑐐𑐧𑐮𑐾𑑄 𑐠𑑂𑐫𑑄 𑑋 𑐕𑐎𑑅 𑐕𑐐𑐹 𑐡𑐧𑐸𑐮𑐶𑐂 𑐳𑐶𑐟𑑂𑐫𑐵𑑄𑐔𑐵𑐩𑑂𑐴 𑐮𑑂𑐫𑐵𑐫𑑂 𑐩𑑂𑐴𑐩𑑂𑐴 𑐎𑐰𑐶𑑄 𑐎𑐰𑐶𑐟𑐵 𑐣𑑂𑐫𑑄𑐎𑐮 𑐠𑐸𑐎𑐠𑑄 – 𑐢𑑃𑐫𑑂 𑐎𑐸𑐳𑐶 𑐥𑐟𑐶𑐟, 𑐖𑐶𑐐𑐸 𑐡𑐾𑐫𑑂𑐫𑐵 𑐩𑐶𑐟𑑂𑐬𑐸𑐟 𑐩𑑄𑐎𑐵𑑅 𑐐𑐸𑐠𑐶 𑐣𑑂𑐫𑐵𑐟 𑐂𑐩𑐶, 𑐩𑐵𑑅𑐩𑐵𑑅𑐕𑐶 𑐴𑐶 𑐟𑑂𑐰𑐣𑐾𑐟 𑐰𑐫𑑂𑐎𑑅𑐫𑐵 𑐎𑐰𑐶𑐟𑐵 𑐧𑑂𑐰𑐣𑐾𑐐𑐸 𑐥𑐴𑑅 𑐣𑑄 𑐴𑐶𑐳𑐶 𑐡𑐸𑑋 𑐣𑑂𑐫𑐣𑐾𑐧𑐮𑐫𑑂 𑐣𑑂𑐴𑑂𑐫𑐵𑐂𑐥𑐸𑐳𑐾 𑐔𑑂𑐰𑑄 𑑋 𑐐𑐠𑐾 𑐴𑐣𑐾𑐧𑐴𑐩𑑂𑐴 𑐡𑐸𑐬𑑂𑐐𑐵𑐮𑐵𑐮𑐖𑐸𑑄 𑐎𑐰𑐶𑐟𑐵 𑐣𑑂𑐫𑑄𑐎𑐵𑐡𑐷𑐧𑐮𑐫𑑂 𑐩𑐣𑐹𑐟𑐫𑑂𑐟 𑐁𑐎𑐬𑑂𑐲𑐶𑐟 𑐫𑐵𑐫𑐾𑐦𑐸, 𑐀𑐖𑑂𑐫𑐵𑑅𑐐𑐸 𑐴𑐾 𑐏𑐸𑐧𑐷 𑐰𑐫𑑂𑐎𑑅𑐫𑐵𑐎𑐾 𑐣𑑄 𑐡𑐸 𑐏𑐣𑐷 𑑋 𑐰𑐫𑑂𑐎𑑅 𑐏𑑅 […]

𑐖𑐶𑐐𑐸 𑐥𑑂𑐬𑐾𑐬𑐞𑐵𑐫𑐵 𑐕𑐐𑐹 𑐳𑑂𑐬𑑀𑐟 ...


𑐨𑐵𑐲𑐵 𑐖𑐵𑐟𑐶 𑐀𑐢𑐶𑐎𑐵𑐬𑐫𑐵 𑐏𑑃 (𑐜𑐵. 𑐧𑐵𑐮 𑐐𑑀𑐥𑐵𑐮 𑐱𑑂𑐬𑐾𑐲𑑂𑐛𑐫𑐵 𑐔𑑂𑐰𑐳𑐹)
𑐩𑐢𑐾𑐱𑐷 𑐁𑐣𑑂𑐡𑑀𑐮𑐣, 𑐩𑐢𑐾𑐱𑐷 𑐨𑑁𑐩𑐔𑐵, 𑐀𑑄𑐐𑐶𑐎𑐺𑐟 𑐣𑐵𑐐𑐬𑐶𑐎, 𑐴𑐶𑐣𑑂𑐡𑐶 𑐨𑐵𑐲𑐵, 𑐳𑐶𑐎𑑂𑐎𑐶𑐩𑐶𑐎𑐬𑐞, 𑐦𑐶𑐖𑐶𑐎𑐬𑐞 𑐀𑐮𑐾 𑐰 𑐣𑐾𑐰𑐵𑑅 𑐖𑐵𑐟𑐶 𑐜𑐵. 𑐧𑐵𑐮 𑐐𑑀𑐥𑐵𑐮 𑐱𑑂𑐬𑐾𑐲𑑂𑐛 𑐣𑑂𑐴𑐾𑐠𑐵𑐣𑐵 : 𑐣𑐾𑐥𑐵𑐫𑐵 𑐬𑐵𑐖𑑂𑐫𑐳𑐟𑑂𑐟𑐵 𑐠𑑁𑑄 𑐏𑐸𑐬𑐵𑐦𑐵𑐟𑐷 𑐡𑐶𑐩𑐵𑐐𑐥𑐶𑑄 𑐏𑐫𑑂‌ 𑐧𑑂𑐬𑐩𑑂𑐴𑐸𑐟𑐫 𑐮𑑂𑐴𑐵𑐟𑐫 𑐮𑐵𑐣𑐵𑐔𑑀𑑄𑐐𑐸 𑐡𑐸 𑑋 𑐟𑐥𑑂𑐫𑑄𑐎 𑐴𑐾 𑐢𑐵𑐫𑐾𑐧𑐮𑐫𑑂 𑐕𑐥𑐸𑐔 𑐱𑐵𑐲𑐎𑐰𑐬𑑂𑐐𑐫𑐵 𑐲𑐜𑐫𑐣𑑂𑐟𑑂𑐬𑐎𑐵𑐬𑐷 𑐏𑐳(𑐁𑐬𑑂𑐫 𑐣𑐱𑑂𑐮𑐫𑐵 𑐧𑑂𑐬𑐩𑑂𑐴𑐸 𑐎𑑂𑐲𑐾𑐟𑑂𑐬𑐷 𑐀𑐗 𑐮𑐵 𑐀𑐥𑑀 𑐫𑐵𑐣𑐵 𑐚𑐥𑐬𑐚𑐸𑐂𑑄𑐫𑑂𑐫𑐵 𑐥𑑂𑐬𑐰𑐺𑐟𑐶𑐥𑐶𑑄 𑐏𑐫𑑂 𑐧𑑂𑐬𑐩𑑂𑐴𑐸𑐟𑐫𑐳𑑄 𑐴𑐾 𑐖𑐎 𑐬𑐵𑐖𑑂𑐫𑐳𑐟𑑂𑐟𑐵𑐫 𑐴𑐵𑐮𑐷𑐩𑐸𑐴𑐵𑐮𑐷 𑐫𑐵𑐣𑐵𑐔𑑀𑑄𑐐𑐸 𑐠𑑁𑑄𑐫𑐵 𑐳𑑂𑐠𑐶𑐟𑐶 𑐡𑐸 𑑋 𑐣𑐾𑐰𑐵𑐟𑐫𑐳𑑄 𑐟𑐵 𑐃 𑐣𑑂𑐴𑐾𑐰𑐣𑐶𑐳𑐾𑑄 𑐀𑐢𑐶𑐎𑐵𑐬𑐫𑐵 𑐁𑐣𑑂𑐡𑑀𑐮𑐣 𑐫𑐵𑐣𑐵 𑐰𑐫𑐵𑐔𑑀𑑄𑐐𑐸 𑐏 𑑋 𑐟𑐬 𑐁𑐟𑐮𑐾𑑄 𑐣𑐾𑐰𑐵𑐟𑐫𑐳𑑄 𑐠𑐐𑐸 𑐕𑐸𑑄 𑐣𑑄 𑐀𑐢𑐶𑐎𑐵𑐬 𑐎𑐵𑐫𑐾 𑐦𑐫𑐵𑐔𑑀𑑄𑐐𑐸 𑐢𑐵𑐳𑐵 𑐩𑐡𑐸 𑑋 […]

𑐨𑐵𑐲𑐵 𑐖𑐵𑐟𑐶 𑐀𑐢𑐶𑐎𑐵𑐬𑐫𑐵 𑐏𑑃 ...



𑐨𑑂𑐰𑐟𑐫𑑂 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐧𑐵𑐬𑐾 𑐳𑐴𑐮𑐴
𑐨𑑂𑐰𑐟 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐨𑑂𑐰𑐟𑐫𑑂 𑐣𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐧𑑂𑐰𑑄𑐎𑐾𑐐𑐸 𑐏𑑃𑐫𑐵𑐟 𑐎𑐫𑐵𑑅 𑐩𑑂𑐴𑐶𑐐𑑅 𑐨𑑂𑐰𑐟𑐫𑐵 𑐳𑑂𑐠𑐵𑐣𑐷𑐫 𑐨𑐵𑐲𑐶𑐎 𑐎𑐵𑐬𑑂𑐫𑐎𑐬𑑂𑐟𑐵 𑐰 𑐫𑐾𑑃𑐫𑐵 𑐨𑐵𑐲𑐶𑐎 𑐀𑐨𑐶𑐫𑐣𑑂𑐟𑐵𑐟𑐫𑑂 𑐡𑐠𑐸𑐂 𑐏𑑃𑐮𑑂𑐴𑐵𑐧𑐮𑑂𑐴𑐵 𑐖𑐸𑐮 𑑋 𑐨𑑂𑐰𑐟𑐫𑐵 𑐣𑐾𑐰𑐵𑑅 𑐐𑐸𑐠𑐶 𑐳𑐩𑐵𑐖𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐄𑐐𑐸 𑐏𑑃𑐮𑑂𑐴𑐵𑐧𑐮𑑂𑐴𑐵𑐫𑑂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑑂 𑐳𑑂𑐠𑐵𑐣𑐷𑐫 𑐰𑐶𑐲𑐫𑐫𑐵 𑐥𑐵𑐛𑑂𑐫𑐎𑑂𑐬𑐩 𑐡𑐫𑐾𑐎𑐵𑐡𑐷𑐥𑐶𑑄 𑐜𑐵. 𑐔𑐸𑐣𑑂𑐡𑐵 𑐰𑐖𑑂𑐬𑐵𑐔𑐵𑐬𑑂𑐫, 𑐰𑐬𑐸𑐞𑐥𑑂𑐬𑐳𑐵𑐡 𑐰𑐿𑐡𑑂𑐫𑐥𑐶𑑄𑐳𑑄 𑐣𑑄 𑐧𑑂𑐰𑐟𑐶 𑐎𑐫𑐵𑐡𑐷𑐐𑐸 𑐏𑑅 𑑋 𑐏𑑃𑐮𑑂𑐴𑐵𑐧𑐮𑑂𑐴𑐵𑐫𑑂 𑐖𑐵𑐣𑐎𑐵𑐬𑐷 𑐧𑐶𑐄 𑐎𑐠𑑄 𑐧𑐣𑐾𑐥𑐵 𑐣𑐐𑐬𑐥𑐵𑐮𑐶𑐎𑐵𑑄 𑐁𑑅 𑑑 𑐟𑐐𑐶𑑄𑐣𑐶𑐳𑐾𑑄 𑑓 𑐟𑐐𑐶𑑄 𑐟𑐎 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐧𑑂𑐰𑑄𑐎𑐾𑐐𑐸 𑐖𑐸𑐂 𑐢𑐎𑐵𑑅 𑐩𑑁𑐏𑐶𑐎 𑐳𑐴𑐩𑐟𑐶 𑐖𑐹𑐐𑐸 𑐡𑐸𑑋 𑐟𑐬 𑐄𑐎𑐶𑐫𑐵 𑐮𑐵𑐐𑐶𑑄 𑐥𑐵𑐛𑑂𑐫𑐎𑑂𑐬𑐩 𑐢𑐵𑑅𑐳𑐵 𑐟𑐫𑐵𑐬 𑐩𑐖𑐹𑐣𑐶 […]

𑐨𑑂𑐰𑐟𑐫𑑂 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐧𑐵𑐬𑐾 ...


𑐊𑐎𑐾𑐡𑐩𑐶𑐥𑐵𑐏𑐾𑑄 𑐳𑑂𑐰𑑄𑐐𑐹 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵
𑐫𑐮 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐩𑐶𑐫𑐵 𑐐𑑂𑐰𑐳𑐵𑐮𑐫𑑂 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐳𑑂𑐰𑑄𑐐𑐹 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐖𑐸𑐮 𑑋 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐊𑐎𑐾𑐡𑐩𑐶𑐫𑐵 𑐳𑑄𑐬𑐎𑑂𑐲𑐎 𑐰𑐵𑐧𑑂𑐩𑐫 𑐱𑐟𑐵𑐧𑑂𑐡𑐷𑐥𑐸𑐬𑐸𑐲 𑐜𑐵. 𑐳𑐟𑑂𑐫𑐩𑑀𑐴𑐣 𑐖𑑀𑐱𑐷𑑄 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐊𑐎𑐾𑐡𑐩𑐶𑐫𑐵 𑐄𑐥𑐎𑐸𑐮𑐥𑐟𑐶𑐣𑐵𑐥𑑄 𑐳𑐵𑐴𑐶𑐟𑑂𑐫𑐎𑐵𑐬 𑐫𑐖𑑂𑐘𑐬𑐟𑑂𑐣 𑐢𑐵𑐏𑑂𑐰𑐵𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄 𑐖𑑀𑐱𑐷𑑄 𑐧𑐵𑐐𑐩𑐟𑐶 𑐥𑑂𑐬𑐡𑐾𑐱 𑐳𑐵𑐩𑐵𑐖𑐶𑐎 𑐰𑐶𑐎𑐵𑐳 𑐩𑐣𑑂𑐟𑑂𑐬𑐵𑐮𑐫𑐫𑐵 𑐐𑑂𑐰𑐵𑐴𑐵𑐮𑐶𑑄 𑐥𑐶𑐡𑑄𑐐𑐸 𑐊𑐎𑐾𑐡𑐩𑐶𑐫𑐵 𑐏𑑂𑐰𑐵𑑅𑐥𑑁 ‘𑐣𑐾𑐰𑐵𑑅 𑐥𑑂𑐬𑐖𑑂𑐘𑐵’ 𑐥𑑂𑐫𑑄𑐐𑐹𑐐𑐸 𑐮𑑂𑐫𑐵𑑅 𑐔𑑂𑐰𑐩𑐶 𑐫𑐖𑑂𑐘𑐬𑐟𑑂𑐣 𑐢𑐵𑐏𑑂𑐰𑐵𑐫𑐵 𑐧𑐵𑐏𑑄 𑐩𑐸𑐣𑐵 𑐳𑐦𑐹 ‘𑐔𑑄𑐀𑐖𑐶’ 𑐰 𑐥𑑂𑐬𑐵. 𑐜𑐵. 𑐔𑐣𑑂𑐡𑑂𑐬𑐩𑐵𑐣 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑐳𑐩𑐵𑐮𑑀𑐔𑐣𑐵 𑐔𑑂𑐰𑐳𑐸 𑐩𑐸𑐣𑐵 𑐳𑐦𑐹 ‘𑐮𑑂𑐴𑐵𑑅𑐔𑐶𑑄’𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐩𑐹𑐥𑐵𑐴𑐵𑑄 𑐖𑑀𑐱𑐷𑐫𑐵 𑐣𑐶𑐰𑐵𑐳𑐳𑑂𑐠𑐵𑐣𑐫𑑂 𑐡𑐫𑐾𑐎𑐵𑐔𑑂𑐰𑑄𑐐𑐸 𑐣𑐶𑐬𑑂𑐩𑐵𑐞𑐵𑐢𑐷𑐣 𑐮𑑀𑐎 𑐳𑐵𑐴𑐶𑐟𑐫 𑐥𑐬𑐶𑐲𑐡𑑂𑐫𑐵 𑐨𑐰𑐣𑐫𑑂 […]

𑐊𑐎𑐾𑐡𑐩𑐶𑐥𑐵𑐏𑐾𑑄 𑐳𑑂𑐰𑑄𑐐𑐹 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵


𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐩𑐶𑐥𑐶𑑄𑐳𑑄 𑐐𑐸𑐬𑐸 𑐴𑐣
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐬𑐟𑑂𑐣𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳 𑐰 𑐥𑐡𑑂𑐩𑐎𑐣𑑂𑐫𑐵 𑐎𑑂𑐫𑐵𑐩𑑂𑐥𑐳𑐫𑑂 𑐳𑑂𑐣𑐵𑐟𑐎 𑐟𑐐𑐶𑐩𑐫𑑂 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐵𑐔𑑂𑐰𑑄𑐥𑐶𑑄 𑐧𑑂𑐰𑐣𑐵𑐩𑐶𑐥𑐶𑑄𑐳𑑄 𑐟𑑅𑐖𑐶𑐎 𑐐𑐸𑐬𑐸 𑐥𑐸𑐣𑑂𑐴𑐶 𑐴𑑄𑐐𑐸 𑐡𑐸𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮𑐨𑐵𑐲𑐵 𑐥𑐸𑐬𑑂𑐣𑐳𑑂𑐠𑐵𑐥𑐣𑐵 𑐀𑐨𑐶𑐫𑐵𑐣𑐫𑑂 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄 𑐬𑐟𑑂𑐣𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳𑐫𑐵 𑐳𑐴𑐵𑐫𑐎 𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏 𑐐𑑀𑐧𑐶𑐣𑑂𑐡𑐥𑑂𑐬𑐳𑐵𑐡 𑐁𑐔𑐵𑐬𑑂𑐫, 𑐱𑑂𑐬𑐷𑐩𑐶𑐮𑐵 𑐳𑐸𑐰𑐵𑐮, 𑐣𑐵𑐣𑐷 𑐴𑐾𑐬𑐵 𑐥𑑂𑐬𑐖𑐵𑐥𑐟𑐶, 𑐥𑐡𑑂𑐫𑐎𑐣𑑂𑐫𑐵 𑐎𑑂𑐫𑐵𑐩𑑂𑐥𑐳𑐫𑐵 𑐥𑑂𑐬𑑀. 𑐩𑐡𑐣𑐳𑐾𑐣 𑐰𑐖𑑂𑐬𑐵𑐔𑐵𑐬𑑂𑐫𑐮𑐶𑐳𑐾𑑄 𑐬𑐟𑑂𑐣𑐬𑐵𑐖𑑂𑐫 𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳𑐫𑑂 𑐣𑑂𑐴𑐵𑐥𑐵𑑄𑐐𑐸𑐏𑐸𑐳𑐶𑐂 𑐣𑐾𑐥𑐵𑐮𑐨𑐵𑐲𑐵 𑐀𑐣𑐮𑐵𑐂𑐣 𑐎𑐎𑑂𑐲𑐵 𑐣𑑂𑐴𑑂𑐫𑐵𑐎𑐵𑐡𑐷𑐩𑑂𑐴 𑐀𑐣𑐸𑐥𑐳𑐶𑑄𑐴 𑐳𑐸𑐰𑐵𑐮 𑐰 𑐣𑐰𑐣𑐶𑐫𑐸𑐎𑑂𑐟𑐶 𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏 𑐖𑐷𑐰𑐣𑐢𑐬 𑐖𑑂𑐘𑐰𑐵𑐮𑐷𑐥𑐶𑑄𑐟 𑐴𑐣𑐾𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐩𑐣𑐶𑐲𑐎𑐸𑐩𑐵𑐬 𑐱𑑂𑐬𑐾𑐲𑑂𑐛𑑄 𑐣𑐾𑐥𑐵𑐮𑐨𑐵𑐲𑐵𑑄 𑐬𑐵𑐲𑑂𑐚𑑂𑐬𑐶𑐫 𑐀𑐳𑑂𑐟𑐶𑐟𑑂𑐰 𑐮𑑂𑐫𑑄𑐎𑐵𑐔𑑂𑐰𑑄𑐐𑐸 𑐖𑐸𑐫𑐵𑑅 𑐩𑐴𑐟𑑂𑐰𑐥𑐹𑐬𑑂𑐞 𑐨𑐵𑐲𑐵 𑐖𑐹𑐐𑐸 𑐣𑑂𑐴𑑂𑐫𑐠𑑄𑐳𑐾𑑄 𑐮𑐳𑐎𑐸𑐳 𑐫𑐵𑐣𑐵𑐡𑐶𑐮 𑑋 𑐀𑐠𑐾𑐴𑐾 𑐱𑐶𑐎𑑂𑐲𑐶𑐎𑐵 𑐱𑑂𑐬𑐷𑐩𑐶𑐮𑐵 […]

𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐩𑐶𑐥𑐶𑑄𑐳𑑄 𑐐𑐸𑐬𑐸 𑐴𑐣



𑐀𑐣𑐮𑐵𑐂𑐣 𑐎𑑂𑐮𑐵𑐳𑑄 𑐫𑐵𑐣𑐵𑑅 𑐧𑐖𑐵𑐬𑐫𑑂 𑐮𑑂𑐫𑐵𑐥𑐚𑐥 𑐀𑐨𑐵𑐰
𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐦𑐸𑐎𑑂𑐎 𑐳𑑂𑐎𑐹𑐮𑐟𑐫𑑂𑐳𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐀𑐣𑐮𑐵𑐂𑐣 𑐎𑐎𑑂𑐲𑐵 𑐎𑐵𑐫𑐾𑐐𑐸 𑐱𑐸𑐬𑐸 𑐫𑐵𑐣𑐵 𑐴𑐫𑐾𑐰𑑄 𑐧𑐖𑐵𑐬𑐫𑑂 𑐮𑑂𑐫𑐵𑐥𑐚𑐥𑐫𑐵 𑐀𑐨𑐵𑐰 𑐱𑐸𑐬𑐸 𑐖𑐹𑐐𑐸 𑐡𑐸𑑋 𑐔𑐶𑐔𑐷𑐢𑐶𑐎𑑅𑐥𑐶𑑄 𑐩𑐳𑑂𑐟𑐫𑑂𑐟 𑐟𑐎𑑄 𑐀𑐣𑐮𑐵𑐂𑐣𑐩𑐵𑐬𑑂𑐦𑐟 𑐎𑐎𑑂𑐲𑐵 𑐎𑐵𑐫𑐾𑐐𑐸 𑐱𑐸𑐬𑐸 𑐖𑐸𑐂𑐰𑑄 𑐧𑐖𑐵𑐬𑐫𑑂 𑐮𑑂𑐫𑐵𑐥𑐚𑐥 𑐟𑐎𑑄 𑐣𑑂𑐫𑐵𑐫𑐾𑐐𑐸 𑐩𑐡𑐫𑐵𑐰𑑄𑐐𑐸 𑐏𑑅 𑑋 𑐎𑐩𑑂𑐥𑑂𑐫𑐸𑐚𑐬 𑐥𑐳𑐮𑑂𑐫𑐵𑐟𑐫𑑂𑐳𑑄 𑐢𑐵𑑅𑐎𑐠𑑄 𑐠𑑁𑑄𑐎𑐣𑑂𑐴𑐫𑑂 𑐮𑑂𑐫𑐵𑐥𑐚𑐥𑐫𑐵 𑐟𑑅𑐢𑑄𑐐𑐸 𑐩𑐵𑐐 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑑋 𑐟𑐬 𑐩𑐵𑐐𑐎𑐠𑑄 𑐥𑐹𑐬𑑂𑐟𑐶 𑐢𑐵𑑅𑐳𑐵 𑐫𑐵𑐫𑐾 𑐦𑐫𑐵𑐔𑑂𑐰𑑄𑐐𑐸 𑐩𑐡𑐸𑐣𑐶 𑑋 𑐎𑑀𑐬𑑀𑐣𑐵𑐫𑐵 𑐎𑐵𑐬𑐞𑑄 𑐰𑐶𑐱𑑂𑐰𑐣𑑂𑐫𑑄𑐎𑑄 𑐫𑐵𑐟𑐵𑐫𑐵𑐟 𑐧𑐣𑑂𑐡 𑐖𑐸𑐫𑐵𑐔𑑂𑐰𑑄𑐐𑐸𑐮𑐶𑑄 𑐥𑐶𑐣𑐾𑑄 𑐳𑐵𑐩𑐵𑐣 𑐡𑐸𑐴𑐵𑑄 𑐰𑐫𑐾𑐐𑐸 𑐧𑐣𑑂𑐡 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑑋 𑐠𑐸𑐎𑐶𑑄 𑐫𑐵𑐣𑐵𑑅 𑐧𑐖𑐵𑐬𑐫𑑂 𑐣𑑂𑐴𑐹𑐐𑐸 𑐮𑑂𑐫𑐵𑐥𑐚𑐥 𑐰𑐫𑐵𑐔𑑂𑐰𑑄𑐐𑐸 𑐩𑐡𑐸𑑋 𑐣𑑂𑐴𑐹𑐐𑐸 𑐳𑐵𑐩𑐵𑐣 𑐩𑐡𑐸𑐐𑐸𑐮𑐶𑑄 𑐧𑐖𑐵𑐬𑐫𑑂 𑐮𑑂𑐫𑐵𑐥𑐚𑐥𑐫𑐵 𑐩𑐵𑐐 𑐡𑐸𑐳𑐵𑑄 𑐁𑐥𑐹𑐬𑑂𑐟𑐶 𑐢𑐵𑑅𑐳𑐵 […]

𑐀𑐣𑐮𑐵𑐂𑐣 𑐎𑑂𑐮𑐵𑐳𑑄 𑐫𑐵𑐣𑐵𑑅 𑐧𑐖𑐵𑐬𑐫𑑂 ...


𑐣𑐷𑐖𑐶 𑐳𑑂𑐎𑐹𑐮 𑐳𑑄𑐔𑐵𑐮𑐎𑐫𑐵 𑐁𑐣𑑂𑐡𑑀𑐮𑐣 𑐳𑑂𑐠𑐐𑐶𑐟, 𑐀𑐣𑐮𑐵𑐂𑐣 𑐎𑐎𑑂𑐲𑐵 𑐣𑑂𑐴𑑂𑐫𑐵𑐣𑐵𑐟𑐸𑑄 𑐔𑑂𑐰𑐣𑐷
𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐮𑐮𑐾𑐣𑑂𑐡𑑂𑐬 𑐱𑐵𑐎𑑂𑐫 | 𑑒𑑐𑑗𑑗 𑐁𑐲𑐵𑐝 𑑒𑑒, 𑐳𑑀𑐩𑐧𑐵𑐬 𑑑𑑔:𑑕𑑙:𑑐𑑘 𑐳𑐬𑐎𑐵𑐬𑐮𑐶𑐳𑐾𑐫𑐵 𑐰𑐵𑐬𑑂𑐟𑐵 𑐳𑐎𑐵𑐬𑐵𑐟𑑂𑐩𑐎 𑐖𑐹𑐐𑐸 𑐢𑐵𑐳𑐾𑑄 𑐣𑐷𑐖𑐶 𑐳𑑂𑐎𑐹𑐮 𑐳𑑄𑐔𑐵𑐮𑐎𑐥𑐶𑐣𑑂𑐳𑑄 𑐁𑐣𑑂𑐡𑑀𑐮𑐣𑐫𑐵 𑐖𑑂𑐫𑐵𑐗𑑂𑐰𑑅 𑐳𑑂𑐠𑐐𑐶𑐟 𑐫𑐵𑑅𑐐𑐸 𑐡𑐸 𑑋 𑐂𑐩𑐶𑐳𑑄 𑐀𑐣𑐮𑐵𑐂𑐣 𑐀𑐢𑑂𑐫𑐫𑐣 𑐀𑐢𑑂𑐫𑐵𑐥𑐣 𑐀𑐰𑐬𑐸𑐡𑑂𑐢 𑐩𑐫𑐵𑐫𑐾𑐐𑐸 𑐣𑐶𑐬𑑂𑐞𑐫 𑐟𑐎𑑄 𑐫𑐵𑑅𑐐𑐸 𑐡𑐸 𑑋 𑐱𑐶𑐎𑑂𑐲𑐵, 𑐰𑐶𑐖𑑂𑐘𑐵𑐣 𑐰 𑐥𑑂𑐬𑐰𑐶𑐢𑐶𑐩𑐣𑑂𑐟𑑂𑐬𑐷 𑐐𑐶𑐬𑐶𑐬𑐵𑐖𑐩𑐞𑐶 𑐥𑑀𑐏𑐬𑐾𑐮𑐮𑐶𑐳𑐾 𑐁𑐂𑐟𑐰𑐵𑑅 𑐖𑐹𑐐𑐸 𑐳𑐴𑐮𑐴𑐳 𑐠𑑅𑐥𑐶𑐣𑐶𑐐𑐸 𑐩𑐵𑐐 𑐥𑐹𑐰𑐣𑐷𑐐𑐸 𑐳𑑄𑐎𑐾𑐟 𑐏𑐣𑐾𑐡𑐹𑐐𑐸 𑐰 𑐳𑑄𑐰𑐵𑐡 𑐖𑐵𑐬𑐷 𑐖𑐹𑐐𑐸𑐮𑐶𑑄 𑐁𑐣𑑂𑐡𑑀𑐮𑐣 𑐳𑑂𑐠𑐐𑐶𑐟 𑐫𑐵𑐣𑐵𑐐𑐸 𑐣𑐷𑐖𑐶 𑐰 𑐳𑑄𑐳𑑂𑐠𑐵𑐐𑐟 𑐳𑑂𑐎𑐹𑐮 𑐀𑐬𑑂𑐐𑐣𑐵𑐂𑐖𑐾𑐳𑐣 𑐣𑐾𑐥𑐵𑐮 (𑐥𑑂𑐫𑐵𑐧𑑂𑐳𑐣)𑐫𑐵 𑐣𑐵𑐫𑑅 𑐚𑐶𑐎𑐵𑐬𑐵𑐩 𑐥𑐸𑐬𑐷𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋 𑐮𑐎𑐜𑐵𑐄𑐣 𑐀𑐰𑐢𑐶𑐫𑐵 𑐣𑑄 𑐱𑐸𑐮𑑂𑐎 𑐎𑐵𑐫𑐾𑐩𑐏𑑄𑐐𑐸 𑐢𑐵𑐳𑐾𑑄 𑐳𑑂𑐎𑐹𑐮 𑐳𑑄𑐔𑐵𑐮𑐎𑐥𑐶𑐣𑑂𑐳𑑄 […]

𑐣𑐷𑐖𑐶 𑐳𑑂𑐎𑐹𑐮 𑐳𑑄𑐔𑐵𑐮𑐎𑐫𑐵 𑐁𑐣𑑂𑐡𑑀𑐮𑐣 ...


𑐩𑐵𑑄𑐫𑐵 𑐣𑑂𑐴𑑂𑐫𑐳𑑅 (𑐧𑐵𑐏𑑃)
𑐰𑐶𑐖𑐫𑐬𑐟𑑂𑐣 𑐀𑐳𑑄𑐧𑐬𑐾 𑐕𑐏𑐵 𑐕𑐾𑑃 𑑋 𑐀𑐣 𑐕𑐾𑑃𑐫𑑂 𑐕𑐩𑑂𑐴 𑐩𑐵𑑄 𑐰 𑐎𑐵𑐫𑑂 𑐖𑐎 𑐡𑐸 𑑋 𑐩𑐵𑑄 𑐰 𑐎𑐵𑐫𑑂 𑐡𑐠𑐸𑐂 𑐟𑐳𑐎𑑄 𑐡𑐸𑐏𑐳𑐸𑐏 𑐧𑑂𑐫𑐵 𑑋 𑐂𑐩𑐶𑐐𑐸 𑐩𑐵𑐫𑐵 𑐩𑐟𑐶𑐣𑐵𑐫𑐵𑐟 𑐁𑐥𑐵𑐳𑐶𑐣𑑄 𑐕𑐐𑐹 𑐡𑐳𑐹 𑐎𑐠𑑄 𑐎𑐵𑐫𑐾𑐐𑐸 𑐣𑑄 𑐫𑐵𑑅 𑑋 𑐂𑐩𑐶𑐟 𑐩𑐐𑐵𑑅𑐩𑐔𑐵𑑅 𑐢𑐂𑐐𑐸 𑐕𑐸𑑄 𑐣𑑄 𑐩𑐡𑐸 𑑋 𑐣𑐶𑐕𑐵 𑐣𑐫𑐾𑐟 𑐠𑐵𑐎𑐸 𑐩𑐖𑐸 𑑋 𑐀𑐨𑐵𑐰 𑐕𑐸𑑄 𑐩𑐡𑐸 𑑋 𑐧𑐸𑐮𑐸𑐴𑐸𑑃 𑐩𑐵𑑄𑐩𑑂𑐴 𑐕𑐾𑑃𑐫𑑂 𑐨𑑁𑐩𑐔𑐵 𑐕𑐩𑑂𑐴𑐾𑐳𑐶𑐫𑐵 𑐀𑐨𑐵𑐰 𑐩𑐴𑐳𑐸𑐳 𑐫𑐵𑐣𑐵 𑐴𑐮 𑑋 𑐨𑑁𑐩𑐔𑐵 𑐳𑑂𑐰𑐫𑐾𑐐𑐸 𑐩𑐣 𑐡𑐫𑐾𑐎𑐮 𑑋 𑐨𑑁𑐩𑐔𑐵 𑐕𑐾𑑃𑐫𑑂 𑐡𑐸𑐟𑐶𑐣𑐾𑐐𑐸 𑐩𑐟𑐷𑐟𑐫𑐵𑑅 𑐩𑐵𑑄𑐩𑑂𑐴𑑄 𑐎𑐵𑐫𑑂𑐩𑑂𑐴𑐾𑐳𑐶𑐟 𑐩𑑂𑐴𑐵𑑅 𑐩𑑂𑐴𑐵𑑅 𑐢𑐵𑐫𑐾𑐎 𑐃𑐴𑐶𑐥𑐵 𑐫𑐵𑐣𑐵 𑐧𑐶𑐮 𑑋 𑐨𑑁𑐩𑐔𑐵 𑐡𑐸𑐴𑐵𑑃 𑐰𑑅𑐐𑐸 […]

𑐩𑐵𑑄𑐫𑐵 𑐣𑑂𑐴𑑂𑐫𑐳𑑅 (𑐧𑐵𑐏𑑃)