𑐳𑑂𑐰𑐎𑑂𑐰𑑅𑐐𑐸 𑐥𑑂𑐬𑐡𑐾𑐱 𑐨𑐵𑐲𑐵 𑐡𑐶𑐰𑐳 𑐣𑑂𑐫𑐵𑐫𑐾𑐎𑐮

𑐰𑐵𑐐𑑂𑐩𑐟𑐷 𑐥𑑂𑐬𑐡𑐾𑐱 𑐳𑐬𑐎𑐵𑐬𑑄 𑐠𑑁𑑄 𑐳𑑂𑐰𑐎𑑂𑐰𑑅𑐐𑐸 𑐥𑑂𑐬𑐡𑐾𑐱 𑐨𑐵𑐲𑐵 𑐡𑐶𑐰𑐳 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅 𑐫𑐵𑐣𑐵𑑅 𑐣𑑂𑐫𑐵𑐫𑐾𑐎𑐸𑐐𑐸 𑐡𑐸 𑑋

𑐰𑐵𑐐𑑂𑐩𑐟𑐷 𑐥𑑂𑐬𑐡𑐾𑐱 𑐳𑐬𑐎𑐵𑐬𑑄 𑐰𑐶𑐳𑑄 𑑒𑑐𑑘𑑑 𑐣𑐶𑐳𑐾𑑄 𑐰𑐿𑐱𑐵𑐏 𑑒𑑔 𑐐𑐟𑐾𑐫𑐵 𑐡𑐶𑑄 𑐥𑑂𑐬𑐡𑐾𑐱 𑐨𑐵𑐲𑐵 𑐡𑐶𑐰𑐳 𑐣𑑂𑐫𑐵𑐫𑐾𑐎𑐾𑐐𑐸 𑐫𑐵𑐣𑐵 𑐴𑑅𑐐𑐸 𑐏𑑅 𑑋 𑐥𑑂𑐬𑐡𑐾𑐱 𑐳𑐬𑐎𑐵𑐬𑐷 𑐖𑑂𑐫𑐵𑐫𑐵 𑐨𑐵𑐲𑐵 𑐋𑐣, 𑑒𑑐𑑘𑑐 𑐎𑐠𑑄 𑐥𑑂𑐬𑐡𑐾𑐱 𑐳𑐬𑐎𑐵𑐬𑑄 𑑒𑑐𑑘𑑑 𑐣𑐶𑐳𑐾𑑄 𑐥𑑂𑐬𑐡𑐾𑐱 𑐨𑐵𑐲𑐵 𑐡𑐶𑐰𑐳 𑐣𑑂𑐫𑐵𑐫𑐾𑐎𑐾𑐐𑐸 𑐫𑐵𑐣𑐵𑐴𑑅𑐐𑐸 𑐏𑑅 𑑋 𑐄𑐐𑐸 𑐋𑐣, 𑑒𑑐𑑘𑑐 𑐳𑐵𑐮 𑐎𑐵𑐟𑑂𑐟𑐶𑐎 𑑒𑑓 𑐥𑑂𑐬𑐡𑐾𑐱 𑐬𑐵𑐖𑐥𑐟𑑂𑐬𑐫𑑂 𑐥𑑂𑐬𑐎𑐵𑐱𑐶𑐟 𑐖𑐹𑐐𑐸 𑐏𑑅 𑑋

𑐋𑐣𑐫𑐵 𑐡𑐦𑐵 𑑑 𑐫𑐵 𑐄𑐥𑐡𑐦𑐵 𑑓 𑐎𑐠𑑄 𑐥𑑂𑐬𑐡𑐾𑐱 𑐬𑐵𑐖𑐥𑐟𑑂𑐬𑐫𑑂 𑐥𑐶𑐠𑑄𑐐𑐸 𑐳𑐔𑑂𑐕𑐶 𑐰 𑑘𑑐 𑐣𑑂𑐴𑐸𑐫𑐵 𑐡𑐶𑑄𑐣𑐶𑐳𑐾𑑄 𑐎𑐵𑐬𑑂𑐫𑐵𑐣𑑂𑐰𑐫𑐣 𑐖𑐸𑐂𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑑅𑐐𑐸 𑐏𑑅 𑑋 𑐐𑐸𑐎𑐶𑐫𑐵 𑐎𑐠𑑄 𑑒𑑐𑑘𑑑 𑐰𑐿𑐱𑐵𑐏 𑑒𑑔 𑐐𑐟𑐾 𑐋𑐣 𑐎𑐵𑐬𑑂𑐫𑐵𑐣𑑂𑐰𑐫𑐣 𑐖𑐹𑐐𑐸 𑐳𑐔𑑂𑐕𑐶 𑐰 𑑘𑑐 𑐣𑑂𑐴𑐸 𑐠𑑂𑐫𑑄𑐐𑐸𑐮𑐶𑑄 𑐄𑐐𑐸 𑐡𑑃 𑐣𑑂𑐴𑐵𑐥𑐵𑑄𑐐𑐸 𑐥𑑂𑐬𑐡𑐾𑐱 𑐨𑐵𑐲𑐵 𑐡𑐶𑐰𑐳 𑐣𑑂𑐫𑐵𑐫𑐾𑐎𑐹𑐐𑐸 𑐰𑐵𑐐𑑂𑐩𑐟𑐷 𑐥𑑂𑐬𑐡𑐾𑐱, 𑐳𑑄𑐳𑑂𑐎𑐺𑐟𑐶 𑐮𑐶𑐳𑐾𑑄 𑐥𑐬𑑂𑐫𑐚𑐣 𑐩𑐣𑑂𑐟𑑂𑐬𑐵𑐮𑐫𑐫𑐵 𑐳𑐔𑐶𑐰 𑐡𑐷𑐥𑐾𑐣𑑂𑐡𑑂𑐬 𑐳𑐸𑐰𑐾𑐡𑐷𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋

𑐰𑐴𑐾 𑐎𑐠𑑄 𑐠𑐸𑐐𑐸𑐳𑐷 𑐳𑑂𑐰𑐎𑑂𑐰𑑅𑐐𑐸 𑐥𑑂𑐬𑐡𑐾𑐱 𑐨𑐵𑐲𑐵 𑐡𑐶𑐰𑐳 𑐠𑑁𑑄 𑐳𑐸𑐠𑐫𑑂 𑐏𑑂𑐰𑐥𑐫𑐵 𑐡𑐹𑐢𑐥𑐵𑐚𑐷𑑄 𑐏𑑂𑐰𑐥 𑐮𑐵𑐫𑑂𑐎𑐹 𑐮𑐵𑐐𑐵–𑐡𑐟𑑂𑐟𑐵𑐟𑑂𑐬𑐾𑐫–𑐎𑐩𑐮𑐰𑐶𑐣𑐵𑐫𑐎 𑐖𑐸𑐫𑐵𑑅 𑐮𑐣𑑂𑐔𑐵 𑐦𑐮𑑂𑐔𑐵 𑐨𑐟𑑂𑐎𑑂𑐫𑐵𑐥𑐵𑐚𑐷𑐟𑐎 ¥𑐫𑐵𑐮𑐷 𑐫𑐵𑑅𑐐𑐸 𑐡𑐸 𑑋 ¥𑐫𑐵𑐮𑐷 𑐮𑐶𑐥𑐵 𑐩𑐹𑐮 𑐳𑐩𑐵𑐬𑑀𑐴 𑐀𑐣𑑂𑐟𑐬𑑂𑐐𑐟 𑐮𑐣𑑂𑐔𑐵 𑐦𑐮𑑂𑐔𑐵 𑐨𑐟𑑂𑐎𑑂𑐫𑐵𑐥𑐵𑐚𑐷𑐂 𑐰𑐶𑐱𑐾𑐲 𑐖𑑂𑐫𑐵𑐗𑑂𑐰𑑅 𑐫𑐵𑑅𑐐𑐸 𑐏𑑅 𑑋