𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐧𑐵𑐐𑐩𑐟𑐷 𑐥𑑂𑐬𑐡𑐾𑐱𑐫𑐵 𑐳𑑄𑐫𑑀𑐖𑐣𑐫𑑂 𑐣𑐾𑐰𑐵𑑅 𑐳𑐩𑐵𑐖 𑐨𑐬𑐟𑐥𑐸𑐬𑐫𑐵 𑐐𑑂𑐰𑐳𑐵𑐮𑐫𑑂 𑐱𑐣𑐶𑐰𑐵𑑅𑐣𑐶𑐳𑐾𑑄 𑐧𑐵𑐐𑐩𑐟𑐷 𑐥𑑂𑐬𑐡𑐾𑐱𑐳𑑂𑐟𑐬𑐷𑐫 𑐣𑐾𑐥𑐵𑐮𑐨𑐵𑐲𑐵 𑐥𑑂𑐬𑐱𑐶𑐎𑑂𑐲𑐎 𑐥𑑂𑐬𑐱𑐶𑐎𑑂𑐲𑐞 𑐟𑐵𑐮𑐶𑐩 𑐣𑑂𑐴𑑂𑐫𑐵𑑅𑐐𑐸 𑐡𑐸 𑑋

𑐥𑑂𑐬𑐡𑐾𑐱𑐫𑐵 𑐠𑐷𑐠𑐷 𑐖𑐶𑐮𑑂𑐮𑐵 𑐰 𑐥𑐵𑐮𑐶𑐎𑐵𑐥𑐵𑐏𑐾𑑄 𑐄𑐐𑐸 𑐨𑐵𑐲𑐵 𑐟𑐵𑐮𑐶𑐩𑐫𑑂 𑐧𑑂𑐰𑐟𑐶 𑐎𑐵𑑅𑐐𑐸 𑐡𑐸 𑑋 𑐥𑐰𑐶𑐟𑑂𑐬 𑐎𑐳𑐵𑑅 𑐣𑑄 𑐥𑑂𑐬𑐱𑐶𑐎𑑂𑐲𑐞 𑐧𑐶𑐫𑐵𑐡𑐷𑐐𑐸 𑐄𑐐𑐸 𑐟𑐵𑐮𑐶𑐩 𑐥𑑂𑐫𑐣𑑂𑐴𑐸 𑐟𑐎 𑐣𑑂𑐴𑑂𑐫𑐵𑐂𑐐𑐸 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐱𑐣𑐶𑐰𑐵𑑅 𑐍𑐥𑐔𑐵𑐬𑐶𑐎 𑐬𑐸𑐥𑑄 𑐄𑐐𑐸 𑐟𑐵𑐮𑐶𑐩𑐫𑐵 𑐄𑐮𑐾𑐖𑑂𑐫𑐵 𑐧𑐵𑐐𑐩𑐟𑐷 𑐥𑑂𑐬𑐡𑐾𑐱𑐫𑐵 𑐳𑐨𑐵𑐩𑐸𑐏 𑐨𑐸𑐰𑐣 𑐥𑐵𑐛𑐎𑑄 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐩𑐹𑐥𑐵𑐴𑐵𑑃 𑐥𑑂𑐬𑐡𑐾𑐱𑐫𑐵 𑐳𑐨𑐵𑐩𑐸𑐏 𑐥𑐵𑐛𑐎𑑄 𑐣𑐾𑐥𑐵𑐮𑐨𑐵𑐲𑐵 𑐰 𑐟𑐵𑐩𑐵𑐒 𑐨𑐵𑐲𑐵𑐫𑐵𑐟 𑐳𑐬𑐎𑐵𑐬𑐷 𑐎𑐵𑐩𑐎𑐵𑐖𑐷 𑐨𑐵𑐲𑐵𑐫𑐵 𑐬𑐸𑐥𑐫𑑂 𑐮𑐵𑐐𑐹 𑐫𑐵𑐫𑐾𑐐𑐸 𑐣𑐶𑐟𑐶𑑄 𑐣𑐶𑐫𑐩𑐵𑐰𑐮𑐷 𑐡𑐫𑐾𑐎𑐾𑐐𑐸 𑐖𑑂𑐫𑐵 𑐣𑑄 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑐢𑐎𑐵𑑅 𑐢𑐫𑐵𑐡𑐶𑐮 𑑋

𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐧𑐵𑐐𑐩𑐟𑐷 𑐥𑑂𑐬𑐡𑐾𑐱 𑐳𑐩𑐶𑐟𑐶𑐫𑐵 𑐂𑐣𑑂𑐔𑐵𑐬𑑂𑐖 𑐣𑐵𑐥𑑄 𑐎𑐾𑐣𑑂𑐡𑐷𑐫 𑐣𑑂𑐰𑐎𑐹 𑐱𑐵𑐣𑑂𑐟 𑐱𑑂𑐬𑐾𑐲𑑂𑐛𑐫𑐵 𑐣𑐵𑐫𑑀𑐳𑐸𑐂 𑐖𑐹𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐎𑐾𑐣𑑂𑐡𑑂𑐬𑐫𑐵 𑐧𑐬𑐶𑐲𑑂𑐛 𑐣𑑂𑐰𑐎𑐹 𑐔𑐣𑑂𑐡𑑂𑐬𑐮𑐵𑐮 𑐬𑐵𑐖𑐨𑐞𑑂𑐜𑐵𑐬𑐷, 𑐩𑐹𑐕𑑂𑐫𑐵𑐘𑑂𑐖𑐾 𑐳𑐟𑑂𑐫𑐣𑐵𑐬𑐵𑐫𑐞 𑐜𑑄𑐐𑑀𑐮𑐥𑐶𑐣𑑂𑐳𑑄 𑐟𑐵𑐮𑐶𑐩 𑐣𑐵𑐥𑑄 𑐣𑐾𑐥𑐵𑐮𑐨𑐵𑐲𑐵 𑐰 𑐣𑐾𑐰𑐵𑑅𑐟𑐫𑑂𑐐𑐸 𑐧𑐵𑐬𑐾 𑐣𑑂𑐰𑑄𑐰𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐧𑐵𑐐𑐩𑐟𑐷 𑐥𑑂𑐬𑐡𑐾𑐱𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰 𑐟𑐵𑐩𑐵𑐒𑐨𑐵𑐲𑐵𑐫𑐵𑐟 𑐳𑐬𑐎𑐵𑐬𑐷 𑐎𑐵𑐩𑐎𑐵𑐖𑐷 𑐨𑐵𑐲𑐵𑐫𑐵 𑐬𑐸𑐥𑐫𑑂 𑐮𑐵𑐐𑐹 𑐫𑐵𑐫𑐾𑐐𑐸 𑐣𑐶𑐟𑐶𑑄 𑐥𑑂𑐬𑐡𑐾𑐱 𑐨𑐵𑐲𑐵 𑐋𑐣 𑐣𑐶𑐬𑑂𑐩𑐵𑐞 𑐫𑐵𑐫𑐾𑐟 𑐖𑐣𑐳𑑂𑐟𑐬𑑄 𑐣𑐾𑐟𑐺𑐟𑑂𑐰𑐡𑐵𑐫𑐷 𑐨𑐹𑐩𑐶𑐎𑐵 𑐣𑐶𑐬𑑂𑐰𑐵𑐴 𑐫𑐵𑐣𑐵𑐡𑐷𑐐𑐸𑐮𑐶𑑄 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐳𑑂𑐰𑐣𑐶𑐐𑑅 𑐰𑐶𑐱𑐾𑐲 𑐥𑑂𑐬𑐡𑐱𑐾𑐫𑐵 𑐣𑐵𑐫𑑀 𑐱𑑂𑐬𑐷𑐎𑐺𑐲𑑂𑐞 𑐩𑐴𑐬𑑂𑐖𑐣𑐫𑐵𑐟 𑐴𑐣𑐵 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋