𑐫𑐾𑑃 – 𑐳𑑂𑐰𑐣𑐶𑐐𑑅𑐫𑐵 𑐐𑐸𑐮𑐶 𑐣𑑄 𑐎𑑂𑐫𑐵𑐩𑑂𑐥𑐳𑐫𑑂 𑐣𑑂𑐴𑐵𑐥𑐵 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐏𑑅, 𑐀𑐣 𑐁𑑅 𑐣𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐎𑐠𑑄 𑐥𑐸𑐣𑐳𑑂𑐬𑑂𑐠𑐵𑐥𑐣𑐵 𑐫𑐵𑐫𑐾𑐩𑐵𑑅𑐐𑐸 𑐩𑐵𑐐 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣𑑄 𑐫𑐵𑑅𑐐𑐸 𑐡𑐸 𑑋 𑐠𑐣𑐫𑐵 𑐁𑐬𑐁𑐬 𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣𑑄 𑐫𑐵𑑅𑐐𑐸 𑐕𑐐𑐹 𑐖𑑂𑐫𑐵𑐗𑑂𑐰𑐮𑐫𑑂 𑐠𑑂𑐰 𑐩𑐵𑐐 𑐣𑑂𑐴𑑂𑐫𑑅𑐣𑐾 𑐟𑑅𑐐𑐸 𑐏𑑅 𑑋 𑐫𑐸𑐣𑐶𑐫𑐣𑐥𑐵𑐏𑐾𑑄 𑐠𑐸𑐎𑐶𑐫𑐵 𑐣𑐵𑐥𑐣𑐵𑐥𑑄 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐷𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐕𑐵𑐟𑑂𑐬𑐰𑐺𑐟𑑂𑐟𑐶𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐩𑐵𑑅𑐐𑐸, 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐷𑐥𑐶𑑄 𑐱𑐶𑐎𑑂𑐲𑐎𑐟𑐫𑑂 𑐮𑐵𑐐𑐶𑑄 𑐡𑐬𑐧𑐣𑑂𑐡𑐷 𑐏𑑀𑐮𑐾 𑐫𑐵𑐫𑐾𑐩𑐵𑑅𑐐𑐸, 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐩𑐵𑑅𑐐𑐸 𑐥𑐵𑐛𑑂𑐫𑐳𑐦𑐹 𑐂𑐮𑐫𑑂 𑐕𑐵𑐥𑐾 𑐫𑐵𑐣𑐵 𑐧𑐷𑐩𑐵𑑅𑐐𑐸 𑐩𑐵𑐐 𑐣𑑄 𑐣𑑂𑐴𑑂𑐫𑑅𑐣𑐾 𑐟𑑅𑐐𑐸 𑐡𑐸 𑑋 𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵 𑐜𑐵. 𑐩𑐴𑐾𑐱𑐩𑐵𑐣 𑐱𑑂𑐬𑐾𑐲𑑂𑐛 𑐩𑐹𑐥𑐵𑐴𑐵𑑄 𑐎𑐠𑑄 𑐗𑐵𑐫𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏 𑐜𑐵. […]
