𑐨𑐸𑐖𑐶𑑄𑐩𑑀𑐮 𑐮𑐶𑐥𑐶

𑐎𑐸𑐚𑐶𑐮𑐵 𑐰 𑐥𑑂𑐬𑐔𑐮𑐶𑐟 𑐣𑐾𑐥𑐵𑐮 𑐮𑐶𑐥𑐶 𑐢𑐸𑑄𑐎𑐵: 𑐠𑑂𑐰 𑐨𑐸𑐖𑐶𑑄𑐩𑑀𑐮 𑐮𑐶𑐥𑐶 𑐏𑐣𑐾𑐡𑐸𑐐𑐸 𑐏: | 𑐨𑐸𑐖𑐶𑑄𑐩𑑀𑐮 𑐏𑑃𑐐𑑂𑐰:𑐩𑐢𑑂𑐫𑐾 ‘𑐨𑐸𑐖𑐶𑑄‘ 𑐎𑐷𑐫𑐵 𑐣𑐵𑐩𑑄 𑐔𑑂𑐰𑑄𑐐𑐸 𑐀𑐥𑑂𑐰:𑐳𑐶𑐫𑐵 𑐧𑐶𑐱𑑂𑐰𑐵𑐳 𑐡𑐸 | ‘𑐩𑑀𑐮 ‘ 𑐳𑑄𑐳𑑂𑐎𑐺𑐟𑐫𑐵 𑐩𑐸𑐞𑑂𑐜𑐥𑐵𑐏𑐾𑑄 𑐩𑑀𑐜 𑐀𑐮𑐾 𑐩𑑀𑐮 𑐖𑐹𑐐𑐸 𑐏: | 𑐠𑐸𑐎𑐶𑐫𑐵 𑐀𑐬𑑂𑐠 𑐕𑑂𑐫𑑄 𑐏: | 𑐠𑐸𑐎𑐠𑑄 𑐨𑐸𑐖𑐶𑑄𑐩𑑀𑐮 𑐁𑐏: 𑐢𑐫𑐵𑐐𑐸 𑐨𑐸𑐖𑐶𑑄𑐕𑑂𑐫𑑄 𑐥𑐴: 𑐫𑐵𑐐𑐸 𑐱𑐿𑐮𑐷𑐫𑐵 𑐮𑐶𑐥𑐶 𑐏: | 𑐠𑐸𑐎𑐶𑐫𑐵𑐟 𑐴𑐵𑐣𑑄 𑐳𑑄𑐳𑑂𑐎𑐺𑐟𑑄 𑐀𑐣𑐸𑐧𑐵𑐡 𑐫𑐵𑐣𑐵: ‘𑐩𑐎𑑂𑐲𑐶𑐩𑐸𑐞𑑂𑐜’ 𑐣𑐵𑑄 𑐧𑐶𑐫𑐵𑐟:𑐐𑐸 𑐡𑐸 | 𑐐𑐸𑐩𑑂𑐴𑑄 𑐐𑐸𑐩𑑂𑐴𑑄 𑐰𑐶𑐡𑑂𑐢𑐵𑐣𑐟𑐫𑐳𑑄 𑐠𑐸𑐎𑐶𑐫𑐵𑐟 ‘𑐨𑐸𑐖𑑄𑐐𑐩𑑀𑐮’ 𑐳𑐬𑑂𑐥𑐵𑐎𑐵𑐬 𑐠𑐾𑑄 𑐕𑑂𑐫𑑄 𑐟𑐫𑐵𑐟:𑐐𑐸 𑐮𑐶𑐥𑐶 𑐢𑐎𑐵: 𑐣𑑄 𑐥𑐬𑐶𑐎𑐮𑑂𑐥𑐣𑐵 𑐫𑐵𑐣𑐵𑐟𑐵:𑐐𑐸 𑐡𑐸 | 𑐰𑐷𑐬 𑐥𑐸𑐳𑑂𑐟𑐎𑐵𑐮𑐫𑑄 𑐥𑐶𑐎𑐵:𑐐𑐸 𑐧𑐺𑐴𑐟𑑂 𑐳𑐹𑐔𑐶𑐥𑐟𑑂𑐬𑐫𑑂 (𑐣𑑂𑐴𑐵𑐥𑐵𑑄𑐐𑐸 𑐧𑐶.𑐳𑑄.𑑒𑑐𑑑𑑗) ‘𑐨𑐸𑐖𑐧𑐮𑐵𑐎𑑂𑐲𑐬 ‘ 𑐧𑐵𑐴𑐸𑐧𑐮𑐫𑐵 𑐁𑐏: 𑐢𑐎𑐵: 𑐣𑐵𑑄 𑐕𑐸𑐣𑐵𑐟:𑐐𑐸 𑐡𑐸 |

𑐩𑐾𑐐𑐸 𑐠𑑂𑐰 𑐮𑐶𑐥𑐶𑐫𑐵 𑐕𑑂𑐫𑑄 𑐀𑑄𑐎𑐸𑐱 𑐠𑐾𑑄 𑐔𑑂𑐰𑑄𑐐𑐸𑐮𑐶𑑄 𑐀𑑄𑐐𑑂𑐬𑐾𑐖𑐷 𑐨𑐵𑐳𑑄 𑐠𑐸𑐎𑐶𑐫𑐵 𑐣𑐵𑑄 𑐳𑐾𑐱𑐶𑐮 𑐧𑐾𑐞𑑂𑐜𑐵𑐮 𑐰 𑐜𑐵. 𑐳𑐶𑐐𑑂𑐦𑑂𑐬𑐾𑐜 𑐮𑐷𑐣𑐴𑐵𑐬𑑂𑐜𑐖𑐸𑐥𑐶𑐳𑑄 ‘𑐴𑐸𑐎𑑂ड़ 𑐴𑐾𑐜𑐮𑐵𑐂𑐣’ 𑐢𑐎𑐵: 𑐢𑐵𑐫𑐾𑐐𑐸 𑐫𑐵:𑐐𑐸 𑐡𑐸 | 𑐠𑐸𑐎𑐠𑑄 𑐠𑐷𑐠𑐷 𑐧𑐶𑐡𑑂𑐢𑐵𑐣𑐟𑐫𑐳𑑄 𑐠:𑐠:𑐐𑐸 𑐟𑐵𑐮𑑄 𑐣𑐵𑑄 𑐕𑐸𑐳𑐵𑑄 𑐠𑐸𑐎𑐶𑐫𑐵 𑐡𑐎𑑂𑐰𑐳𑐶𑐧𑐫𑑂 𑐀𑐥𑑂𑐰: 𑐥𑐵𑐫𑑂𑐕𑐷𑐐𑐸 𑐣𑐵𑑄 𑐨𑐸𑐖𑐶𑐩𑑀𑐮 𑐴𑐾 𑐟𑐵𑐫𑐾𑐎𑐹𑐐𑐸 𑐡𑐸 | 𑐠𑑂𑐰 𑐣𑐵𑑄 𑐖𑐣𑐳𑑂𑐟𑐬𑑄 𑐩𑐔𑐵𑐫𑐾𑐎𑑄 𑐴𑐾 𑐕𑐹𑐐𑐸 𑐳𑐶𑐡𑐸, 𑐀𑐮𑐾 𑐀𑐥𑑂𑐰: 𑐥𑑂𑐬𑐔𑐮𑐣𑐫𑑂 𑐣𑑄 𑐰:𑐐𑐸 𑐡𑐸 |
𑐨𑐸𑐖𑐶𑐩𑑀𑐮 𑐮𑐶𑐥𑐶 𑐏𑐵𑐳 𑐫𑐵𑐣𑐵: 𑐀𑐥𑑂𑐰: 𑐩𑐴𑐟𑑂𑐰𑐥𑐹𑐬𑑂𑐞𑐐𑐸 𑐟𑐵𑐜𑐥𑐟𑑂𑐬, 𑐟𑐵𑐮𑐥𑐟𑑂𑐬 𑐰 𑐨𑑀𑐖𑐥𑐟𑑂𑐬 𑐔𑑂𑐰𑐫𑐵𑐟:𑐐𑐸 𑐡𑐸 | 𑐠𑑂𑐰 𑐮𑐶𑐥𑐶 𑐗𑐶𑑄𑐕𑐐𑐹𑐐𑐸 𑐱𑐟𑐵𑐧𑑂𑐡𑐷𑐣𑐶𑐳𑐾𑑄 𑐗𑐶𑑄𑐣𑑂𑐴𑑂𑐫𑐐𑐹𑐐𑐸 𑐱𑐟𑐵𑐧𑑂𑐡𑐷𑐫𑐵 𑐥𑐸𑐬𑑂𑐰𑐵𑐡𑑂𑐢𑐟𑐎 𑐥𑑂𑐬𑐔𑐮𑐣𑐫𑑂 𑐰:𑐐𑐸 𑐡𑐸 |

𑐳𑑂𑐬𑑀𑐟:- 𑐱𑐬𑐡 𑐎𑐳𑐵:

𑐎.𑐧𑐵𑐐𑐷𑐱𑑂𑐰𑐬 𑐳𑑂𑐩𑐬𑐞𑑀𑐔𑑂𑐔𑐵𑐬𑐞𑐩𑑂

𑐏. 𑐳𑑂𑐰𑐬 𑐧𑐬𑑂𑐞 (𑐩𑐵𑑃 𑐁𑐏:)

𑐐. 𑐧𑑂𑐫𑐘𑑂𑐖𑐣 𑐰𑐬𑑂𑐞 (𑐧𑐵 𑐁𑐏:)

𑐑. 𑐳𑑄𑐏𑑂𑐫𑐵 𑐰𑐬𑑂𑐞 (𑐮𑑂𑐫𑐵: 𑐁𑐏:)