𑐔𑐣𑑂𑐡𑑂𑐬𑐵𑐐𑐶𑐬𑐶 𑐣𑐥𑐵𑐫𑑂 𑐣𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩

𑐫𑐾𑑃 – 𑐫𑐾𑑃𑐫𑑂 𑐣𑑄 𑐡𑐎𑑂𑐲𑐶𑐞 𑐥𑐱𑑂𑐔𑐶𑐩 𑐨𑐾𑐐𑐫𑑂 𑐮𑐵𑑅𑐐𑐸 𑐔𑐣𑑂𑐡𑑂𑐬𑐐𑐶𑐬𑐶 𑐣𑐐𑐬𑐥𑐵𑐮𑐶𑐎𑐵𑑄 𑐣𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐎𑐵𑐬𑑂𑐫𑐵𑐣𑑂𑐰𑐫𑐣𑐫𑑂 𑐴𑐂𑐐𑐸 𑐖𑐹𑐐𑐸 𑐡𑐸𑑋 𑐣𑐐𑐬𑐥𑐵𑐮𑐶𑐎𑐵 𑐀𑐣𑑂𑐟𑐬𑑂𑐐𑐟 𑐳𑑄𑐔𑐵𑐮𑐣 𑐖𑐸𑐫𑐵𑐔𑑂𑐰𑑄𑐐𑐸 𑐧𑑂𑐰𑐣𑐾𑐎𑐸𑐠𑐶𑐂 𑐀𑐢𑑂𑐫𑐫𑐣 𑐫𑐵𑐂𑐥𑐶𑑄 𑐧𑑂𑐰𑑃𑐩𑐶𑐥𑐶𑐣𑐶𑐐𑐸 𑐣𑐶𑑄𑐟𑐶𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐟𑐫𑐵𑐬 𑐫𑐵𑐣𑐵𑑅 𑐎𑐵𑐬𑑂𑐫𑐵𑐣𑑂𑐰𑐫𑐣𑐫𑑂 𑐴𑐫𑐾𑐟𑑂𑐫𑑄𑐐𑐸 𑐏𑑅 𑑋

𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐰𑐎𑑂𑐟𑐵 𑐴𑐬𑐶𑐨𑐎𑑂𑐟 𑐩𑐴𑐬𑑂𑐖𑐣𑑄 𑐎𑐣𑐵𑐡𑐷𑐎𑐠𑑄 𑐋𑐟𑐶𑐴𑐵𑐳𑐶𑐎 𑐣𑐐𑐬 𑐡𑐸𑐣𑐾𑐫𑐵 𑐳𑐵𑑄𑐳𑑂𑐎𑐺𑐟𑐶𑐎, 𑐳𑐵𑐩𑐵𑐖𑐶𑐎, 𑐥𑐬𑑂𑐫𑐚𑐎𑐷𑐫 𑐮𑐐𑐵𑐫𑐟 𑐠𑐷𑐠𑐷 𑐥𑐎𑑂𑐲𑐫𑐵𑐟
𑐎𑑅𑐑𑐵𑐣𑐵𑑅 𑐥𑐵𑐛𑑂𑐫𑐎𑑂𑐬𑐩 𑐣𑐶𑐬𑑂𑐩𑐵𑐞 𑐫𑐵𑐫𑐾𑐐𑐸 𑐖𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐣𑐐𑐬𑐥𑐵𑐮𑐶𑐎𑐵𑑄 𑐥𑐵𑐛𑑂𑐫𑐎𑑂𑐬𑐩 𑐣𑐶𑐬𑑂𑐩𑐵𑐞𑐫𑐵 𑐣𑐶𑑄𑐟𑐶𑑄 𑐣𑐐𑐬𑐥𑐵𑐮𑐶𑐎𑐵 𑐀𑐣𑑂𑐟𑐬𑑂𑐐𑐟𑐫𑐵 𑐳𑐵𑐩𑐵𑐖𑐶𑐎 𑐰𑐶𑐎𑐵𑐳 𑐳𑐩𑐶𑐟𑐶𑐫𑐵 𑐳𑑄𑐫𑑀𑐖𑐎 𑐳𑐣𑑂𑐟𑑀𑐲 𑐏𑐜𑑂𑐎𑐵𑐫𑐵 𑐳𑑄𑐫𑑀𑐖𑐎𑐫𑑂
𑐥𑐵𑐛𑑂𑐫𑐎𑑂𑐬𑐩 𑐰𑐶𑐖𑑂𑐘, 𑐳𑑄𑐳𑑂𑐎𑐺𑐟𑐶 𑐰 𑐂𑐟𑐶𑐴𑐵𑐳𑐰𑐶𑐡𑑂, 𑐥𑐬𑑂𑐫𑐚𑐣𑐰𑐶𑐡𑑂, 𑐥𑑂𑐬𑐢𑐵𑐣𑐵𑐢𑑂𑐫𑐵𑐎 𑐳𑐴𑐶𑐟𑐫𑐵 𑐕𑐐𑐹 𑐳𑐩𑐶𑐟𑐶 𑐐𑐛𑐣 𑐫𑐵:𑐐𑐸 𑐏𑑅 𑑋

𑐥𑐵𑐛𑑂𑐫𑐎𑑂𑐬𑐩𑐫𑐵 𑐣𑐶𑑄𑐟𑐶𑑄 𑐰𑐶𑐲𑐫, 𑐎𑑂𑐲𑐾𑐟𑑂𑐬, 𑐰𑐶𑐲𑐫𑐰𑐳𑑂𑐟𑐸, 𑐟𑐴𑐐𑐟 𑐳𑐎𑑂𑐲𑐩𑐟𑐵, 𑐄𑐡𑑂𑐡𑐾𑐱𑑂𑐫, 𑐥𑐵𑐛𑑂𑐫𑐨𑐵𑐬 𑐟𑐴 𑐟𑐎𑑄 𑐟𑐫𑐵𑐬 𑐫𑐵𑐫𑐾𑐐𑐸 𑐖𑑂𑐫𑐵 𑐖𑐸𑐂𑐢𑐸𑑄𑐎𑐹𑐐𑐸 𑐥𑑂𑐬𑐰𑐎𑑂𑐟𑐵 𑐩𑐴𑐬𑑂𑐖𑐣𑑄 𑐎𑐣𑐵𑐡𑐶𑐮 𑑋

𑐰𑐂𑐐𑐸 𑐁𑐬𑑂𑐠𑐶𑐎 𑐡𑑃 𑑐𑑗𑑗-𑑗𑑘𑐫𑐵 𑐀𑐳𑐵𑐬 𑐩𑐳𑐵𑐣𑑂𑐟 𑐟𑐎𑐫𑐵 𑐡𑐸𑐣𑐾 𑐥𑐵𑐛𑑂𑐫𑐎𑑂𑐬𑐩 𑐟𑐫𑐵𑐬 𑐫𑐵𑐫𑐾 𑐳𑐶𑐢𑐫𑐾𑐎𑐾𑐐𑐸 𑐮𑐎𑑂𑐲𑑂𑐫 𑐣𑐐𑐬𑐥𑐵𑐮𑐶𑐎𑐵𑑄 𑐎𑐫𑐵𑐟𑑅𑐐𑐸 𑐡𑐸𑑋 𑐥𑐵𑐛𑑂𑐫𑐎𑑂𑐬𑐩 𑐟𑐫𑐵𑐬 𑐖𑐸𑐂𑐰𑑄 𑐣𑐐𑐬 𑐡𑐸𑐣𑐾𑐫𑐵 𑐡𑐎𑑂𑐰𑑄 𑐧𑑂𑐰𑐣𑐾𑐸𑐎𑐠𑐶𑐂 𑐮𑐵𑐐𑐹 𑐫𑐵𑐫𑐾𑐐𑐸 𑐰𑐫𑑂𑐎𑐮𑑄 𑐎𑐣𑐵𑐡𑐶𑐮 𑑋