𑐨𑐵𑐲𑐵 𑐁𑐫𑑀𑐐𑑄 𑐏𑐳 𑐨𑐵𑐲𑐵𑐫𑐵 𑐟𑐠𑑂𑐫𑐵𑐒𑑂𑐎 𑐳𑐒𑑂𑐎𑐮𑐣 𑐫𑐵𑐟

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐖𑐾𑐛 𑑔, 𑐱𑐣𑐶𑐧𑐵𑐬 𑑑𑑒:𑑑𑑖:𑑔𑑐

𑐨𑐵𑐲𑐵 𑐁𑐫𑑀𑐐𑑄 𑐎𑐬𑑂𑐞𑐵𑐮𑐷𑐂 𑐮𑑂𑐴𑐵𑐂𑐐𑐸 𑐏𑐳 𑐨𑐵𑐲𑐵𑐫𑐵 𑐟𑐠𑑂𑐫𑐵𑐒𑑂𑐎 𑐳𑐒𑑂𑐎𑐮𑐣 𑐫𑐵𑐫𑐾𑐟 𑐖𑐸𑐩𑑂𑐮𑐵 𑐰𑑄𑐐𑐸 𑐡𑐸 𑑋 𑐁𑐫𑑀𑐐𑑄 𑐨𑐵𑐲𑐵𑐰𑐶𑐡𑑂𑐫𑐵 𑐥𑐬𑐵𑐩𑐬𑑂𑐱 𑐎𑐫𑐵𑑅 𑐡𑐾𑐫 𑐣𑑂𑐫𑑄𑐎𑐫𑐵 𑐨𑐵𑐲𑐵𑐫𑐵 𑐳𑑂𑐠𑐮𑐐𑐟 𑐀𑐢𑑂𑐫𑐫𑐣 𑐰 𑐟𑐠𑑂𑐫𑐵𑐒𑑂𑐎 𑐳𑐒𑑂𑐎𑐮𑐣 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐀𑐥𑑂𑐰𑐮𑐫𑑂 𑐣𑑂𑐫𑐵𑐡𑑃𑐫𑐵 𑐣𑐶𑐟𑐶𑑄 𑐎𑐵𑐬𑑂𑐫𑐀𑐰𑐢𑐶 𑐎𑑂𑐰𑐕𑐶𑐣𑐵𑐟𑑅𑐐𑐸 𑐁𑐫𑑀𑐐𑑄 𑐎𑐾𑐣𑑂𑐡𑑂𑐬 𑐰 𑐥𑑂𑐬𑐡𑐾𑐱𑐫𑐵 𑐳𑐬𑐎𑐵𑐬𑐷 𑐎𑐵𑐩𑐎𑐵𑐖𑐫𑐵 𑐨𑐵𑐲𑐵𑐫𑐵 𑐬𑐹𑐥𑐫𑑂 𑐩𑐵𑐣𑑂𑐫𑐟𑐵 𑐧𑐶𑐂𑐎𑐾𑐐𑐸 𑐣𑐶𑐟𑐶𑑄 𑐫𑐵𑐫𑐾𑐩𑐵𑑅𑐐𑐸 𑐁𑐢𑐵𑐬 𑐣𑐶𑐬𑑂𑐢𑐵𑐬𑐞 𑐫𑐵𑐣𑐵𑑅 𑐳𑐬𑐎𑐵𑐬𑐫𑐵𑐟 𑐳𑐶𑐦𑐵𑐬𑐶𑐳 𑐫𑐵𑐫𑐾𑐟 𑐰 𑐨𑐵𑐲𑐵𑐫𑐵 𑐳𑑄𑐬𑐎𑑂𑐲𑐞, 𑐳𑐩𑑂𑐰𑐬𑑂𑐡𑑂𑐢𑐣 𑐰 𑐰𑐶𑐎𑐵𑐳𑐫𑐵 𑐣𑐶𑐟𑐶𑑄 𑐀𑐰𑐮𑐩𑑂𑐧𑐣 𑐫𑐵𑐫𑐾𑐩𑐵𑑅𑐐𑐸 𑐄𑐥𑐵𑐫 𑐳𑐬𑐎𑐵𑐬 𑐣𑑂𑐴𑐫𑑅𑐣𑐾 𑐟𑐫𑐵𑑅 𑐳𑐶𑐦𑐵𑐬𑐶𑐳 𑐫𑐵𑐫𑐾𑐐𑐸 𑐨𑐵𑐮𑐵 𑐧𑐶𑐫𑐵𑐟𑑅𑐐𑐸 𑐡𑐸 𑑋