𑐣𑐾𑐥𑐵𑐮𑐨𑐵𑐲𑐵 𑐣𑑂𑐴𑑂𑐫𑐳𑑅𑐮𑐶𑐳𑑅 𑐎𑐵𑐳𑐵 𑐰 𑐣𑑂𑐴𑑂𑐫𑐳𑑅𑐮𑐶𑐳𑑅

-𑐎𑐾𑐱𑐬𑐩𑐵𑐣 𑐟𑐵𑐩𑑂𑐬𑐵𑐎𑐵𑐬

𑐕𑐐𑐹 𑐂𑐮𑐫𑑂 𑐀𑐠𑐾 𑐢𑐫𑐵𑐐𑐸 𑐥𑐷𑐡𑑃 𑐣𑑂𑐴𑑂𑐫𑑅 𑐡𑑃𑐫𑑂𑐡𑐳𑑄 𑐀𑐣𑑂𑐟𑐬 𑐎𑑂𑐫𑐵𑐩𑑂𑐥𑐬 𑐰 𑐀𑐣𑑂𑐟𑐬 𑐴𑐵𑐂𑐳𑑂𑐎𑐹𑐮 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐎𑐵𑐳𑐵 𑐮𑐶𑐳𑐾𑑄 𑐀𑐣𑑂𑐟𑐬 𑐎𑑂𑐫𑐵𑐩𑑂𑐥𑐳 𑐰 𑐀𑐣𑑂𑐟𑐬 𑐴𑐵𑐂𑐳𑑂𑐎𑐹𑐮 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣 𑐖𑐹 𑑋 𑐐𑐸𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐖𑑂𑐫𑐵𑐗𑑂𑐰𑐮𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐣𑐵𑑄𑐖𑐵𑑅𑐥𑐶𑑄 𑐳𑐵𑐴𑐶𑐟𑑂𑐫𑐎𑐵𑐬, 𑐳𑑄𑐐𑐷𑐟𑐎𑐵𑐬 𑐰 𑐳𑑄𑐎𑐶𑐥𑐵𑐫𑐵 𑐣𑐵𑐫𑑅 𑐣𑐎𑐶𑑄𑐟 𑐖𑐣𑑂𑐩 𑐖𑐹𑐐𑐸 𑐡𑐸 𑑋 𑐄𑐐𑐸 𑐃𑐫𑐵 𑐖𑑂𑐫𑐵𑐗𑑂𑐰𑐮𑑄 𑐠𑐣𑐵 𑐴𑑅𑐥𑐶𑑄 𑐠𑑁𑑄𑐫𑐵 𑐠𑐷𑐠𑐷 𑐴𑐮𑐶𑐩𑐫𑑂 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐎𑐖𑐶 𑐎𑐠𑑄 𑐥𑐶𑐮𑐹 𑐰𑑅𑐐𑐸 𑐡𑐸 𑑋 𑐄𑐎𑐷 𑐩𑐢𑑂𑐫𑐾 𑐕𑐩𑑂𑐴 𑐖𑐶 𑐣𑑄 𑐏𑑅 𑑋

𑐥𑐷𑐡𑑃 𑐟𑐎 𑐡𑐶𑐣𑐵𑐔𑑂𑐰𑑄𑐐𑐸 𑐣𑑂𑐴𑑂𑐫𑐳𑑅𑐮𑐶𑐳𑑅 𑐎𑐵𑐳𑐵𑐫𑐵𑐟 𑐣𑐶𑐡𑑃 𑐣𑑂𑐴𑑂𑐫𑑅 𑐴𑐮𑐶𑑄 𑐣𑐾𑐰𑐵𑑅 𑐡𑐧𑐹𑐫𑐵 𑐐𑑂𑐰𑐳𑐵𑐮𑐫𑑂 𑐎𑑂𑐫𑐵𑐣𑐵𑐜𑐵𑐫𑑂 𑐔𑑂𑐰𑑄𑐩𑑂𑐴 𑐨𑐵𑐲𑐵𑐴𑑂𑐫𑑅𑐩𑐶 𑐰𑐶𑐩𑐮𑐩𑐵𑐣 𑐱𑑂𑐬𑐾𑐲𑑂𑐛𑐫𑐵 𑐎𑐖𑐶𑐳𑐸𑐂 𑐣𑑂𑐴𑐵𑐥𑐵𑑄𑐐𑐸 𑐴𑐮𑐶𑑄 𑐣𑐾𑐰𑐵𑑅 𑐣𑑂𑐴𑑂𑐫𑐳𑑅𑐮𑐶𑐳𑑅 𑐎𑐵𑐳𑐵 𑐖𑐸𑐮 𑑋 𑐠𑐸𑐐𑐸 𑐎𑐵𑐳𑐵 𑐏𑐸𑐐𑐹 𑐟𑐐𑐶𑑄 𑐣𑐶𑐳𑐾𑑄 𑑑𑑒 𑐐𑐹 𑐟𑐐𑐶𑑄 𑐟𑐎𑐫𑐵 𑐴𑐮𑐶𑐩𑐫𑑂 𑐔𑑂𑐰𑑄𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐡𑐠𑐸𑐂 𑐖𑐹𑐐𑐸 𑐏𑑅 𑑋 𑐣𑑂𑐴𑐵𑐥𑐵𑑄𑐐𑐸 𑐣𑑂𑐴𑑂𑐳𑑅 𑐮𑐶𑐳𑑅 𑐎𑐵𑐳𑐵 𑐖𑐸𑐫𑐵𑑅 𑐣𑐶𑐡𑑃 𑐮𑐶𑐥𑐵 𑐣𑐶𑐎𑑂𑐰𑑅𑐐𑐸 𑐴𑐮𑐶𑑄 𑐣𑐾𑐰𑐵𑑅 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐎𑐵𑐳𑐵 𑐠𑐸𑐐𑐸𑐳𑐷 𑐖𑐸𑐮 𑑋 𑐩𑐸𑐎𑑂𑐎𑑄 𑐳𑑂𑐰𑑄𑐐𑐹 𑐡𑐾𑐫𑑂𑐫𑐵 𑑒𑑑 𑐐𑐹 𑐥𑐸𑐔𑐮𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐖𑐸𑐮 𑑋 𑐀𑐮𑐾 𑐳𑐶𑐬𑐥𑐵𑑅 𑐎𑐠𑑄 𑐣𑑂𑐴𑐵𑐥 𑐳𑐶𑐬𑐥𑐵𑑅 𑐡𑑂𑐰𑑅𑐕𑐶 𑐜𑐮𑐬, 𑐮𑐶𑐄 𑐔𑑂𑐫𑐵𑐳𑑅 𑐜𑐮𑐬, 𑐮𑐶𑐫𑐵𑑄 𑐮𑐶𑐄 𑐏𑐸𑐳𑑅 𑐜𑐮𑐬, 𑐴𑑅𑐥𑐵𑑅 𑐥𑑂𑐫𑐳𑑅 𑐜𑐮𑐬 𑐮𑐶𑐳𑐾𑑄 𑐧𑐵𑑄𑐮𑐵𑑅𑐐𑐸 𑐥𑑂𑐬𑐩𑐵𑐞𑐥𑐟𑑂𑐬 𑐧𑐶𑐄𑐐𑐸 𑐖𑐸𑐮 𑑋 𑐀𑐮𑐾 𑐠𑐸𑐐𑐸 𑐣𑐶𑐐𑐸𑐮𑐶𑑄 𑐎𑐵𑐳𑐵𑐫𑐵 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐣𑐶𑐬𑑂𑐩𑐵𑐞 𑐎𑐩𑐶𑐚𑐷𑐫𑐵 𑐎𑐖𑐶 𑐖𑐸𑐂𑐐𑐸 𑐨𑐵𑐮𑐵 𑐖𑐶𑐟𑑅 𑐴𑐾 𑐧𑐶𑐄𑐐𑐸 𑐖𑐸𑐮 𑑋 𑐠𑐸𑐐𑐸 𑐔𑑂𑐰𑐳𑐸𑐫𑐵 𑐮𑐶𑐳𑐾𑑄 𑐣𑐶𑐎𑑂𑐰𑑅𑐐𑐸 𑐴𑐮𑐶𑑄 𑐣𑐾𑐰𑐵𑑅 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐎𑐵𑐳𑐵𑐫𑐵 𑐗𑐶𑑄𑐣𑐶𑐐𑐹 𑐎𑐵𑐳𑐵𑐫𑑂 𑐣𑑂𑐫𑐣𑐵𑐐𑐸 𑐕𑐐𑐹 𑐕𑐐𑐹 𑐣𑑂𑐴𑑂𑐫𑐳𑑅 𑐰 𑐄𑐎𑐶𑐫𑐵 𑐳𑑄𑐨𑐵𑐰𑐶𑐟 𑐮𑐶𑐳𑑅 𑐣𑑂𑐴𑑂𑐫𑐧𑑂𑐰𑐫𑐾𑐐𑐸 𑐫𑐵𑐫𑐾 𑑋 𑐀𑐮𑐾 𑐕𑐶𑐎𑐥𑐶𑑄𑐳𑑄 𑐣𑑄 𑐠𑐸𑐐𑐸 𑐣𑑂𑐴𑑂𑐫𑐳𑑅𑐫𑐵𑐟 𑐮𑐶𑐳𑑅 𑐧𑐷𑐟 𑐣𑑂𑐴𑑂𑐫𑐥𑐸 𑐣𑐵𑐫𑐾𑐎𑐵𑐡𑐶𑐳𑑃 𑑋 𑐣𑑂𑐴𑐵𑐥𑐵𑑄𑐐𑐸 𑐔𑐬𑐞𑐫𑑂 𑐣𑑂𑐫𑐵𑐐𑐹 𑐎𑐵𑐳𑐵 𑑋

𑐎𑐵𑐳𑐵 𑑑𑐫𑐵 𑐣𑑂𑐴𑑂𑐫𑐳𑑅
𑐩𑐟𑐫𑐵𑑅 𑐖𑐵𑐟𑑂𑐬𑐵 𑐐𑐣 𑐣𑑂𑐫𑐵𑐫𑐾𑐎𑐷 ?
𑐎) 𑐏𑑂𑐰𑐥𑐫𑑂 𑐏) 𑐫𑐾𑑃𑐫, 𑐐) 𑐫𑐮𑐫𑑂 𑐑) 𑐨𑑂𑐰𑑃𑐟𑐫𑑂 𑐒) 𑐥𑐵𑑄𑐐𑐵𑐫𑑂 𑐔) 𑐥𑑀𑐏𑐬𑐵𑐫𑑂
𑐎𑐵𑐳𑐵 𑑒 𑐫𑐵 𑐣𑑂𑐴𑑂𑐫𑐳𑑅
𑐧𑐵𑐴𑑂𑐬𑐵𑑅 𑐎𑑂𑐰𑐠𑐵𑐫𑑂 𑐳𑐸𑐫𑐵𑐟 𑐡𑐸𑐟 𑐕𑑂𑐰𑐂𑐩𑐏𑐸 ?
𑐎) 𑐁𑐏𑑅 𑐩𑐳𑑅𑐥𑐶𑑄𑐟 𑐏) 𑐩𑐳𑑂𑐟𑐫𑑂𑐟 𑐐) 𑐮𑑂𑐫𑐵𑐳𑐾𑐟𑐫𑑂𑐟 𑐑) 𑐩𑐶𑐖𑑄𑐟𑐫𑑂𑐟 𑐒) 𑐥𑐵𑐳𑐵𑐥𑐶𑑄𑐟 𑐔) 𑐟𑐟𑐵𑐎𑐾𑐴𑐾𑑃𑐥𑐶𑑄𑐟
𑐎𑐵𑐳𑐵 𑑓 𑐫𑐵 𑐣𑑂𑐴𑑂𑐫𑐳𑑅
𑐏𑐳𑐨𑐵𑐫𑑂𑐫𑐵 𑐏𑑃𑐐𑑂𑐰𑑅 ‘𑐔𑑁𑐮𑐵𑐣𑐶’𑐫𑐵𑐟 𑐕𑐸 𑐢𑐵𑐂 ?
𑐎) 𑐎𑑂𑐰𑐵𑐟𑐶 𑐏) 𑐖𑐵𑐎𑐶𑐳𑐶𑐮𑐵 𑐟𑐶 𑐐) 𑐎𑐎𑑅𑐔𑐵𑐟𑐶 𑐑) 𑐮𑐵𑐫𑐵 𑐟𑐶 𑐒) 𑐐𑑂𑐰𑐵𑐬𑐔𑐵𑐟𑐶 𑐔) 𑐕𑑂𑐰𑑄𑐎𑑂𑐰𑐵𑐟𑐶 𑑋
𑐴𑐣𑐸𑐩𑐵𑐣𑐫𑐵 𑐩𑐾𑐐𑐸 𑐣𑐵𑑄 𑐕𑐸 𑐏𑑅 ?
𑐎) 𑐧𑐶𑐬𑐸𑐥𑐵𑐎𑑂𑐲 𑐏) 𑐩𑐵𑐬𑐸𑐟𑐶 𑐐) 𑐨𑐬𑐟 𑐑) 𑐳𑑄𑐣𑑂𑐫𑐵𑐳𑐶 𑐔) 𑐧𑐚𑐸𑐎 𑐕) 𑐔𑐵𑐮𑐶𑐳𑐾
𑐎𑐵𑐳𑐵 𑑕𑐫𑐵 𑐣𑑂𑐴𑑂𑐫𑐳𑑅
𑐡𑐎𑐮𑐫𑑂 𑐣𑑂𑐴𑐵𑐫𑐵𑐥𑐵 𑐬𑐾𑐜𑐶𑐫𑐵𑐫𑑂 𑐣𑑂𑐴𑑂𑐫𑐵𑐎𑐹𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐖𑑂𑐫𑐵𑐗𑑂𑐰𑑅 𑐕𑐸 𑐏𑑅 ?
𑐎) 𑐮𑐴𑐣𑐵 𑐏) 𑐣𑑂𑐫𑐵𑐮𑑂𑐮𑐵𑐧𑑂𑐫𑐵𑑄 𑐐) 𑐣𑐾𑐰𑐵𑑅 𑐳𑑅 𑐑) 𑐖𑐷𑐰𑐣 𑐡𑐧𑐹 𑐒) 𑐩𑐸𑐣𑐵𑐳𑑅 𑐔) 𑐳𑑂𑐰𑐣𑐶𑐐𑑅 𑑑𑑐𑑐
𑐣𑐶𑐐𑐹𑐐𑐸 𑐔𑐬𑐞 (𑐎𑑂𑐰𑐵𑐚𑐬𑐦𑐵𑐂𑐣𑐮) 𑐥𑑂𑐫𑑄𑐐𑐹 𑐎𑐵𑐳𑐵
𑐎𑐵𑐳𑐵 𑑖 𑐫𑐵 𑐣𑑂𑐴𑑂𑐫𑐳𑑅
𑐠𑑂𑐰 𑐣𑐾𑐰𑐵𑑅 𑐎𑐵𑐳𑐵𑐫𑐵 𑐣𑐵𑑄 𑐕𑐸 𑐏𑑅 ? (𑐎𑐶𑐥𑐵 𑐣𑑂𑐴𑑂𑐫𑐧𑑂𑐰𑐫𑐾𑐐𑐸)
𑐎) 𑐮𑑂𑐰𑐴𑑄𑐡𑐵𑐫𑐵 𑐏𑑁 𑐡𑐵𑐫𑐵 𑐎𑐵𑐳𑐵 𑐏) 𑐡𑐵𑑄𑐐𑐡𑐸𑑄𑐐 𑐎𑐵𑐳𑐵 𑐐) 𑐑𑑅 𑐎𑐵𑐳𑐵 𑐑) 𑐎𑐳𑐶𑐩𑐮𑐵𑐥𑐵𑑃𑐫𑑂 𑐎𑐵𑐳𑐵 𑐒) 𑐫𑐎𑑄𑐢𑐵𑐮𑐵 𑐎𑐵𑐳𑐵 𑐔) 𑐳𑐬𑑂𑐐𑑅 𑐎𑐵𑐳𑐵
𑐎𑐵𑐳𑐵 𑑗 𑐫𑐵 𑐣𑑂𑐴𑑂𑐫𑐳𑑅
𑐳𑐸 𑐥𑐘𑑂𑐔 𑐧𑐸𑐡𑑂𑐢 𑐩𑐢𑑂𑐫𑐫𑐾𑐫𑐵 𑐕𑐩𑑂𑐴 𑐩𑐏𑐸 ?
𑐎) 𑐧𑐿𑐬𑑀𑐔𑐣 𑐏) 𑐀𑐩𑑀𑐑𑐳𑐶𑐡𑑂𑐢𑐶 𑐐) 𑐀𑐎𑑂𑐲𑑀𑐨𑑂𑐫 𑐑) 𑐀𑐩𑐶𑐟𑐵𑐨 𑐒)𑐱𑐵𑐎𑑂𑐫𑐩𑐸𑐣𑐶 𑐔) 𑐬𑐟𑑂𑐣𑐳𑐩𑑂𑐨𑐰
𑐎𑐵𑐳𑐵 𑑘 𑐫𑐵 𑐣𑑂𑐴𑑂𑐫𑐳𑑅
𑐏𑐬𑐧𑐸𑐖𑐵𑐫𑑂 𑐐𑐸𑐮𑐶 𑐥𑑂𑐬𑐟𑐶𑐱𑐟 𑐮𑑅 𑐡𑐂 ?
𑐎) 𑑙𑑒% 𑐏) 𑑘𑑕 % 𑐐) 𑑗𑑐% 𑐑) 𑑖𑑓 % 𑐒) 𑑕𑑑% 𑐔) 𑑔𑑑%
𑐎𑐵𑐳𑐵 𑑙 𑐫𑐵 𑐣𑑂𑐴𑑂𑐫𑐳𑑅
𑐣𑑂𑐫𑐹𑐖𑐶𑐮𑑂𑐫𑐵𑐣𑑂𑐜𑐫𑐵 𑐬𑐵𑐖𑐢𑐵𑐣𑐷 𑐕𑐸 𑐏𑑅 ?
𑐎) 𑐰𑐾𑐮𑐶𑐒𑐚𑐣 𑐏) 𑐀𑐎𑐮𑑂𑐫𑐵𑐞𑑂𑐜 𑐐) 𑐎𑑂𑐬𑐶𑐳 𑐔𑐬𑑂𑐔 𑐑) 𑐡𑐸𑐣𑐾 𑐡𑐶𑐣 𑐒) 𑐎𑑂𑐰𑐶𑐳𑐚𑐵𑐄𑐣 𑐔) 𑐣𑑂𑐫𑐹 𑐥𑑂𑐮𑐵𑐂𑐩𑐵𑐄𑐠
𑐳𑑂𑐰𑑄𑐐𑐹𑐐𑐸 𑐔𑐬𑐞 (𑐳𑐾𑐩𑐶𑐦𑐵𑐂𑐣𑐮) 𑐣𑐶𑐐𑐹 𑐎𑐵𑐳𑐵
𑐎𑐵𑐳𑐵 𑑑𑑐𑐫𑐵 𑐣𑑂𑐴𑑂𑐫𑐳𑑅
𑐣𑑂𑐫𑐹𑐚𑐣𑐫𑐵𑐟 𑐐𑐸𑐬𑐸𑐟𑑂𑐰𑐵𑐎𑐬𑑂𑐲𑐞𑐫𑐵 𑐧𑐶𑐔𑐵𑑅 𑐰𑑅𑐐𑐸 𑐳𑑂𑐫𑐵𑐄𑐫𑐵 𑐳𑐶𑐩𑐵 𑐐𑐣 𑐡𑐸 ?
𑐎) 𑐩𑐵𑐫𑑂𑐳𑐵𑐔𑑂𑐫𑐹𑐳𑐾𑐚 𑐏) 𑐰𑐬𑑂𑐎𑐮𑐾 𑐐) 𑐀𑐎𑑂𑐳𑐦𑑀𑐬𑑂𑐜 𑐑) 𑐎𑑂𑐫𑐵𑐩𑑂𑐧𑑂𑐬𑐶𑐖 𑐒) 𑐧𑐬𑑂𑐩𑐶𑑄𑐐𑐑𑐩 𑐔) 𑐮𑐣𑑂𑐜𑐣
𑐎𑐵𑐳𑐵 𑑑𑑑 𑐫𑐵 𑐣𑑂𑐴𑑂𑐫𑐳𑑅
‘𑐡 𑐬𑑀𑐜 𑐚𑐸 𑐣𑑀 𑐴𑑂𑐰𑐾𑐫𑐬’ 𑐳𑐦𑐹𑐫𑐵 𑐔𑑂𑐰𑐩𑐶 𑐳𑐸 𑐖𑐸𑐫𑐵𑐡𑐷 ?
𑐎) 𑐎𑐩𑐮𑐥𑑂𑐬𑐎𑐵𑐱 𑐩𑐮𑑂𑐮 𑐏) 𑐟𑐾𑐖𑐬𑐟𑑂𑐣 𑐎𑑄𑐳𑐵𑐎𑐵𑐬 𑐐) 𑐧𑐵𑐮𑐐𑑀𑐥𑐵𑐮 𑐱𑑂𑐬𑐾𑐲𑑂𑐛, 𑐑) 𑐎𑐾𑐱𑐬𑐮𑐵𑐮 𑐒) 𑐳𑐸𑐨𑐵𑐲𑐬𑐵𑐩 𑐥𑑂𑐬𑐖𑐵𑐥𑐟𑐶 𑐔) 𑐖𑑂𑐫𑐵𑐟𑐶 𑐟𑐸𑐮𑐵𑐢𑐬
𑐥𑑂𑐫𑑄𑐐𑐹𑐐𑐸 𑐔𑐬𑐞 (𑐦𑐵𑐂𑐣𑐮) 𑐕𑐐𑐹 𑐎𑐵𑐳𑐵
𑐎𑐵𑐳𑐵 𑑑𑑒 𑐫𑐵 𑐣𑑂𑐴𑑂𑐫𑐳𑑅
𑐡𑐎𑐮𑐫𑑂 𑐥𑐸𑐮𑐵𑑄𑐐𑐸 𑐣𑐾𑐥𑐵𑐮 𑐏𑑃𑐐𑑂𑐰𑑅 𑐔𑑂𑐰𑐫𑐵𑐟𑑅𑐐𑐸 𑐳𑐣𑑂 𑑕𑑑𑑒 𑐫𑐵 𑐀𑐨𑐶𑐮𑐾𑐏 𑐚𑐶𑐳𑑂𑐟𑐸𑐒𑐫𑐵 𑐐𑐸𑐩𑑂𑐴 𑐖𑐸𑐖𑐸𑐫𑐵𑐐𑐸 𑐏𑑅 ?
𑐎) 𑐰𑐺𑐲𑐡𑐾𑐰 𑐏) 𑐢𑐬𑑂𑐩𑐡𑐾𑐰 𑐐) 𑐧𑐳𑐣𑑂𑐟𑐡𑐾𑐰 𑐑) 𑐬𑐵𑐩𑐡𑐾𑐰 𑐒) 𑐀𑐩𑐬𑐡𑐾𑐰 𑐔) 𑐐𑑄𑐐𑐵𑐡𑐾𑐰

𑐠𑑂𑐰 𑐖𑐸𑐮 𑐗𑐶𑑄𑐣𑐶𑐐𑐹 𑐎𑐵𑐳𑐵𑐫𑐵 𑐕𑐐𑐹 𑐕𑐐𑐹 𑐎𑐵𑐳𑐵𑐫𑐵 𑐕𑐐𑐹 𑐕𑐐𑐹 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐣𑐩𑐹𑐣𑐵 𑐎𑐠𑑄 𑐣𑑂𑐴𑑂𑐫𑐧𑑂𑐰𑐫𑐵𑐐𑐸 𑐖𑐸𑐮 𑑋 𑐥𑑂𑐬𑐟𑑂𑐫𑐾𑐎 𑐎𑐵𑐳𑐵𑐫𑑂 𑐣𑑂𑐴𑐵𑐥𑐵𑑄𑐐𑐸 𑐔𑐬𑐞𑐫𑑂 𑑒𑑔 𑐐𑐹 𑐣𑑂𑐴𑑂𑐫𑐳𑑅𑐟, 𑐣𑐶𑐐𑐹𑐐𑐸 𑐰 𑐳𑑂𑐰𑑄𑐐𑐹𑐐𑐸 𑐔𑐬𑐞𑐫𑑂 𑑒𑑘 𑐐𑐹 𑐣𑑂𑐴𑑂𑐫𑐳𑑅𑐟 𑐰 𑐧𑐶𑐖𑑄 𑐎𑐵𑐳𑐵𑐫𑑂 𑑓𑑒 𑐐𑐹 𑐣𑑂𑐴𑑂𑐫𑐳𑑅𑐟 𑐣𑑂𑐫𑐣𑐵𑐐𑐸 𑐏𑑅 𑑋 𑐀𑐮𑐾 𑐥𑑂𑐬𑐟𑑂𑐫𑐾𑐎 𑐎𑐵𑐳𑐵𑐫𑑂 𑐥𑑂𑐫𑑄𑐐𑐹 𑐥𑐸𑐔𑐮𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋 𑐕𑐐𑐹 𑐥𑐸𑐔𑐮𑐫𑑂 𑐕𑐩𑑂𑐴 𑐣𑐵𑐫𑑅 𑐰 𑐩𑐾𑐩𑑂𑐴 𑐣𑐶𑐩𑑂𑐴 𑐡𑐸𑐖𑑅 𑐫𑐵𑐣𑐵𑑅 𑐳𑑂𑐰𑐩𑑂𑐴𑐾𑐳𑐶𑐫𑐵 𑐕𑐐𑐹 𑐥𑐸𑐔𑑅 𑐖𑐸𑐂 𑑋 𑐠𑐠𑐾 𑐢𑐫𑐵𑐐𑐸 𑐥𑑂𑐬𑐟𑑂𑐫𑐾𑐎 𑐎𑐵𑐳𑐵𑐫𑑂 𑐥𑑂𑐫𑑄𑐐𑐹 𑐥𑐸𑐔𑑅𑐫𑐵 𑐡𑐠𑐸𑐂 𑐢𑐾𑑄𑐢𑐾𑑄𑐧𑐮𑑂𑐮𑐵𑑅 𑐖𑐹𑐐𑐸 𑐖𑐸𑐮 𑑋 𑐠𑐸𑐐𑐸 𑐡𑐎𑑂𑐰 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐎𑐵𑐳𑐵𑐫𑐵 𑐮𑐵𑐐𑐶 𑐣𑑂𑐴𑑂𑐫𑐳𑑅 𑐮𑐶𑐳𑑅 𑐣𑐶𑐬𑑂𑐩𑐵𑐞 𑐥𑐸𑐔𑐮𑐫𑑂 𑐖𑐶𑐐𑐸 𑐎𑐖𑐶𑐳𑐸𑐂 𑐳𑐩𑐣𑑂𑐟 𑐰𑐖𑑂𑐬𑐵𑐔𑐵𑐬𑑂𑐫, 𑐳𑑄𑐫𑐸𑐎𑑂𑐟 𑐱𑑂𑐬𑐾𑐲𑑂𑐛, 𑐜𑐵. 𑐱𑐸𑐱𑐶𑐮𑐧𑐴𑐵𑐡𑐸𑐬 𑐟𑐵𑐩𑑂𑐬𑐵𑐎𑐵𑐬, 𑐜𑐵. 𑐣𑐬𑐾𑐱 𑐱𑐵𑐎𑑂𑐫 𑐰 𑐥𑑁𑐨𑐵𑑅 𑐳𑐵𑐫𑑂𑐩𑐶 𑐡𑐸𑐐𑐸 𑐖𑐸𑐮 𑑋 𑐥𑑂𑐫𑐩𑑂𑐴 𑐀𑐩𑐾𑐬𑐶𑐎𑐵𑐫𑑂 𑐔𑑂𑐰𑐣𑐵𑐡𑐷𑐥𑐶𑑄 𑐏𑑅𑐳𑐵 𑐕𑐩𑑂𑐴 𑐧𑐾𑐮𑐵𑐫𑐟𑐫𑑂 𑐰 𑐩𑐾𑐩𑑂𑐴 𑐣𑐾𑐥𑐵𑐮𑐫𑑂 𑐔𑑂𑐰𑐣𑐵𑐡𑐷𑐩𑑂𑐴 𑐏𑑅 𑑋