Daily Archives: 22 September, 2022


𑐣𑐵𑐬𑐡 𑐧𑐖𑑂𑐬𑐵𑐔𑐵𑐬𑑂𑐫𑐫𑐵 𑐧𑐵𑐏𑑄 – 𑐖𑐶 𑐰𑐶𑐎𑐮 𑑋 𑐮𑑂𑐴𑐵𑑅 𑐩𑐶𑐮𑐾 𑐫𑐵𑐫𑐾𑐟 𑐠𑑅𑐐𑐸 𑐖𑐰𑐮𑑂𑐴𑐵𑑅 𑐣𑑂𑐴𑑂𑐫𑑅𑐣𑐾 𑐧𑑂𑐰𑐧𑑂𑐧𑑄 𑐰𑑄 𑐠𑑅𑐐𑐸 𑐥𑐬𑐶𑐔𑐫 𑐧𑐶𑐮 𑑋 – 𑐟𑐬, 𑐖𑐶𑑄 𑐮𑐵 𑐕𑐶𑐟𑑅 𑐩𑑂𑐴𑐳𑐶𑐎𑐾 𑐩𑐦𑐸𑐟… 𑐠𑑅𑐐𑐸 𑐣𑑂𑐴𑑂𑐫𑑅𑐣𑐾 𑐖𑐰 𑐮𑑂𑐴𑐵𑑅 𑐣𑑂𑐴𑑂𑐫𑐧𑑂𑐰𑐫𑐵𑑅 𑐮𑑂𑐴𑐵𑑅 𑐩𑐶𑐮𑐾 𑐫𑐵𑐫𑐾𑐟 𑐰𑑅𑐩𑑂𑐴 𑐩𑐣𑐹𑐫𑐵𑐟 𑐰𑑄 𑐮𑐶𑐳𑑅 𑐧𑐶𑐮 𑑋 𑐐𑐸𑐩𑑂𑐴 𑐩𑐣𑐹 𑐩𑐶𑐏𑐵 𑐣𑐶𑐐𑑅 𑐖𑐎 𑐟𑑂𑐰𑐵𑐮𑐵𑑄 𑐏𑐣𑐾𑐡𑐫𑐾𑐎 𑐣𑑂𑐴𑐵𑐫𑑂 𑐩𑑂𑐴𑐸𑐟𑐸 𑐬𑐸𑐩𑐵𑐮𑑄 𑐨𑐸𑐣𑐵𑐔𑑂𑐰𑑄𑐐𑐸 𑐡𑐸 𑑋 – 𑐎 ! 𑐣𑐎𑐟𑐶𑐣𑐶 𑐴𑐾 𑐕𑐶𑑄 𑐧𑐵𑐏𑑄 𑐔𑑂𑐰𑐫𑐾𑐟 𑐩𑐟𑑂𑐟𑐶𑐂 𑐟𑑅𑐩𑑂𑐴 𑐥𑐵𑐟𑑂𑐬 𑐖𑐶 𑑋 𑐖𑐶 𑐰𑐶𑐎𑐮 𑑋 – 𑐰𑐶𑐎𑐮 ! 𑐀𑐖𑐹 𑐔𑐵𑐮 𑐮𑐾𑐏𑐎 𑑋 𑐧𑐵𑐏𑑄 𑐕𑐥𑐸 𑐔𑑂𑐰𑐫𑐾𑐐𑐸 𑐩𑐟𑐶𑐂 𑐟𑑅𑐐𑐸 𑐣𑑄 𑐏𑑅 𑐮𑐾𑐏𑐎𑑄 𑑋 𑐥𑑂𑐮𑐚 𑐕𑐐𑐹 𑐮𑐸𑐂𑐎𑐵𑑅 𑐄𑐎𑐾 𑐩𑐣 𑐧𑑂𑐰𑐵𑐎𑐹𑐐𑐸 𑐣𑑄 𑐏𑑅 𑐮𑐾𑐏𑐎𑑄 𑑋 𑐟𑐬, 𑐠𑐣 𑐮𑐵 𑐳𑑂𑐰𑐫𑑄 𑐥𑐵𑐟𑑂𑐬 𑐴𑐾 𑐄𑐟𑑂𑐥𑐟𑐶 𑐖𑐸𑐂𑐢𑐸𑑄𑐎𑐮 𑑋 𑐥𑐵𑐟𑑂𑐬𑑄 𑐠𑑅 𑐠𑐩𑑂𑐴𑑄 𑐠𑑅𑐐𑐸 𑐣𑐵𑑄 𑐟𑐫𑐾𑐢𑐸𑑄𑐎𑐮 𑑋 𑐀𑐮𑐾, 𑐮𑐾𑐏𑐎 […]

𑐧𑐵𑐏𑐣𑑄 𑐥𑐶𑐮𑐹𑐩𑑂𑐴 𑐩𑐣𑐹


–𑐬𑐷𑐡𑐾𑐣 𑐩𑐴𑐬𑑂𑐖𑐣 𑐎𑐶𑐥𑐹—𑑑 𑐥𑐵𑐥–𑐥𑐸𑐞𑑂𑐫–𑐢𑐬𑑂𑐩 𑐢𑐫𑐵𑐐𑐸 𑐕𑐸𑑄 𑐏𑑅 ? 𑐖𑐶𑑄 𑐩𑐳𑐶𑐮, 𑐖𑐶 𑐩𑐠𑐸𑐮 ! 𑐗𑐷 𑐣𑐾𑐰𑐵𑑅 𑐖𑐸𑐫𑐵𑐣𑑄 𑐖𑐸𑐫𑐵𑐣𑑄 𑐗𑐷𑐳 𑐩𑐵𑑄𑐨𑐵𑐳𑑄 𑐣𑐸𑐐𑑅 𑐔𑐎𑑄𑐎𑐵𑑅 𑐣𑐸𑐐𑐮𑐫𑑂 𑐳𑑂𑐰𑐵𑑃 𑐴𑑂𑐰𑐫𑐾𑐎𑐵𑑅 𑐣𑐸𑐐𑑅 𑐳𑑅 𑐠𑑂𑐰𑐫𑐾𑐎𑐵𑑅 𑐩𑐵𑑄𑐨𑐵𑐫𑑂𑐫𑐵𑐟 𑐩𑐟𑐶𑐣𑐵 𑐩𑐫𑐵𑐳𑐾 𑐏𑐮𑑂𑐴𑐵𑐧𑐮𑑂𑐴𑐵 𑐫𑐵𑐂𑐩𑐏𑐸 𑐠𑑂𑐰𑐴𑐾 𑐡𑐎𑐮𑐾 𑐟𑐢𑑄𑐐𑐸 𑐥𑐵𑐥 𑐖𑐸𑐂 𑑋𑑋 𑐗𑐷 𑐣𑐾𑐰𑐵𑑅 𑐖𑐸𑐫𑐵𑑅 𑐩𑐵𑑄𑐨𑐵𑐳𑐵𑐫𑐵𑐟 𑐢𑑂𑐫𑐵𑐎𑐸𑐣𑐫𑑂 𑐰𑐵𑑄𑐕𑑂𑐰𑐫𑐵𑑅 𑐨𑑂𑐰𑐵𑐳𑐶 𑐖𑐸𑐫𑐵𑑅 𑐠𑑅𑐠𑐰𑐫𑑂 𑐐𑐵𑐮𑐫𑑂 𑐣𑐬𑑂𑐎𑐫𑑂 𑐎𑐸𑐴𑐵𑑄 𑐰𑐣𑐵𑑅 𑐎𑐬𑑂𑐎𑐶𑐫𑐵 𑐨𑐵𑐫𑑂 𑐕𑑂𑐫𑐮𑐵𑑅 𑐡𑐵𑐳 𑐖𑐸𑐫𑐵𑑅 𑐏𑑃 𑐮𑑂𑐴𑐵𑐂 𑐡𑐎𑐮𑐾 𑐟𑑅𑐢𑑄𑐐𑐸 𑐴𑐶𑑄𑐳𑐵 𑐖𑐸𑐂 𑐀𑐮𑐾 𑐥𑐸𑐞𑑂𑐫 𑐢𑐫𑐵𑐐𑐸 𑐠𑑂𑐰𑐴𑐾 𑐖𑐸𑐂 𑑋𑑋 𑐗𑐷𑐳𑑄 𑐗𑐷𑐐𑐸 𑐩𑐵𑑄𑐨𑐵𑐫𑑂𑐫𑐵𑐟 𑐐𑐸𑐮𑐶 𑐩𑐟𑐶𑐣𑐵 𑐫𑐵𑐂 𑐄𑐮𑐶𑐴𑐾 𑐗𑐷𑐟 𑐩𑐟𑐶𑐣𑐵 𑐫𑐵𑐂 𑐡𑐸𑐣𑐸𑐐𑐮𑑄 𑐠𑐸𑐂𑐎𑐵𑑅 𑐗𑐷 𑐗𑐷 𑐖𑐵𑐣𑐵𑑅 𑐗𑐷𑐐𑐸 𑐩𑐵𑑄𑐨𑐵𑐫𑑂𑐫𑐵𑐟 𑐴𑑅𑐥𑐵𑑅 𑐧𑐶𑐫𑐵𑑅 𑐠𑐎𑐵𑐫𑐾𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐎𑐷 𑐠𑑂𑐰𑐴𑐾 𑐡𑐎𑐮𑐾 𑐟𑑅𑐢𑑄𑐐𑐸 𑐥𑐹𑐞𑑂𑐫 𑐖𑐸𑐂 𑑋𑑋 𑐗𑐷𑐐𑐸 𑐩𑐵𑑄𑐨𑐵𑐫𑑂 𑐡𑐿𑐰𑐷–𑐱𑐎𑑂𑐟𑐶𑑄 𑐖𑐵𑑅𑐐𑐸 […]

𑐥𑐵𑐥–𑐥𑐸𑐞𑑂𑐫–𑐢𑐬𑑂𑐩 (𑐔𑐶𑐣𑐵𑐏𑑃)