𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐥𑑁𑐲 𑑒𑑐, 𑐁𑐂𑐟𑐧𑐵𑐬 𑑑𑑕:𑑔𑑗:𑑑𑑒

𑐕𑐰𑐵𑑅𑐫𑐵 𑐡𑐸𑐣𑐾 𑐳𑑂𑐰𑐰𑐶𑐫𑐸 𑐣𑐶𑐬𑑂𑐰𑐵𑐔𑐣𑐫𑐵 𑐟𑐶𑐠𑐶 𑐑𑑀𑐲𑐞𑐵 𑐫𑐵𑐂𑐐𑐸

𑐎𑐶𑐥𑐹𑐫𑐵 𑐧𑐵𑐳𑐶𑐣𑑂𑐡𑐵𑐥𑐶𑐣𑐶𑐐𑐸 𑐧𑐸𑑃 𑐳𑐬𑐎𑐵𑐬𑑄 𑐧𑐶.𑐳. 𑑒𑑐𑑑𑑓 𑐳𑐵𑐮𑐫𑑂 𑐀𑐢𑐶𑐐𑑂𑐬𑐬𑐞 𑐫𑐵𑐣𑐵𑑅 𑐟𑑂𑐬𑐶𑐨𑐸𑐰𑐣 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐣𑐷𑐳𑑂𑐰𑑄𑐐𑐸 𑐏𑑅 𑑋 𑐄𑐐𑐸 𑐟𑑂𑐬𑐶𑐰𑐶 𑐴𑐵𑐟𑐵 𑐡𑐸𑐣𑐾 𑐔𑑂𑐰𑑄𑐐𑐸 𑐥𑑂𑐬𑐴𑐬𑐷 𑐔𑑁𑐎𑐷 𑐟𑐫𑐾𑐟 𑐡𑐫𑐾𑐎𑐹𑐐𑐸 𑐨𑐰𑐣𑐫𑑂 𑐁𑑅 𑐥𑑂𑐬𑐴𑐬𑐷 𑐔𑑁𑐎𑐷 𑐩𑐟𑐂𑐐𑐸 𑐖𑐹𑐐𑐸 𑐡𑐸 𑑋

𑐟𑐵𑑅𑐃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑐣𑑂𑐳𑑄 𑐟𑑂𑐬𑐶𑐰𑐶 𑐴𑐵𑐟𑐵 𑐡𑐸𑐣𑐾 𑐔𑑁𑐎𑐷 𑐩𑐟𑐫𑐾𑐟 𑐩𑐵𑐐 𑐫𑐵𑐳𑐾𑑄 𑐁𑐣𑑂𑐡𑑀𑐮𑐣 𑐫𑐵𑐫𑐾𑐢𑐸𑑄𑐎𑐵𑑅 𑐠𑑁𑑄 𑐁𑐂𑐟𑐰𑐵𑑅 𑐟𑐟𑑂𑐎𑐵𑐮 𑐔𑐷𑐎𑐾𑐐𑐸 𑐳𑐴𑐩𑐟𑐶 𑐖𑐹𑐐𑐸 𑐏𑑅 𑑋

𑐟𑑂𑐬𑐶𑐰𑐶 𑐰𑐶𑐡𑑂𑐫𑐵𑐬𑑂𑐠𑐷 𑐎𑐮𑑂𑐫𑐵𑐞 𑐰 𑐏𑐾𑐮𑐎𑐸𑐡 𑐣𑐶𑐬𑑂𑐡𑐾𑐱𑐣𑐵𑐮𑐫 𑐰 𑐣𑐾𑐰𑐶𑐳𑑄𑐑 𑐡𑐠𑐸𑐂 𑐖𑐹𑐐𑐸 𑐰𑐵𑐬𑑂𑐟𑐵𑐥𑐵𑐏𑐾𑑄 𑐥𑑂𑐬𑐴𑐬𑐷 𑐔𑑁𑐎𑐷 𑐔𑐷𑐎𑐾𑐐𑐸 𑐳𑐴𑐩𑐟𑐶 𑐖𑐹𑐐𑐸 𑐏𑑅 𑑋

𑐳𑐴𑐩𑐟𑐶 𑐥𑐟𑐶𑐂 𑐣𑐶𑐬𑑂𑐡𑐾𑐱𑐣𑐵𑐮𑐫𑐫𑐵 𑐎𑐵𑐬𑑂𑐫𑐎𑐵𑐬𑐷 𑐣𑐶𑐬𑑂𑐡𑐾𑐱𑐎 𑐐𑑄𑐐𑐵𑐧𑐴𑐵𑐡𑐸𑐬 𑐠𑐵𑐥𑐵 𑐩𑐐𑐬 𑐰 𑐣𑐾𑐰𑐶𑐳.𑐑𑐫𑐵 𑐟𑑂𑐬𑐶𑐰𑐶 𑐳𑐩𑐶𑐟𑐶 𑐳𑐔𑐶𑐰 𑐫𑑀𑐐𑐾𑐣𑑂𑐡𑑂𑐬 𑐬𑐵𑐰𑐮𑑄 𑐮𑑂𑐴𑐵𑑅𑐔𑐶𑑄 𑐟𑑅𑐐𑐸 𑐏𑑅 𑑋

𑐎𑐶𑐥𑐹𑐫𑐵 𑑑𑑐 𑐰𑐜𑐵 𑐟𑐵𑑄𑐮𑑂𑐔𑐵 𑐮𑐵𑐐𑐵𑐫𑑂 𑐮𑐵𑑅𑐐𑐸 𑐟𑑂𑐬𑐶𑐰𑐶 𑐴𑐵𑐟𑐵𑐫𑑂 𑐥𑑂𑐬𑐴𑐬𑐷 𑐔𑑁𑐎𑐷 𑐟𑐫𑐾𑐟𑑂𑐫𑑄𑐐𑐸 𑐏𑑅 𑑋 𑐱𑐿𑐎𑑂𑐲𑐶𑐎 𑐳𑑄𑐳𑑂𑐠𑐵𑐫𑑂 𑐥𑑂𑐬𑐴𑐬𑐷 𑐔𑑁𑐎𑐷 𑐟𑐫𑐾𑐩𑐖𑑂𑐫𑐹𑐐𑐸 𑐢𑐵𑐳𑐾𑑄 𑐣𑐾𑐥𑐵𑐮 𑐰𑐶𑐡𑑂𑐫𑐵𑐬𑑂𑐠𑐷 𑐳𑑄𑐑𑑄 𑐣𑐶𑐬𑐣𑑂𑐟𑐬 𑐁𑐣𑑂𑐡𑑀𑐮𑐣 𑐫𑐵𑐣𑐵𑑅 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐀𑐠𑐾𑐴𑐾, 𑐳𑑂𑐰𑐰𑐶𑐫𑐸 𑐣𑐶𑐬𑑂𑐰𑐵𑐔𑐣𑐫𑐵 𑐟𑐶𑐠𑐶 𑐕𑐰𑐵𑑅𑐫𑐵 𑐡𑐸𑐣𑐾 𑐰 𑐎𑐵𑐬𑑂𑐫𑐟𑐵𑐮𑐶𑐎𑐵 𑐮𑐔𑑂𑐕𑐶 𑐣𑑂𑐴𑑂𑐫𑑅 𑐴𑐾 𑐳𑐵𑐬𑑂𑐰𑐖𑐣𑐶𑐎 𑐫𑐵𑐫𑐾𑐐𑐸, 𑐟𑑂𑐬𑐶𑐰𑐶𑐂 𑐬𑐵𑐖𑐣𑐷𑐟𑐶𑐎 𑐁𑐳𑑂𑐠𑐵𑐫𑐵 𑐁𑐢𑐵𑐬𑐫𑑂 𑐳𑐸𑐫𑐵𑐟 𑐣𑑄 𑐨𑐾𑐡𑐨𑐵𑐰 𑐩𑐫𑐵𑐫𑐾𑐐𑐸 𑐮𑐶𑐳𑐾𑑄𑐫𑐵 𑐳𑐴𑐩𑐟𑐶 𑐣𑑄 𑐖𑐹𑐐𑐸 𑐡𑐸 𑑋

𑐳𑐩𑑂𑐗𑑁𑐟𑐵 𑐥𑑁 𑐳𑑂𑐰𑐫𑐵𑐡𑐶𑐳𑑃 :