𑐐𑑀𑐧𑐶𑐣𑑂𑐡 𑐳𑐾𑐟𑐶𑐩𑐵𑐫𑐵 𑐮𑐸𑐩𑐣𑑂𑐟𑐶 𑐡𑐧𑐸𑐮𑐶𑑄 𑐕𑐵𑐟𑑂𑐬𑐰𑐺𑐟𑐶 𑐂𑐣

𑐐𑑀𑐧𑐶𑐣𑑂𑐡 𑐳𑐾𑐟𑐶𑐩𑐵𑐫𑐵 𑐮𑐸𑐩𑐣𑑂𑐟𑐶 𑐡𑐧𑐸𑐮𑐶𑑄 𑐳𑑂𑐣𑐵𑐟𑐎𑑀𑐟𑑂𑐟𑐬 𑐟𑐐𑐶𑐩𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑐵 𑐱𑑀𑐢𑐵𑐬𑑂𑐠𑐷𑐫𑐵𑐟 𑐰𑑄𑐐𑐸 𑐎𑑁𑐮𑐵𑐐𑐵 𑐎𑐸𑐣𑑂𑐴𑐸 𑐕𑐵𑐟𑑂𑐬𑐰𑐺𑐟𑐶 𑐂𑐫𑐸𑑄𑐐𑐸 𑐡𑐸 𑑋 𑐮𑐶𑐳𑐾𑑄 𑐩𑐾𑐩𑑂𑐴 𑐳𑑂𑐰𑐩𑑂𑐴𑐾𑐳𑐶𑐟 𑐣𑑄 𑐕𑐵𑐟𑑂𑐬𑐰𑐺𑐟𑐶 𑐧𑑂𑐫𑐹𑐐𑐸 𑐡𑐸 𑑋 𑐠𑐣 𑐖𑐹𑐐𑐸 𑐠𑐸𑐐𑐸 𑐮𑐸𑐩𑐣𑑂𑐟𑐶 𑐡𑐧𑐹𑐫𑐵 𑐖𑑂𑐫𑐵𑐗𑑂𑐰𑐮𑐫𑑂 𑐠𑐸𑐎𑐠𑑄 𑐕𑐵𑐟𑑂𑐬𑐰𑐺𑐟𑐶 𑐂𑐫𑐸𑑄𑐐𑐸 𑐏𑑅 𑑋 𑐠𑑂𑐰𑐳𑐶𑐧𑐾𑑄 𑐣𑑂𑐴𑑂𑐫𑐰 𑐰𑑄𑐐𑐸 𑐰𑐶𑐴𑐶𑐰𑐵𑐬 𑐎𑐸𑐣𑑂𑐴𑐸 𑐳𑐵𑑄𑐏𑐸 𑐀𑐵𑐢𑐵𑐬𑐨𑐹𑐟 𑐰𑐶𑐡𑑂𑐫𑐵𑐮𑐫𑐫𑐵 𑑓𑑕 𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐥𑑀𑐱𑐵𑐎 𑐂𑐫𑐸𑑄𑐐𑐸 𑐏𑑅 𑑋

𑐡𑐧𑐸𑐮𑐶𑑄 𑐳𑑂𑐣𑐵𑐟𑐎𑑀𑐟𑑂𑐟 𑐟𑐐𑐶𑐩𑐫𑑂 𑐱𑑀𑐢𑐥𑐟𑑂𑐬 𑐔𑑂𑐰𑐂𑐩𑑂𑐴𑐾𑐳𑐶𑐟 𑐡𑑃𑐫𑑂 𑐣𑐷𑐣𑑂𑐫𑐵𑐡𑑂𑐰𑑅 𑐟𑐎𑐵𑐫𑐵 𑐱𑑀𑐢𑐰𑐺𑐟𑐶 𑐧𑐷𑐐𑐸 𑐑𑑀𑐲𑐞𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐠𑐸𑐐𑐸𑐳𑐷 𑐬𑐟𑑂𑐣𑐬𑐵𑐖𑑂𑐫 𑐎𑐮𑐾𑐖𑐫𑐵 𑐱𑑀𑐢𑐵𑐬𑑂𑐠𑐷 𑐬𑐶𑐟𑐾𑐱 𑐩𑐮𑑂𑐮𑐫𑐵𑐟 𑐠𑐸𑐐𑐸 𑐱𑑀𑐢𑐰𑐺𑐟𑐶 𑐧𑑂𑐫𑐸𑐐𑐸 𑐏𑑅 𑑋 𑐳𑐎𑑂𑐰𑐫𑑂 SEE 𑐥𑐬𑐶𑐎𑑂𑐲𑐵𑐫𑑂 𑐄𑐟𑑂𑐎𑐺𑐲𑑂𑐚 𑐮𑐶𑐔𑑂𑐰𑑅 𑐴𑐂𑐥𑐶𑑄 𑐩𑐶𑐳𑐵 𑐕𑐩𑑂𑐴 𑐩𑐶𑐖𑑄 𑐕𑐩𑑂𑐴𑐾𑐳𑐶𑐟 𑐗𑐶𑐡𑑂𑐰𑑅 𑐟𑐎𑐵, 𑐳𑐵𑐩𑐸𑐡𑐵𑐫𑐶𑐎 𑐄𑐔𑑂𑐔 𑐩𑐵𑐢𑑂𑐫𑐩𑐶𑐎 𑐟𑐐𑐶𑑄𑐫𑐵 𑐥𑐬𑐶𑐎𑑂𑐲𑐵𑐫𑑂 𑐄𑐟𑑂𑐎𑐺𑐲𑑂𑐚 𑐮𑐶𑐔𑑂𑐰𑑅 𑐴𑐂𑐥𑐶𑑄 𑐩𑐶𑐳𑐵 𑐰 𑐩𑐶𑐖𑑄𑐫𑐵𑐟 𑐩𑑂𑐴𑐟𑐶𑑄 𑐣𑐷𑐡𑑂𑐰𑑅 𑐟𑐎𑐵 𑐧𑐷𑐐𑐸 𑐑𑑀𑐲𑐞𑐵 𑐫𑐵𑐣𑐵𑐟𑑅𑐎𑐠𑑄 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐕𑐵𑐟𑑂𑐬𑐰𑐺𑐟𑐶 𑐂𑐫𑐸𑑄𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑐎𑑂𑐰𑐫𑐵 𑐕𑐐𑐹 𑐨𑐖𑐣 𑐏𑐮𑑅 𑐩𑐢𑑂𑐫 𑐕𑐐𑐹𑐫𑐵𑐟 𑐡𑑃𑐫𑑂 𑐗𑐶𑑄𑐣𑑂𑐫𑐵𑐡𑑂𑐰𑑅 𑐟𑐎𑐵 𑐂𑐣𑐾𑐐𑐸 𑐧𑐔𑑄𑐎𑐠𑑄 𑐠𑐸𑐐𑐸𑐳𑐷 𑐮𑐥𑑂𑐳𑐾𑐦𑐾𑐡𑐷𑐫𑐵 𑐣𑐵𑐬𑐵𑐫𑐞 𑐂𑐱𑑂𑐰𑐬 𑐨𑐖𑐣 𑐏𑐮𑑅𑐫𑐵𑐟 𑐧𑑂𑐫𑐸𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅 𑐡𑐧𑐹𑐫𑐵 𑐀𑐢𑑂𑐫𑐎𑑂𑐲 𑐩𑐵𑐢𑐰 𑐱𑑂𑐬𑐾𑐲𑑂𑐛𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑃𑐎𑐠𑑄 𑐬𑐵𑐖𑐾𑐣𑑂𑐡𑑂𑐬 𑐮𑐶𑑄𑐐𑐜𑐾𑐮 𑐮𑐶𑐳𑐾𑑄 𑐳𑐎𑑂𑐰 𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐬𑐩𑐾𑐱 𑐣𑐵𑐥𑐶𑐟 𑐰 𑐄𑐥𑐩𑐾𑐫𑐬 𑐳𑐩𑐶𑐟𑐵 𑐱𑑂𑐬𑐾𑐲𑑂𑐛𑑄 𑐣𑐰𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑐎𑑂𑐰𑐫𑐵 𑐥𑑂𑐬𑐟𑐶𑐲𑑂𑐛𑐶𑐟 𑐬𑐵𑐖𑐣𑐿𑐟𑐶𑐎𑐎𑑅𑐩𑐶, 𑐳𑐩𑐵𑐖𑐳𑐾𑐰𑐳𑐷, 𑐰𑑂𑐫𑐰𑐳𑐵𑐫𑐷, 𑐱𑐶𑐎𑑂𑐲𑐎, 𑐥𑐟𑑂𑐬𑐎𑐵𑐬𑐥𑐶𑑄𑐳𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋