𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳𑐧𑐸𑐏𑑃𑐬𑐵𑐲𑑂𑐚𑑂𑐬𑐶𑐫
𑐫𑐾𑑃 – 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐳𑐦𑐹 𑐧𑑂𑐰𑐖𑑂𑐫𑐵𑐫𑐵 𑐗𑑂𑐰𑐮𑐫𑑂 𑐣𑑂𑐫𑐵𑐩𑑂𑐴 𑐔𑑂𑐰𑐩𑐶𑐥𑐶𑐣𑐶𑐐𑐸 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐖𑐸𑐮 𑑋 𑐳𑑂𑐰𑐣𑑂𑐴𑐸𑐫𑑄𑐎𑑄 𑐖𑐹𑐐𑐸 𑐳𑐦𑐹 𑐧𑑂𑐰𑐖𑑂𑐫𑐵𑐫𑐵 𑐣𑐶𑐣𑑂𑐴𑐸𑐫𑐵 𑐡𑐶𑑄 𑐎𑐸𑐣𑑂𑐴𑐸 𑐣𑑂𑐫𑐵𑐐𑐹 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐰𑑄𑐐𑐸 𑐱𑐸𑐎𑑂𑐬𑐰𑐵𑑅𑐣𑐶𑐳𑐾𑑄 𑐱𑐸𑐬𑐸 𑐖𑐹𑐐𑐸 𑐳𑐦𑐹 𑐧𑑂𑐰𑐖𑑂𑐫𑐵𑐫𑐵 𑐣𑐶𑐣𑑂𑐴𑐸𑐫𑐵 𑐡𑐶𑑄𑐎𑐸𑐣𑑂𑐴𑐸 𑐳𑐵𑐴𑐶𑐟𑑂𑐫𑐎𑐵𑐬𑐮𑐶𑐳𑐾𑑄 𑐳𑐩𑐵𑐮𑑀𑐔𑐎 𑐣𑐬𑑂𑐩𑐡𑐾𑐱𑑂𑐰𑐬 𑐥𑑂𑐬𑐢𑐵𑐣𑐫𑐵 𑐧𑐵𑐏𑑄 𑐳𑐦𑐹 ‘𑐖𑐶𑑄 𑐣𑑄 𑐧𑐵𑐏𑑄 𑐔𑑂𑐰𑐫𑐵’, 𑐎𑐰𑐫𑐶𑐟𑑂𑐬𑐷 𑐥𑑂𑐬𑐟𑐶𑐳𑐬𑐵 𑐳𑐵𑐫𑐩𑐶𑐫𑐵 𑐥𑑂𑐬𑐧𑐣𑑂𑐢 𑐩𑐸𑐣𑐵 ‘𑐮𑐶𑐦𑑅’, 𑐰𑐶𑐖𑐫𑐬𑐟𑑂𑐣 𑐀𑐳𑑄𑐧𑐬𑐾𑐫𑐵 𑐔𑐶𑐧𑐵𑐏𑑄 ‘𑐱𑑂𑐬𑐷–𑑓’, 𑐬𑐶𑐟𑐵𑐡𑐾𑐰𑐷 𑐥𑑂𑐬𑐢𑐵𑐣𑐫𑐵 𑐧𑐵𑐏𑑄 𑐳𑐦𑐹 ‘𑐏𑐣𑐵𑐏𑑃’ 𑐰 𑐣𑐬𑐾𑐱 𑐀𑐩𑐵𑐟𑑂𑐫𑐫𑐵 𑐔𑐶𑐧𑐵𑐏𑑄 𑐳𑐦𑐹 ‘𑐁𑐏𑐾’ 𑐥𑐶𑐟 𑐧𑑂𑐰𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐩𑑂𑐴 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛, 𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐥𑐶𑑄 𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵 𑐩𑐮𑑂𑐮 𑐎𑐾 𑐳𑐸𑐣𑑂𑐡𑐬, 𑐧𑐵𑐏𑑄 𑐔𑑂𑐰𑐩𑐶 𑐫𑐖𑑂𑐘𑐬𑐟𑑂𑐣 𑐢𑐵𑐏𑑂𑐰𑐵, 𑐳𑐵𑐴𑐶𑐟𑑂𑐫𑐎𑐵𑐬 𑐜𑐵. 𑐥𑐸𑐲𑑂𑐥𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬 𑐰 𑐳𑐩𑐵𑐮𑑀𑐎 𑐥𑑂𑐬𑐵. 𑐥𑑂𑐬𑐾𑐩𑐱𑐵𑐣𑑂𑐟𑐶 𑐟𑐸𑐮𑐵𑐢𑐬𑑄 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐣𑐵𑐐𑐵𑐬𑑂𑐖𑐸𑐣 𑐥𑐧𑑂𑐮𑐶𑐎𑐾𑐱𑐣𑐫𑐵 𑐣𑐵𑐫𑑅 𑐜𑐵. 𑐳𑐬𑑂𑐰𑑀𑐟𑑂𑐟𑐩 𑐱𑑂𑐬𑐾𑐲𑑂𑐛𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐔𑑂𑐰𑐩𑐶𑐥𑐶𑑄 𑐥𑑂𑐬𑐟𑐶𑐳𑐬𑐵 𑐳𑐵𑐫𑑂𑐩𑐶, 𑐣𑐬𑐾𑐱 𑐀𑐩𑐵𑐟𑑂𑐫 𑐰 𑐰𑐶𑐖𑐫𑐬𑐟𑑂𑐣 𑐀𑐳𑑄𑐧𑐬𑐾𑑄 𑐠𑑅𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋