𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐰 𑐳𑑂𑐬𑑀𑐟 𑐱𑐶𑐎𑑂𑐲𑐎 𑐥𑐡𑐫𑐵 𑐮𑐵𑐐𑐶𑑄 𑐡𑐬𑐏𑐵𑐳𑑂𑐟 𑐁𑐴𑑂𑐰𑐵𑐣 𑐫𑐵𑑅𑐐𑐸 𑐡𑐸 𑑋 𑐩𑐴𑐵𑐣𑐐𑐬𑑄 𑐠𑐷𑐠𑐷 𑐟𑐴𑐫𑐵 𑐳𑐩𑐾𑐟 𑐫𑐵𑐣𑐵𑑅 𑑗𑑑 𑐩𑑂𑐴 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐰 𑑑𑑑 𑐩𑑂𑐴 𑐳𑑂𑐬𑑀𑐟 𑐱𑐶𑐎𑑂𑐲𑐎 𑐣𑐶𑐫𑐸𑐎𑑂𑐟𑐶𑐫𑐵 𑐮𑐵𑐐𑐶 𑐡𑐬𑐏𑐵𑐳𑑂𑐟 𑐁𑐴𑑂𑐰𑐵𑐣 𑐫𑐵𑑅𑐐𑐸 𑐏𑑅 𑑋 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐱𑐶𑐎𑑂𑐲𑐵 𑐀𑐢𑐶𑐎𑐵𑐬𑐷 𑐳𑐷𑐟𑐵𑐬𑐵𑐩 𑐎𑑀𑐂𑐬𑐵𑐮𑐵𑐫𑐵 𑐎𑐠𑑄 𑐣𑑂𑐫𑐵𑐡𑑃𑐫𑐵 𑐮𑐵𑐐𑐶𑑄 𑐎𑐬𑐵𑐬𑐫𑑂 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐕𑐣𑑀𑐚 𑐫𑐵𑐫𑐾𑐩𑐵𑑅𑐐𑐸 𑐖𑐹𑐐𑐸𑐮𑐶𑑄 𑐡𑐬𑐧𑐣𑑂𑐡𑐷 𑐩𑐶𑐮𑐵𑐣 𑐟𑐠𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐣𑐶𑐫𑐸𑐎𑑂𑐟𑐶 𑐳𑐩𑑂𑐧𑐣𑑂𑐢𑐷 𑐎𑐵𑐬𑑂𑐫𑐰𑐶𑐢𑐶, 𑑒𑑐𑑘𑑐 𑐧𑐩𑑀𑐖𑐶𑐩 𑐡𑐬𑐏𑐵𑐳𑑂𑐟 𑐁𑐴𑑂𑐰𑐵𑐣 𑐫𑐵𑑅𑐐𑐸 𑐏𑑅 𑑋

𑐩𑐴𑐵𑐣𑐐𑐬𑑄 𑐁𑐢𑐵𑐬𑐨𑐹𑐟 𑐟𑐴 (𑑑–𑑕 𑐟𑐐𑐶𑑄) 𑐫𑐵 𑐮𑐵𑐐𑐶 𑐏𑐸𑐩𑑂𑐴, 𑐁𑐢𑐵𑐬𑐨𑐹𑐟 𑐟𑐴 (𑑑–𑑘 𑐟𑐐𑐶𑑄) 𑐫𑐵 𑐮𑐵𑐐𑐶𑑄 𑑒𑑒 𑐩𑑂𑐴 𑐰 𑐩𑐵𑐢𑑂𑐫𑐩𑐶𑐎 𑐟𑐴𑐫𑐵 𑐮𑐵𑐐𑐶𑑄 𑑔𑑓 𑐩𑑂𑐴 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎𑐫𑐵 𑐮𑐵𑐐𑐶 𑐡𑐬𑐏𑐵𑐳𑑂𑐟 𑐁𑐴𑑂𑐰𑐵𑐣 𑐫𑐵𑑅𑐐𑐸 𑐏𑑅 𑑋 𑐰𑐶𑐡𑑂𑐫𑐵𑐮𑐫 𑐳𑐩𑐵𑐫𑑀𑐖𑐣 𑐰𑐵 𑐠𑐥𑐑𑐚 𑐖𑐹𑐳𑐵 𑐳𑑄𑐏𑑂𑐫𑐵 𑐠𑐥𑐑𑐚 𑐖𑐸𑐂 𑐦𑐂𑐐𑐸 𑐏𑑃 𑐄𑐮𑑂𑐮𑐾𑐏 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐩𑑄𑐳𑐶𑐬 𑑑 𑐐𑐟𑐾𑐟𑐎 𑐂𑐔𑑂𑐕𑐸𑐎 𑐄𑐩𑑂𑐩𑐾𑐡𑐰𑐵𑐬𑐟𑐫𑑂𑐳𑑄 𑐡𑐬𑐏𑐵𑐳𑑂𑐟 𑐧𑐷 𑐦𑐂 𑑋 𑐡𑐬𑐏𑐵𑐳𑑂𑐟 𑐧𑐷𑐐𑐸 𑐮𑐵𑐐𑐶 𑐳𑐩𑑂𑐧𑐣𑑂𑐢𑐶𑐟 𑐟𑐴𑐮𑐫𑑂 𑐩𑑂𑐴𑑀𑐟𑐶𑑄 𑐣𑑄 𑐣𑑂𑐫𑐵𑐡𑑃 𑐳𑑂𑐠𑐵𑐫𑐷 𑐳𑐾𑐰𑐵 𑐀𑐰𑐢𑐶 𑐖𑐹𑐩𑑂𑐴 𑐖𑐸𑐂𑐩𑐵𑑅 𑑋

𑐩𑐵𑐢𑑂𑐫𑐩𑐶𑐎 𑐟𑐴𑐫𑐵 𑐮𑐵𑐐𑐶 𑑒 𑐴𑐖𑐵𑐬, 𑐁𑐢𑐵𑐬𑐨𑐹𑐟 (𑑑–𑑘) 𑐟𑐴𑐫𑐵 𑐮𑐵𑐐𑐶 𑑑 𑐴𑐖𑐵𑐬 𑑕𑑐𑑐 𑐰 𑐁𑐢𑐵𑐬𑐨𑐹𑐟 (𑑑–𑑕 𑐟𑐐𑐶𑑄) 𑐫𑐵 𑐮𑐵𑐐𑐶 𑑑 𑐴𑐖𑐵𑐬 𑐥𑐬𑐷𑐎𑑂𑐲𑐵 𑐱𑐸𑐮𑑂𑐎 𑐰 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑑂 𑐬𑐵𑐖𑐱𑑂𑐰 𑐧𑐸𑐗𑐾 𑐫𑐵𑐣𑐵𑐐𑐸 𑐨𑑁𑐔𑐬 𑐳𑑄𑐮𑐐𑑂𑐣 𑐖𑐸𑐂𑐩𑐵𑑅𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐩𑐴𑐵𑐣𑐐𑐬𑑄 𑐰𑐶𑐡𑑂𑐫𑐵𑐮𑐫 𑐰𑐶𑐎𑐵𑐳 𑐥𑑂𑐬𑐳𑑂𑐟𑐵𑐰 𑐟𑐫𑐵𑐬𑐷 𑐰 𑐥𑑂𑐬𑐳𑑂𑐟𑐸𑐟𑐷𑐎𑐬𑐞𑐫𑐵 𑐮𑐶𑐢𑑄𑐳𑐵𑐫𑑂 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐮𑑂𑐫𑐫𑐾𑐐𑐸 𑐖𑑂𑐫𑐵 𑐫𑐵𑐂 𑑋

𑐀𑐠𑐾 𑐴𑐾 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐳𑑂𑐬𑑀𑐟 𑐱𑐶𑐎𑑂𑐲𑐎𑐫𑐵 𑐮𑐵𑐐𑐶 𑐣𑑄 𑐡𑐬𑐏𑐵𑐳𑑂𑐟 𑐁𑐴𑑂𑐰𑐵𑐣 𑐫𑐵𑑅𑐐𑐸 𑐡𑐸 𑑋 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐩𑐴𑐵𑐣𑐐𑐬– 𑐥𑐵𑐮𑐶𑐎𑐵𑐫𑐵 𑐱𑐿𑐎𑑂𑐲𑐶𑐎 𑐣𑐷𑐟𑐶, 𑐫𑑀𑐖𑐣𑐵 𑐰 𑐎𑐵𑐬𑑂𑐫𑐎𑑂𑐬𑐩 𑐥𑑂𑐬𑐨𑐵𑐰𑐎𑐵𑐬𑐷 𑐬𑐸𑐥𑐫𑑂 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑐣𑐵𑑅 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐳𑐶𑐎𑐵𑐂 𑐄𑐥𑐮𑐧𑑂𑐢𑐷 𑐀𑐨𑐶𑐰𑐺𑐡𑑂𑐢𑐶 𑐰 𑐐𑐸𑐞𑐳𑑂𑐟𑐬 𑐳𑐸𑐢𑐵𑐬𑐫𑐵 𑐮𑐵𑐐𑐶𑑄 𑐰𑐶𑐡𑑂𑐫𑐵𑐮𑐫𑐫𑐵𑐟 𑐥𑑂𑐬𑐵𑐰𑐶𑐢𑐶𑐎 𑐐𑑂𑐰𑐵𑐴𑐵𑐮𑐶 𑐫𑐵𑐫𑐾𑐟 𑐳𑑂𑐬𑑀𑐟 𑐱𑐶𑐎𑑂𑐲𑐎𑐫𑐵 𑐁𑐰𑐱𑑂𑐫𑐎𑐟𑐵 𑐖𑐹𑐐𑐸𑐮𑐶𑑄 𑑑𑑑 𑐩𑑂𑐴 𑐳𑑂𑐬𑑀𑐟 𑐱𑐶𑐎𑑂𑐲𑐎𑐫𑐵 𑐮𑐵𑐐𑐶 𑐡𑐬𑐏𑐵𑐳𑑂𑐟 𑐁𑐴𑑂𑐰𑐵𑐣 𑐫𑐵𑑅𑐐𑐸 𑐏𑑅 𑑋

𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑑄 𑐀𑑄𑐐𑑂𑐬𑐾𑐖𑐷 𑐰𑐶𑐲𑐫𑐫𑐵 𑐮𑐵𑐐𑐶 𑑒 𑐩𑑂𑐴, 𑐣𑐾𑐥𑐵𑐮𑐷 𑐰𑐶𑐲𑐫𑐫𑐵 𑐮𑐵𑐐𑐶 𑑒 𑐩𑑂𑐴, 𑐐𑐞𑐶𑐟 𑐰𑐶𑐲𑐫𑐫𑐵 𑐮𑐵𑐐𑐶 𑑓 𑐩𑑂𑐴, 𑐳𑐵𑐩𑐵𑐖𑐶𑐎 𑐰𑐶𑐲𑐫𑐫𑐵 𑐮𑐵𑐐𑐶𑑄 𑑒 𑐩𑑂𑐴 𑐰 𑐰𑐶𑐖𑑂𑐘𑐵𑐣 𑐰𑐶𑐲𑐫𑐫𑐵 𑐮𑐵𑐐𑐶 𑑒 𑐩𑑂𑐴 𑐳𑑂𑐬𑑀𑐟 𑐱𑐶𑐎𑑂𑐲𑐎𑐫𑐵 𑐮𑐵𑐐𑐶 𑐡𑐬𑐏𑐵𑐳𑑂𑐟 𑐁𑐴𑑂𑐰𑐵𑐣 𑐫𑐵𑑅𑐐𑐸 𑐡𑐸 𑑋

𑐳𑑂𑐬𑑀𑐟 𑐱𑐶𑐎𑑂𑐲𑐎𑐫𑐵 𑐮𑐵𑐐𑐶 𑑑 𑐩𑑄𑐳𑐶𑐬 𑐟𑐎 𑐂𑐔𑑂𑐕𑐸𑐎 𑐄𑐩𑑂𑐩𑐾𑐡𑐰𑐵𑐬𑐟𑐫𑑂𑐳𑑄 𑐡𑐬𑐏𑐵𑐳𑑂𑐟 𑐧𑐷 𑐦𑐂 𑑋 𑐳𑑂𑐬𑑀𑐟 𑐱𑐶𑐎𑑂𑐲𑐎𑐫𑐵 𑐮𑐵𑐐𑐶𑑄 𑐮𑐶𑐏𑐶𑐟, 𑐥𑑂𑐬𑐫𑑀𑐐𑐵𑐟𑑂𑐩𑐎 𑐰 𑐀𑐣𑑂𑐟𑐬𑑂𑐰𑐵𑐬𑑂𑐟𑐵 𑐖𑐸𑐂𑐳𑐵 𑐥𑐬𑐷𑐎𑑂𑐲𑐵 𑐱𑐸𑐮𑑂𑐎 𑑑 𑐴𑐖𑐵𑐬 𑐟𑐸𑐂 𑑋 𑐩𑑄𑐳𑐶𑐬 𑑑𑑘 𑐐𑐟𑐾 𑐠𑐸𑐎𑐶𑐫𑐵 𑐖𑐵𑑃𑐔 𑐖𑐸𑐂𑐐𑐸 𑐏𑑃 𑐣𑑄 𑐩𑐣𑐥𑐵𑑄 𑐢𑐵𑑅𑐐𑐸 𑐡𑐸 𑑋