𑐫𑐾𑑃- 𑐣𑐾𑐥𑐵𑐮𑐨𑐵𑐲𑐵𑐫𑐵 𑐳𑑂𑐰𑐩𑑂𑐴 𑐩𑐶𑐳𑐵 𑐔𑑂𑐰𑐩𑐶𑐥𑐶𑐣𑐶𑐐𑐸 𑐳𑑂𑐰𑑄𑐐𑐹 𑐰𑐶𑐢𑐵𑐫𑐵 𑐳𑑂𑐰𑑄𑐐𑐹 𑐳𑐦𑐹 𑐕𑐐𑐹 𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐥𑐶𑐟𑐧𑑂𑐰𑐖𑑂𑐫𑐵 𑐖𑐸𑐮 𑑋 𑐰𑐵𑐒𑑂𑐩𑐫 𑐱𑐟𑐵𑐧𑑂𑐡𑐷𑐥𑐸𑐬𑐸𑐲, 𑐨𑐵𑐲𑐵𑐬𑐟𑑂𑐣 𑐜𑐵. 𑐳𑐟𑑂𑐫𑐩𑑀𑐴𑐣 𑐖𑑀𑐱𑐷 𑐳𑐕𑐶𑐡𑑃 𑐎𑑂𑐫𑑄𑐐𑐸 𑐮𑐳𑐟𑐵𑐫𑑂 𑐳𑑂𑐰𑐩𑑂𑐴 𑐩𑐶𑐳𑐵 𑐔𑑂𑐰𑐩𑐶𑐥𑐶𑐣𑐶 𑐣𑐶𑐎𑑂𑐰𑑅𑐏𑐸𑐳𑐷 𑐳𑑂𑐰𑑄𑐐𑐹 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐥𑑂𑐬𑐵. 𑐳𑐸𑐰𑐬𑑂𑐞 𑐱𑐵𑐎𑑂𑐫𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑑀𑐟𑐶𑐮𑐎𑑂𑐲𑑂𑐩𑐷 𑐱𑐵𑐎𑑂𑐫𑐫𑐵 ‘𑐣𑐾𑐥𑐵𑐮𑐨𑐵𑐲𑐵𑐫𑐵 𑐨𑐵𑐲𑐵 𑐳𑐣𑑂𑐴𑐹’, 𑐩𑐣𑐡𑐾𑐰𑐷 𑐟𑐵𑐩𑑂𑐬𑐵𑐎𑐵𑐬𑐫𑐵 ‘𑐢𑐸𑐦𑑂𑐰𑑅’ 𑐰 𑐥𑑂𑐬𑐟𑐶𑐳𑐬𑐵 𑐳𑐵𑐫𑑂𑐩𑐶𑑄 𑐩𑐸𑐣𑐵𑐡𑐷𑐐𑐸 𑐮𑐸𑐩𑐣𑑂𑐟𑐶 𑐔𑑂𑐰𑐳𑐸 𑐩𑐸𑐣𑐵 𑐳𑐦𑐹 ‘𑐮𑐸𑐩𑐣𑑂𑐟𑐶𑐫𑐵 𑐏𑐸𑐳𑐶𑐧𑐵𑐮𑐫𑑂 𑐧𑐵𑐧𑐵 𑐰𑐶𑐨𑐹𑐲𑐞’ 𑐣𑐵𑑄𑐫𑐵 𑐳𑐦𑐸 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐄𑐐𑐸 𑐳𑐦𑐸 𑐩𑐹𑐥𑐵𑐴𑐵𑑄 𑐖𑑀𑐱𑐷, 𑐀𑐏𑐶𑐮 𑐣𑐾𑐥𑐵𑐮 𑐨𑐶𑐎𑑂𑐲𑐸 𑐩𑐴𑐵𑐳𑑄𑐑𑐫𑐵 𑐩𑐴𑐵𑐳𑐔𑐶𑐰 𑐨𑐶𑐎𑑂𑐲𑐸 𑐎𑑀𑐞𑑂𑐜𑐣𑑂𑐫 𑐩𑐴𑐵𑐳𑑂𑐠𑐰𑐶𑐬, 𑐱𑐶𑐎𑑂𑐲𑐵𑐰𑐶𑐡𑐮𑐶𑐳𑐾 𑐧𑐵𑐏𑑄 𑐔𑑂𑐰𑐩𑐶 𑐴𑐶𑐟𑐎𑐬 𑐰𑐷𑐬 𑐳𑐶𑑄𑐴 𑐎𑑄𑐳𑐵𑐎𑐵𑐬, 𑐳𑐵𑐴𑐶𑐟𑑂𑐫𑐎𑐵𑐬 𑐨𑐹𑐲𑐞𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛𑑄 𑐩𑑄𑐎𑐵𑑅𑐎𑐠𑑄 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐱𑐟𑐵𑐧𑑂𑐡𑐷𑐥𑐸𑐬𑐸𑐫𑐵 𑐖𑑀𑐱𑐷 𑐳𑐕𑐶 𑐡𑑃 𑐎𑑂𑐫𑑄𑐐𑐸 𑐮𑐳𑐟𑐵𑐫𑑂 𑐰𑐫𑑂𑐎𑑅𑐫𑐵𑐟 𑐡𑑀𑐳𑐮𑑂𑐮𑐵𑑄 𑐣𑑂𑐫𑐫𑐾𑐎𑐵𑑅 𑐴𑐣𑐾𑐖𑑂𑐫𑐵 […]
