Articles


𑐩𑐡𑐸𑐩𑑂𑐴 𑐎𑐰𑐶 𑐣𑐵𑐟𑐷 𑐩𑐴𑐬𑑂𑐖𑐣 𑐥𑐵𑐎𑑅𑐫𑐵 𑐥𑐶𑐩𑐡𑑄𑐣𑐶𑐐𑐸 𑐕𑐥𑐹 𑐧𑐵𑐏𑑄 — 𑐗𑐵𑐜𑐵 𑐣𑐵𑐫𑑅 𑐁𑐛𑐥𑐴𑐬𑐷𑐫𑐵 𑐣𑐶𑐩𑑂𑐴 𑐳𑑂𑐰𑐩𑑂𑐴 𑐧𑑂𑐰𑐣𑐵 𑐠𑑁𑑄 𑐳𑐸𑐠𑑄𑐣𑐶𑐳𑐾𑑄 𑐨𑐶𑐩𑐰𑐴𑐵𑐡𑐸𑐬 𑐁𑐧𑐵 𑐐𑐵𑐩𑐫𑑂 𑐔𑐵𑐴𑑂𑐫𑐹 𑐖𑐸𑐮 𑑋 𑐴𑐵𑐎𑐸𑐔𑐶𑐫𑐵 𑐕𑐾𑑃 𑐣𑑂𑐴𑑂𑐫𑑀𑐣𑐾 𑐔𑑂𑐰𑐣𑐵 𑐴𑐵𑐎𑐸𑐔𑐶𑐟 “𑐊 𑐴𑐵𑐎𑐸 ! 𑐊 𑐴𑐵𑐎𑐸 !” 𑐢𑐎𑐵𑑅 𑐳𑐟𑐵𑑅𑐔𑑂𑐰𑐣 𑑋 𑐴𑐵𑐎𑐸𑐔𑐵 𑐕𑐾𑑃𑐫𑑂 𑐩𑐡𑐸𑐮𑐵 𑐩𑐳𑑂𑐫𑐸 𑐴𑐃 𑐢𑐫𑐵𑐩𑐴𑑅 𑑋 “𑐕𑐾𑑃𑐫𑑂 𑐴𑐾 𑐩𑐡𑐸 𑐖𑐸𑐂 𑐰, 𑐐𑐖𑑂𑐫𑐵𑑅𑐩𑑂𑐴 𑐩𑐣𑐹 𑐐𑐣 𑐖𑐎 𑐰𑐣𑐷𑐩𑑂𑐴 𑐣𑑂𑐴𑑂𑐫𑐵𑐧𑐮𑐾𑑄 𑐰𑑅𑐳𑐵𑑄 𑐕𑐾𑑃 𑐩𑐡𑐸 𑑋 𑐕𑐾𑑃 𑐡𑐸𑐳𑐵𑑄 𑐴𑐂 𑐩𑐢𑐵𑑅𑐳𑐾 𑐔𑑂𑐰𑐣𑐵 𑐔𑑂𑐰𑐣𑐶𑐩𑑂𑐴𑐮𑐵 𑐧𑐾𑐂𑐩𑐵𑐣 𑐢𑐎𑐵𑑅 𑐨𑐷𑐩𑐰𑐴𑐵𑐡𑐸𑐬 𑐁𑐧𑐵 𑐨𑐸𑐣𑐸 𑐨𑐸𑐣𑐸 𑐴𑐵𑐮𑐵𑐔𑑂𑐰𑐣 𑑋 𑐁𑑅 𑐠𑑂𑐰𑐫𑐵𑐟 𑐕𑐸 𑐫𑐵𑐫𑑂𑐐𑐸 𑐁𑐛𑐥𑐴𑐬𑐷𑐟 𑐥𑐵𑐏𑐾 𑐳𑑂𑐰𑐫𑐵𑑅 𑐢𑐵𑐮, “𑐠𑑂𑐰𑑃 𑐖𑐶𑐟𑑅 𑐟𑐳𑐎𑑄 𑐡𑐸𑑅𑐏 𑐧𑐶𑐮 𑐕𑐎𑑅 𑐩𑐏𑐸, 𑐣𑐶𑐎𑑅 𑐩𑐏𑐸, 𑐐𑑂𑐰𑐣𑑂𑐴𑐸 𑐡𑐟 𑐖𑐶𑐟𑑅 𑐡𑐸𑑅𑐏 𑐧𑐶𑐫𑐵 𑐟𑑅𑐐𑐸 𑐎𑐵 𑐁𑐛𑐥𑐴𑐬𑐷𑐫𑐵 𑐨𑐵𑐃 𑑋 […]

𑐗𑐵𑐜𑐵 𑐣𑐵𑐫𑑅—𑐕𑐥𑐹 𑐧𑐵𑐏𑑄


𑐡𑐎𑑂𑐎𑐮𑐾 𑐣𑑂𑐴𑐵𑐥𑐵𑑄 𑐧𑐵𑐏𑑄 𑐣𑑂𑐫𑐣𑐾𑐰𑐵 𑐀𑐨𑐶𑐫𑐵𑐣 𑐏𑐮𑑅𑐫𑐵𑐟 𑐎𑐶𑐥𑐸𑐮𑐶𑐂 𑐮𑐳𑐎𑐸𑐳 𑐡𑐸, 𑐠𑑂𑐰 𑐀𑐨𑐶𑐫𑐵𑐣 𑐣𑑂𑐴𑑂𑐫𑐵𑐎𑐵𑑅 𑐡𑐶𑐂𑐐𑐸𑐫𑐵𑐟 𑐁𑐥𑐵𑑅𑐁𑐥𑐮𑑄 𑐳𑐸𑐨𑐵𑐫𑑂 𑐣𑑄 𑐡𑐸 𑑋 𑐠𑑁𑑄 𑐗𑐷, 𑐣𑐾𑐥𑐵𑑅𑐫𑐵 𑐕𑐐𑐹 𑐥𑑂𑐬𑐵𑐔𑐷𑐣 𑐰 𑐋𑐟𑐶𑐴𑐵𑐳𑐶𑐎 𑐱𑐴𑐬 𑐎𑐶𑐥𑐹𑐫𑐵 𑐡𑐎𑑂𑐎𑐮𑐾 𑐔𑑂𑐰𑐫𑑂𑐮𑐵𑑅𑐐𑐸 𑐎𑑂𑐰𑐵𑑅𑐔𑑂𑐰 𑐀𑐬𑑂𑐠𑐵𑐟𑑂 𑐎𑑂𑐰𑐵𑐠𑐔𑑂𑐰𑐫𑑂 𑐩𑐴𑐵𑐡𑑂𑐫𑑅–𑐥𑐵𑐬𑑂𑐰𑐟𑐷 𑐡𑐾𑐐𑑅𑐫𑐵 𑐩𑐸𑐮𑐫𑑂 𑐧𑐵𑐏𑑄 𑐣𑑂𑐫𑐣𑐾𑐎𑐣𑐾 𑐫𑐵𑐫𑐾𑐟 𑐩𑐸𑐣𑐵𑑅 𑐔𑑂𑐰𑐣𑐵 𑑋 𑐧𑐵𑐏𑑄 𑐣𑑂𑐫𑐣𑐾𑐎𑐣𑐾 𑐫𑐵𑐫𑐾𑐫𑐵 𑐣𑑂𑐴𑑂𑐫 𑐧𑐵𑐏𑑄 𑐕𑐸 𑐏𑑅? 𑐕𑐵𑐫𑑂 𑐣𑑂𑐫𑐣𑐾𑐎𑐣𑐾 𑐩𑐵𑐮 ? 𑐐𑐠𑐾 𑐐𑐸𑐎𑐠𑑄 𑐢𑐂𑐐𑐸 𑐕𑐟𑑂𑐰𑐵𑐔𑐵 𑐏𑑃 𑐣𑑂𑐴𑑂𑐫𑐠𑐣𑐾 𑑋 𑐧𑐵𑐏𑑄 𑐕𑐸 𑐏𑑅 𑐢𑐵𑐫𑐾𑐧𑐮𑐫𑑂 𑐧𑐵𑐏𑑄 𑐥𑐸𑐮𑐵𑑄𑐐𑐸 𑐑𑐚𑑂𑐣𑐵𑐫𑐵 𑐧𑐶𑐰𑐬𑐞 𑐏𑑅, 𑐳𑐩𑐵𑐖 𑐳𑐵𑐥𑐎𑑂𑐲 𑐎𑐵𑐮𑑂𑐥𑐣𑐶𑐎 𑐣𑑄 𑐖𑐸𑑄𑐂 𑐦𑐸 𑑋 𑐰𑐶𑐱𑐾𑐲 𑐫𑐵𑐣𑐵𑑅 𑐧𑐵𑐏𑑄 𑐥𑑂𑐬𑐵𑐎𑐺𑐟𑐶𑐎 𑐱𑐎𑑂𑐟𑐶 𑐰 𑐢𑐵𑐬𑑂𑐩𑐶𑐎 𑐁𑐳𑑂𑐠𑐵𑐫𑐵𑐟 𑐧𑑅𑐎𑐫𑐵𑐟𑑅𑐐𑐸 𑐡𑐸 𑑋 𑐧𑐵𑐏𑑄 𑐕𑐵𑐫𑑂 𑐣𑑂𑐫𑐣𑐾𑐎𑐣𑐾 𑐩𑐵𑐮 𑐢𑐵𑐫𑐾𑐧𑐮𑐫𑑂 𑐥𑐸𑐮𑐵𑑄𑐐𑐸 𑐏𑑃 𑐳𑐶𑐂𑐎𑐾𑐟, 𑐳𑐶𑐂𑐎𑐵𑑅 𑐠𑐸𑐂𑐎𑐵𑑅 𑐧𑐵𑑄𑐮𑐵𑑅𑐐𑐸 𑐐𑑁𑐬𑐩𑐫 𑐂𑐟𑐶𑐴𑐵𑐳 𑐩𑑂𑐰𑐵𑐎𑐵𑑅 […]

𑐎𑐶𑐥𑐹𑐫𑐵 𑐠𑐷 𑐠𑐷 𑐣𑐵𑑄𑐫𑐵 𑐧𑐵𑐬𑐾 ...


𑐣𑐵𑐬𑐡 𑐰𑐖𑑂𑐬𑐵𑐔𑐵𑐬𑑂𑐫 𑐚𑐾𑐧𑐸𑐮 𑑋 𑐚𑐾𑐧𑐸𑐮𑐫𑐵 𑐡𑑂𑐫𑑅𑐣𑐾 𑐕𑐥𑐵𑑅 𑐎𑐶𑐥𑐵 𑑋 𑐎𑐶𑐥𑐵𑐫𑐵 𑐣𑑂𑐴𑑂𑐫𑑅𑐣𑐾 𑐔𑑂𑐫𑐵𑐣𑐵𑐔𑑂𑐰𑐣 𑐕𑐥𑑂𑐰𑐵𑑅 𑐡𑐾𑐰𑐵 𑑋 𑐔𑐸𑐥𑐔𑐵𑐥 𑑋 𑐔𑐸𑐥𑐔𑐵𑐥 𑑋 𑐔𑐸𑐥𑐔𑐵𑐥 𑑋 xxx 𑐥𑐶𑐣𑐾 – 𑐟𑐟𑑅𑐢𑑄𑐐𑐸 𑐢𑐵𑐎𑐸𑐦𑐫𑑂 𑐰𑐮 𑑋 𑐢𑐸𑐦𑑂𑐰𑑅 𑐡𑐣 𑑋 𑐰𑐵 𑐰𑐮 𑑋 𑐥𑑂𑐰𑑃 𑐰𑐮 𑑋 𑐳𑐶𑐣𑑂𑐡𑐸𑐬 𑐖𑐵𑐟𑑂𑐬𑐵 𑐖𑐸𑐮 ….𑐐𑐠𑐾 𑐩𑑂𑐴𑐶𑐐𑑅 𑐩𑑂𑐴𑐷𑐐 𑐣𑑄 𑐖𑐹 𑑋 𑐟𑐬, 𑐠𑑂𑐰 𑐦𑐸𑐎𑑂𑐎𑑄 𑐏𑑄 𑐧𑐾𑐏𑐧𑐬 𑑋 𑐣𑐶𑐳𑑂𑐟𑐧𑑂𑐢 𑐩𑑁𑐣 𑑋 𑐠𑑂𑐰 𑐎𑑂𑐰𑐠𑐵 𑑋 𑐎𑑂𑐰𑐠𑐵𑐫𑑂 𑐩𑐣𑐹𑐟 𑐡𑐸 𑑋 𑐟𑐬 𑐳𑐎𑐮𑐾𑑄 𑐳𑐎𑐮𑐾𑑄 𑐳𑐸𑐩𑑂𑐎 𑐳𑐸𑐩𑑂𑐎 𑑋 𑐎𑐸𑐥𑑂𑐥 𑑋 𑐩𑑁𑐣 𑑋 𑐕𑐩𑑂𑐴 𑐮𑐶𑐳𑐾 𑐩𑐾𑐩𑑂𑐴 𑐟𑐵𑐟𑐵𑐥𑐵𑐎𑑂𑐎 𑑋 𑐕𑐏𑐾 𑐕𑐏𑐾 𑑋 𑐧𑐶𑐳𑑂𑐎𑑄 𑐧𑐶𑐳𑑂𑐎𑑄 𑑋 𑐦𑐸𑐎𑑂𑐎𑐳𑐶𑐫𑐵 𑐩𑐶𑐏𑐵 𑐩𑐶𑐏𑐵𑐫𑑂 𑐖𑐵𑐫𑐾𑐎 𑐖𑐵𑐫𑐾𑐎 𑐏𑑂𑐰𑐧𑐶 𑐡𑐸 𑑋 𑐣𑐸𑐐𑐮𑐫𑑂 𑐟𑐫𑐵𑑄𑐟𑐫𑐾𑐠𑐵𑐫𑑂 𑐩𑐡𑐫𑐾𑐎 𑐥𑐷𑐜𑐵 𑐡𑐸 𑑋 𑐐𑑂𑐫𑐵𑑅 𑐔𑐶𑐎𑐸 𑐣𑑄 […]

𑐧𑐵𑐏𑑄 – 𑐎𑐣𑑂𑐴𑐫𑑂‌𑐫𑐵 𑐳𑐸𑐠



𑐫𑐾𑑃 – 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵. 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐥𑐵𑐏𑐾 𑐣𑑄 𑐧𑐴𑐵𑐮 𑐎𑐬 𑐩𑑂𑐴𑐂𑐐𑐸 𑐖𑐹𑐐𑐸 𑐡𑐸 𑑋 𑐳𑐩𑑂𑐥𑐟𑑂𑐟𑐶 𑐧𑐵𑐮𑑄𑐧𑐶𑐫𑐵𑑅 𑐁𑐫 𑐁𑐬𑑂𑐖𑐣 𑐫𑐵𑐣𑐵𑐔𑑂𑐰𑑄𑐐𑐸 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐫𑐵𑐟 𑑑𑑐 𑐥𑑂𑐬𑐟𑐶𑐱𑐟 𑐥𑐸𑐮𑐾𑐟 𑐫𑐾𑑃𑐩𑐣𑐥𑐵𑑄 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋 𑐫𑐾𑑃 𑐩𑐴𑐵𑐣𑐐𑐬 𑐡𑐸𑐣𑐾 𑑘𑑙 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫 𑐡𑐸, 𑐐𑐸𑐎𑐶 𑐩𑐢𑑂𑐫𑐾 𑑕𑑙 𑐩𑐵𑐢𑑂𑐫𑐵𑐩𑐶𑐎 𑐰 𑑓𑑐 𑐁𑐢𑐵𑐬𑐨𑐹𑐟 𑐰𑐶𑐡𑑂𑐫𑐵𑐮𑐫 𑐏𑑅 𑑋 𑐫𑐾𑑃𑐫𑐵 𑐁𑐥𑐵𑐮𑑄 𑐢𑐫𑐵𑐠𑐾𑑄 𑐩𑐹 𑐳𑐟𑐎𑐫𑑂 𑐔𑑂𑐰𑑄𑐐𑐸 𑐰𑐶𑐡𑑂𑐫𑐵𑐮𑐫𑑄 𑐧𑐵𑐮𑑄𑐧𑐶𑐫𑐵𑑅 𑐁𑐩𑑂𑐡𑐵𑐣𑐷 𑐫𑐵𑐣𑐵𑐔𑑂𑐰𑑄𑐐𑐸 𑐏𑐣𑐾𑐡𑐸𑐐𑐸𑐮𑐶𑑄 𑐫𑐾𑑃 𑐩𑐣𑐥𑐵𑑄 𑐧𑐴𑐵𑐮 𑐎𑐬 𑐩𑑂𑐴𑐫𑐾𑐐𑐸 𑐟𑐫𑐵𑐬𑐷 𑐫𑐵𑑅𑐐𑐸 𑐏𑑅 𑑋 𑐫𑐾𑑃𑐫𑐵 𑐠𑑃𑐧𑐴𑐷 𑐔𑑂𑐰𑑄𑐐𑐸 𑐖𑐸𑐡𑑂𑐢𑑀𑐡𑐫 𑐩𑐵𑐰𑐶, 𑐮𑐿𑐣𑐔𑑁𑐬𑐫𑐵 𑐱𑐵𑐣𑑂𑐟𑐶𑐐𑐺𑐴 𑐩𑐵𑐰𑐶, 𑐧𑐵𑑃𑐳𑐧𑐵𑐬𑐷𑐫𑐵 𑐧𑐵𑐳𑐧𑐵𑐬𑐷 𑐩𑐵𑐰𑐶, 𑐥𑑂𑐬𑐡𑐬𑑂𑐱𑐣𑐷 𑐩𑐵𑐬𑑂𑐐𑐫𑑂 𑐔𑑂𑐰𑑄𑐐𑐸 𑐥𑐡𑑂𑐩𑑀𑐡𑐫 𑐩𑐵𑐰𑐶, 𑐜𑐶𑐮𑑂𑐮𑐷𑐧𑐖𑐵𑐬𑐫𑐵 𑐎𑐣𑑂𑐫𑐵 𑐩𑐵𑐰𑐶𑐮𑐐𑐵𑐫𑐟 𑐰𑐶𑐡𑑂𑐫𑐵𑐮𑐫𑑄 𑐳𑐟𑐎𑐫𑑂 𑐮𑐵𑑅𑐐𑐸 𑐥𑐳𑑅 𑐧𑐵𑐮𑑄 𑐧𑐶𑐫𑐵𑐔𑑂𑐰𑑄𑐐𑐸 𑐏𑐣𑐾𑐡𑐫𑐾𑐰𑑄 𑐫𑐾𑑃 𑐩𑐣𑐥𑐵𑑄 𑐧𑐴𑐵𑐮 𑐎𑐬 𑐩𑑂𑐴𑐫𑐾𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐎𑐾𑐟𑑂𑐫𑑄𑐐𑐸 𑐏𑑅 𑑋 𑐄𑐎𑐠𑑄 𑐴𑐾 𑐕𑐸𑑄 𑐕𑐸𑑄 𑐳𑐬𑐎𑐵𑐬𑐷 […]

𑐳𑐵𑐩𑐸𑐡𑐵𑐫𑐶𑐎 𑐳𑑂𑐎𑐸𑐮𑐫𑑂 𑐣𑑄 𑐧𑐴𑐵𑐮 𑐎𑐬 ...


𑐣𑐾𑐥𑐵𑑅𑐫𑐵 𑐳𑑄𑐰𑐶𑐢𑐵𑐣 𑐎𑐠𑑄 𑐐𑐛𑐣 𑐖𑐹𑐐𑐸 𑐨𑐵𑐲𑐵 𑐁𑐫𑑀𑐐𑑄 𑐳𑐶𑐦𑐵𑐬𑐶𑐳 𑐫𑐵𑑅𑐎𑐠𑑄 𑐧𑐵𑐐𑑂𑐩𑐟𑐷 𑐥𑑂𑐬𑐡𑐾𑐱𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰 𑐟𑐵𑐩𑐵𑐒 𑐨𑐵𑐲𑐵𑐫𑐵𑐟 𑐎𑐵𑐩𑐎𑐵𑐖𑐶 𑐨𑐵𑐲𑐵𑐫𑐵 𑐬𑐸𑐥𑐫𑑂 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑐫𑐾𑐐𑐸 𑐣𑐶𑐟𑐶𑑄 𑐧𑐵𑐐𑑂𑐩𑐟𑐷 𑐥𑑂𑐬𑐡𑐾𑐱 𑐳𑐬𑐎𑐵𑐬𑑄 𑐮𑐶𑐧𑐵𑐎𑑂𑐎 𑐖𑐹𑐳𑐵𑑄 𑐐𑐸𑐐𑐸 𑐎𑐠𑑄 𑐏𑑃 𑐎𑑂𑐰𑑅𑐕𑐶𑐟 𑐄𑐎𑐶𑐫𑐵𑐟 𑐎𑐫𑐵𑑅 𑐣𑐾𑐰𑐵𑑅 𑐰 𑐟𑐵𑐩𑐵𑐒 𑐳𑐩𑐸𑐡𑐵𑐫𑑄 𑐮𑐳𑐎𑐸𑐳 𑐫𑐵𑑅𑐐𑐸 𑐡𑐸 𑑋 𑐁𑑅 𑐣𑐾𑐥𑐵𑑅𑐫𑐵 𑐳𑑄𑐰𑐶𑐢𑐵𑐣 𑐎𑐠𑑄 𑐴𑐾 𑐨𑐵𑐲𑐵 𑐁𑐫𑑀𑐐𑐫𑐵 𑐳𑐶𑐦𑐵𑐬𑐶𑐳𑐫𑐵 𑐁𑐢𑐵𑐬𑐫𑑂 𑐧𑐵𑐐𑑂𑐩𑐟𑐷 𑐥𑑂𑐬𑐡𑐾𑐱𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰 𑐟𑐵𑐩𑐵𑐒 𑐨𑐵𑐲𑐵 𑐮𑐵𑐐𑐹 𑐖𑐸𑐂𑐐𑐸 𑐖𑐸𑐮 𑐢𑐎𑐵𑑅 𑐟𑐵𑐫𑐾𑐎𑐵𑐔𑑂𑐰𑑄𑐐𑐸 𑐡𑐸 𑑋 𑐕𑐏𑐾 𑐧𑐵𑐐𑑂𑐩𑐟𑐷 𑐥𑑂𑐬𑐡𑐾𑐱𑑄 𑐨𑐵𑐲𑐵𑐫𑐵 𑐳𑐰𑐵𑐮𑐫𑑂 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐡𑐸𑐳𑐵, 𑐩𑐾𑐏𑐾 𑐥𑑂𑐬𑐡𑐾𑐱𑐫𑐵 𑐳𑑄𑐳𑐡𑐫𑐵 𑐃 𑐴𑐾 𑐎𑑂𑐰𑐵𑑅𑐐𑐸 𑐡𑐸 𑑋 𑐳𑑄𑐰𑐶𑐢𑐵𑐣 𑐎𑐠𑑄 𑐮𑐵 𑐧𑐵𑐐𑑂𑐩𑐟𑐷 𑐥𑑂𑐬𑐡𑐾𑐱𑐫𑐵 𑐳𑑄𑐳𑐡𑐫𑑂 𑐰𑐶𑐢𑐾𑐫𑐎 𑐫𑑄𑐎𑐵𑑅 𑐎𑐵𑐣𑐹𑐣 𑐡𑐫𑐾𑐎𑐵𑑅 𑐮𑐵𑐐𑐹 𑐫𑐵𑐫𑐾𑐩𑐵𑑅𑐐𑐸 𑐏𑑅 𑑋 𑐠𑐸𑐐𑐸 𑐮𑑂𑐫𑐵𑐏𑑄 𑐳𑑂𑐰𑐮 𑐢𑐵𑑅𑐳𑐵 𑐁𑑅 𑐩𑑄𑐳𑐶𑐬 𑐩𑐴𑐶𑐣𑐵𑐫𑐵 𑑔 𑐐𑐟𑐾 𑐁𑐩 𑐣𑐶𑐬𑑂𑐰𑐵𑐔𑐣 𑐖𑐸𑐂𑐐𑐸 […]

𑐥𑑂𑐬𑐡𑐾𑐱𑐫𑑂 𑐨𑐵𑐲𑐵 𑐎𑐵𑐬𑑂𑐫𑐵𑐣𑑂𑐰𑐫𑐣𑐫𑐵 𑐣𑐶𑐟𑐶𑑄 𑐳𑑂𑐰𑑄𑐐𑐹 ...


𑐩𑐠𑐵𑑄 𑐁𑐏𑑅 𑐳𑐫𑐾𑐎𑐾𑐐𑐸 𑐏𑑅𑐳𑐵 𑐩𑐵𑑄𑐨𑐵𑐳𑑄 𑐁𑐏𑑅 𑐳𑑂𑐫𑐣𑐾𑐩𑐵𑑅 𑐢𑐂𑐐𑐸 𑐩𑐵𑐳𑑂𑐚𑐬 𑐖𑐐𑐟𑐳𑐸𑐣𑑂𑐡𑐬 𑐩𑐮𑑂𑐮𑑄 𑐣𑑂𑐴𑑂𑐫𑐠𑐣𑐵𑐡𑐷𑐐𑐸 𑐢𑐵𑐬𑐞𑐵 𑐴𑐾 𑐣𑐾𑐥𑐵𑐮𑐫𑑂 𑐩𑐵𑐟𑐺𑐨𑐵𑐲𑐵 𑐁𑐣𑑂𑐡𑑀𑐮𑐣𑐫𑐵 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐐𑐸 𑐄𑐡𑑂𑐑𑑀𑐲 𑐖𑐸𑐂𑐦𑐸 𑑋 𑐄𑐐𑐸 𑐂𑐮𑐫𑑂 𑐟𑐎𑑄 𑐕𑐐𑐹 𑐨𑐵𑐲𑐵𑑄 𑐩𑐾𑐐𑐸 𑐨𑐵𑐲𑐵𑐫𑐵𑐟 𑐡𑐩𑐣 𑐫𑐵𑐫𑐾𑐐𑐸, 𑐱𑑀𑐲𑐞 𑐫𑐵𑐫𑐾𑐐𑐸 𑐰𑐵 𑐰𑐶𑐳𑑂𑐠𑐵𑐥𑐶𑐟 𑐫𑐵𑐫𑐾𑐐𑐸 𑐎𑐸𑐟𑑅 𑐖𑐹𑐐𑐸 𑐏𑐣𑐾 𑐩𑐡𑐸 𑑋 𑐧𑐬𑐸 𑐠𑑅𑐐𑐸 𑐳𑐩𑐸𑐡𑐵𑐫 𑐡𑐸𑐣𑐾 𑐠𑑅𑐠𑑅𑐐𑐸 𑐨𑐵𑐲𑐵 𑐮𑑂𑐴𑐵𑐣𑐵𑑅 𑐩𑐣𑐹𑐟 𑐳𑑂𑐰𑐟𑐣𑑂𑐟𑑂𑐬 𑐬𑐸𑐥𑑄 𑐴𑐾 𑐨𑐵𑐲𑐵 𑐳𑐫𑐾𑐎𑐵 𑐳𑑂𑐫𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐀𑐧𑐮𑐾 𑐟𑐎 𑐳𑐸𑐣𑐵𑐣𑑄 𑐳𑐸𑐫𑐵𑐟𑑄 𑐴𑐾 𑐣𑐶𑐲𑐾𑐢𑐫𑐵 𑐬𑐵𑐖𑐣𑐷𑐟𑐶 𑐣𑑄 𑐐𑐣𑑄 𑐖𑐹𑐐𑐸 𑐏𑐣𑐾 𑐩𑐡𑐸 𑑋 𑐰𑐫𑐵𑑄 𑐮𑐶𑐥𑐵 𑐡𑐾𑐳𑐫𑑂 𑐬𑐵𑐞𑐵 𑐱𑐵𑐳𑐣𑐫𑐵𑐟 𑐚𑐶𑐎𑐵𑐄 𑐫𑐵𑐫𑐾𑐩𑐵𑑅𑐐𑐸 𑐎𑐵𑐬𑐞𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 𑐔𑑂𑐰𑐂𑐥𑐶𑑄 𑐔𑑂𑐰𑐩𑐶 𑐳𑐵𑐴𑐶𑐟𑑂𑐫𑐎𑐵𑐬𑐥𑐶𑑄𑐳𑑄 𑐰𑐶𑐡𑑂𑐬𑑀𑐴𑐫𑐵 𑐳𑑅 𑐠𑐸𑐐𑐸 𑐨𑐵𑐲𑐵𑑄 𑐔𑑂𑐰𑐫𑐵𑑅 𑐠𑑂𑐰𑐫𑐾𑐎𑐵𑐔𑑂𑐰𑑄𑐐𑐸 𑐳𑐷𑐰𑑄 𑐬𑐵𑐞𑐵𑐟𑐫𑑂𑐳𑑄 𑐣𑐾𑐥𑐵𑐮𑐨𑐵𑐲𑐵𑐫𑐵𑐟 𑐔𑑂𑐰𑐫𑐾𑐐𑐸 𑐰 𑐧𑑂𑐰𑐣𑐾𑐐𑐸 𑐖𑑂𑐫𑐵𑐫𑑂 𑐰𑐶𑐳𑑂𑐠𑐵𑐥𑐶𑐟 𑐫𑐵𑐫𑐾𑐐𑐸 𑐣𑐷𑐟𑐶 𑐎𑐵𑑅𑐐𑐸 𑐏𑑅 𑑋 𑐫𑐡𑐶 𑐴𑐬𑐶𑐨𑐖𑐣 […]

𑐨𑐵𑐲𑐵 𑐁𑐣𑑂𑐡𑑀𑐮𑐣𑐫𑐵𑐟 𑐡𑐸𑐰𑐵𑐮𑐾𑐧𑐮𑐫𑑂



𑐟𑑀𑐏𑐵 𑐣𑐐𑐬𑐥𑐵𑐮𑐶𑐎𑐵𑑄 𑐣𑐐𑐬 𑐡𑐸𑐣𑐾𑐫𑐵 𑐄𑐟𑑂𑐎𑐺𑐲𑑂𑐚 𑐧𑑂𑐰𑐣𑐾𑐎𑐸𑐠𑐶, 𑐰𑐶𑐡𑑂𑐫𑐵𑐬𑑂𑐠𑐷 𑐰 𑐱𑐶𑐎𑑂𑐲𑐎𑐫𑐵𑐟 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐡𑐸 𑑋 𑐣𑐐𑐬𑐥𑐵𑐮𑐶𑐎𑐵𑑄 𑑕𑑘 𑐎𑑂𑐰𑑅𑐐𑐸 𑐬𑐵𑐲𑑂𑐚𑑂𑐬𑐶𑐫 𑐧𑐵𑐮 𑐡𑐶𑐰𑐳𑐫𑐵 𑐮𑐳𑐟𑐵𑐫𑑂 𑐄𑐐𑐸 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐫𑑂 𑐣𑐷𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷, 𑑔𑑑 𑐩𑑂𑐴 𑐱𑐶𑐎𑑂𑐲𑐎 𑐰 𑑑𑑒 𑐐𑐹 𑐧𑑂𑐰𑐣𑐾𑐎𑐸𑐠𑐶𑐫𑐵𑐟 𑐣𑐐𑐬 𑐰 𑐡𑐳𑐶𑐥𑑁𑐮𑐶𑐳𑐾𑑄 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐣𑐐𑐬𑐥𑐵𑐮𑐶𑐎𑐵𑑄 𑐟𑐐𑐶𑑄 𑑑𑑐 𑐰 𑑑𑑒 𑐫𑑂 𑐄𑐟𑑂𑐎𑐺𑐲𑑂𑐚 𑐮𑐶𑐔𑑂𑐰𑑅 𑐴𑐫𑐾𑐟 𑐟𑐵𑑅𑐮𑐵𑑅𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷 𑐣𑐵𑐥𑑄 𑐱𑐶𑐎𑑂𑐲𑐎 𑐰 𑐧𑑂𑐰𑐣𑐾𑐎𑐸𑐠𑐶𑐫𑐵𑐟 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐳𑐩𑑂𑐩𑐵𑐣𑐶𑐟 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐩𑑂𑐴𑐟𑐶𑑄 𑑑𑑒,𑑕𑑐𑑐÷– 𑐟𑐎𑐵 𑐡𑐵𑑄 𑐰 𑐡𑐳𑐶𑐥𑑁𑐮𑐶𑐳𑐾𑑄 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐀𑐠𑐾 𑐴𑐾 𑐄𑐟𑑂𑐎𑐺𑐲𑑂𑐚 𑐱𑐶𑐎𑑂𑐲𑐎𑐫𑐵𑐟 𑐩𑑂𑐴𑐟𑐶𑑄 𑐣𑑂𑐫𑐵𑐡𑑂𑐰𑑅 𑐟𑐎𑐵 𑐡𑐵𑑄 𑐰 𑐡𑐳𑐶𑐥𑑁 𑐰𑑂 𑐧𑑂𑐰𑐣𑐾𑐎𑐸𑐠𑐶𑐫𑐵𑐟 𑐡𑐳𑐶𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅𑑋 𑐖𑑂𑐫𑐵𑐗𑑂𑐰𑐮𑐫𑑂 𑐣𑐰𑐵𑐳𑐾𑑄 𑐟𑑀𑐏𑐵 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐥𑑂𑐬𑐎𑐵𑐱 𑐀𑐢𑐶𑐎𑐵𑐬𑐷𑑄 𑐱𑐶𑐎𑑂𑐲𑐵𑐫𑐵 𑐐𑐸𑐞𑐳𑑂𑐟𑐬 𑐠𑐎𑐵𑐫𑐾𑐟 𑐰𑐶𑐡𑑂𑐫𑐵𑐬𑑂𑐠𑐷, 𑐱𑐶𑐎𑑂𑐲𑐎 […]

𑐟𑑀𑐏𑐵 𑐣𑐥𑐵𑐥𑐵𑐏𑐾𑑄 𑐧𑑂𑐰𑐣𑐾𑐎𑐸𑐠𑐶, 𑐰𑐶𑐡𑑂𑐫𑐵𑐬𑑂𑐠𑐷 𑐰 ...


काठमाडौँ — शिक्षा, विज्ञान तथा प्रविधिमन्त्री देवेन्द्र पौडेलले शैक्षिक संस्थाहरुमा तालबन्दी गर्नै नमिल्ने बताएका छन् । मन्त्री पौडेलले शैक्षिक संस्थाजस्तो पवित्र स्थलमा तालाबन्दी गर्न नमिल्ने बताए। राष्ट्रिय परीक्षा बोर्डले सोमबार काठमाडौंमा आयोजना गरेको एक अन्तरक्रिया कार्यक्रममा बोल्दै मन्त्री पौडेलले शैक्षिक संस्थामा कुनै समस्या भए समाधान गर्नका लागि छलफल र बहस गर्न सकिने उल्लेख गर्दै त्यसका लागि तालाबन्दी नै गर्न आवश्यक नभएको पनि स्पष्ट पारे । उहााले शैक्षिक क्यालेन्डर आगामी शैक्षिक सत्रदेखि लागू हुने गरी आवश्यक तयारी गर्न पनि राष्ट्रिय परीक्षा बोर्ड र विश्वविद्यालयहरुलाई उनले निर्देशन दिए । परीक्षा दिएकाहरुले समयमै रिजल्टसमेत प्राप्त गर्न नसकेको विद्यमान अवस्थाबारे चित्रण गर्दै शिक्षामन्त्री पौडेलले अब शैक्षिक क्यालेन्डर […]

शैक्षिक संस्थाहरूमा तालाबन्दी गर्नै मिल्दैन ...


The Ministry of Education, Science and Technology has selected 3,475 schools for the Presidential Educational Reform Program by the ministerial decision of Bhadra 29. In the meeting of the Board of Directors, a proposal “Presidential Vocational Reform Program Implementation Procedure, 2076” was called to implement the program starting from Shrawan of the current fiscal year 2079-80. The schools participating in programs including the expansion of physical facilities under the President’s Vocational Reform Program submitted proposals to the Center for Education and Human Resources Development at the local level. For the implementation of this program, the government has allocated a budget of eight […]

The Ministry of Education, Science ...



𑐩𑐵𑐨𑐵𑐳𑑄 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐥𑐟𑑂𑐬𑐎𑐵𑐬𑐶𑐟𑐵𑐫𑑂 𑐠𑑁𑑄𑐫𑐵 𑐀𑐰𑐳𑑂𑐠𑐵 𑐰𑐶𑐲𑐫𑐳 𑐠𑑁𑑄 𑐁𑐂𑐟𑐰𑐵𑑅 𑐕𑐐𑐹 𑐐𑑀𑐲𑑂𑐛𑐷 𑐖𑐹𑐐𑐸 𑐡𑐸 𑑋 𑐫𑐾𑑃𑐫𑐵 𑐰𑐶𑐱𑐵𑐮𑐧𑐖𑐵𑐬𑐫𑑂 𑐔𑑂𑐰𑑄𑐐𑐸 𑐧𑐾𑐣𑑂𑐚𑑀𑐫𑑂 𑐖𑐹𑐐𑐸 𑐠𑐸𑐐𑐸 𑐐𑑀𑐲𑑂𑐛𑐷𑐫𑐵 𑐩𑐹𑐥𑐵𑐴𑐵𑑃 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐄𑐥–𑐥𑑂𑐬𑐩𑐸𑐏 𑐳𑐸𑐣𑐶𑐟𑐵 𑐜𑑄𑐐𑑀𑐮𑑄 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅𑐫𑐵 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐶𑐳𑐾𑑄 𑐄𑐥–𑐥𑑂𑐬𑐩𑐸𑐏 𑐜𑑄𑐐𑑀𑐮𑑄 𑐩𑐵𑑄𑐨𑐵𑐳𑑄 𑐥𑐟𑑂𑐬𑐎𑐵𑐬𑐶𑐟𑐵𑐫𑐵 𑐫𑐵𑐣𑐵𑐔𑑂𑐰𑑄𑐐𑐸 𑐔𑑂𑐰𑐕𑐵𑐫𑐾𑐧𑐴𑑅𑐖𑐹 𑐢𑐫𑐵𑐡𑐶𑐳𑐾𑑄 𑐨𑐵𑐫𑑂 𑐣𑐵𑐥𑐣𑐵𑐥𑑄 𑐮𑐶𑐥𑐶𑐫𑐵 𑐣𑑄 𑐰𑐶𑐎𑐵𑐳 𑐫𑐵𑐫𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐮 𑑋 𑐐𑐸𑐮𑐶𑐏𑐾 𑐩𑐣𑐹𑐟𑐫𑐳𑑄 𑐨𑐵𑐫𑑂 𑐰 𑐮𑐶𑐥𑐶 𑐧𑐶𑐳𑑂𑐎𑑄 𑐢𑐎𑐵𑑅 𑐠𑐸𑐂𑐎𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸𑐮𑐶𑑄 𑐀𑐠𑐾 𑐩𑐏𑐸𑐳𑐾 𑐨𑐵𑐫𑑂 𑐰 𑐮𑐶𑐥𑐶 𑐣𑐵𑐥𑐣𑐵𑐥𑑄 𑐫𑑄𑐎𑐾𑐩𑐵𑑅𑐐𑐸 𑐢𑐫𑐵𑐡𑐶𑐮 𑑋 𑐮𑐶𑐥𑐶 𑐳𑐸𑐣𑑂𑐡𑐬𑐷𑐫𑐵 𑐄𑐥𑐣𑐵𑐩𑑄 𑐣𑐵𑑄𑐖𑐵𑑅𑐩𑑂𑐴 𑐄𑐥–𑐥𑑂𑐬𑐩𑐸𑐏 𑐜𑑄𑐐𑑀𑐮𑑄 𑐥𑐟𑑂𑐬𑐎𑐵𑐬𑐶𑐟𑐵 𑐏𑑂𑐫𑐮𑐫𑑂 𑐣𑑄 𑐥𑐬𑐩𑑂𑐥𑐬𑐵𑐐𑐟 𑐧𑐶𑐔𑐵𑑅𑐫𑐵𑐟 𑐴𑐵𑐔𑐵𑑄 𑐐𑐵𑐫𑐵𑑅 𑐣𑑂𑐴𑐹𑐐𑐸 𑐎𑐠𑑄 𑐣𑑂𑐴𑑂𑐫𑐵𑑄𑐰𑐣𑐾𑐩𑐵𑑅𑐐𑐸 𑐢𑐫𑐵𑐡𑐶𑐮 𑑋 𑐄𑐥–𑐥𑑂𑐬𑐩𑐸𑐏 𑐜𑑄𑐐𑑀𑐮𑑄 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐰𑑄𑐐𑐸 𑐡𑑃𑐣𑐶𑐳𑐾𑑄 𑐳𑑂𑐠𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐮𑐵𑐐𑐸 𑐫𑐵𑑅𑐐𑐸 𑐟𑐳𑐎𑑄 𑐧𑐵𑑄𑐮𑐵𑑅𑐐𑐸 𑐖𑑂𑐫𑐵 𑐖𑐹𑐐𑐸𑐮𑐶𑑄 […]

𑐩𑐵𑑄𑐨𑐵𑐫𑐫𑐵 𑐥𑐟𑑂𑐬𑐎𑐵𑐬𑐶𑐟𑐵 𑐐𑑀𑐲𑑂𑐛𑐷


𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳 𑐩𑐴𑐵𑐖𑐸𑐫𑐵 𑑑𑑕𑑕 𑐎𑑂𑐰𑑅𑐐𑐸 𑐧𑐸𑐣𑑂𑐴𑐶𑐫𑐵 𑐮𑐳𑐟𑐵𑐫𑑂 𑐩𑑂𑐴𑐶𑐐𑑅 𑐣𑐳𑑄𑐔𑐵 𑐄𑐮𑐾𑐐𑐸 𑐖𑑂𑐫𑐵 𑐖𑐸𑐮 𑑋 𑐣𑐾𑐥𑐵𑐮𑐨𑐵𑐲𑐵 𑐩𑑄𑐎𑐵𑑅 𑐏𑐮𑑅, 𑐫𑐾𑑃 𑐰 𑐳𑐶𑐡𑑂𑐢𑐶𑐡𑐵𑐳 𑐳𑑂𑐩𑐺𑐟𑐶 𑐳𑐩𑐵𑐖𑐫𑐵 𑐩𑑄𑐎𑐵𑑅 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐣𑐳𑑄𑐔𑐵 𑐄𑐮𑐾𑐐𑐸 𑐖𑑂𑐫𑐵𑐗𑑂𑐰𑑅 𑐠𑐣𑐫𑐵 𑐨𑑀𑐟𑐵𑐴𑐶𑐟𑐶 𑐡𑐸𑐰𑐵𑐟𑑄 𑐣𑑂𑐴𑑂𑐫𑐵𑑅𑐐𑐸 𑐏𑑅 𑑋 𑐨𑑀𑐟𑐵𑐴𑐶𑐟𑐶𑑄 𑐬𑐟𑑂𑐣𑐥𑐵𑐬𑑂𑐎 𑐰𑐣𑐾𑐐𑐸 𑐡𑐸𑐰𑐵𑐟𑐫𑑂 𑐔𑑂𑐰𑑄𑐐𑐸 𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳 𑐩𑐴𑐵𑐖𑐸𑐫𑐵 𑐗𑑂𑐰𑐵𑐟𑐵𑐫𑑂 𑐩𑑄𑐎𑐵𑑅 𑐏𑐮𑑅𑐫𑐵 𑐣𑐵𑐫𑑅 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛, 𑐩𑑄𑐎𑐵𑑅 𑐏𑐮𑑅 𑐣𑑂𑐰𑐎𑐸, 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑐫𑐵 𑐨𑐵𑐂𑐳 𑐔𑐵𑐣𑑂𑐳𑐮𑐬𑐮𑐶𑐳𑐾𑑄 𑐣𑐾𑐰𑐵𑑅 𑐣𑑂𑐴𑑂𑐫𑐮𑐸𑐰𑐵 𑐩𑐮𑑂𑐮 𑐎𑐾. 𑐳𑐸𑐣𑑂𑐡𑐬, 𑐩𑑄𑐎𑐵𑑅 𑐏𑐮𑑅𑐫𑐵 𑐡𑐵𑑄𑐨𑐬𑐶𑑄 𑐐𑐞𑐾𑐱 𑐳𑐵𑐫𑑂𑐩𑐶, 𑐳𑐩𑐵𑐖𑐫𑐵 𑐕𑑂𑐫𑐵𑐘𑑂𑐖𑐾 𑐡𑐷𑐥𑐎 𑐟𑐸𑐮𑐵𑐢𑐬, 𑐧𑐵𑐐𑐩𑐟𑐶 𑐥𑑂𑐬𑐡𑐾𑐱 𑐳𑐵𑑄𑐳𑐡 𑐬𑐵𑐖𑐾𑐱 𑐱𑐵𑐎𑑂𑐫, 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑑒𑑗 𑐰𑐜𑐵𑐀𑐢𑑂𑐫𑐎𑑂𑐲 𑐫𑑀𑐐𑐾𑐱𑐎𑐸𑐩𑐵𑐬 𑐏𑐜𑑂𑐐𑐷𑐥𑐶𑑄𑐳𑑄 𑐩𑐵𑐮𑑂𑐬𑑂𑐫𑐵𑐥𑐞 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳𑐫𑐵 𑐗𑑂𑐰𑐵𑐟𑐵𑐫𑑂 𑐩𑐵𑐮𑑂𑐬𑑂𑐫𑐵𑐥𑐞𑐮𑐶𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐣𑐳𑑄𑐔𑐵 𑐄𑐮𑐾𑐖𑑂𑐫𑐵 𑐨𑑀𑐟𑐵𑐴𑐶𑐟𑐶, 𑐀𑐳𑑄, 𑐟𑑂𑐫𑑅𑐬, 𑐠𑑃𑐴𑐶𑐟𑐶, 𑐕𑐟𑑂𑐬𑐥𑐵𑐟𑐶, 𑐟𑑂𑐫𑑄𑐑𑑅, 𑐣𑑂𑐫𑐟, 𑐎𑐶𑐮𑐵𑐑𑑅, 𑐨𑑂𑐫𑐵𑑅𑐔𑐵𑐡𑑂𑐫𑑅, […]

𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳 𑐩𑐴𑐵𑐖𑐸𑐫𑐵 𑑑𑑕𑑕 𑐎𑑂𑐰𑑅𑐐𑐸 ...


𑐣𑑂𑐴𑐵𑐥𑐵 𑐣𑑂𑐴𑐵𑐥𑐵𑐫𑐵 𑐏𑑃 𑐏𑑅 𑑋 𑐕𑐐𑐹 𑐡𑐾𑐱𑐫𑑂 𑐐𑑂𑐰𑑄𑐐𑑅 𑐕𑐩𑑂𑐴 𑐰 𑐩𑑂𑐴𑐫𑑂𑐏𑐵 𑐕𑐩𑑂𑐴 𑐡𑐸𑑋 𑐂𑐥𑐶𑑄 𑐣𑐶𑐩𑑂𑐴 𑐟𑐳𑐎𑑄 𑐴𑐾 𑐡𑐸𑐧𑐶𑐳𑑂𑐟𑐵 𑐧𑑂𑐫𑐵𑑅𑐥𑐶𑑄 𑐥𑐵𑐳𑐵𑐥𑐶𑑄 𑐏𑑅 𑑋 𑐕𑐣𑑂𑐴𑐸, 𑐔𑐶𑐎𑐸𑐮𑐵𑐫𑐵 𑐃, 𑐂𑐥𑐶𑑄 𑐣𑐶𑐩𑑂𑐴 𑐖𑐵𑐣𑐵𑑅 𑐖𑐐𑑂𑐐𑐵 𑐕𑐎𑐹 𑐣𑑂𑐫𑐵𑐟 𑑋 𑐄𑐐𑐸 𑐖𑐐𑑂𑐐𑐵𑐫𑑂 𑐣𑐶𑐩𑑂𑐴𑑄 𑐖𑐵𑐣𑐵𑑅 𑐧𑐸𑑃𑐖𑑂𑐫𑐵 𑐫𑐵𑐫𑐾𑐐𑐸, 𑐀𑐮𑐾 𑐄𑐐𑐸 𑐧𑐸𑑃𑐂 𑐳𑑅𑐐𑐸 𑐀𑐣𑑂𑐣 𑐡𑐎𑑂𑐰 𑐣𑐶𑐩𑑂𑐴𑐾𑐳𑐶𑐫𑐵 𑐧𑐔𑑂𑐕𑐶 𑐧𑐔𑑂𑐕𑐶 𑐂𑐣𑐵𑐎𑐵𑐫𑐾𑐐𑐸 𑐳𑐮𑑂𑐴𑐵 𑐖𑐸𑐮 𑑋 𑐟𑑅𑐣𑑂𑐴𑐸 𑐮𑐶𑐥𑐵 𑐕𑐣𑑂𑐴𑐸 𑐐𑑂𑐰𑑄𑐐𑑅 𑐳𑐸𑐠 𑐣𑑂𑐴𑐵𑐥𑐣𑑄 𑐡𑐣, 𑐀𑐮𑐾 𑐰𑐫𑐵 𑐥𑐵𑐳𑐵 𑐩𑑂𑐴𑐫𑑂𑐏𑐵𑐫𑐵𑐟 𑐳𑑅𑐟𑑅 𑐰𑐣, “𑐡𑑃, 𑐫𑐵𑐎𑐣𑑄 𑐡𑑃, 𑐗𑐷 𑐧𑐸𑑃 𑐥𑐵𑑅𑐰𑐣𑐾 𑐩𑐵𑐣𑐶 𑐠𑑁𑑄 𑑋” 𑐩𑑂𑐴𑐫𑑂𑐏𑐵𑑄 𑐥𑐮𑐏 𑐧𑐶𑐔𑐵𑑅 𑐫𑐵𑐟, 𑐀𑐮𑐾 𑐢𑐵𑐮, “𑐠𑑁𑑄 𑐖𑐶 𑐥𑑂𑐫𑐵𑐏𑑄 𑐴𑐸𑐮𑐾 𑐩𑐵𑐳𑑂𑐟𑐶 𑐰𑐫𑐵𑐔𑑂𑐰𑐣 𑑋 𑐖𑐶𑐐𑐸 𑐟𑐸𑐟𑐶𑐫𑐵 𑐐𑑁𑐔𑐵𑐫𑑂 𑐔𑑂𑐰𑑄𑐐𑐸 𑐑𑑄𑐐𑐮𑐵 𑐕𑐶𑐮𑐶𑐕𑐶𑐮𑐶 𑐣𑑂𑐫𑐵𑐣𑐵𑐔𑑂𑐰𑐣 𑑋 𑐁𑑅 𑐕 𑐣𑐶 𑐰𑐣𑐵 𑐔𑑂𑐰𑑃 𑑋 […]

𑐩𑑂𑐴𑐫𑑂𑐏𑐵 𑐰 𑐐𑑂𑐰𑑄𑐐𑑅



𑐣𑐾𑐥𑐵𑐮𑐨𑐵𑐲𑐵 𑐩𑐔𑐵𑐳𑐵𑐴𑐶𑐟𑑂𑐫𑐫𑐵 𑐳𑐩𑐳𑑂𑐫𑐵 𑐰 𑐥𑑂𑐬𑐰𑐡𑑂𑐬𑑂𑐢𑐣𑐫𑐵 𑐄𑐥𑐵𑐫 𑐰𑐶𑐲𑐫𑐫𑑂 𑐩𑑂𑐴𑐶𑐐𑑅 𑐕𑐐𑐹 𑐧𑐶𑐔𑐵𑑅 𑐐𑑀𑐲𑑂𑐛𑐷 𑐖𑐸𑐮 𑑋 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐜𑐾𑐩𑐷𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐧𑐶𑐔𑐵𑑅 𑐐𑑀𑐲𑑂𑐛𑐷 𑐰𑐬𑐶𑐲𑑂𑐛 𑐩𑐔𑐵𑐳𑐵𑐴𑐶𑐟𑑂𑐫𑐎𑐵𑐬 𑐱𑐵𑐣𑑂𑐟𑐡𑐵𑐳 𑐩𑐵𑐣𑐣𑑂𑐢𑐬𑐫𑐵 𑐩𑐹 𑐥𑐵𑑃𑐴𑐵𑑄𑐳𑐸𑐂 𑐖𑐹𑐐𑐸 𑐏𑑅 𑑋 𑐟𑐵𑑅𑐂𑐮𑑄𑐣𑐶𑐳𑐾𑑄 𑐩𑐔𑐵 𑐳𑐵𑐴𑐶𑐟𑑂𑐫𑐫𑑂 𑐮𑑂𑐴𑐵𑑅 𑐣𑑂𑐴𑑂𑐫𑐵𑐎𑐵𑑅 𑐰𑐫𑐵𑐔𑑂𑐰𑐣𑐵𑐡𑐷𑐩𑑂𑐴 𑐰 𑐰𑐶.𑐳𑑄. 𑑒𑑐𑑒𑑐 𑐳𑐵𑐮𑐫𑐵 𑐣𑐾𑐥𑐵𑐮𑐨𑐵𑐲𑐵𑐫𑐵 𑐕𑐩𑑂𑐴 𑐣𑑂𑐴𑑂𑐫𑐮𑐸𑐰𑐵 𑐱𑐵𑐣𑑂𑐟𑐡𑐵𑐳 𑐩𑐵𑐣𑐣𑑂𑐢𑐬𑑄 𑐠𑑅𑐐𑐸 𑐣𑐸𑐐𑑅 𑐏𑑃 𑐥𑑂𑐰𑑄𑐎𑐾𑐐𑐸 𑐗𑑂𑐰𑐮𑐫𑑂 𑐠𑑅 𑐩𑐔𑐵 𑐳𑐵𑐴𑐶𑐟𑑂𑐫𑐎𑐵𑐬 𑐩𑐏𑐸, 𑐩𑐔𑐵 𑐎𑐵𑐂𑐩𑑂𑐴 𑐖𑑂𑐫𑐵𑐩𑐶 𑐖𑐎 𑐏𑑅 𑐢𑐫𑐵𑐡𑐶𑐮 𑑋 𑐩𑐔𑐵𑐟𑐫𑑂𑐟 𑐥𑐵𑐳𑐵 𑐡𑐫𑐾𑐎𑐷𑐥𑐶𑑄 𑐖𑑂𑐫𑐵 𑐩𑐰𑑅 𑐢𑐵𑐂𑐐𑐸 𑐗𑐷𑐐𑐸 𑐳𑐩𑐵𑐖𑐫𑑂 𑐩𑐔𑐵𑐟𑐫𑑂𑐟 𑐳𑐎𑑂𑐬𑐶𑐫 𑐫𑐵𑐫𑐾𑐦𑐟 𑐢𑐵𑑅𑐳𑐵 𑐟𑐶𑐣𑐶 𑐗𑐷𑐐𑐸 𑐨𑐵𑐲𑐵, 𑐳𑐵𑐴𑐶𑐟𑑂𑐫𑐫𑐵 𑐰𑐶𑐎𑐵𑐳𑐫𑑂 𑐟𑐶𑐧𑑅 𑐖𑐸𑐂 𑐢𑐫𑐵𑐡𑐶𑐮 𑑋 𑐗𑐷𑐳𑑄 𑐗𑐷 𑐩𑐳𑑂𑐟𑐫𑑂𑐟 𑐕𑐸 𑐧𑑂𑐰𑑄𑐎𑐾𑐐𑐸 𑐢𑐫𑐵𑐐𑐸 𑐧𑐵𑐬𑐾 𑐳𑑂𑐥𑐲𑑂𑐚 𑐖𑐸𑐂𑐩𑐵𑑅 𑐢𑐵𑐳𑐾𑑄 𑐰𑐫𑑂𑐎𑐮𑑄 𑐫𑐹𑐬𑑀𑐥𑐶𑐫𑐣𑐟𑐫𑑂𑐐𑐸 𑐣𑐎𑑂𑐎𑐮 𑐫𑐵𑐣𑐵𑑅 𑐩𑐔𑐵 𑐳𑐵𑐴𑐶𑐟𑑂𑐫𑐫𑑂 𑐦𑑂𑐫𑐵𑐣𑑂𑐚𑐵𑐳𑐷 𑐰𑐶𑐲𑐫 𑐧𑑂𑐰𑑄𑐎𑐾𑐐𑐸 𑐫𑐵𑐟 […]

‘𑐩𑐳𑑂𑐟𑐫𑑂𑐟 𑐳𑐎𑑂𑐬𑐶𑐫 𑐫𑐵𑐫𑐾𑐦𑑅𑐳𑐵 𑐖𑐎 𑐨𑐵𑐲𑐵𑐫𑐵 ...


𑐕𑐸𑑄 𑐣𑑄 𑐳𑐨𑑂𑐫𑐟𑐵𑐫𑐵 𑐩𑑂𑐴𑐳𑐶𑐎𑐵 𑐢𑐫𑐵𑐐𑐸 𑐣𑑂𑐰𑐰𑐵𑐫𑐾𑐐𑐸 𑐨𑐵𑐫𑑂, 𑐮𑐶𑐥𑐶, 𑐎𑐮𑐵𑐎𑐺𑐟𑐶, 𑐩𑑂𑐫𑐾,𑐳𑐒𑑂𑐐𑐶𑐟 , 𑐧𑐵𑐖𑑄, 𑐣𑐳𑐵𑐟𑑂𑐰𑑃𑐳𑐵, 𑐰𑐳𑑅, 𑐣𑑂𑐴𑐶 𑐴𑐣𑐾𑐐𑐸 𑐥𑐴𑑅, 𑐧𑐸𑐂𑐧𑐮𑐫𑑂 𑐣𑐶𑐳𑐾𑑄𑐳𑐷𑐧𑐮𑐫𑑂 𑐟𑐎 𑐫𑐵𑐂𑐐𑐸 𑐳𑑄𑐳𑑂𑐎𑐵𑐬 𑐁𑐡𑐶𑑄 𑐧𑐶𑐫𑐵𑐔𑑂𑐰𑐣𑐷 𑑋 𑐣𑐾𑐰𑐵𑑅 𑐕𑐐𑐹 𑐖𑐵𑐟 𑐖𑐎 𑐩𑐏𑐳𑐾 𑐕𑐐𑐹 𑐳𑐨𑑂𑐫𑐟𑐵 𑐏𑑅 𑑋 𑐩𑐾𑐐𑐸 𑐖𑐣𑐖𑐵𑐟𑐶 𑐳𑑂𑐰𑐫𑐵𑑄 𑐧𑐶𑐳𑑂𑐎𑑄 𑐖𑐸𑐫𑐵𑑅 𑐣𑐾𑐰𑐵𑑅 𑐳𑐨𑑂𑐫𑐟𑐵 𑐡𑐸𑐣𑐾 𑐣𑑄 𑐠𑐷𑐠𑐷 𑐖𑐵𑐟÷𑐳𑐩𑐸𑐡𑐵𑐫𑐟 𑐡𑐸 𑑋 𑐠𑐷𑐠𑐷 𑐖𑐵𑐟𑐫𑐵 𑐠𑑅𑐠𑑅𑐐𑐸 𑐴𑐾 𑐨𑐹𑐩𑐶𑐎𑐵 𑐣𑐾𑐰𑐵𑑅 𑐳𑐨𑑂𑐫𑐟𑐵𑐡𑐸𑐣𑐾 𑐡𑐸 𑑋 𑐣𑐾𑐰𑐵𑑅 𑐟𑐖𑐶𑐮𑐖𑐶, 𑐖𑐵𑐟𑑂𑐬𑐵, 𑐳𑑄𑐳𑑂𑐎𑐵𑐬𑐫𑑂 𑐧𑐵𑐖𑑄 𑐰 𑐳𑐒𑑂𑐐𑐶𑐟𑐫𑐵 𑐳𑑂𑐰𑐵𑐥𑐹 𑐢𑐫𑐵𑐐𑐸 ‘𑐮𑐵 𑐰 𑐮𑐸𑐳𑐶’ 𑐠𑐾𑑄 𑐏𑑅 𑑋 𑐮𑑀𑐎𑐧𑐵𑐖𑐵 𑐳𑑄𑐐𑑂𑐬𑐴𑐵𑐮𑐫𑐫𑑂 𑐟𑐫𑐵𑐟𑑅𑐐𑐹 𑐢𑐮𑑅𑐫𑐵 𑐁𑐢𑐵𑐬 𑐎𑐵𑐫𑐾𑐐𑐸 𑐏𑑅𑐳𑐵 𑐣𑐾𑐥𑐵𑐮𑐫𑑂 𑐳𑑂𑐰𑐳𑑅 𑐰 𑐣𑑂𑐴𑐫𑐾𑐣𑑂𑐫𑐵𑐐𑐹 (𑑓𑑗𑑕) 𑐮𑑀𑐎𑐧𑐵𑐖𑑄 𑐡𑐸 𑑋 𑐄𑐎𑐶 𑐩𑐢𑑂𑐫𑐾 𑐔𑐫𑑂𑐐𑐹 (𑑘𑑐) 𑐮𑐵 𑐣𑐾𑐰𑐵𑑅 𑐧𑐵𑐖𑑄 𑐖𑐎 𑐴𑐾 𑐡𑐸 𑑋 𑐠𑐸𑐎𑐶𑑄 𑐣 𑐳𑐷𑐡𑐸 𑐎𑐶 𑐣𑐾𑐰𑐵𑑅 𑐳𑐨𑑂𑐫𑐟𑐵 𑐐𑐸𑐮𑐶 𑐎𑐮𑐵 𑐰 𑐳𑑄𑐳𑑂𑐎𑐺𑐟𑐶𑐫𑐵 […]

𑐮𑑀𑐥𑑀𑐣𑑂𑐩𑐸𑐏 𑐣𑐾𑐰𑐵𑑅 𑐧𑐵𑐖𑑄


𑐏𑑂𑐰𑐥 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐡𑑃𑐫𑑂𑐡𑐳𑑄 𑐩𑑀𑐴𑐣𑐶𑐫𑐵 𑐂𑐮𑐫𑑂 𑐖𑐸𑐫𑐵 𑐰𑐫𑐵𑐔𑑂𑐰𑑄𑐐𑐸 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐟𑑅𑐩𑐸𑑃𑐖𑑂𑐫𑐵 𑐠𑐸𑐐𑐸𑐳𑐷 𑐨𑐵𑐬𑑂𑐰𑐵𑐔𑑀𑐫𑑂 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐠𑐸𑐐𑐸𑐳𑐷 𑐖𑐸𑐂𑐐𑐸 𑐥𑐷𑐣𑐶𑐎𑑂𑐰𑑅𑐐𑐸 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐟𑑅𑐩𑐸𑑃𑐖𑑂𑐫𑐵 𑐏𑑂𑐰𑐥 𑐣𑐐𑐬𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑑 𑐫𑐵 𑐨𑐵𑐬𑑂𑐰𑐵𑐔𑑀𑐫𑑂 𑐫𑐵𑐫𑐾𑐐𑐸 𑐎𑑂𑐰𑑅𑐕𑐶𑐄𑐐𑐸 𑐏𑑅 𑑋 𑐰𑐂𑐐𑐸 𑐎𑑁𑐮𑐵𑐠𑑂𑐰 𑐡𑑂𑐰𑐵𑐡𑐱𑐶 𑐰 𑐟𑑂𑐬𑐫𑑀𑐡𑐱𑐶 (𑐀𑐳𑑀𑐖 𑑒𑑑 𑐰 𑑒𑑒) 𑐣𑐶𑐣𑑂𑐴𑐸𑐫𑑄𑐎𑑄 𑐟𑑅𑐩𑐸𑑃𑐖𑑂𑐫𑐵 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐨𑐵𑐬𑑂𑐰𑐵𑐔𑑀𑐫𑐵 𑐩𑐶𑐣𑐶𑐧𑐳 𑐥𑐵𑐬𑑂𑐎𑐫𑑂 𑐖𑐸𑐂𑐐𑐸 𑐣𑐶𑐣𑑂𑐴𑐸𑐫𑑄𑐎𑑄𑐫𑐵 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐟𑑅𑐩𑐸𑑃𑐖𑑂𑐫𑐵 𑐟𑐵𑑅𑐮𑐵𑐎𑐾𑐟 𑑑 𑐰𑐜𑐵𑐀𑐢𑑂𑐫𑐎𑑂𑐲 𑐱𑑂𑐫𑐵𑐩𑐎𑐺𑐲𑑂𑐞 𑐏𑐟𑑂𑐬𑐷𑐫𑐵 𑐳𑑄𑐫𑑀𑐖𑐎𑐟𑑂𑐰𑐫𑑂 𑐥𑐷𑐣𑐶𑐩𑑂𑐴 𑐡𑐸𑐖𑑅 𑐡𑐸𑐠𑑂𑐫𑐵𑑅𑐐𑐸 𑐥𑐷𑐣𑐶𑐎𑑂𑐰𑑅𑐐𑐸 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐟𑑅𑐩𑐸𑑃𑐖𑑂𑐫𑐵 𑐐𑑂𑐰𑐳𑐵𑑅 𑐏𑐮𑑅 𑐣𑑄 𑐣𑐷𑐳𑑂𑐰𑑄𑐐𑐸 𑐡𑐸 𑑋 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐟𑑅𑐩𑐸𑑃𑐖𑑂𑐫𑐵𑐫𑐵 𑐣𑐵𑐫𑑅 𑐁𑐱𑐵𑐎𑐸𑐩𑐵𑐬 𑐔𑐶𑐎𑑄𑐧𑑄𑐖𑐵𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐔𑑂𑐰𑑄𑐐𑐸 𑐩𑐸𑑃𑐖𑑂𑐫𑐵𑑄 𑐠𑐸𑐐𑐸𑐳𑐷𑐫𑐵 𑐟𑑅𑐩𑐸𑑃𑐖𑑂𑐫𑐵 𑐨𑐵𑐬𑑂𑐰𑐵𑐔𑑀𑐫𑑂 𑐫𑐵𑐫𑐾𑐐𑐸 𑐎𑑂𑐰𑑅𑐕𑐶𑐄𑐐𑐸 𑐏𑑅 𑑋 𑐠𑑂𑐰 𑐳𑑂𑐰𑐫𑐵𑑄 𑐣𑑂𑐴𑑂𑐫𑑅𑐣 𑐣𑑄 𑐄𑐐𑐸 𑐠𑐵𑐳𑐫𑑂 𑐟𑑅𑐩𑐸𑑃𑐖𑑂𑐫𑐵 𑐫𑐵𑐫𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐠𑑂𑐰𑐫𑐵𑑄 𑐣𑑂𑐴𑑂𑐫𑑅 𑐖𑐹𑐐𑐸 𑐟𑑅𑐩𑐸𑑃𑐖𑑂𑐫𑐵𑐫𑑂 […]

𑐠𑐸𑐐𑐸𑐳𑐷 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐟𑑅𑐩𑐸𑑃𑐖𑑂𑐫𑐵 𑐨𑐵𑐬𑑂𑐰𑐵𑐔𑑀𑐫𑑂