𑐡𑐳𑐶 𑐰 𑐟𑐬𑑂𑐎
𑑒.𑑒 𑐔𑑂𑐰𑐫𑑂 𑐰𑑄𑐐𑐸 𑐏𑑃 𑐳𑐷𑐡𑐟 𑐎𑐶 𑐣𑐾𑐥𑐵𑐮𑐫𑐵 𑐱𑐶𑐮𑐵𑐮𑐾𑐏 𑐁𑐡𑐷 𑐗𑐷𑐐𑐸 𑐨𑐵𑐲𑐵𑐫𑐵 𑐥𑑂𑐬𑐫𑑀𑐐 𑐖𑐹𑐐𑐸 𑐣𑐾.𑐳𑑄. 𑑓𑑕𑑓 (𑐂𑐳𑑂𑐰𑐷 𑑑𑑒𑑓𑑓) 𑐣𑐶𑐳𑐾𑑄 𑐏𑐣𑐾𑐡𑐸 𑑋 𑐠𑑂𑐰𑐫𑐵𑑄 𑐤𑑂𑐫𑑅 𑐡𑐎𑑀 𑐦𑐸𑐎𑑄 𑐳𑑄𑐳𑑂𑐎𑐺𑐟 𑐨𑐵𑐳𑑄 𑐔𑑂𑐰𑐫𑐵 𑐟𑑅𑐐𑐸 𑐀𑐨𑐶𑐮𑐾𑐏 𑐖𑐎 𑐡𑐸 𑑋 𑐀𑐠𑐾 𑐴𑐾 𑐯𑐵𑐟𑑄 𑐔𑑂𑐰𑐫𑐵 𑐟𑑅𑐐𑐸 𑐳𑐦𑐹 𑐰𑐵 𑐩𑐾𑐐𑐸 𑐮𑐶𑐥𑐶𑐧𑐡𑑂𑐢 𑐡𑐳𑐶𑐂 𑐣𑑄 𑐳𑑂𑐠𑐶𑐟𑐶 𑐩𑐮𑑂𑐮𑐫𑐵𑑄 𑐤𑑂𑐫𑑅 𑐣𑐾𑐥𑐵𑐮 𑐨𑐵𑐲𑐵𑐫𑐵 𑐥𑑂𑐬𑐫𑑀𑐐 𑐖𑐹𑐐𑐸 𑐄𑐳𑑂𑐟 𑐏𑐣𑐾 𑐩𑐡𑐸 𑑋
𑐖𑐶𑑄 𑐐𑐣 𑐟𑐎 𑐳𑑂𑐫𑐹 𑐖𑐫𑐳𑑂𑐠𑐶𑐟𑐶 𑐩𑐮𑑂𑐮𑐫𑐵𑑄 𑐤𑑂𑐫𑑅𑐫𑐵 𑐏𑐵𑐮𑐶 𑐕𑐐𑐹 𑐯𑐵𑐟𑑄 𑐔𑑂𑐰𑐫𑐵𑐟𑑅𑐐𑐸 𑐳𑐦𑐸𑐮𑐷 𑐣𑐾𑐥𑐵𑐮 𑐨𑐵𑐲𑐵𑐫𑐵 𑐥𑑂𑐬𑐫𑑀𑐐 𑐖𑐹𑐐𑐸𑐡𑐸 𑑋 𑐰 𑐳𑐦𑐹 𑐏𑑅 𑐧𑑄𑐐𑐵𑐮𑐫𑐵 𑐥𑐞𑑂𑐜𑐶𑐟 𑐣𑐵𑐬𑐵𑐫𑐞𑑄 𑑑𑑒 𑐐𑐹 𑐱𑐡𑐷 𑐳𑑄𑐳𑑂𑐎𑐺𑐟𑑄 𑐔𑑂𑐰𑑅𑐐𑐸 𑐴𑐶𑐟𑑀𑐥𑐡𑐾𑐱𑐫𑐵𑐟 𑐯𑑂𑐫𑐫𑐵𑑅 𑐳𑑄𑐳𑑂𑐎𑐺𑐟 𑐮𑐶𑐳𑐾𑑄 𑐣𑐾𑐥𑐵𑐮 𑐨𑐵𑐲𑐵𑑄 𑐚𑐶𑐎𑐵 𑐔𑑂𑐰𑐫𑐵 𑐟𑑅𑐐𑐸 𑐣𑐾𑐥𑐵𑐮 𑐳𑐩𑑂𑐧𑐟𑑂 𑑔𑑘𑑑 (𑐂𑐳𑑂𑐰𑐷 𑑑𑑓𑑖𑑐) 𑐫𑐵 𑐳𑐦𑐹 𑑋 𑐠𑑂𑐰 𑐳𑐦𑐹 𑐥𑐱𑑂𑐔𑐶𑐩 𑐧𑐬𑑂𑐮𑐶𑐣𑐫𑐵 𑐳𑐬𑐎𑐵𑐬𑐷 𑐳𑑄𑐐𑑂𑐬𑐴𑐵𑐮𑐫𑐫𑐵 Ethnological Museum 𑐀𑐣𑑂𑐟𑐬𑐐𑐟 𑐳𑑄𑐐𑑂𑐬𑐴𑐮𑐾 𑐡𑐸 𑑋
𑐀𑐟𑑂𑐫𑐣𑑂𑐟 𑐧𑐵𑑄𑐮𑐵𑐎 𑐯𑐵𑐟𑑄 𑐔𑑂𑐰𑐫𑐵𑐟𑑅𑐐𑐸 𑐠𑑂𑐰 𑐔𑐶𑐎𑐶𑐔𑐵 𑐢𑑄𑐐𑐸 𑐳𑐦𑐹𑐔𑐵 𑐖𑐩𑑂𑐩𑐵 𑑙𑑖 𑐥𑑁, 𑐕𑐐𑐹 𑐥𑐟𑐷 𑑕 𑐗𑑀 𑐔𑑂𑐰𑐫𑐵 𑐟𑑅𑐐𑐸 𑐡𑐸 𑑋 𑐠𑑂𑐰 𑐳𑐦𑐹𑐫𑐵 𑐄𑐮𑑂𑐮𑐾𑐏 𑐥𑑂𑐬𑑀. 𑐀𑐐𑐲𑑂𑐚 𑐎𑐣𑐬𑐾𑐜𑐷𑑄 𑐠𑑅𑐐𑐸 ‘Das Newari 𑐢𑐿𑐐𑐸 (𑐂𑐳𑑂𑐰𑐷 𑑑𑑘𑑙𑑑) 𑐮𑐾𑐏𑐾𑐕 𑐫𑐵𑐣𑐵 𑐡𑐷𑐐𑐸 𑐡𑐸 𑑋 𑐀𑐣𑑄𑐮𑐷 𑐜𑐵. 𑐴𑐵𑐫𑐣𑑂𑐳𑑂 𑐫𑑀𑐬𑐐𑐣𑐱𑐾𑐣𑑄 𑐰𑐾𑐎𑑅𑐫𑐵 𑐣𑐵𑑄𑐡𑑄𑐐𑐸 A Dictionary of the Classical Newari 𑐫𑐵 𑐥𑑁 𑑔 𑐳𑑄 𑐩𑐶𑐟𑐶 𑐣𑐵𑐥𑑄 𑐧𑐶𑐫𑐵 𑐠𑑂𑐰 𑐳𑐦𑐹𑐫𑐵–𑐄𑐮𑑂𑐮𑐾𑐏 𑐫𑐵𑐣𑐵 𑐡𑐷𑐐𑐸 𑐡𑐸 𑑋
𑐠𑑂𑐰 𑐳𑐦𑐹𑐫𑐵 𑐣𑐶𑐐𑐹 𑐥𑑁𑐫𑐵 𑐎𑐶𑐥𑐵 (𑐳𑑂𑐚𑐎𑐴𑑀𑐩 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐂𑐣𑑂𑐜𑑀𑐮𑑀𑐖𑐷𑐫𑐵 𑐥𑑂𑐬𑑀𑐦𑐾𑐳𑐬 𑐜𑐵. 𑐳𑐶𑐐𑑂𑐥𑐾𑑂𑐬m𑐜 𑐮𑐷𑐣𑐴𑐵𑐬𑑂𑐜𑐫𑐵 𑐛 𑐳𑑁𑐖𑐣𑑂𑐫𑑄) 𑐠𑐣 𑐎𑑂𑐰𑐾 𑐧𑐶𑐫𑐵𑐐𑐸 𑐡𑐸 𑑋
9. Newari – Due Pagine du una versione in newari Hitooadesa. Manoscritto datato–1360 d.c.
𑐂𑐳𑑂𑐰𑐷 𑑑𑑓𑑖𑑐 𑐫𑐵 𑐴𑐶𑐟𑑀𑐥𑐡𑐾𑐱𑐫𑐵𑑄 𑐮𑑂𑐫𑐹 𑐖𑐸𑐖𑐸 𑐖𑐫𑐳𑑂𑐠𑐶𑐟𑐶 𑐩𑐮𑑂𑐮𑐫𑐵 𑐥𑐵𑐮𑐾𑐫𑐵 𑐖𑐩𑑂𑐩𑐵 𑐳𑑂𑐰𑑄𑐐𑐹 𑐳𑐦𑐹 𑐣𑐾𑐥𑐵𑐮 𑐨𑐵𑐲𑐵𑑄 𑐔𑑂𑐰𑐫𑐵 𑐟𑑅𑐐𑐸 𑐰𑐵 𑐣𑐾𑐥𑐵𑐮 𑐨𑐵𑐲𑐵 𑐡𑐸𑐠𑑂𑐫𑐵𑐎𑐵𑑅 𑐳𑑄𑐳𑑂𑐎𑐺𑐟𑑄 𑐔𑑂𑐰𑐫𑐵𑐟𑑅𑐐𑐸 𑐁𑐟𑐎 𑐮𑐸𑐫𑐵𑐰𑑅𑐐𑐸 𑐡𑐸 𑑋 𑐰 𑐳𑑂𑐰𑑄𑐐𑐹 𑐳𑐦𑐹𑐟 𑐏𑑅 (𑐕𑐶) 𑐩𑐵𑐣𑐰 𑐣𑑂𑐫𑐵𑐫𑐱𑐵𑐳𑑂𑐟𑑂𑐬 (𑐣𑐾.𑐳𑑄. 𑑕𑑐𑑐–𑐂𑐳𑑂𑐰𑐷 𑑑𑑓𑑘𑑐) 𑑋
𑐣𑐵𑐬𑐡𑐫𑐵 𑐣𑑂𑐫𑐵𑐫𑐱𑐵𑐳𑑂𑐟𑑂𑐬 𑐀𑐠𑐰𑐵 𑐩𑐣𑐸𑐳𑑂𑐩𑐺𑐟𑐶𑐫𑐵 𑐰𑐶𑐲𑐫𑐾 𑐣𑐵𑐬𑐡𑐫𑐵 𑐳𑑄𑐴𑐶𑐟𑐵𑐫𑐵𑐟 𑐖𑐫𑐳𑑂𑐠𑐶𑐟𑐶 𑐩𑐮𑑂𑐮𑐫𑐵 𑐩𑐣𑑂𑐟𑑂𑐬𑐷 𑐖𑐵𑐫𑐟𑐫𑐵 𑐮𑐵𑐐𑐶 𑐣𑐾𑐥𑐵𑐮 𑐨𑐵𑐲𑐵𑑄 𑐴𑐷𑐎𑐵 𑐟𑑅𑐐𑐸 (𑐳𑑂𑐰𑐫𑐵 𑐡𑐶𑐳𑑃— 𑐴𑐬𑐶𑐥𑑂𑐬𑐳𑐵𑐡 𑐱𑐵𑐳𑑂𑐟𑑂𑐬𑐷𑐫𑐵 A Catalogue of Palm-leaf Manuscripts in the Durbar Library, Nepal, Vol I p 43 𑑋
𑐀𑐠𑐰𑐵 𑐬𑐵𑐲𑑂𑐚𑑂𑐬𑐶𑐫 𑐳𑑄𑐐𑑂𑐬𑐴𑐵𑐮𑐫𑐫𑐵 𑐢𑐮𑑅𑐥𑑁 𑑑, 𑐳𑑄𑐏𑑂𑐫𑐵 𑑑𑑒𑑓 …)(𑐣𑐶) 𑐀𑐩𑐬𑐎𑑀𑐲 (𑐣𑐾.𑐳𑑄. 𑑕𑑐𑑖, 𑐔𑐿𑐟𑑂𑐬 𑐎𑐺𑐲𑑂𑐞, 𑐂𑐳𑑂𑐰𑐷 𑑑𑑓𑑘𑑖) 𑐩𑐣𑑂𑐟𑑂𑐬𑐷 𑐖𑐵𑐫𑐟𑐫𑐵 𑐎𑐵𑐫𑑂𑐫𑐵𑐟 𑐀𑐩𑐬𑐎𑑀𑐲 𑐳𑑂𑐫𑐣𑐾𑐟 𑐣𑐾𑐥𑐵𑐮 𑐨𑐵𑐲𑐵𑑄 𑐚𑐶𑐥𑑂𑐥𑐞𑐷 𑐔𑑂𑐰𑐫𑐵 𑐟𑑅𑐐𑐸 𑑋 𑐎𑐾𑐩𑑂𑐧𑑂𑐬𑐷𑐖 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐧𑑁𑐡𑑂𑐢 𑐳𑑄𑐳𑑂𑐎𑐺𑐟 𑐴𑐳𑑂𑐟𑐮𑐶𑐏𑐶𑐟 𑐳𑑄𑐐𑑂𑐬𑐴𑐾 𑐡𑐸𑐠𑑂𑐫𑐵𑐎𑐵 𑐟𑑅𑐐𑐸 𑑋(𑐥𑑂𑐬𑑀. 𑐧𑐾𑐞𑑂𑐜𑐮𑑄 𑐠𑑅𑐐𑐸 Catalogue of the Buddhist Sanskrit Manuscripts in University Library Cambridgem 9 1883 𑐫𑐵𑐥𑑁 𑑑𑑘𑑗 𑐳 𑐠𑑂𑐰 𑐀𑐩𑐬𑐎𑑀𑐲 𑐳𑐦𑐹𑐫𑐵 𑐕𑐐𑐹 𑐰𑐬𑑂𑐞𑐣 𑐠𑐸𑐎𑐠𑑄 𑐧𑐶𑐫𑐵 𑐟𑑅𑐐𑐸𑐡𑐸 𑑋
𑐣𑐵𑐥𑑄 𑐥 𑐳𑐦𑐹𑐫𑐵 Colophon 𑐫𑐵 𑐕𑐐𑐹 𑐄𑐡𑑂𑐢𑐬𑐞 𑐣𑑄 𑐧𑐶𑐫𑐵 𑐟𑑅𑐐𑐸 𑐡𑐸 : “𑐟𑐵𑐜𑐥𑐟𑑂𑐬, 𑑑𑑖𑑑 𑐥𑑁 𑑕 𑐗𑑀𑑅 𑑑𑑒 𑐴𑑂 𑑒 𑐂𑐣𑑂𑐔, 𑐩𑐶𑐟𑐶 𑐣𑐾.𑐳𑑄. 𑑕𑑐𑑖 (𑐳𑐣𑑂 𑑑𑑓𑑘𑑖) 𑐀𑐩𑐬𑐎𑑀𑐲, 𑐖𑐫𑐳𑑂𑐠𑐶𑐟𑐶 𑐩𑐮𑑂𑐮𑐫𑐵 𑐬𑐵𑐖𑑂𑐫 𑐎𑐵𑐮𑐾 𑐏𑑂𑐰𑐥𑐾 𑐩𑐵𑐞𑐶𑐎𑑂𑐫𑑄 𑐔𑑂𑐰𑐫𑐵𑐟𑑅𑐐𑐸 𑐰𑐶𑐰𑐶𑐟𑑂𑐬𑐶, 𑐣𑐵𑑄𑐫𑐵 𑐣𑐾𑐰𑐵𑑅 𑐚𑐷𑐎𑐵 𑐣𑑄 𑐡𑐸𑐠𑑂𑐫𑐵𑐐𑐸 𑑋