𑐐𑐡𑑂𑐫𑐐𑐸𑐬𑐸 𑐥𑑄. 𑐣𑐶𑐲𑑂𑐛𑐵𑐣𑐣𑑂𑐡 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑑑𑑖𑑖 𑐡𑑃 𑐧𑐸𑐣𑑂𑐴𑐶𑐫𑐵 𑐮𑐳𑐟𑐵𑐫𑑂  𑐰𑐫𑑂𑐎𑑅𑐫𑐵𑐟 𑐮𑐸𑐩𑑄𑐎𑐾𑐐𑐸 𑐖𑑂𑐫𑐵 𑐖𑐸𑐮 𑑋 𑐠𑐣𑐫𑐵 𑑒𑑓 𑐰𑐜𑐵𑐳𑑂𑐠𑐶𑐟 𑐣𑑅𑐧𑐴𑐶𑐮𑐷 𑐔𑑂𑐰𑑄𑐐𑐸 𑐰𑐫𑑂𑐎𑑅𑐫𑐵 𑐗𑑂𑐰𑐵𑐟𑐵𑐫𑑂 𑐳𑑂𑐰𑐵𑑄 𑐡𑐾𑐕𑐵𑐳𑐾𑑄 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐡𑐸 𑑋 𑐌𑐮𑐩𑑂𑐥𑐳 𑐎𑑂𑐮𑐧𑐫𑐵 𑐮𑐶𑐢𑑄𑐳𑐵𑐫𑑂 𑐣𑐶𑐲𑑂𑐛𑐵𑐣𑐣𑑂𑐡 𑐳𑑂𑐩𑐺𑐟𑐶 𑐐𑐸𑐠𑐶𑐫𑐵 𑐐𑑂𑐰𑐳𑐵𑐮𑐫𑑂 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐏𑑅 𑑋

𑐌𑐮𑐩𑑂𑐥𑐳𑐫𑐵 𑐣𑐵𑐫𑑅 𑐮𑐶𑐳𑐾𑑄 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐫𑐵 𑐣𑑄 𑐣𑐵𑐫𑑅 𑐥𑐰𑐶𑐟𑑂𑐬 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 ‘𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳’ 𑐫𑐵 𑐳𑐩𑑂𑐥𑐵𑐡𑐎 𑐳𑐸𑐬𑐾𑐱 𑐎𑐶𑐬𑐞𑑄 𑐣𑐶𑐲𑑂𑐛𑐵𑐣𑐣𑑂𑐡𑐫𑐵 𑐫𑑀𑐐𑐡𑐵𑐣 𑐧𑐵𑐬𑐾 𑐔𑐬𑑂𑐔𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑐵 𑐁𑐥𑐵𑐮𑑄 𑐳𑐵𑐴𑐶𑐟𑑂𑐫𑐎𑐵𑐬 𑐮𑐶𑐳𑐾𑑄 𑐎𑐵𑐬𑑂𑐫𑐎𑐬𑑂𑐟𑐵𑐥𑐶𑐣𑐶 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐏𑑅 𑑋

Nepalbhasa