𑐰𑐵𑐐𑐩𑐟𑐷 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑑂-𑐣𑐾𑐰𑐵𑑅 𑐳𑐬𑑀𑐎𑐵𑐬 𑐥𑐸𑐔𑑅𑐫𑐵 𑐥𑑂𑐬𑐵𑐬𑐩𑑂𑐨𑐶𑐎 𑐩𑐸𑐣𑐵

 

𑐣𑐾𑐳𑑄 𑑑𑑑𑑔𑑔 𑐧𑐕𑐮𑐵𑐠𑑂𑐰 𑑑𑑔, 𑐫𑐮 𑑋 𑐠𑑁𑑄 𑐰𑐵𑐐𑐩𑐟𑐷 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑑂 𑐣𑐾𑐰𑐵𑑅 𑐳𑐬𑑀𑐎𑐵𑐬 𑐥𑐸𑐔𑑅𑐫𑐵 𑐥𑑂𑐬𑐵𑐬𑐩𑑂𑐨𑐶𑐎 𑐩𑐸𑐣𑐵 𑐩𑐸𑐣 𑑋 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐀𑐢𑑂𑐫𑐵𑐥𑐣 𑐫𑐵𑐣𑐵𑐔𑑂𑐰𑑄𑐥𑐶𑑄 𑐰 𑐳𑑂𑐣𑐵𑐟𑐎𑑀𑐟𑑂𑐟𑐬 𑐎𑑂𑐰𑐔𑐵𑐫𑐾𑐢𑐸𑑄𑐎𑐹𑐥𑐶𑑄𑐳𑑄 𑐄𑐐𑐸 𑐰𑐶𑐱𑑂𑐰𑐰𑐡𑑂𑐫𑐵𑐮𑐫𑐫𑑂 𑐣𑐾𑐰𑐵𑑅 𑐀𑐢𑑂𑐫𑐫𑐣 𑐰𑐶𑐨𑐵𑐐 𑐥𑐮𑐶𑐳𑑂𑐠𑐵 𑐫𑐵𑐫𑐾𑐩𑐵𑑅𑐐𑐸 𑐏𑑃𑐫𑑂 𑐳𑐬𑑀𑐎𑐵𑐬 𑐎𑑂𑐫𑐣𑐵𑑅 𑐠𑐸𑐎𑐠𑑄 𑐩𑐸𑑄𑐐𑐸 𑐏𑑅 𑑋

𑐩𑐸𑐣𑐵𑐫𑑂 𑐀𑐣𑐸𑐥 𑐳𑐶𑑄 𑐳𑐸𑐰𑐵𑐮𑑄 𑐰𑐵𑐐𑐩𑐟𑐶 𑐥𑑂𑐬𑐡𑐾𑐱𑑄 𑐣𑑂𑐴𑑂𑐫𑐵𑐎𑐹𑐐𑐸 𑐰𑐵𑐐𑐩𑐟𑐷 𑐰𑐶𑐱𑑂𑐰𑐰𑐶𑐡𑑂𑐫𑐵𑐫𑐮𑐫𑐫𑑂 𑐣𑐾𑐰𑐵𑑅 𑐀𑐢𑑂𑐫𑐫𑐣 𑐰𑐶𑐨𑐵𑐐 𑐟𑐫𑐾𑐩𑐵𑑅𑐐𑐸 𑐎𑐵𑐣𑐹𑐣𑐷, 𑐬𑐵𑐖𑐣𑐿𑐟𑐶𑐎 𑐰 𑐰𑑂𑐫𑐰𑐴𑐵𑐬𑐶𑐎 𑐥𑐎𑑂𑐲 𑐣𑑂𑐴𑑂𑐫𑐧𑑂𑐰𑐫𑐵𑐡𑐶𑐮 𑑋 𑐥𑑂𑐬𑐡𑐾𑐱 𑐳𑐬𑐎𑐵𑐬𑐷 𑐎𑐵𑐩𑐎𑐵𑐖𑐷 𑐨𑐵𑐲𑐵 𑐊𑐾𑐣 𑑒𑑐𑑘𑑐 𑐂 𑐡𑐸𑐠𑑂𑐫𑐵𑑅𑐐𑐸 𑐥𑑂𑐬𑐵𑐰𑐢𑐵𑐣 𑐎𑐠𑑄 𑐣𑐾𑐰𑐵𑑅𑐟𑐫𑑂𑐳𑑄 𑐠𑑅𑐐𑐸 𑐀𑐢𑐶𑐎𑐵𑐬 𑐕𑑂𑐫𑐮𑐾𑐟 𑐠𑑂𑐰 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑑂 𑐣𑐾𑐰𑐵𑑅 𑐀𑐢𑑂𑐫𑐫𑐣 𑐀𑐢𑑂𑐫𑐵𑐥𑐣 𑐖𑐸𑐂𑐩𑐵𑑅𑐐𑐸 𑐎𑐣𑐵𑐡𑐶𑐮 𑑋 𑐰𑐵𑐐𑐩𑐟𑐷 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑑄 𑐠𑑅𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐎𑐾𑐢𑐸𑑄𑐎𑐹𑐐𑐸𑐮𑐶𑑄 𑐣𑐾𑐰𑐵𑑅𑐟 𑐳𑐎𑐮𑐾𑑄 𑐖𑐵𑐣𑐵𑑅 𑐬𑐵𑐖𑐣𑐿𑐟𑐶𑐎, 𑐳𑐵𑐩𑐵𑐖𑐶𑐎, 𑐱𑐿𑐎𑑂𑐲𑐶𑐎 𑐥𑐴𑐮 𑐫𑐵𑐣𑐵𑑅 𑐄𑐐𑐸 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑑂 𑐣𑐾𑐰𑐵𑑅 𑐀𑐢𑑂𑐫𑐫𑐣 𑐰𑐶𑐨𑐵𑐐 𑐥𑐮𑐶𑐳𑑂𑐠𑐵 𑐫𑐵𑐫𑐾𑐩𑐵𑑅𑐐𑐸 𑐏𑑃𑐫𑑂 𑐧𑑅 𑐧𑐶𑐫𑐵𑐡𑐶𑐮 𑑋

𑐨𑐾𑐮𑐵 𑐣𑐾𑐥𑐵𑐮𑐨𑐵𑐲𑐵 𑐎𑐾𑐣𑑂𑐡𑑂𑐬𑐷𑐫 𑐰𑐶𑐨𑐵𑐐 𑐥𑑂𑐬𑐩𑐸𑐏 𑐳𑐥𑑂𑐬𑐵 𑐜𑐵. 𑐬𑐵𑐖𑐣𑐮𑐵𑐮 𑐖𑑀𑐱𑐷𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐔𑑂𑐰𑑄𑐐𑐸 𑐏𑑅 𑑋 𑐜𑐵𑑄 𑐖𑑀𑐱𑐷𑑄 𑐣𑐾𑐰𑐵𑑅𑐟𑐫𑑂𑐐𑐸 𑐧𑐵𑐴𑐸𑐮𑑂𑐫 𑐡𑐹𑐐𑐸 𑐰𑐵𑐩𑐐𑐟𑐷 𑐥𑑂𑐬𑐡𑐾𑐱𑐫𑑂 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐔𑐵𑐫𑐾𑐎𑐹𑐐𑐸 𑐠𑑂𑐰 𑐀𑐰𑐳𑐬𑐫𑑂 𑐣𑐾𑐰𑐵𑑅 𑐀𑐢𑑂𑐫𑐫𑐣 𑐰𑐶𑐨𑐵𑐐 𑐟𑐫𑐾𑐎𑐾𑐟 𑐀𑐨𑐶𑐫𑐵𑐣 𑐣𑑂𑐴𑑂𑐫𑐵𑐎𑐹𑐐𑐸 𑐖𑑂𑐫𑐵𑐫𑐵 𑐳𑐬𑑂𑐴𑐵𑐴𑐣𑐵 𑐫𑐵𑐣𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐠𑑂𑐰 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵𑐟 𑐩𑐵𑑅𑐐𑐸 𑐩𑐵𑐎𑑂𑐰 𑐖𑐣𑐱𑐎𑑂𑐟𑐶 𑐠𑑅𑐐𑐸 𑐰𑐶𑐨𑐵𑐐𑑄 𑐣𑐶𑐬𑑂𑐩𑐵𑐞 𑐫𑐵𑐣𑐵𑐟𑐫𑐾𑐢𑐸𑑄𑐎𑐹𑐐𑐸 𑐣𑑂𑐴𑑂𑐫𑐠𑐣𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐠𑑂𑐰 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑑂 𑐣𑐾𑐰𑐵𑑅 𑐀𑐢𑑂𑐫𑐫𑐣 𑐰𑐶𑐨𑐵𑐐 𑐥𑐮𑐶𑐳𑑂𑐠𑐵 𑐫𑐵𑐫𑐾𑐟 𑐩𑐵𑑅𑐐𑐸 𑐥𑑂𑐬𑐵𑐖𑑂𑐘𑐷𑐎, 𑐱𑐿𑐎𑑂𑐲𑐶𑐎 𑐮𑐐𑐵𑐫𑐟𑐫𑐵 𑐩𑐸𑐎𑑂𑐎𑑄 𑐖𑑂𑐫𑐵𑐫𑑂 𑐠𑑅𑐥𑐶𑐣𑐶 𑐐𑑂𑐰𑐵𑐴𑐵𑐮𑐶 𑐡𑐂𑐐𑐸 𑐣𑑄 𑐎𑐣𑐵𑐡𑐶𑐮 𑑋

 

𑐠𑐸𑐐𑐸 𑐩𑐸𑐣𑐵𑐫𑑂 𑐳𑑂𑐰𑐷𑐩𑑂𑐴 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑑂𑐬𑐵𑐢𑑂𑐫𑐵𑐥𑐎𑐥𑐶𑑄 𑐰 𑐳𑑂𑐣𑐵𑐟𑐎𑑀𑐟𑑂𑐟𑐬 𑐎𑑂𑐰𑐔𑐵𑑅𑐥𑐶𑑄𑐳𑑄 𑐧𑑂𑐰𑐟𑐶 𑐎𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐬𑐰𑐶𑐣 𑐱𑑂𑐬𑐾𑐲𑑂𑐛𑑄 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅 𑐀𑐔𑑂𑐫𑐸𑐟 𑐧𑐖𑑂𑐬𑐵𑐔𑐵𑐬𑑂𑐫𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋

 

 

 

 

 

courtsey : hyaunivaa