𑐏𑑂𑐰𑐥 – 𑐄𑐥𑐣𑑂𑐫𑐵𑐳𑐎𑐵𑐬 𑐬𑐵𑐩𑐱𑐾𑐏𑐬 𑐣𑐎𑑅𑐩𑐶𑐫𑐵 𑐧𑐵𑐏𑑄 𑐩𑐸𑐣𑐵𑑅 ‘𑐳𑐶𑐩𑐵𑐟 𑐦𑐦𑐳𑑂𑐰𑑅’ 𑐁𑑅 𑐣𑐾𑐥𑐵𑐮𑐨𑐵𑐲𑐵 𑐣𑐵𑐥𑑄 𑐏𑐫𑑂 𑐨𑐵𑐳𑑄 𑐣𑑄 𑐕𑐐𑐹 𑐴𑐾 𑐖𑐸𑐫𑐵𑑅 𑐥𑐶𑐴𑐵𑑄 𑐰𑐂𑐐𑐸 𑐖𑐹𑐐𑐸 𑐡𑐸 𑑋 𑐰𑐂𑐐𑐸 𑐦𑐵𑐐𑐸𑐣 𑑒𑑖 𑐐𑐟𑐾 𑐄𑐎𑐶𑐫𑐵 𑐰𑐶𑐩𑑀𑐔𑐣 𑐖𑐸𑐂 𑑋 𑐰𑐶𑐩𑑀𑐔𑐣 𑐣𑐾𑐥𑐵𑐮 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐎𑐹𑐮𑐥𑐟𑐶 𑐐𑑄𑐐𑐵𑐥𑑂𑐬𑐳𑐵𑐡 𑐄𑐥𑑂𑐬𑐾𑐟𑐷 𑐰 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐜𑐾𑐩𑐷𑐫𑐵 𑐔𑐵𑐣𑑂𑐳𑐮𑐬 𑐔𑐶𑐟𑑂𑐟𑐬𑐘𑑂𑐖𑐣 𑐣𑐾𑐥𑐵𑐮𑐷𑑄 𑐩𑑄𑐎𑐵𑑅 𑐎𑐠𑑄 𑐫𑐵𑐣𑐵𑐡𑐷𑐐𑐸 𑐏𑑃 𑐐𑑂𑐰𑐳𑐵𑑅 𑐏𑐮𑑅 𑐬𑐵𑐩𑐱𑐾𑐏𑐬 𑐐𑑂𑐰𑐵𑐴𑐵𑐮𑐶 𑐥𑐸𑐔𑐮𑑄 𑐢𑐵𑑅𑐐𑐸 𑐡𑐸 𑑋 𑐥𑐸𑐔𑑅𑐫𑐵 𑐣𑐵𑐫𑑅 𑐣𑐬𑐾𑐣𑑂𑐡𑑂𑐬𑐨𑐎𑑂𑐟 𑐴𑐵𑐜𑐵𑑄 𑐎𑐣𑐵𑐡𑐷𑐎𑐠𑑄 𑐄𑐎𑐸𑐣𑑂𑐴𑐸 𑐴𑐾 𑐥𑐸𑐔𑑅𑐫𑐵 𑐰𑐶𑐑𑐚𑐣 𑐣𑐵𑐥𑑄 𑐬𑐵𑐩𑐱𑐾𑐏𑐬𑐫𑐵 𑐣𑐵𑐩𑑄 𑐩𑐸𑑄𑐐𑐸 𑐡𑐵𑑄𑐫𑐵𑐟 𑐳𑐶𑐡𑑂𑐢𑐶𑐡𑐵𑐳 𑐥𑑂𑐬𑐟𑐶𑐲𑑂𑐛𑐵𑐣𑐥𑐵𑐏𑐾𑑄 𑐳𑐘𑑂𑐔𑐵𑐮𑐣 𑐫𑐵𑐫𑐾𑐐𑐸 𑐎𑐠𑑄 𑐕𑐐𑐹 𑐣𑑂𑐴𑐹𑐐𑐸 𑐥𑐸𑐔𑑅 𑐐𑐛𑐣𑐫𑐵 𑐑𑑀𑐲𑐞𑐵 𑐣𑑄 𑐖𑐸𑐂𑑋

‘𑐳𑐶𑐩𑐵𑐟 𑐦𑐦𑐳𑑂𑐰𑑅’ 𑐧𑐵𑐏𑑄 𑐩𑐸𑐣𑐵𑐫𑐵𑐟 𑐬𑐵𑐩𑐱𑐾𑐏𑐬 𑐐𑑂𑐰𑐵𑐴𑐵𑐮𑐶 𑐥𑐸𑐔𑐮𑑄 𑐥𑑂𑐬𑐎𑐵𑐱𑐣 𑐰 𑐨𑐵𑐲𑐵 𑐀𑐣𑐸𑐰𑐵𑐡 𑐫𑐵𑐣𑐵𑑅 𑐥𑐶𑐠𑐣𑐾𑐟𑑂𑐫𑑄𑐐𑐸 𑐏𑑅 𑑋 𑐄𑐎𑐶𑐫𑐵 𑐮𑐵𑐐𑐶𑑄 𑐏𑑂𑐰𑐥𑐫𑐵 𑐔𑑂𑐫𑐵𑐩𑑂𑐴 𑐨𑐵𑐲𑐵 𑐀𑐣𑐸𑐰𑐵𑐡𑐎 𑐰 𑐳𑐵𑐴𑐶𑐟𑑂𑐫𑐎𑐵𑐬𑐟𑐫𑑂𑐟 𑐖𑐶𑐩𑑂𑐩𑐾𑐰𑐵𑐬𑐷 𑐧𑐶𑐄𑐐𑐸 𑐏𑑅 𑑋 𑐄𑐐𑐸 𑐖𑑂𑐫𑐵 𑐥𑐹𑐰𑐣𑐾𑐰𑑄 𑐁𑑅 𑐄𑐐𑐸 𑐳𑐦𑐹𑐫𑐵𑐟 𑐣𑐾𑐥𑐵𑐮𑐨𑐵𑐲𑐵 𑐰 𑐏𑐳 𑐣𑐾𑐥𑐵𑐮𑐷 𑐨𑐵𑐲𑐵𑑄 𑐣𑑄 𑐡𑐸𑐠𑑂𑐫𑐵𑐎𑐵𑑅 𑐥𑐶𑐠𑐣𑐾𑐐𑐸 𑐟𑐫𑐵𑐬𑐷 𑐫𑐵𑐳𑐾𑑄 𑐠𑐸𑐐𑐸 𑐖𑑂𑐫𑐵𑐗𑑂𑐰𑑅 𑐫𑐵𑐫𑐾𑐟𑑂𑐫𑑄𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅 𑐱𑐣𑐶𑐰𑐵𑑅 𑐟𑐮𑐾𑐖𑐹 𑐧𑐿𑑄𑐎𑑂𑐰𑐾𑐚𑐫𑑂 𑐖𑐸𑐂 𑑋