𑐔𑐣𑑂𑐡𑑂𑐬𑐩𑐵𑐣 𑐩𑐴𑐬𑑂𑐖𑐣
𑐖𑐵𑐥𑐵𑐣- 𑐖𑐵𑐥𑐵𑐣𑐫𑑂 𑐣𑑂𑐴𑐵𑐥𑐵𑑄𑐏𑐸𑐳𑐷 𑐣𑐾𑐥𑐵𑑅𑐫𑐵 𑐥𑐵𑐛𑑂𑐫𑐎𑑂𑐬𑐩 𑐎𑐠𑑄 𑐬𑐵𑐲𑑂𑐚𑑂𑐬𑐶𑐫 𑐥𑐬𑐷𑐎𑑂𑐲𑐵 𑐧𑑀𑐬𑑂𑐜 𑐧𑐶𑐄𑐐𑐸 𑐣𑑂𑐴𑑂𑐫𑐳𑑅𑐥𑑁 𑐎𑐠𑑄 𑐥𑐬𑐷𑐎𑑂𑐲𑐵 𑐖𑐹𑐐𑐸 𑐡𑐸 𑑋 𑐚𑑀𑐎𑐶𑐫𑑀𑐫𑐵 𑐌𑐐𑐶𑐎𑐸𑐧𑑀𑐫𑑂 𑐔𑑂𑐰𑑄𑐐𑐸 𑐊𑐨𑐬𑐾𑐳𑑂𑐚 𑐂𑐣𑑂𑐚𑐬𑐣𑐾𑐱𑐣𑐮 𑐳𑑂𑐎𑐸𑐮𑐫𑑂 𑐠𑑂𑐰 𑐥𑐬𑐷𑐎𑑂𑐲𑐵 𑐖𑐹𑐐𑐸 𑐏𑑅 𑑋 𑐠𑑂𑐰 𑐥𑐬𑐷𑐎𑑂𑐲𑐵𑐫𑑂 𑐰𑐶𑐖𑑂𑐘𑐵𑐣 𑐳𑑄𑐎𑐵𑐫𑐥𑐵𑐏𑐾 𑐣𑑂𑐫𑐵𑐩𑑂𑐴, 𑐰𑑂𑐫𑐰𑐳𑑂𑐠𑐵𑐥𑐣𑐥𑐵𑐏𑐾 𑐣𑐷𑐣𑐶𑐩𑑂𑐴𑐾𑐳𑐶𑐣𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋

𑐥𑐬𑐷𑐎𑑂𑐲𑐵 𑐧𑐶𑐄𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐱𑐣𑐶𑐰𑐵𑑅 𑐳𑑂𑐎𑐸𑐮𑑄 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐧𑐶𑐡𑐵𑐂 𑐧𑐶𑐄𑐐𑐸 𑐡𑐸 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹 𑐥𑐵𑐴𑐵𑑃 𑐎𑐠𑑄 𑐀𑐣𑐮𑐵𑐂𑐣𑐥𑐵𑐏𑐾𑑄 𑐧𑑂𑐰𑐟𑐶 𑐎𑐫𑐵𑐡𑐷𑐩𑑂𑐴 𑐣𑐾𑐥𑐵𑑅𑐫𑐵 𑐱𑐶𑐎𑑂𑐲𑐵 𑐩𑐣𑑂𑐟𑑂𑐬𑐵𑐮𑐫𑐫𑐵 𑐥𑑂𑐬𑐰𑐎𑑂𑐟𑐵 𑐡𑐶𑐥𑐎 𑐱𑐬𑑂𑐩𑐵𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐄𑐖𑑂𑐖𑐮 𑐨𑐰𑐶𑐲𑑂𑐫𑐫𑐵 𑐎𑐵𑐩𑐣𑐵 𑐫𑐵𑐳𑐾𑑄 𑐧𑐢𑐵𑐂 𑐧𑐶𑐫𑐵𑐡𑐶𑐮 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑑂𑐎𑐸𑐮𑐫𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐰𑐶𑐲𑑂𑐞𑐸 𑐨𑐚𑑂𑐚, 𑐄𑐥𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐬𑐵𑐖𑐾𑐣𑑂𑐡𑑂𑐬 𑐟𑐵𑐩𑐵𑐒, 𑐡𑐾𑐰𑐬𑐵𑐖 𑐥𑐣𑐾𑐬𑐸, 𑐳𑑂𑐎𑐹𑐮𑐫𑐵 𑐥𑐸𑐮𑐵𑑄𑐩𑑂𑐴 𑐀𑐢𑑂𑐫𑐎𑑂𑐲 𑐜𑐵. 𑐨𑐹𑐥𑐵𑐮𑐩𑐵𑐣 𑐱𑑂𑐬𑐾𑐲𑑂𑐛𑑄 𑐣𑑄 𑐠𑑅𑐠𑑅𑐐𑐸 𑐣𑐸𑐐𑑅𑐏𑑃 𑐢𑐫𑐵𑐡𑐷𑐐𑐸 𑐏𑑅 𑑋