𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐁𑐲𑐵𑐝 𑑓𑑑, 𑐩𑑄𑐐𑐮𑐧𑐵𑐬 𑑒𑑑:𑑐𑑔:𑑓𑑒 𑐐𑐸𑐬𑐸 𑐥𑐸𑐣𑑂𑐴𑐶 𑐰 𑐔𑐿𑐣 𑐮𑐵𑐎𑑁𑐮𑐫𑐵 𑐧𑐸𑐡𑐶𑑄𑐫𑐵 𑐮𑐳𑐟𑐵𑐫𑑂 𑐣𑐾𑐥𑐵𑐮𑐨𑐵𑐲𑐵 𑐎𑐾𑐣𑑂𑐡𑑂𑐬𑐷𑐫 𑐰𑐶𑐨𑐵𑐐𑐫𑑂 𑐠𑑁𑑄 𑐩𑑄𑐐𑐮𑐰𑐵𑑅 𑐥𑑂𑐫𑑄𑐐𑐹 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐡𑐸 𑑋 𑐮𑐸𑐩𑐣𑑂𑐟𑐶 𑐡𑐧𑐹𑐫𑐵 𑐐𑑂𑐰𑐳𑐵𑐮𑐫𑑂 𑐰𑐶𑐨𑐵𑐐𑐫𑐵 𑐥𑑂𑐬𑐩𑐸𑐏 𑐥𑑂𑐬𑐵𑐜𑐵. 𑐌𑐩𑐎𑐵𑐬𑐾𑐱𑑂𑐰𑐬 𑐱𑑂𑐬𑐾𑐲𑑂𑐛𑐫𑐵 𑐣𑐵𑐫𑑅𑐳𑐸𑐂 𑐎𑐵𑐱𑐶𑐣𑐵𑐠 𑐟𑐩𑑀𑐚, 𑐄𑐥𑐥𑑂𑐬𑐵𑐢𑑂𑐫𑐵𑐥𑐎 𑐧𑐖𑑂𑐬𑐩𑐸𑐣𑐶 𑐧𑐖𑑂𑐬𑐵𑐔𑐵𑐬𑑂𑐫, 𑐄𑐥𑐥𑑂𑐬𑐵𑐢𑑂𑐫𑐵𑐥𑐎 𑐬𑐵𑐖𑐣 𑐮𑐵𑐮 𑐖𑑀𑐱𑐷, 𑐄𑐥𑐥𑑂𑐬𑐵𑐢𑑂𑐫𑐵𑐥𑐎 𑐬𑐵𑐖𑐶𑐟𑐧𑐴𑐵𑐡𑐸𑐬 𑐱𑑂𑐬𑐾𑐲𑑂𑐛, 𑐄𑐥𑐥𑑂𑐬𑐵𑐢𑑂𑐫𑐵𑐥𑐎 𑐬𑐰𑐶 𑐱𑐵𑐎𑑂𑐫, 𑐱𑐶𑐎𑑂𑐲𑐎 𑐖𑐷𑐰𑐣𑐎𑐸𑐩𑐵𑐬 𑐩𑐴𑐬𑑂𑐖𑐣, 𑐮𑐸𑐩𑐣𑑂𑐟𑐶 𑐡𑐧𑐹𑐫𑐵 𑐣𑐵𑐫𑑅 𑐎𑐶𑐬𑐞 𑐎𑐾𑐣 𑐬𑐘𑑂𑐖𑐶𑐟 𑐰 𑐳𑐦𑐹𑐫𑐵 𑐔𑑂𑐰𑐩𑐶𑐥𑐶𑑄 𑐕𑐳𑐶𑑄𑐎𑐠𑑄 ‘𑐏𑑀𑐥𑐫𑐵 𑐖𑑂𑐫𑐵𑐥𑐸 𑐎𑐸𑐣𑐵𑑄’ 𑐬𑐰𑐶𑐣 𑐱𑑂𑐬𑐾𑐲𑑂𑐛, ‘𑐟𑐸𑑄𑐏𑑂𑐫𑑅𑐫𑐵 𑐧𑐖𑑂𑐬𑐰𑐷𑐬 𑐩𑐴𑐵𑐎𑐵𑐮𑐫𑐵 𑐳𑐵𑑄𑐳𑑂𑐎𑐺𑐟𑐶𑐎 𑐀𑐢𑑂𑐫𑐫𑐣’ 𑐧𑐶𑐩𑐮𑐥𑑂𑐬𑐨𑐵 𑐧𑐖𑑂𑐬𑐵𑐔𑐵𑐬𑑂𑐫, ‘𑐮𑐸𑑃𑐨𑐸𑐫𑐵 𑐩𑐴𑐵𑐮𑐎𑑂𑐲𑑂𑐩𑐷 𑐖𑐵𑐟𑑂𑐬𑐵’ 𑐬𑐵𑐩𑐧𑐴𑐵𑐡𑐸𑐬 […]
