nepal bhasa


𑐣𑑂𑐴𑑂𑐫𑐖𑑂𑐫𑐵𑑅 𑐏𑐮𑑅 𑐠𑐶𑐩𑐶𑐫𑐵 𑑖𑑑 𑐎𑑂𑐰𑑅𑐐𑐸 𑐧𑐸𑐡𑐶𑑄 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅𑐫𑐵𑐳𑐾𑑄 𑐴𑐣 𑑋 𑐩𑐢𑑂𑐫𑐥𑐸𑐬 𑐠𑐶𑐩𑐶 𑐣𑐐𑐬𑐫𑐵 𑐴𑐾 𑐕𑐐𑐹 𑐖𑐎 𑐋𑐟𑐶𑐴𑐵𑐳𑐶𑐎 𑐳𑑄𑐳𑑂𑐠𑐵 𑐏𑐮𑑅𑐫𑐵 𑑖𑑑 𑐎𑑂𑐰𑑅𑐐𑐸 𑐰𑐵𑐬𑑂𑐲𑐶𑐎𑑀𑐟𑑂𑐳𑐰𑐫𑐵 𑐮𑐳𑐟𑐵𑐫𑑂 𑐳𑐵𑐴𑐶𑐟𑑂𑐫𑐶𑐎 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐖𑑂𑐫𑐵𑐗𑑂𑐰𑑅 𑐫𑐵𑐳𑐾𑑄 𑐴𑑄𑐐𑐸 𑐏𑑅 𑑋 𑐏𑐮𑑅𑐫𑐵 𑐣𑐵𑐫𑑅 𑐡𑐵𑐩𑑀𑐡𑐬 𑐱𑑂𑐬𑐾𑐲𑑂𑐛𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐠𑐣𑐫𑐵 𑐋𑐟𑐶𑐴𑐵𑐳𑐶𑐎 𑐣𑐶𑐐𑐹 𑐥𑐸𑐏𑐸𑐮𑐶𑐂 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐄𑐮𑐾𑐖𑑂𑐫𑐵 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐩𑑂𑐴 𑐣𑐾𑐰𑐵𑑅 𑐁𑐣𑑂𑐡𑑀𑐮𑐣𑐫𑐵 𑐣𑑂𑐴𑑂𑐫𑐮𑐸𑐰𑐵, 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐫𑐵 𑐳𑑄𑐬𑐎𑑂𑐲𑐎𑐮𑐶𑐳𑐾𑑄 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑐫𑐵 𑐄𑐥𑐎𑐸𑐮𑐥𑐟𑐶 𑐩𑐮𑑂𑐮 𑐎𑐾. 𑐳𑐸𑐣𑑂𑐡𑐬𑑄 𑐟𑑂𑐰𑐵𑑅𑐡𑐾𑐰𑐵𑐫𑑂 𑐩𑐟 𑐔𑑂𑐫𑐵𑐎𑐵𑑅 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑐰𑐵𑐳𑐾𑑄 𑐩𑐹𑐥𑐵𑐴𑐵𑑄 𑐩𑐮𑑂𑐮 𑐎𑐾. 𑐳𑐸𑐣𑑂𑐡𑐬𑑄 𑐢𑐫𑐵𑐡𑐶𑐮, ‘𑐗𑐷𑐥𑐶𑑄 𑐨𑐵𑐲𑐵, 𑐎𑐮𑐵, 𑐳𑑄𑐳𑑂𑐎𑐺𑐟𑐶 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐬𑐸𑐥𑑄 𑐟𑑅𑐩𑐶 𑐖𑐹𑐐𑐸𑐮𑐶𑐂 𑐴𑐾 𑐀𑐗𑑄 𑐣𑑂𑐴𑐵𑐫𑑂 𑐢𑐳𑑂𑐰𑐵𑐎𑐵𑐔𑑂𑐰𑐣𑐵 𑑋 𑐗𑐷 𑐣𑐷𑐟𑐶 𑐣𑐶𑐬𑑂𑐩𑐵𑐞 𑐫𑐵𑐫𑐾𑐐𑐸 𑐠𑐵𑐳𑐫𑑂 𑐟𑐎 𑐠𑑂𑐫𑑄𑐎𑐾𑐐𑐸𑐮𑐶𑑄 𑐣𑑂𑐴𑑂𑐫𑐵𑐧𑐮𑐾𑑄 𑐮𑐶𑐄𑐣𑐾 𑐴𑐾 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐗𑐷𑐳𑑄 𑐗𑐷𑐐𑐸 𑐨𑐵𑐲𑐵, 𑐖𑐵𑐟𑐶, 𑐳𑑄𑐳𑑂𑐎𑐺𑐟𑐶 𑐰 𑐥𑐴𑐶𑐔𑐵𑐣𑐫𑐵 […]

𑐣𑑂𑐴𑑂𑐫𑐖𑑂𑐫𑐵 𑐏𑐮𑑅𑐫𑐵 𑑖𑑑 𑐎𑑂𑐰𑑅𑐐𑐸 𑐰𑐵𑐬𑑂𑐲𑐶𑐎𑑀𑐟𑑂𑐳𑐰


𑐣𑐾𑐰𑐵𑑅 𑐩𑐶𑐳𑐵 𑐡𑐧𑐸 𑐨𑑀𑐖𑐥𑐸𑐬 𑐖𑐶𑐮𑑂𑐮𑐵 𑐖𑑂𑐫𑐵𑐳𑐣𑐵 𑐥𑐸𑐔𑑅𑐫𑐵 𑐐𑑂𑐰𑐳𑐵𑐮𑐫𑑂 𑐮𑐕𑐶 𑐟𑐎 𑐣𑐾𑐥𑐵𑐮 𑐨𑐵𑐳𑐵 𑐳𑑂𑐫𑐣𑐾𑐐𑐸 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐖𑑂𑐫𑐵𑑄𑐐𑐸 𑐡𑐸 𑑋 𑐣𑑂𑐴𑐶𑐣𑐳𑐶𑐫𑐵 𑑔 𑐟𑐵 𑐂𑐮𑐫𑑂 𑐣𑐶𑐳𑐾𑑄 𑑖 𑐟𑐵 𑐂𑐮𑐫𑑂 𑐟𑐎 𑐨𑐶𑐣𑑂𑐟𑐸𑐣𑐵 𑐴𑑀𑐚𑐮 𑐜𑐵𑑃𑐜𑐵 𑐐𑐵𑐄𑐮𑐫𑑂 𑐣𑑂𑐴𑑂𑐫𑐵𑐣𑐵𑐔𑑂𑐰𑐐𑐸 𑐏𑑅 𑐳𑐵 𑐮𑐶𑐥𑐵𑐐𑐸 𑐂𑐮𑐫𑑂 𑐨𑑀𑐖𑐥𑐸𑐬𑐫𑐵 𑐧𑑀𑐏𑐶𑐩𑐔𑑂𑐰𑐥𑐶𑑄 𑐧𑐵𑐳𑐷𑐟𑐫𑑂‌𑐳𑑄 𑐠𑑅𑐐𑐸 𑐩𑐔𑐵𑐟𑐫𑑂‌𑐟 𑐣𑑄 𑐣𑐾𑐰𑐵𑑅 𑐨𑐵𑐳𑐵 𑐳𑑂𑐫𑐣𑐾𑐟 𑐂𑐣𑐵𑐥 𑐫𑐵𑑅𑐐𑐸 𑐎𑐠𑑄 𑐨𑑀𑐖𑐥𑐸𑐬𑐫𑐵 𑐡𑐾𑐄𑐬𑐵𑐮𑐷 𑐣𑑄 𑐣𑐾𑐰𑐵𑑅 𑐨𑐵𑐳𑐵 𑐳𑑂𑐫𑐣𑐾𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐐𑐸 𑐡𑐸 𑑋 𑐨𑑀𑐖𑐥𑐸𑐬𑐫𑑂 𑐣𑐾𑐥𑐵𑐮 𑐨𑐵𑐳𑐵 𑐣𑑂𑐰𑐵𑐫𑐾𑐐𑐸 𑐖𑑂𑐫𑐵 𑐩𑑂𑐴 𑐖𑐸𑐐𑐹 𑐂𑐮𑐫𑑂 𑐨𑑀𑐖𑐥𑐸𑐬 𑐩𑐶𑐳𑐵 𑐡𑐧𑐹 𑐣𑐵𑐫𑑅 𑐀𑐰𑐣𑐷 𑐱𑐵𑐎𑑂𑐫, 𑐳𑑂𑐫𑐣𑐵𑐩𑐶 𑐨𑐬𑐟 𑐟𑐵𑐩𑑂𑐬𑐵𑐎𑐵𑐬 𑐰 𑐳𑑂𑐫𑐣𑐵𑐩𑐶 𑐀𑐩𑐺𑐎𑐵 𑐟𑐵𑐩𑑂𑐬𑐵𑐎𑐵𑐬 𑐖𑐵𑐣𑐵𑑅 𑐠𑐸𑐐𑐹 𑐥𑐮𑐵 𑐣𑑂𑐴𑑂𑐫𑐵𑐎𑐵𑐡𑐶𑐐𑐸 𑐏𑑅 𑑋 𑐩𑐵 𑐨𑐵𑐫𑑂 𑐗𑐶𑐐𑐸 𑐩𑑂𑐴𑐳𑐶𑐎𑐵 𑐏𑑅 𑑋 𑐠𑑂𑐰𑑅 𑐬𑐵𑐖𑑂𑐫𑐫𑐵 𑐳𑐩𑑂𑐥𑐟𑑂𑐟𑐶 𑐏𑑅 𑑋 𑐠𑐸𑐂𑐟 𑐩𑑂𑐰𑐵𑐎𑐾 𑐩𑐵 𑐢𑐵𑐂𑐐𑐸 𑐟𑐵𑐟𑐸𑐣𑐵 […]

𑐨𑑀𑐖𑐥𑐸𑐬𑐫𑑂 𑐮𑐕𑐶 𑐟𑐎 𑐨𑐵𑐳𑐵 𑐥𑑂𑐬𑐱𑐶𑐎𑑂𑐲𑐞 ...


𑐮𑐎𑑂𑐲𑑂𑐩𑐞 𑐬𑐵𑐖𑐰𑑄𑐱𑐷  𑐣𑐾𑐰𑐵𑑅𑐟𑐫𑑂𑐟 𑐎𑑂𑐰𑐵𑑅𑐑𑐵𑐳𑐵𑐫𑐵 𑐳𑐰𑐵𑑅 𑐠𑐸𑐂𑐎𑐵 𑐔𑑂𑐰𑐣𑐾𑐩𑑂𑐰𑐵𑑅 𑑋 𑐣𑐾𑐰𑐵𑑅𑐟𑐫𑑂 𑐎𑑂𑐰𑐵𑑅𑐑𑐵𑐳𑐵 𑐳𑐵𑐥 𑐫𑑅 𑑋 𑐎𑑂𑐰𑐵𑑅𑐑𑐵𑐳𑐵𑐫𑑂 𑐠𑑅𑐫𑐵𑐟 𑐫𑑅𑐐𑐸 𑐳𑐰𑐵𑑅 𑐎𑐵𑐫𑐾𑐖𑑂𑐫𑐹 𑑋 𑐩𑐫𑑅𑐐𑐸 𑐳𑐰𑐵𑑅 𑐩𑐾𑐫𑑂 𑐟𑑅𑐮𑐫𑑂 𑐮𑑂𑐴𑐵𑐎𑐾𑐖𑑂𑐫𑐹 𑑋 𑐣𑐵𑑄 𑐴𑐾 𑐎𑑂𑐰𑐵𑑅𑐑𑐵𑐳𑐵 𑐣𑑂𑐴𑑂𑐫𑐵𑐐𑐸 𑐎𑐵𑑅𑐳𑐵𑑄 𑐡𑐸𑐠𑑂𑐫𑐵𑐎𑐾𑐖𑑂𑐫𑐹 𑑋 𑐩𑑀𑐴𑐣𑐷 𑐰𑐵 𑐳𑑂𑐰𑐣𑑂𑐟𑐶 𑐣𑐏𑑅𑐧𑐮𑐫𑑂𑐫𑐵𑐐𑐸 𑐡𑑂𑐫𑑅𑐧𑑂𑐰𑑅, 𑐳𑑂𑐰𑐵𑑄 𑐎𑑂𑐰𑐎𑐵𑐫𑑂 𑐢𑐸𑐣𑐾𑐰𑑄 𑐧𑐵𑐳𑐶𑐐𑐸 𑐏𑑂𑐫𑐾𑑄, 𑐌, 𑐣𑑂𑐫𑐵, 𑐮𑐵, 𑐑𑐵𑐳𑐵𑐑𑐸𑐳𑐸 𑐳𑐎𑐟𑐵𑑄 𑐎𑑂𑐰𑐵𑑅𑐑𑐵𑐳𑐵𑐫𑑂 𑐡𑐸𑐠𑑂𑐫𑐵𑑅 𑑋 𑐎𑑂𑐰𑐵𑑅𑐑𑐵𑐳𑐵𑐫𑐵 𑐣𑐵𑑄 𑐩𑐡𑐸 𑑋 𑐎𑑂𑐰𑐵𑑅𑐐𑐸 𑐑𑐵𑐳𑐵 𑑋 𑐩𑐾𑐐𑐸 𑐑𑐵𑐳𑐵 𑐣𑑂𑐴𑑂𑐫𑐵𑐎𑑂𑐰 𑐎𑑂𑐰𑐵𑑅𑐳𑐵𑑄 𑐎𑑂𑐰𑐵𑑅𑐑𑐵𑐳𑐵 𑐢𑐵𑐂𑐩𑐏𑐸 𑑋 𑐠𑑂𑐰 𑐕𑐸𑑄 𑐕𑐟𑐵 𑐑𑐵𑐳𑐵𑐫𑐵𑐐𑐸 𑐣𑐵𑑄 𑐩𑐏𑐸 † 𑐧𑐵𑐳𑐶𑐐𑐸 𑐟𑑅𑐟𑐵 𑐧𑐹𑐧𑑅 𑐑𑐵𑐳𑐵𑐑𑐸𑐳𑐸 𑐮𑑂𑐰𑐵𑐎𑐖𑑂𑐫𑐵𑐂𑐐𑐸𑐮𑐶𑑄 𑐠𑐸𑐎𑐶𑐫𑐵 𑐳𑐰𑐵𑑅 𑐠𑐠𑐾 𑐏𑑅 𑐢𑐵𑐫𑐾𑐦𑐿𑐩𑐏𑐸 𑑋 𑐫𑑅𑐩𑑂𑐴𑐾𑐳𑐶𑐫𑐵𑑄 𑐫𑑅𑐐𑐸 𑐳𑐰𑐵𑑅 𑐠𑑂𑐰𑐷𑐎𑐷 𑑋   𑐣𑐾𑐰𑐵𑑅𑐟𑐫𑑂 𑐫𑑅𑐐𑐸 𑐰 𑐄𑐩𑐶𑐟 𑐖𑐎 𑐮𑑂𑐰𑑅𑐐𑐸 𑐑𑐵𑐳𑐵 𑐣𑐾𑐰𑐵𑑅 𑐔𑐬𑐶𑐟𑑂𑐬𑐮𑐶𑐳𑐾 𑐖𑑂𑐰𑑅𑐮𑐵𑑅 𑑋 𑐄𑐩𑐶𑐟 […]

𑐎𑑂𑐰𑐵𑑅𑐑𑐵𑐳𑐵



–𑐬𑐷𑐡𑐾𑐣 𑐩𑐴𑐬𑑂𑐖𑐣 𑐎𑐶𑐥𑐹—𑑑 𑐥𑐵𑐥–𑐥𑐸𑐞𑑂𑐫–𑐢𑐬𑑂𑐩 𑐢𑐫𑐵𑐐𑐸 𑐕𑐸𑑄 𑐏𑑅 ? 𑐖𑐶𑑄 𑐩𑐳𑐶𑐮, 𑐖𑐶 𑐩𑐠𑐸𑐮 ! 𑐗𑐷 𑐣𑐾𑐰𑐵𑑅 𑐖𑐸𑐫𑐵𑐣𑑄 𑐖𑐸𑐫𑐵𑐣𑑄 𑐗𑐷𑐳 𑐩𑐵𑑄𑐨𑐵𑐳𑑄 𑐣𑐸𑐐𑑅 𑐔𑐎𑑄𑐎𑐵𑑅 𑐣𑐸𑐐𑐮𑐫𑑂 𑐳𑑂𑐰𑐵𑑃 𑐴𑑂𑐰𑐫𑐾𑐎𑐵𑑅 𑐣𑐸𑐐𑑅 𑐳𑑅 𑐠𑑂𑐰𑐫𑐾𑐎𑐵𑑅 𑐩𑐵𑑄𑐨𑐵𑐫𑑂𑐫𑐵𑐟 𑐩𑐟𑐶𑐣𑐵 𑐩𑐫𑐵𑐳𑐾 𑐏𑐮𑑂𑐴𑐵𑐧𑐮𑑂𑐴𑐵 𑐫𑐵𑐂𑐩𑐏𑐸 𑐠𑑂𑐰𑐴𑐾 𑐡𑐎𑐮𑐾 𑐟𑐢𑑄𑐐𑐸 𑐥𑐵𑐥 𑐖𑐸𑐂 𑑋𑑋 𑐗𑐷 𑐣𑐾𑐰𑐵𑑅 𑐖𑐸𑐫𑐵𑑅 𑐩𑐵𑑄𑐨𑐵𑐳𑐵𑐫𑐵𑐟 𑐢𑑂𑐫𑐵𑐎𑐸𑐣𑐫𑑂 𑐰𑐵𑑄𑐕𑑂𑐰𑐫𑐵𑑅 𑐨𑑂𑐰𑐵𑐳𑐶 𑐖𑐸𑐫𑐵𑑅 𑐠𑑅𑐠𑐰𑐫𑑂 𑐐𑐵𑐮𑐫𑑂 𑐣𑐬𑑂𑐎𑐫𑑂 𑐎𑐸𑐴𑐵𑑄 𑐰𑐣𑐵𑑅 𑐎𑐬𑑂𑐎𑐶𑐫𑐵 𑐨𑐵𑐫𑑂 𑐕𑑂𑐫𑐮𑐵𑑅 𑐡𑐵𑐳 𑐖𑐸𑐫𑐵𑑅 𑐏𑑃 𑐮𑑂𑐴𑐵𑐂 𑐡𑐎𑐮𑐾 𑐟𑑅𑐢𑑄𑐐𑐸 𑐴𑐶𑑄𑐳𑐵 𑐖𑐸𑐂 𑐀𑐮𑐾 𑐥𑐸𑐞𑑂𑐫 𑐢𑐫𑐵𑐐𑐸 𑐠𑑂𑐰𑐴𑐾 𑐖𑐸𑐂 𑑋𑑋 𑐗𑐷𑐳𑑄 𑐗𑐷𑐐𑐸 𑐩𑐵𑑄𑐨𑐵𑐫𑑂𑐫𑐵𑐟 𑐐𑐸𑐮𑐶 𑐩𑐟𑐶𑐣𑐵 𑐫𑐵𑐂 𑐄𑐮𑐶𑐴𑐾 𑐗𑐷𑐟 𑐩𑐟𑐶𑐣𑐵 𑐫𑐵𑐂 𑐡𑐸𑐣𑐸𑐐𑐮𑑄 𑐠𑐸𑐂𑐎𑐵𑑅 𑐗𑐷 𑐗𑐷 𑐖𑐵𑐣𑐵𑑅 𑐗𑐷𑐐𑐸 𑐩𑐵𑑄𑐨𑐵𑐫𑑂𑐫𑐵𑐟 𑐴𑑅𑐥𑐵𑑅 𑐧𑐶𑐫𑐵𑑅 𑐠𑐎𑐵𑐫𑐾𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐎𑐷 𑐠𑑂𑐰𑐴𑐾 𑐡𑐎𑐮𑐾 𑐟𑑅𑐢𑑄𑐐𑐸 𑐥𑐹𑐞𑑂𑐫 𑐖𑐸𑐂 𑑋𑑋 𑐗𑐷𑐐𑐸 𑐩𑐵𑑄𑐨𑐵𑐫𑑂 𑐡𑐿𑐰𑐷–𑐱𑐎𑑂𑐟𑐶𑑄 𑐖𑐵𑑅𑐐𑐸 […]

𑐥𑐵𑐥–𑐥𑐸𑐞𑑂𑐫–𑐢𑐬𑑂𑐩 (𑐔𑐶𑐣𑐵𑐏𑑃)


𑐩𑐵𑑄𑐫𑐵 𑐣𑑂𑐴𑑂𑐫𑐳𑑅 (𑐧𑐵𑐏𑑃)
𑐰𑐶𑐖𑐫𑐬𑐟𑑂𑐣 𑐀𑐳𑑄𑐧𑐬𑐾 𑐕𑐏𑐵 𑐕𑐾𑑃 𑑋 𑐀𑐣 𑐕𑐾𑑃𑐫𑑂 𑐕𑐩𑑂𑐴 𑐩𑐵𑑄 𑐰 𑐎𑐵𑐫𑑂 𑐖𑐎 𑐡𑐸 𑑋 𑐩𑐵𑑄 𑐰 𑐎𑐵𑐫𑑂 𑐡𑐠𑐸𑐂 𑐟𑐳𑐎𑑄 𑐡𑐸𑐏𑐳𑐸𑐏 𑐧𑑂𑐫𑐵 𑑋 𑐂𑐩𑐶𑐐𑐸 𑐩𑐵𑐫𑐵 𑐩𑐟𑐶𑐣𑐵𑐫𑐵𑐟 𑐁𑐥𑐵𑐳𑐶𑐣𑑄 𑐕𑐐𑐹 𑐡𑐳𑐹 𑐎𑐠𑑄 𑐎𑐵𑐫𑐾𑐐𑐸 𑐣𑑄 𑐫𑐵𑑅 𑑋 𑐂𑐩𑐶𑐟 𑐩𑐐𑐵𑑅𑐩𑐔𑐵𑑅 𑐢𑐂𑐐𑐸 𑐕𑐸𑑄 𑐣𑑄 𑐩𑐡𑐸 𑑋 𑐣𑐶𑐕𑐵 𑐣𑐫𑐾𑐟 𑐠𑐵𑐎𑐸 𑐩𑐖𑐸 𑑋 𑐀𑐨𑐵𑐰 𑐕𑐸𑑄 𑐩𑐡𑐸 𑑋 𑐧𑐸𑐮𑐸𑐴𑐸𑑃 𑐩𑐵𑑄𑐩𑑂𑐴 𑐕𑐾𑑃𑐫𑑂 𑐨𑑁𑐩𑐔𑐵 𑐕𑐩𑑂𑐴𑐾𑐳𑐶𑐫𑐵 𑐀𑐨𑐵𑐰 𑐩𑐴𑐳𑐸𑐳 𑐫𑐵𑐣𑐵 𑐴𑐮 𑑋 𑐨𑑁𑐩𑐔𑐵 𑐳𑑂𑐰𑐫𑐾𑐐𑐸 𑐩𑐣 𑐡𑐫𑐾𑐎𑐮 𑑋 𑐨𑑁𑐩𑐔𑐵 𑐕𑐾𑑃𑐫𑑂 𑐡𑐸𑐟𑐶𑐣𑐾𑐐𑐸 𑐩𑐟𑐷𑐟𑐫𑐵𑑅 𑐩𑐵𑑄𑐩𑑂𑐴𑑄 𑐎𑐵𑐫𑑂𑐩𑑂𑐴𑐾𑐳𑐶𑐟 𑐩𑑂𑐴𑐵𑑅 𑐩𑑂𑐴𑐵𑑅 𑐢𑐵𑐫𑐾𑐎 𑐃𑐴𑐶𑐥𑐵 𑐫𑐵𑐣𑐵 𑐧𑐶𑐮 𑑋 𑐨𑑁𑐩𑐔𑐵 𑐡𑐸𑐴𑐵𑑃 𑐰𑑅𑐐𑐸 𑐡𑐶𑐣𑐏𑐸𑐣𑑂𑐴𑐸 𑐩𑐵𑑄𑐩𑑂𑐴𑐳𑐶𑐫𑐵 𑐏𑑂𑐰𑐵𑐮𑐫𑑂 𑐏𑐣𑐾𑐡𑐸𑐐𑐸 𑐮𑐳𑐟𑐵 𑐧𑐫𑐵𑐣 𑐫𑐵𑐫𑐾 𑐴𑐾 𑐠𑐵𑐎𑐸 𑑋 𑐣𑑂𑐴𑐶𑐄𑐐𑐸 𑐣𑑂𑐴𑐶𑐮𑑄𑐟𑐸𑑄 𑑋 𑐩𑑂𑐴𑐸𑐟𑐸𑐥𑑂𑐰𑐵𑑅 𑐴𑐾 𑐎𑐩𑐟𑐶𑐄 𑑋 𑐄𑐏𑐸𑐣𑑂𑐴𑐸 𑐩𑐵𑑄𑐩𑑂𑐴𑐾𑐳𑐶𑐫𑐵 𑐏𑑂𑐰𑐵𑑅 […]

𑐩𑐵𑑄𑐫𑐵 𑐣𑑂𑐴𑑂𑐫𑐳𑑅 (𑐧𑐵𑐏𑑃)


𑐣𑐾𑐥𑐵𑐮𑐨𑐵𑐲𑐵𑐫𑐵 𑐂𑐟𑐶𑐴𑐵𑐳𑐫𑑂 𑑒𑑒 𑐳𑐵𑐮𑐫𑐵 𑐁𑐣𑑂𑐡𑑀𑐮𑐣
𑐣𑑂𑐴𑑂𑐫𑐏𑑃 𑐣𑐾𑐥𑐵𑐮𑐨𑐵𑐲𑐵 𑐣𑐾𑐥𑐵𑑅𑐫𑐵 𑐕𑐐𑐹 𑐥𑐸𑐮𑐵𑑄𑐐𑐸 𑐨𑐵𑐲𑐵 𑐏𑑅 𑑋 𑐠𑑂𑐰𑐫𑐵 𑐂𑐟𑐶𑐴𑐵𑐳 𑑑𑑕 𑐳𑑅 𑐡𑑃 𑐳𑑂𑐰𑐫𑐵𑑄 𑐥𑐸𑐮𑐵𑑄 𑑋 𑐧𑑀𑐮𑐶𑐔𑐵𑐮𑐶𑐫𑐵 𑐨𑐵𑐲𑐵 𑐖𑐎 𑐩𑐏𑐸, 𑐣𑐾𑐥𑐵𑐮 𑐳𑑄𑐰𑐟𑑂 𑑒𑑓𑑕 𑐣𑐶𑐳𑐾𑑄 𑐮𑐶𑐏𑐟 𑐨𑐵𑐲𑐵𑐫𑐵 𑐬𑐸𑐥𑐫𑑂 𑐴𑐾 𑐰𑐶𑐎𑐳𑐶𑐟 𑐖𑐸𑐂𑐢𑐸𑑄𑐎𑐹𑐐𑐸 𑐨𑐵𑐲𑐵 𑐏𑑅 𑑋 𑐥𑑂𑐬𑐱𑐵𑐳𑐣, 𑐳𑐵𑐴𑐶𑐟𑑂𑐫, 𑐳𑐘𑑂𑐔𑐵𑐬 𑐁𑐡𑐶 𑐠𑐷𑐠𑐷 𑐏𑑂𑐫𑐮𑐫𑑂 𑐧𑐸𑐮𑐸𑐴𑐸𑑄 𑐣𑑂𑐫𑐣𑐵 𑐰𑐣𑐵𑑅 𑐄𑐟𑑂𑐟𑐬 𑐩𑐮𑑂𑐮𑐎𑐵𑐮 𑐠𑑂𑐫𑑄𑐧𑐮𑐫𑑂 𑐠𑑂𑐰 𑐨𑐵𑐲𑐵𑑄 𑐳𑐩𑐵𑐖𑐫𑑂 𑐧𑑂𑐫𑐵𑐥𑐎 𑐠𑐵𑐫𑑂 𑐎𑐵𑐫𑐾 𑐢𑐸𑑄𑐎𑐹𑐐𑐸 𑐏𑑅 𑑋 𑐡𑐾𑐫𑑂𑐫𑐵 𑐬𑐵𑐖𑐎𑐷𑐫 𑐨𑐵𑐲𑐵 𑐖𑐸𑐂𑐢𑐸𑑄𑐎𑐹𑐐𑐸 𑐏𑑅 𑑋 𑐟𑐬 𑐥𑐺𑐠𑑂𑐰𑐷𑐣𑐵𑐬𑐵𑐫𑐞 𑐱𑐵𑐴𑑄 𑐳𑑂𑐰𑐣𑐶𑐐𑑅 𑐟𑑂𑐫𑐵𑐎𑐾𑐢𑐸𑑄𑐎𑐵𑑅 𑐣𑐾𑐥𑐵𑐮𑐨𑐵𑐲𑐵𑐫𑐵𑐟 𑐬𑐵𑐖𑑂𑐫 𑐨𑐵𑐲𑐵𑐫𑐵 𑐴𑐿𑐳𑐶𑐫𑐟 𑐩𑐡𑐫𑐵𑐰𑐣 𑑋 𑐬𑐵𑐞𑐵 𑐱𑐵𑐳𑐣𑐫𑐵 𑐂𑐮𑐫𑑂 𑐠𑑂𑐰 𑐨𑐵𑐲𑐵𑐫𑐵𑐟 𑐳𑐬𑐎𑐵𑐬𑐥𑐵𑐏𑐾𑑄 𑐟𑐳𑐎𑑄 𑐡𑐩𑐣 𑐖𑐸𑐮 𑑋 𑐠𑑂𑐰 𑐨𑐵𑐲𑐵𑑄 𑐔𑑂𑐰𑐫𑐾𑐐𑐸 𑐴𑐾 𑐳𑐬𑐎𑐵𑐬𑐫𑐵 𑐩𑐶𑐏𑐵𑐫𑑂 𑐀𑐥𑐬𑐵𑐢 𑐖𑐸𑐮 𑑋 𑐟𑐬 𑐠𑐖𑑂𑐫𑐵𑑅𑐐𑐸 𑐖𑑂𑐫𑐵𑐩𑐕𑐶𑑄𑐐𑐸 𑐰 𑐠𑐵𑐎𑐸𑐐𑐸 𑐂𑐮𑐫𑑂 𑐣𑑄 𑐖𑐣𑐟𑐵 𑐳𑐸𑐩𑑂𑐎 𑐩𑐔𑑂𑐰𑑄 𑑋 𑐥𑐞𑑂𑐜𑐶𑐟 𑐣𑐶𑐲𑑂𑐛𑐵𑐣𑐣𑑂𑐡 𑐰𑐖𑑂𑐬𑐵𑐔𑐵𑐬𑑂𑐫, 𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳 𑐩𑐴𑐵𑐖𑐸, 𑐩𑐵𑐳𑑂𑐟𑐬 𑐖𑐐𑐟 […]

𑐣𑐾𑐥𑐵𑐮𑐨𑐵𑐲𑐵𑐫𑐵 𑐂𑐟𑐶𑐴𑐵𑐳𑐫𑑂 𑑒𑑒 𑐳𑐵𑐮𑐫𑐵 𑐁𑐣𑑂𑐡𑑀𑐮𑐣