nepalbhasa story


𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)÷ 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫𑐫𑑂 𑐩𑐶𑐳𑐵 𑐳𑑂𑐬𑐲𑑂𑐚𑐵𑐟𑐫𑑂 𑐫𑑀𑐐𑐡𑐵𑐣 𑐧𑐶𑐲𑐫𑐫𑐵𑐟 𑐎𑐫𑐵𑑅 𑐕𑐐𑐹 𑐰𑐶𑐔𑐵𑐬 𑐐𑑀𑐲𑑂𑐛𑐶 𑐖𑐸𑐮 𑑋 𑐣𑐾𑐥𑐵𑐮 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣 𑐩𑐵𑐟𑐺𑐨𑐵𑐲𑐵 𑐰𑐶𑐨𑐵𑐐𑐫𑐵 𑐐𑑂𑐰𑐳𑐵𑐮𑐫𑑂 𑐐𑐸𑐘𑑂𑐖𑐣𑐮𑐶𑐳𑐾𑐫𑐵 𑐳𑐴𑐎𑐵𑐬𑑂𑐫𑐫𑐫𑑂 𑐄𑐐𑐸 𑐰𑐶𑐔𑐵𑐬 𑐐𑑀𑐲𑑂𑐛𑐶 𑐖𑐹𑐐𑐸 𑐏𑑅 𑑋 𑐐𑑀𑐲𑑂𑐛𑐶𑐫𑐵 𑐄𑐮𑐾𑐖𑑂𑐫𑐵 𑐫𑐵𑐳𑐾𑑄 𑐎𑐸𑐮𑐥𑐟𑐶 𑐐𑑄𑐐𑐵𑐥𑑂𑐬𑐳𑐵𑐡 𑐄𑐥𑐾𑑂𑐬𑐟𑐷𑑄 𑐬𑐵𑐲𑑂𑐚𑑂𑐬𑐶𑐫 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐳𑑄𑐑𑐳𑑄𑐳𑑂𑐠𑐵𑐮𑐶𑐳𑐾 𑐳𑐴𑐎𑐵𑐬𑑂𑐫 𑐫𑐵𑐣𑐵𑑅 𑐠𑐸𑐎𑐠𑑄𑐫𑐵 𑐖𑑂𑐫𑐵𑐗𑑂𑐰𑑅 𑐫𑐵𑐣𑐵 𑐰𑐣𑐾𑐐𑐸 𑐄𑐡𑑂𑐡𑐾𑐱𑑂𑐫𑐎𑐠𑑄 𑐩𑐶𑐳𑐵 𑐳𑐵𑐴𑐶𑐟𑑂𑐫𑐎𑐵𑐬𑐟𑐫𑑂 𑐳𑑄𑐳𑑂𑐠𑐵 𑐐𑐸𑐘𑑂𑐖𑐣𑐮𑐶𑐳𑐾𑐫𑐵 𑐳𑐴𑐎𑐵𑐬𑑂𑐫 𑐠𑐸𑐐𑐸 𑐰𑐶𑐔𑐵𑐬 𑐐𑑀𑐲𑑂𑐛𑐶 𑐫𑐵𑐣𑐵𑐐𑐸 𑐏𑑅 𑐢𑐫𑐵𑐡𑐶𑐮 𑑋 𑐮𑐶𑐳𑐾𑑄 𑐰𑐫𑑂𑐎𑐮𑑄 𑐥𑑂𑐬𑐟𑐶𑐲𑑂𑐛𑐵𑐣𑐥𑐵𑐏𑐾𑑄 𑐥𑐶𑐠𑐣𑐾𑐟𑑂𑐫𑐣𑐵𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑐬𑑂𑐰𑐩𑐵𑐣𑑂𑐫 𑐏𑑃𑐐𑑂𑐰𑑅𑐢𑐸𑐎𑐹 𑐫𑐵𑐎𑐣𑑄 𑐥𑐶𑐠𑐣𑐾𑐐𑐸𑐎𑐠𑑄 𑐟𑐫𑐵𑐬𑐷 𑐖𑐸𑐫𑐵𑐔𑑂𑐰𑑄𑐐𑐸 𑐣𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋 𑐰𑐶𑐨𑐵𑐐𑐫𑐵 𑐥𑑂𑐬𑐩𑐸𑐏 𑐮𑐎𑑂𑐲𑑂𑐩𑐷 𑐩𑐵𑐮𑐷𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑑂𑐬𑐲𑑂𑐚𑐵 𑐐𑐖𑐮 𑐔𑑂𑐰𑐩𑐶 𑐃𑐱𑑂𑐰𑐬𑐷𑐩𑐿𑑃𑐫𑐵 𑐱𑑂𑐬𑐾𑐲𑑂𑐛𑑄 ‘𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐣𑐵𑐬𑐷 𑐳𑑂𑐬𑐲𑑂𑐚𑐵𑐟𑐫𑑂 𑐫𑑀𑐐𑐡𑐵𑐣’ 𑐰𑐶𑐲𑐫𑐫𑑂 𑐖𑑂𑐫𑐵𑐥𑑁 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅𑐳𑐵 𑐎𑐰𑐫𑐶𑐟𑑂𑐬𑐷 𑐥𑑂𑐬𑐟𑐶𑐳𑐬𑐵 𑐳𑐵𑐫𑑂𑐩𑐶𑑄 𑐚𑐶𑐥𑑂𑐥𑐞𑐷 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐐𑐸𑐘𑑂𑐖𑐣𑐫𑐵 𑐀𑐢𑑂𑐫𑐎𑑂𑐲 𑐳𑐵𑐴𑐶𑐟𑑂𑐫𑐎𑐵𑐬 𑐖𑐮𑐾𑐱𑑂𑐰𑐬𑐷 𑐱𑑂𑐬𑐾𑐲𑑂𑐛𑑄 […]

𑐣𑐾𑐥𑐵𑐮𑐨𑐵𑐲𑐵 𑐩𑐶𑐳𑐵 𑐳𑐵𑐴𑐶𑐟𑑂𑐫𑐎𑐵𑐬 𑐰𑐶𑐲𑐫𑐫𑑂 𑐐𑑀𑐲𑑂𑐛𑐶


𑐣𑐾𑐥𑐵𑐮 𑐳𑑄𑐰𑐟𑑂 𑑑𑑐𑑔𑑐 𑐫𑐵 𑐖𑑅𑐏𑑅 ‘𑐬𑐵𑐐 𑐐𑐖𑐮 𑐎𑑁𑐰𑐵𑐮𑐷’ 𑐫𑐵 𑐣𑐵𑐩𑑄 𑐕𑐐𑐹 𑐥𑐬𑑂𑐔𑐵 𑐥𑐶𑐴𑐵𑑄 𑐰𑑅𑐐𑐸 𑐏𑑅 𑑋 𑐰 𑐣𑑄 𑐩𑐸𑐎𑑂𑐎𑑄 𑐕𑐐𑐹 𑐥𑐵𑐣𑐵𑐫𑐵 𑑋 𑐟𑐬 𑐠𑑂𑐰 𑐴𑐾 𑐕𑐐𑐹 𑐥𑐬𑑂𑐔𑐵𑐣𑐶𑐳𑐾𑑄 𑐣𑑂𑐴𑑂𑐫𑐵𑐂 𑐗𑐷𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐐𑐖𑐮 𑐥𑐬𑐩𑑂𑐥𑐬𑐵 𑑋 𑐔𑑂𑐰𑐩𑐶 𑐩𑐾𑐥𑐶𑑄 𑐳𑐸𑑄 𑐩𑐏𑐸, 𑐗𑐷 𑐠𑑅 𑐴𑐾 𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳 𑐩𑐴𑐵𑐖𑐸 𑐏𑑅 𑑋 𑐀𑐠𑐾𑐮𑐵 𑐣𑐾𑐥𑐵𑐮𑐨𑐵𑐲𑐵𑐫𑐵 𑐎𑐵𑐰𑑂𑐫 𑐏𑑂𑐫𑑅𑐫𑐵𑐟 𑐔𑐶𑐣𑐵𑐏“𑐫𑐵 𑐢𑐵𑐟𑑂𑐠𑐾𑑄𑐫𑐵 𑐬𑐹𑐥 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐧𑐶𑐄𑐩𑑂𑐴 𑐣𑑄 𑐰𑐫𑑂𑐎𑑅 𑐴𑐾 𑐏𑑅 𑑋 𑐠𑑂𑐰𑐫𑐵𑑄 𑐣𑑂𑐴𑑂𑐫𑑅 𑐟𑐎 𑐕𑐸𑑄 𑐨𑐔𑐵 𑐨𑐖𑐣, 𑐕𑐸𑑄 𑐨𑐔𑐵 𑐟𑐸𑐟𑑅, 𑐀𑐮𑐾 𑐧𑐵𑐏𑑄𑐩𑑂𑐫𑐾, 𑐥𑑂𑐫𑐵𑐏𑑄𑐩𑑂𑐫𑐾 𑐴𑐾 𑐖𑐎 𑐡𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐳𑐶𑐡𑑂𑐢𑐶𑐡𑐵𑐳 𑐴𑐾 𑐀𑐖𑑂𑐫𑐵𑑅𑐩𑑂𑐴 𑐣𑑂𑐴𑐵𑐥𑐵𑑄𑐩𑑂𑐴 𑐖𑐸𑐮, 𑐐𑐸𑐩𑑂𑐴𑐾𑐳𑐶𑐣𑑄 𑐣𑐾𑐥𑐵𑐮𑐨𑐵𑐲𑐵𑐫𑑂 𑐐𑐮𑐖 𑐥𑐬𑐩𑑂𑐥𑐬𑐵 𑐣𑑄 𑐣𑑂𑐴𑑂𑐫𑐵𑐎𑐮– 𑐰 𑐴𑐾 ‘𑐬𑐵𑐐 𑐐𑐖𑐮 𑐎𑑁𑐰𑐵𑐮𑐷’ 𑐥𑐵𑐏𑐾𑑄 𑑋 𑐠𑑅𑐐𑐸 𑐩𑐵𑑄𑐨𑐵𑐫𑑂𑐫𑐵 𑐳𑐾𑐰𑐵𑐫𑑂 𑐥𑐹𑐰𑑄𑐎 𑐠𑑅𑐐𑐸 𑐖𑐷𑐰𑐣 𑐥𑐵𑐣𑐵𑐰𑑄𑐩𑑂𑐴 𑐗𑐷 𑐩𑐴𑐵𑐎𑐰𑐶𑐫𑐵 𑑑𑑕𑑕 𑐎𑑂𑐰𑑅𑐐𑐸 𑐧𑐸𑐣𑑂𑐴𑐶 […]

𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳𑐫𑐵𑐟 𑐮𑐸𑐩𑑄𑐎𑐵 𑐕𑐗𑐵𑑅 𑐐𑐖𑐮


𑐖𑐬𑑂𑐩𑐣 𑐧𑐶𑐱𑑂𑐬𑑂𑐰𑐧𑐶𑐡𑑂𑐫𑐵𑐮𑐫𑐫𑐵𑐩𑑂𑐴 𑐧𑐶𑐡𑑂𑐰𑐵𑐣 𑐥𑑂𑐬𑑀𑐦𑐾𑐳𑐬 𑐜𑐵. 𑐮𑐶𑐣𑐴𑐵𑐬𑑂𑐚𑐖𑐸𑑄 (Prof. Dr. Lienhart) 𑐖𑐬𑑂𑐩𑐣𑐷 𑐖𑐸𑐐𑐸 𑐕𑐐𑐸 𑐀𑐣𑑂𑐟𑐬𑐬𑐵𑐳𑑂𑐟𑑂𑐬𑐷𑐫 𑐳𑐩𑑂𑐩𑐾𑐮𑐣𑐮𑐾 (𑐃𑐳𑑂𑐰𑐷 𑐳𑐩𑑂𑐧𑐟 𑑑𑑙𑑘𑑕) 𑐖𑐬𑑂𑐩𑐣𑐷𑐫𑐵𑐐𑐸 𑐕𑐐𑐸 𑐩𑑂𑐫𑐸𑐖𑐷𑐫𑐩 (Museum of Indian Art, Berlin) 𑐫𑐵𑐐𑐸 𑐳𑑃𑐎𑐮𑐣 𑐥𑐵𑐏𑐾 𑐡𑐸𑐐𑐸 𑐥𑐸𑐮𑐵𑑄𑐐𑐸 𑐟𑐵𑐴𑐵𑐎𑐐𑐸 𑐥𑑁𑐨𑐵 𑐀𑐢𑑂𑐫𑐫𑐣 𑐫𑐵𑐣𑐵𑐡𑐶𑐫𑐵 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵𑐫𑐵 𑐧𑐵𑐏𑑄 𑐣𑑂𑐴𑐾𑐧𑑂𑐫𑐫𑐵 𑐡𑐶𑐐𑐸𑐏:𑑋 𑐠𑑂𑐰𑑀 𑐥𑑁𑐨𑐵𑐫𑐵 𑐴𑐵𑐎 𑑑𑑑.𑑔𑑐 𑐩𑐶𑐟𑐬 𑐰: 𑐧𑑂𑐫𑐵 𑑐.𑑕𑑕 𑐩𑐶𑐟𑐬 𑐡𑐸𑐐𑐸 𑐀𑐮𑑂𑐫𑐾 𑑘𑑐 𑐔𑐫𑐐𑐸 𑐮𑑂𑐫𑐵𑐡𑐸𑐐𑐸 𑐔𑐶𑐟𑑂𑐬𑐫𑐵 𑐎𑑀𑐳𑑂𑐳𑑄 𑐣𑐾𑐰𑐵𑐨𑐵𑐳𑑄 𑐔𑑂𑐰𑑀𑐫𑐵𑐟𑐐𑐸 𑐧𑐵𑐏𑑂𑑄𑐫𑐵 𑐁𑐏𑐐𑑂𑐰 𑐔𑑄𑐐𑐸𑐖𑐸𑐫𑐵𑐣𑐶𑐟𑐷𑑄 𑐐𑐸𑐧𑐮𑑂𑐫𑐫 𑐡𑐫𑐎𑐸𑐐𑐸 𑐥𑑂𑐬𑐲𑑂𑐚 𑐠𑐸𑐃𑐎𑐾 𑐩𑐦𑐸 (𑐧𑐵𑑄𑐮𑐵𑐎𑑂𑐎𑑂 𑐳𑐶𑐫𑐩𑐡𑐸), 𑐧𑐵𑐏𑑄𑐣𑑄 𑐧𑐵𑑄𑐮𑐵𑐎𑑂𑐎𑑂 𑐠𑐸𑐃𑐎𑐾 𑐩𑐦𑐸:𑑋 𑐨𑐵𑐖𑐸 𑐮𑐶𑐣𑐴𑐵𑐬𑑂𑐚𑐖𑐸𑑄 𑐣𑐾𑐰𑐵𑐨𑐵𑐳𑑄 𑐔𑑂𑐰𑐫𑐵𑐟𑐐𑐸 𑐧𑐵𑐏𑑄 𑐫𑐵𑐟 𑐀𑑄𑐐𑑂𑐬𑐾𑐖𑐷𑑄 𑐁𑐏𑐮𑑄 𑐴𑐶𑐫𑐎𑐵 (Unicode Devanagari) 𑐖𑐬𑑂𑐩𑐣 𑐨𑐵𑐲𑐵𑐣𑑂𑑄 𑐃𑐳𑑂𑐰𑐷 𑐳𑐩𑑂𑐧𑐟 𑑑𑑙𑑘𑑕 𑐳𑑄 𑐩𑑂𑐫𑐸𑐖𑐷𑐫𑐩𑐥𑐵𑐏𑐾𑑄 𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵𑐫𑐵 𑐧𑐵𑐏𑑄 𑐕𑐵𑐥𑐫𑐫𑐵𑐣𑐵 𑐥𑐶𑐎𑐵𑐐𑐸 𑐏:𑑋 𑐨𑐵𑐖𑐸 𑐮𑐶𑐣𑐴𑐵𑐬𑑂𑐚𑐖𑐸𑑄 𑐮𑑂𑐴𑐵𑐟𑑄 𑐔𑑂𑐰𑑀𑐫𑐵𑐟𑐐𑐸 𑐀𑐣𑐾𑐎 𑐐𑑂𑐬𑐣𑑂𑐠 𑐀𑐢𑑂𑐫𑐫𑐣 […]

𑐳𑐶𑑄𑐴𑐮𑐱𑐵𑐬𑑂𑐠𑐧𑐵𑐴𑐵 𑐁𑐖𑐸 𑐮𑑂𑐴𑐵𑐳𑐵 𑐩𑐏𑐸𑐳𑐾𑑄 𑐱𑑂𑐬𑐷𑐮𑐒𑑂𑐎𑐵 ...



𑐩𑐵𑑄𑐫𑐵 𑐣𑑂𑐴𑑂𑐫𑐳𑑅 (𑐧𑐵𑐏𑑃)
𑐰𑐶𑐖𑐫𑐬𑐟𑑂𑐣 𑐀𑐳𑑄𑐧𑐬𑐾 𑐕𑐏𑐵 𑐕𑐾𑑃 𑑋 𑐀𑐣 𑐕𑐾𑑃𑐫𑑂 𑐕𑐩𑑂𑐴 𑐩𑐵𑑄 𑐰 𑐎𑐵𑐫𑑂 𑐖𑐎 𑐡𑐸 𑑋 𑐩𑐵𑑄 𑐰 𑐎𑐵𑐫𑑂 𑐡𑐠𑐸𑐂 𑐟𑐳𑐎𑑄 𑐡𑐸𑐏𑐳𑐸𑐏 𑐧𑑂𑐫𑐵 𑑋 𑐂𑐩𑐶𑐐𑐸 𑐩𑐵𑐫𑐵 𑐩𑐟𑐶𑐣𑐵𑐫𑐵𑐟 𑐁𑐥𑐵𑐳𑐶𑐣𑑄 𑐕𑐐𑐹 𑐡𑐳𑐹 𑐎𑐠𑑄 𑐎𑐵𑐫𑐾𑐐𑐸 𑐣𑑄 𑐫𑐵𑑅 𑑋 𑐂𑐩𑐶𑐟 𑐩𑐐𑐵𑑅𑐩𑐔𑐵𑑅 𑐢𑐂𑐐𑐸 𑐕𑐸𑑄 𑐣𑑄 𑐩𑐡𑐸 𑑋 𑐣𑐶𑐕𑐵 𑐣𑐫𑐾𑐟 𑐠𑐵𑐎𑐸 𑐩𑐖𑐸 𑑋 𑐀𑐨𑐵𑐰 𑐕𑐸𑑄 𑐩𑐡𑐸 𑑋 𑐧𑐸𑐮𑐸𑐴𑐸𑑃 𑐩𑐵𑑄𑐩𑑂𑐴 𑐕𑐾𑑃𑐫𑑂 𑐨𑑁𑐩𑐔𑐵 𑐕𑐩𑑂𑐴𑐾𑐳𑐶𑐫𑐵 𑐀𑐨𑐵𑐰 𑐩𑐴𑐳𑐸𑐳 𑐫𑐵𑐣𑐵 𑐴𑐮 𑑋 𑐨𑑁𑐩𑐔𑐵 𑐳𑑂𑐰𑐫𑐾𑐐𑐸 𑐩𑐣 𑐡𑐫𑐾𑐎𑐮 𑑋 𑐨𑑁𑐩𑐔𑐵 𑐕𑐾𑑃𑐫𑑂 𑐡𑐸𑐟𑐶𑐣𑐾𑐐𑐸 𑐩𑐟𑐷𑐟𑐫𑐵𑑅 𑐩𑐵𑑄𑐩𑑂𑐴𑑄 𑐎𑐵𑐫𑑂𑐩𑑂𑐴𑐾𑐳𑐶𑐟 𑐩𑑂𑐴𑐵𑑅 𑐩𑑂𑐴𑐵𑑅 𑐢𑐵𑐫𑐾𑐎 𑐃𑐴𑐶𑐥𑐵 𑐫𑐵𑐣𑐵 𑐧𑐶𑐮 𑑋 𑐨𑑁𑐩𑐔𑐵 𑐡𑐸𑐴𑐵𑑃 𑐰𑑅𑐐𑐸 𑐡𑐶𑐣𑐏𑐸𑐣𑑂𑐴𑐸 𑐩𑐵𑑄𑐩𑑂𑐴𑐳𑐶𑐫𑐵 𑐏𑑂𑐰𑐵𑐮𑐫𑑂 𑐏𑐣𑐾𑐡𑐸𑐐𑐸 𑐮𑐳𑐟𑐵 𑐧𑐫𑐵𑐣 𑐫𑐵𑐫𑐾 𑐴𑐾 𑐠𑐵𑐎𑐸 𑑋 𑐣𑑂𑐴𑐶𑐄𑐐𑐸 𑐣𑑂𑐴𑐶𑐮𑑄𑐟𑐸𑑄 𑑋 𑐩𑑂𑐴𑐸𑐟𑐸𑐥𑑂𑐰𑐵𑑅 𑐴𑐾 𑐎𑐩𑐟𑐶𑐄 𑑋 𑐄𑐏𑐸𑐣𑑂𑐴𑐸 𑐩𑐵𑑄𑐩𑑂𑐴𑐾𑐳𑐶𑐫𑐵 𑐏𑑂𑐰𑐵𑑅 […]

𑐩𑐵𑑄𑐫𑐵 𑐣𑑂𑐴𑑂𑐫𑐳𑑅 (𑐧𑐵𑐏𑑃)


𑐏𑐶𑐔𑐵 𑐰 𑐏𑐸𑑃
𑐏𑐶𑐔𑐵 𑐰 𑐏𑐸𑑃 𑐕𑐣𑑂𑐴𑐸 𑐏𑑂𑐫𑐹𑑃𑐐𑐸 𑐔𑐵𑐣𑑂𑐴𑐾 𑐕𑐩𑑂𑐴𑐹 𑐏𑐸𑑃 𑐳𑐸𑑃 𑐩𑐣𑐸𑐫𑐵 𑐕𑐾𑑄 𑐏𑐸𑐂𑐟 𑐰𑐮 𑑋 𑐰 𑐕𑐾𑑄 𑐮𑐴𑐶𑐣𑐵𑐟𑐩𑑂𑐴 𑐏𑐶𑐔𑐵𑑃 𑐰 𑐏𑐸𑑃𑐰𑐐𑐸 𑐔𑐵𑐊𑐰, 𑐟𑐳𑐎𑑄 𑐄𑐟 𑑋 𑐏𑐶𑐔𑐵𑑄 𑐄𑐐𑐸 𑐳𑐀 𑐟𑐵𑐊𑐰 𑐰 𑐕𑐾𑑄 𑐔𑑀𑑄𑐩𑑂𑐴 𑐩𑐣𑐸 𑐠 𑐡𑐾𑐣𑐵 𑐔𑑀𑐣𑐵𑐐𑐸 𑐮𑐵𑐳𑐵𑑄 𑐡𑐣𑐵 𑐳𑑀𑐟 𑑋 𑐰𑑄 𑐳𑐸𑑃 𑐏𑐣𑑄 𑐩𑐏𑐣𑐵 𑐕𑐸𑑃 𑐳𑐀 𑐣𑑄 𑐩𑐟𑐫𑐵, 𑐏𑐶𑐔𑐵𑐂𑐟 𑐩𑐄𑐎𑐾𑐟 𑐧𑑀𑐧𑐶𑐫𑐵 𑐡𑐾𑑄 𑐟𑐸𑑄 𑐰𑐣 𑑋 𑐄𑐐𑐸 𑐧𑐏𑐟𑐾 𑐰 𑐏𑐸𑑃 𑐟𑐳𑐎𑑄 𑐐𑑂𑐫𑐵𑐣𑐵 𑐳𑐵𑑃 𑐐𑐮𑐊 𑐳𑐸𑐔𑐸𑐎𑐵 𑐔𑑀𑑄𑐰𑐣 𑑋 𑐏𑐶𑐔𑐵𑐂𑐟 𑐳𑐶𑐏𑐮𑑄 𑐔𑐶𑐣𑐵 𑐟𑐐𑐸, 𑐴𑐵𑐎𑐣𑑄 𑐁 𑐰𑑄 𑐄𑐂𑑂𑐐𑐸 𑐣𑑄 𑐟𑑀𑐟𑐸𑐐𑐸, 𑐏𑐣𑐵 𑐰𑐬 𑐏𑐸𑑃 𑐕𑐾𑑄𑐫𑐵 𑐮𑐸𑐏𑐵 𑐠𑐾𑑄𑐎𑐵 𑐰𑐮 𑑋 𑐎𑑀𑐛𑐵𑐂𑐐𑐸 𑐮𑐸𑐏𑐵 𑐏𑐣𑐾𑐟 𑐠𑐀𑐎𑐾 𑐔𑑀𑑄𑐐𑐸 𑐟𑐵𑐔𑐵 𑐖𑑂𑐰𑐵 𑐥𑐶𑐎𑐫𑐵 𑐟𑐵𑐮𑐾 𑐖𑐸𑐮𑐵 𑐳𑑀𑐟 𑑋 𑐏𑐶𑐔𑐵𑑄 𑐠𑑀 𑐏𑐣𑐾𑐰 𑐴𑐵𑐎𑐣𑑄 𑐟𑐀𑐳𑐎𑑄 […]

𑐏𑐶𑐔𑐵 𑐰 𑐏𑐸𑑃


𑐳𑑂𑐰𑐩𑑂𑐴 𑐣𑑂𑐫𑐵
𑐟𑑅𑐢𑑄𑐐𑐸 𑐖𑐮𑐵𑐱𑐫 𑐕𑐐𑐹 𑐡𑐸𑑋 𑐀𑐣 𑐮𑑅 𑐣𑑄 𑐟𑐳𑐎𑑄 𑐟𑐖𑐵𑐫𑐾𑐎 𑐡𑐸𑑋 𑐀𑐠𑐾 𑐖𑐹𑐧𑐮𑐫𑑂 𑐀𑐣 𑐣𑑂𑐫𑐵𑐟𑐫𑑂𑐟 𑐟𑐳𑐎𑑄 𑐫𑑅𑐐𑐸 𑐣𑐳𑐵 𑐗𑑂𑐫𑐵𑐄 𑐰 𑐩𑐾𑐩𑐾𑐐𑐸 𑐔𑐶𑐔𑐶𑐩𑐵𑑅𑐐𑐸 𑐮𑐏𑐫𑑂 𑐧𑐸𑐫𑐵𑐰𑐂𑐐𑐸 𑐩𑐵 𑐧𑐸𑐫𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸𑑋 𑐠𑐖𑑂𑐫𑐵𑑅𑐐𑐸 𑐠𑐵𑐫𑑂 𑐣𑑂𑐫𑐵𑐟𑐫𑑂𑐟 𑐟𑐳𑐎𑑄 𑐫𑐂𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐀𑐠𑐾 𑐖𑐸𑐫𑐵𑑅 𑐀𑐣 𑐫𑐎𑑂𑐰 𑐴𑐾 𑐣𑑂𑐫𑐵𑐟 𑐔𑑂𑐰𑑄 𑐰𑐫𑐵𑐔𑑂𑐰𑑄𑐐𑐸 𑐡𑐸𑑋 𑐏𑑂𑐫𑐾𑑃 𑐠𑑂𑐰𑐫𑐾𑐟 𑐮𑐵 𑐗𑐣𑑂 𑐡𑐎𑑂𑐰𑑄 𑐴𑐾 𑐣𑑂𑐫𑐵𑐟 𑐄𑐐𑐸 𑐖𑐮𑐵𑐱𑐫𑐫𑑂 𑐰𑐂𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐄𑐐𑐸 𑐖𑐮𑐵𑐱𑐫 𑐩𑐣𑐹𑐟𑐫𑑂𑐳𑑄 𑐎𑐵𑐔𑐵𑐎 𑐏𑐣𑐷 𑐩𑐏𑐸𑐐𑐸 𑐠𑐵𑐳𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐄𑐐𑐸 𑐴𑐾 𑐖𑐮𑐵𑐱𑐫𑐫𑑂 𑐳𑑂𑐰𑐩𑑂𑐴 𑐣𑑂𑐫𑐵𑐟𑐫𑑂𑐐𑐸 𑐕𑐐𑐹 𑐥𑐸𑐔𑑅 𑐣𑑄 𑐔𑑂𑐰𑐣𑐵𑐔𑑂𑐰𑑄𑐐𑐸 𑐡𑐸𑑋 𑐂𑐩𑐶𑐐𑐸 𑐳𑑂𑐰𑐨𑐵𑐰 𑐢𑐵𑑅𑐳𑐵 𑐖𑑂𑐰𑑅𑐩𑐮𑐵𑑅 𑑋 𑐥𑐶𑐫𑐵 𑐣𑐵𑑄𑐫𑐵𑐩𑑂𑐴 𑐣𑑂𑐫𑐵 𑐳𑑄𑐎𑐚 𑐰𑐂𑐐𑐸 𑐮𑐎𑑂𑐲𑐞 𑐏𑐣𑐾𑐡𑐫𑐾𑐰𑑄 𑐴𑐾 𑐳𑑄𑐎𑐚 𑐖𑑂𑐫𑑄𑐎𑐾𑐐𑐸 𑐄𑐥𑐵𑐫 𑐫𑐵𑐫𑐾𑐩𑐵𑑅 𑐢𑐫𑐵𑐐𑐸 𑐏𑑃𑐫𑑂 𑐰𑐶𑐱𑑂𑐰𑐵𑐳 𑐫𑐵𑐂𑐩𑑂𑐴 𑐏𑑅 𑑋 𑐬𑐶𑐫𑐵 𑐢𑐵𑑅𑐳𑐵 […]

𑐳𑑂𑐰𑐩𑑂𑐴 𑐣𑑂𑐫𑐵