𑐥𑐬𑐶𑐲𑐡𑑂𑐫𑐵 𑐗𑐶𑑄𑐣𑑂𑐫𑐵𑐎𑑂𑐰𑑅𑐐𑐸 𑐡𑑃𑐩𑐸𑑃𑐖𑑂𑐫𑐵

𑐫𑐮 – 𑐣𑐾𑐥𑐵𑐮𑐨𑐵𑐲𑐵𑐫𑐵 𑐏𑑂𑐫𑐮𑐫𑑂 𑐥𑐸𑐮𑐵𑑄𑐐𑐸 𑐳𑐵𑐴𑐶𑐟𑑂𑐫𑐶𑐎 𑐳𑑄𑐳𑑂𑐠𑐵 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑑂𑐫𑐵 𑐗𑐶𑑄𑐣𑑂𑐫𑐵𑐎𑑂𑐰𑑅𑐐𑐸 𑐡𑑃𑐩𑐸𑑃𑐖𑑂𑐫𑐵 𑐰𑑄𑐐𑐸 𑐎𑑁𑐮𑐵𑐐𑐵 𑐔𑐟𑐸𑐬𑑂𑐡𑐱𑐶, 𑐰𑐶𑐴𑐷𑐰𑐵𑑅 𑐎𑐸𑐣𑑂𑐴𑐸 𑐠𑐣𑐫𑐵 𑐎𑑀𑐥𑐸𑐞𑑂𑐜𑑀𑐮𑐫𑑂 𑐔𑑂𑐰𑑄𑐐𑐸 𑐳𑐵𑐟𑑀𑐁𑐎𑐷 𑐨𑐰𑐣𑐫𑑂 𑐖𑐸𑐮 𑑋 𑐥𑐬𑐶𑐲𑐡𑑂𑐫𑐵 𑐣𑐵𑐫𑑅 𑐥𑑂𑐬𑐵. 𑐳𑐸𑐰𑐬𑑂𑐞 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐸𑐮 𑑋 𑐥𑐬𑐶𑐲𑐡𑑂𑐫𑐵 𑐳𑐡𑐳𑑂𑐫 𑐳𑐔𑐶𑐰 𑐢𑑂𑐬𑐸𑐰 𑐩𑐢𑐶𑐎𑑅𑐩𑐶𑑄 𑐰𑐵𑐬𑑂𑐲𑐶𑐎 𑐥𑑂𑐬𑐐𑐟𑐶 𑐰𑐶𑐰𑐬𑐞 𑐣𑑂𑐴𑑂𑐫𑐵𑐧𑑂𑐰𑐫𑐵𑐡𑐷𑐐𑐸 𑐡𑑃𑐩𑐸𑑃𑐖𑑂𑐫𑐵𑐫𑑂 𑐡𑐵𑑄𑐨𑐬𑐶𑑄 𑐩𑑄𑐐𑐮𑐵 𑐎𑐵𑐬𑑄𑐖𑐶𑐟𑑄 𑐁𑐬𑑂𑐠𑐶𑐎 𑐥𑑂𑐬𑐟𑐶𑐰𑐾𑐡𑐣 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋

𑐣𑐸𑐐𑑅𑐏𑑃 𑐥𑑂𑐰𑑄𑐎𑐾𑐐𑐸 𑐗𑑂𑐰𑐮𑐫𑑂 𑐡𑐵𑑄𑐨𑐬𑐶𑑄 𑐎𑐵𑐬𑑄𑐖𑐶𑐟𑑄 𑑗𑑐 𑐡𑑃 𑐥𑐸𑐮𑐵𑑄𑐐𑐸 𑐂𑐟𑐶𑐴𑐵𑐳 𑐎𑐸𑐧𑐶𑐫𑐵𑐔𑑂𑐰𑑄𑐐𑐸 𑐳𑑄𑐳𑑂𑐠𑐵𑐫𑑂 𑐠𑑁𑑄𑐫𑐵 𑐂𑐮𑐫𑑂 𑑗𑑐 𑐩𑑂𑐴 𑐴𑐾 𑐖𑐎 𑐖𑑅 𑐡𑐸𑐖𑐮𑐫𑑂 𑐳𑐷𑐩𑐶𑐟 𑐖𑐸𑐫𑐵 𑐔𑑂𑐰𑑄𑐐𑐸𑐮𑐶𑑄 𑐨𑐵𑐲𑐵 𑐳𑐵𑐴𑐶𑐟𑑂𑐫𑐫𑐵 𑐰𑐶𑐎𑐵𑐳𑐫𑐵 𑐣𑐶𑑄𑐟𑐶𑑄 𑐢𑐶𑐳𑐶𑐮𑐵𑐎𑑂𑐎 𑐥𑐮𑐵𑑅 𑐣𑑂𑐴𑑂𑐫𑐵𑐎𑐾 𑐦𑐸𑐥𑐶𑑄 𑐣𑑂𑐴𑐹𑐥𑐶𑑄 𑐖𑑅 𑐟𑐣𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐮 𑑋 𑐀𑐠𑐾 𑐴𑐾 𑐟𑐸𑐮𑐳𑐷 𑐳𑐵𑐫𑑂𑐩𑐶𑑄 𑐩𑐣𑐹 𑐩𑐡𑐫𑐾𑐢𑐸𑑄𑐎𑐵𑑅 𑐰𑐶𑐔𑐵𑑅 𑐴𑐵𑐫𑐾𑐎𑐾𑐐𑐸 𑐥𑑂𑐬𑐰𑐺𑐟𑑂𑐟𑐶𑐫𑐵 𑐀𑐣𑑂𑐟𑑂𑐫 𑐫𑐵𑐣𑐵𑑅 𑐩𑑂𑐰𑐵𑐣𑐵𑐔𑑂𑐰𑑄𑐧𑐮𑐫𑑂 𑐴𑐾 𑐂𑐩𑐶𑐐𑐸 𑐰𑐶𑐔𑐵𑑅𑐳𑑄𑐔𑐵𑑅 𑐫𑐵𑐫𑐾𑐐𑐸𑐥𑐵𑐏𑐾𑑄 𑐢𑑂𑐫𑐵𑐣 𑐧𑐷𑐩𑐵𑑅 𑐢𑐫𑐵𑐡𑐶𑐮 𑑋

𑐳𑐨𑐵𑐥𑐟𑐶𑐫𑐵 𑐠𑐵𑐳𑑄 𑐥𑐬𑐶𑐲𑐡𑑂𑐫𑐵 𑐣𑐵𑐫𑑅 𑐥𑑂𑐬𑐵. 𑐱𑐵𑐎𑑂𑐫𑑄 𑐡𑐸𑐣𑐾𑑄 𑐎𑑂𑐰𑐵𑐟𑐸 𑐩𑐖𑐸𑐂𑐎𑑄 𑐥𑐶𑐣𑐾𑑄 𑐖𑐎 𑐥𑑂𑐬𑐔𑐵𑐬𑐰𑐵𑐳𑐷 𑐫𑐵𑐣𑐵𑑅 𑐱𑐎𑑂𑐟𑐶 𑐳𑑄𑐔𑐫 𑐖𑐸𑐂 𑐦𑐂𑐩𑐏𑐸 𑐢𑐵𑐳𑐾𑑄 𑐡𑑃𑐫𑑂𑐡𑐳𑑄 𑐳𑐵𑑄𑐳𑑂𑐎𑐺𑐟𑐶𑐎 𑐀𑐣𑑂𑐫𑑁𑐮𑐟𑐵 𑐧𑑂𑐰𑐮𑐣𑐵𑐔𑑂𑐰𑑄𑐐𑐸 𑐏𑑃𑐫𑑂 𑐁𑑅 𑐣𑐾𑐰𑐵𑑅𑐟𑐫𑑂𑐳𑑄 𑐣𑑄 𑐠𑑅𑐐𑐸 𑐴𑐾 𑐧𑐶𑐳𑑂𑐎𑑄 𑐎𑐠𑑄𑐫𑐵 𑐟𑐶𑐠𑐶 𑐥𑑁 (𑐥𑐵𑐟𑑂𑐬) 𑐥𑐶𑐠𑐣𑐵𑑅 𑐣𑐾𑐰𑐵𑑅 𑐊𑐎𑐟𑐵𑐫𑐵 𑐡𑐳𑐸 𑐣𑑂𑐴𑑂𑐫𑐧𑑂𑐰𑐫𑐾𑐩𑐵𑑅𑐐𑐸 𑐴𑐠𑐵𑐫𑑂 𑐖𑐹𑐐𑐸 𑐏𑑃 𑐎𑐣𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐳𑐵𑐴𑐶𑐟𑑂𑐫𑐎𑐵𑐬 𑐜𑐵. 𑐥𑐸𑐲𑑂𑐥𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬, 𑐰𑐶𑐩𑐮𑐥𑑂𑐬𑐨𑐵 𑐰𑐖𑑂𑐬𑐵𑐔𑐵𑐬𑑂𑐫, 𑐬𑐵𑐖 𑐳𑐵𑐫𑑂𑐩𑐶, 𑐮𑐐𑐵𑐫𑐟𑑄 𑐠𑑅𑐠𑑅𑐐𑐸 𑐣𑐸𑐐𑑅𑐏𑑃 𑐥𑑂𑐰𑑄𑐎𑐵𑐡𑐶𑐳𑐾𑑄 𑐥𑐬𑐶𑐲𑐡𑑂𑐫𑐵𑐟 𑐣𑑂𑐴𑑂𑐫𑐵𑐎𑐾𑐟 𑐳𑐸𑐗𑐵𑐰 𑐣𑑄 𑐧𑐶𑐫𑐵𑐡𑐷𑐐𑐸 𑐏𑑅 𑑋