𑐩𑐵𑐣𑐣𑑂𑐢𑐬 𑐳𑑄𑐑𑐫𑐵 𑐗𑐶𑐣𑑂𑐴𑐸𑐫𑐵 𑐎𑑂𑐲𑐩𑐟𑐵 𑐰𑐶𑐎𑐵𑐳 𑐟𑐵𑐮𑐶𑐩 𑐎𑑂𑐰𑐔𑐵𑐮

𑐎𑐾𑐣𑑂𑐡𑑂𑐬𑐷𑐫 𑐩𑐵𑐣𑐣𑑂𑐢𑐬 𑐳𑑄𑐑𑑄 𑐧𑐶𑐫𑐵 𑐰𑐫𑐵𑐔𑑂𑐰𑑄𑐐𑐸 𑐗𑐶𑐣𑑂𑐴𑐸𑐫𑐵 𑐎𑑂𑐲𑐩𑐟𑐵 𑐰𑐶𑐎𑐵𑐳 𑐟𑐵𑐮𑐶𑐩 𑐎𑑂𑐰𑐔𑐵𑑅𑐐𑐸 𑐡𑐸 𑑋 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐳𑐴𑐎𑐵𑐬𑑂𑐫𑐫𑑂 𑐔𑐳𑑂𑐰𑐵𑑄𑐡𑑂𑐰𑑄 𑐩𑐵𑐣𑐣𑑂𑐢𑐬 𑐳𑐣𑐵𑑅𑐐𑐹 𑐏𑐮𑑅𑐫𑐵 𑐕𑐾𑑃𑐫𑑂 𑐖𑐹𑐐𑐸 𑐟𑐵𑐮𑐶𑐩𑐫𑑂 𑐣𑐾𑐟𑐺𑐟𑑂𑐰 𑐰𑐶𑐎𑐵 𑐣𑐶𑐳𑐾𑑄 𑐖𑑂𑐫𑐵𑐗𑑂𑐰𑑅 𑐳𑑄𑐔𑐵𑐮𑐣 𑐳𑐩𑑂𑐧𑐣𑑂𑐢𑐷 𑐟𑐵𑐮𑐶𑐩 𑐧𑐶𑐄𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐳𑑄𑐫𑑀𑐖𑐎 𑐀𑐣𑐸𑐳𑐸𑐫𑐵 𑐩𑐵𑐣𑐣𑑂𑐢𑐬𑐫𑐵 𑐎𑐠𑑄 𑐟𑐵𑐮𑐶𑐩𑐫𑑂 𑐐𑐺𑐴𑐶𑐞𑐷 𑐩𑐶𑐳𑑂𑐟 𑐮𑐶𑐳𑐾𑑄 𑐮𑑂𑐫𑐵𑐫𑑂𑑂𑐩𑑂𑐴, 𑐂𑐣𑑂𑐖𑐶𑐣𑐶𑐫𑐬𑐶, 𑐎𑐵𑐣𑐸𑐣𑐫𑐵 𑐰𑐶𑐡𑑂𑐫𑐵𑐬𑑂𑐠𑐷 𑐮𑐶𑐳𑐾𑑄 𑐄𑐡𑑂𑐫𑐩𑐷, 𑐰𑑂𑐫𑐰𑐳𑐵𑐫𑐷, 𑐱𑐶𑐎𑑂𑐲𑐶𑐎𑐵𑐥𑐶𑑄 𑐫𑐵𑐣𑐵𑑅 𑑓𑑕 𑐩𑑂𑐴𑐾𑐳𑐶𑐟 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋 𑐗𑐶𑑄𑐥𑑂𑐫𑐡𑑃 𑐣𑐶𑐳𑐾𑑄 𑐣𑑂𑐴𑐫𑐾𑐡𑑃 𑐄𑐩𑐾𑐬 𑐟𑐎𑐫𑐵𑐥𑐶𑑄 𑐥𑑂𑐬𑐱𑐶𑐎𑑂𑐲𑐵𑐬𑑂𑐠𑐷 𑐡𑐸𑐠𑑂𑐫𑐵𑑅𑐐𑐸 𑐟𑐵𑐮𑐶𑐩𑐫𑑂 𑐳𑑄𑐔𑐵𑐬𑐎𑐬𑑂𑐩𑐷 𑐎𑐾𑐎𑐾 𑐩𑐵𑐣𑐣𑑂𑐢𑐬𑑄 𑐥𑑂𑐬𑐱𑐶𑐎𑑂𑐲𑐞 𑐧𑐶𑐫𑐵𑐡𑐷𑐐𑐸 𑐏𑑅𑐳𑐵 𑐳𑐶𑐚𑐷𑐂𑐨𑐶𑐚𑐷𑐃𑐫𑐵 𑐊𑐳𑐾𑐳𑐬 𑐩𑑂𑐫𑐵𑐣𑐾𑐖𑐬 𑐳𑐸𑐩𑐶𑐣𑐵 𑐩𑐵𑐣𑐣𑑂𑐢𑐬 𑐰 𑐬𑐾𑐜𑐶𑐫𑑀𑐎𑐬𑑂𑐩𑐷 𑐳𑐸𑐬𑐾𑐣𑑂𑐡𑑂𑐬 𑐩𑐵𑐣𑐣𑑂𑐢𑐬𑑄 𑐳𑐴𑐖𑐷𑐎𑐬𑐞 𑐫𑐵𑑅𑐐𑐸 𑐏𑑅 𑑋

𑐳𑐩𑐵𑐥𑐣 𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐰𑐵𑐳𑐾𑑄 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑑑𑑙 𑐰𑐜𑐵𑐫𑐵 𑐀𑐢𑑂𑐫𑐎𑑂𑐲 𑐬𑐵𑐖𑐾𑐱 𑐱𑑂𑐬𑐾𑐲𑑂𑐛𑑄 𑐐𑐺𑐴𑐶𑐞𑐷 𑐩𑐶𑐳𑑂𑐟𑐫𑑂 𑐣𑑄 𑐎𑑂𑐲𑐩𑐟𑐵 𑐰𑐶𑐎𑐵𑐳 𑐧𑑅 𑐧𑐷𑐩𑐵𑑅𑐐𑐸 𑐏𑑃 𑐣𑑂𑐴𑑂𑐫𑐠𑑃𑐳𑐾𑑄 𑐠𑐖𑑂𑐫𑐵𑑅𑐐𑐸 𑐟𑐵𑐮𑐶𑐩𑑄 𑐩𑐶𑐳𑑂𑐟𑐫𑑂𑐟 𑐠𑐷𑐠𑐷 𑐎𑑂𑐲𑐾𑐟𑑂𑐬𑐫𑑂 𑐳𑐎𑑂𑐲𑐩 𑐫𑐵𑐫𑐾𑐟 𑐟𑐶𑐧𑑅 𑐧𑐷𑐐𑐸 𑐏𑑃 𑐢𑐫𑐵𑐡𑐶𑐮 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐎𑐾𑐣𑑂𑐡𑑂𑐬𑐷𑐫 𑐩𑐵𑐣𑐣𑑂𑐢𑐬 𑐳𑑄𑐑𑐫𑐵 𑐳𑐨𑐵𑐥𑐟𑐶 𑐩𑐣𑑀𑐖𑐎𑐸𑐩𑐵𑐬 𑐩𑐵𑐣𑐣𑑂𑐢𑐬, 𑐣𑐶𑐰𑐬𑑂𑐟𑐩𑐵𑐣 𑐳𑐨𑐵𑐥𑐟𑐶 𑐐𑑀𑐥𑐵𑐮𑐎𑐺𑐲𑑂𑐞 𑐩𑐵𑐣𑐣𑑂𑐢𑐬, 𑐄𑐥𑐳𑐨𑐵𑐥𑐟𑐶 𑐧𑐡𑑂𑐬𑐷𑐣𑐵𑐬𑐵𑐫𑐞 𑐩𑐵𑐣𑐣𑑂𑐢𑐬, 𑐳𑐔𑐶𑐰 𑐐𑐖𑐾𑐣𑑂𑐡𑑂𑐬𑐩𑐵𑐣 𑐩𑐵𑐣𑐣𑑂𑐢𑐬𑐥𑐶𑑄𑐳𑑄 𑐠𑑅𑐠𑑅𑐐𑐸 𑐧𑐶𑐔𑐵𑑅 𑐟𑐫𑐵𑐡𑐷𑐐𑐸 𑐏𑑅 𑑋

𑐰𑐶.𑐳𑑄. 𑑒𑑐𑑑𑑐 𑐫𑑂 𑐳𑑂𑐠𑐵𑐥𑐶𑐟 𑐳𑑄𑐑𑑄 𑐠𑐸𑐐𑐸𑐳𑐷 𑐖𑐎 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐳𑐴𑐎𑐵𑐬𑑂𑐫𑐫𑑂 𑐢𑐵𑑅 𑐧𑐵𑐖𑑄 𑐥𑑂𑐬𑐡𑐬𑑂𑐱𑐣𑐷 𑐫𑐵𑐫𑐾𑐢𑐸𑑄𑐎𑐹𑐐𑐸 𑐡𑐸𑐳𑐵 𑐁𑑅 𑐄𑐡𑑂𑐫𑐩𑐱𑐷𑐮𑐟𑐵, 𑐱𑐷𑐥 𑐰 𑐎𑑂𑐲𑐩𑐟𑐵 𑐰𑐶𑐎𑐵𑐳𑐫𑐵 𑐟𑐵𑐮𑐶𑐩 𑐣𑐶𑐬𑐣𑑂𑐟𑐬 𑐣𑑂𑐴𑑂𑐫𑐵𑐎𑐾𑐐𑐸 𑐖𑑂𑐫𑐵𑐗𑑂𑐰𑑅 𑐟𑐫𑐵𑐟𑑅𑐐𑐸 𑐡𑐸 𑑋