𑐰𑐶𑐬𑐵𑐚 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣𑐫𑑂 𑐳𑐵𑐴𑐶𑐟𑑂𑐫𑐎𑐵𑐬 𑐥𑐶𑐣𑑂𑐳𑑄 𑐠𑑅𑐠𑑅𑐐𑐸 𑐬𑐔𑐣𑐵 𑐣𑑂𑐫𑑄𑐎𑐮

𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫𑐫𑐵 𑐏𑑂𑐫𑐮𑐫𑑂 𑐖𑑂𑐰𑐩𑐡𑐸𑐐𑐸 𑐂𑐟𑐶𑐴𑐵𑐳 𑐎𑑂𑐰𑐧𑐶𑐫𑐵 𑐔𑑂𑐰𑑄𑐐𑐸 𑐰𑐶𑐬𑐵𑐚 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣𑐫𑐵 𑐏𑐸𑐂𑐕𑐎𑑂𑐰𑑅𑐐𑐸 𑐳𑑄𑐳𑑂𑐎𑐬𑐞 𑐱𑐸𑐎𑑂𑐬𑐧𑐵𑐬 𑐟𑑅𑐖𑐶𑐎 𑐎𑑂𑐰𑐔𑐵𑐮 𑑋 𑐠𑑂𑐫𑑄𑐩𑐠𑑂𑐫𑑄 𑐳𑑂𑐰𑐷𑐣𑑂𑐫𑐵𑐩𑑂𑐴 𑐳𑐵𑐴𑐶𑐟𑑂𑐫𑐎𑐵𑐬 𑐥𑐶𑐣𑑂𑐳𑑄 𑐠𑑅𑐠𑑅𑐐𑐸 𑐬𑐔𑐣𑐵 𑐣𑑂𑐫𑑄𑐎𑐾𑐐𑐸 𑐖𑑂𑐫𑐵 𑐖𑐸𑐄𑐐𑐸 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣𑐫𑑂 𑐧𑐵𑐏𑑄 𑐬𑐔𑐶𑐧𑐵𑐏𑑄 𑐥𑐵𑐏𑐾 𑐣𑐬𑐾𑐱 𑐀𑐩𑐵𑐟𑑂𑐫 𑐣𑑂𑐴𑐵𑐥 𑐮𑐵𑐟 𑑋 𑐀𑐠𑐾𑐴𑐾𑐟𑐸𑑄 𑐮𑑂𑐫𑐹 𑐖𑑂𑐘𑐵𑐣𑐷𑐬𑐵𑐖𑐵 𑐩𑐴𑐬𑑂𑐖𑐣 𑐰 𑐮𑐶𑐫𑐵𑑄 𑐮𑑂𑐫𑐹 𑐬𑐟𑑂𑐣 𑐩𑐴𑐬𑑂𑐖𑐣 𑐮𑐸𑐣𑐶𑐨𑐵 𑐳𑐶𑐬𑐥𑐵 𑐟𑑂𑐫𑐵𑐎𑐾𑐟 𑐟𑐵𑑅𑐮𑐵𑐐𑐸 𑐡𑐸 𑑋

𑐠𑐸𑐐𑐸𑐳𑐶𑐂 𑐔𑐶𑐣𑐵𑐏𑑄 𑐥𑐵𑐏𑐾 𑐣𑑂𑐴𑐵𑐥 𑐬𑐵𑐩𑐾𑐱𑑂𑐰𑐬 𑐩𑐶𑐱𑑂𑐬𑐞 𑐱𑑂𑐬𑐾𑐲𑑂𑐛, 𑐮𑑂𑐫𑐹 𑐡𑐶𑐮𑐎𑐸𑐩𑐵𑐬𑐷 𑐜𑑄𑐐𑑀𑐮 𑐰 𑐮𑐶𑐫𑐵𑑄 𑐮𑑂𑐫𑐹 𑐖𑑂𑐘𑐵𑐣𑐾𑐣𑑂𑐡𑑂𑐬𑐬𑐟𑑂𑐣 𑐧𑐖𑑂𑐬𑐵𑐔𑐵𑐬𑑂𑐫 𑐮𑐵𑑅𑐐𑐸 𑐡𑐸 𑑋 𑐨𑐵𑐲𑐵𑐏𑑂𑐫𑑅𑐫𑐵 𑐣𑑂𑐴𑑂𑐫𑐮𑐸𑐰𑐵 𑐴𑐶𑐟𑐎𑐬𑐰𑐷𑐬 𑐳𑐶𑑄 𑐎𑑄𑐳𑐵𑐎𑐵𑐬 𑐩𑐹𑐥𑐵𑐴𑐵𑑃 𑐎𑐠𑑄 𑐗𑐵𑐫𑐵𑐡𑐷𑐐𑐸 𑐄𑐐𑐸 𑐳𑐩𑑂𑐩𑐾𑐮𑐣 𑐰𑐶𑐬𑐵𑐚 𑐐𑐸𑐠𑐶𑐫𑐵 𑐣𑐵𑐫𑑅 𑐩𑐴𑐾𑐣𑑂𑐡𑑂𑐬 𑐐𑑀𑐥𑐵𑐮 𑐎𑐬𑑂𑐩𑐵𑐔𑐵𑐬𑑂𑐫𑐫𑐵 𑐳𑐨𑐵𑐣𑐵𑐫𑐳𑐸𑐂 𑐖𑐸𑐄𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐬𑐵𑐚 𑐐𑐸𑐠𑐶𑐫𑐵 𑐣𑑂𑐰𑐎𑐸 𑐩𑐴𑐾𑐣𑑂𑐡𑑂𑐬 𑐮𑐵𑐮 𑐎𑐵𑐫𑐳𑑂𑐠𑑄 𑐮𑐳𑐎𑐸𑐳 𑐫𑐵𑐣𑐵𑐡𑐶𑐮 𑑋 𑐡𑐵𑑃𑐨𑐬𑐷𑑄 𑐬𑐵𑐩 𑐐𑑀𑐥𑐵𑐮 𑐔𑐐𑐸𑐠𑐶𑑄 𑐳𑐸𑐨𑐵𑐊 𑐡𑐾𑐕𑐵𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐬𑐵𑐚 𑐫𑐵 𑐟𑑂𑐬𑐶𑐬𑐟𑑂𑐣 𑐱𑐵𑐎𑑂𑐫𑑄 𑐳𑐶𑐬𑐥𑐵 𑐟𑑂𑐫𑐵𑐎𑐸𑐥𑐶𑐣𑐶𑐐𑐸 𑐣𑐵𑑄 𑐑𑑀𑐲𑐞𑐵 𑐫𑐵𑐣𑐵𑐡𑐶𑐮 𑑋

𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣