Yearly Archives: 2022


𑐫𑐮 – 𑐫𑐮 𑐮𑐵𑐫𑑂𑐎𑐹𑐳𑑂𑐠𑐶𑐟 𑐫𑐮 𑐳𑑄𑐐𑑂𑐬𑐴𑐵𑐮𑐫𑑄 𑐰𑐶𑐡𑑂𑐫𑐵𑐬𑑂𑐠𑐷 𑐮𑐎𑑂𑐲𑐶𑐟 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐹𑐐𑐸 𑐡𑐸 𑑋 𑐫𑐮 𑐳𑑄𑐐𑑂𑐬𑐴𑐵𑐮𑐫𑑄 𑐰𑐵𑐮𑐫𑑂 𑐣𑐶𑐣𑑂𑐴𑐸 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐮𑐎𑑂𑐲𑐶𑐟 𑐫𑐵𑐣𑐵𑑅 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐹𑐐𑐸 𑐏𑑅 𑑋 𑐥𑑂𑐬𑐟𑑂𑐫𑐾𑐎 𑐰𑐵𑑅𑐫𑐵 𑐣𑐶𑐣𑑂𑐴𑐸 𑐳𑑀𑐩𑐰𑐵𑑅 𑐰 𑐰𑐶𑐴𑐷𑐰𑐵𑑅 𑐣𑐶𑐐𑐹 𑐰𑐶𑐡𑑂𑐫𑐵𑐮𑐫𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐳𑑄𑐐𑑂𑐬𑐴𑐵𑐮𑐫 𑐔𑐵𑑅𑐴𑐶𑐮𑐾𑐐𑐸 𑐣𑐵𑐥𑑄 𑐀𑐣𑐫𑐵 𑐖𑐵𑐣𑐎𑐵𑐬𑐷 𑐎𑐵𑐫𑐾𑐐𑐸 𑐎𑐠𑑄 𑐠𑐸𑐐𑐸 𑐖𑑂𑐫𑐵𑐗𑑂𑐰𑑅 𑐴𑐫𑐵𑐐𑐸 𑐳𑑄𑐐𑑂𑐬𑐴𑐵𑐮𑐫𑐫𑐵 𑐥𑑂𑐬𑐩𑐸𑐏 𑐳𑐸𑐬𑐾𑐱 𑐮𑐵𑐏𑐾𑐣𑑄 𑐎𑐣𑐵𑐡𑐷𑐐𑐸 𑐡𑐸 𑑋 𑐠𑐸𑐐𑐸 𑐖𑑂𑐫𑐵𑐗𑑂𑐰𑑅 𑐣𑑂𑐫𑐵𑐐𑐹 𑐟𑐐𑐶𑑄𑐣𑐶𑐳𑐾𑑄 𑐔𑑂𑐰𑐫𑑂𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐮𑐎𑑂𑐲𑐶𑐟 𑐫𑐵𑐣𑐵𑑅 𑐴𑑅𑐐𑐸 𑐏𑑅 𑑋 𑐖𑐶𑐮𑑂𑐮𑐵 𑐱𑐶𑐎𑑂𑐲𑐵 𑐖𑑂𑐫𑐵𑐎𑐹𑐮𑐶𑐳𑐾𑐫𑐵 𑐳𑐴𑐎𑐵𑐬𑑂𑐫𑐫𑑂 𑐖𑑂𑐫𑐵𑐗𑑂𑐰𑑅 𑐱𑐸𑐬𑐸 𑐫𑐵𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐳𑐾𑑄 𑐰𑐶𑐡𑑂𑐫𑐵𑐬𑑂𑐠𑐷𑐟 𑐠𑑅𑐥𑐶𑑄𑐳𑑄 𑐳𑐦𑐸𑐟𑐶𑐂 𑐧𑑂𑐰𑑄𑐐𑐸 𑐰 𑐩𑐧𑑂𑐰𑑄𑐐𑐸 𑐁𑐥𑐵𑐮𑑄 𑐖𑐵𑐣𑐎𑐵𑐬𑐷 𑐰 𑐖𑑂𑐘𑐵𑐣 𑐠𑐣 𑐰𑐫𑐵𑑅 𑐳𑐫𑐾𑐎𑐾 𑐰 𑐳𑐷𑐎𑐾 𑐦𑐂𑐐𑐸 𑐳𑑄𑐐𑑂𑐬𑐴𑐵𑐮𑐫 𑐥𑑂𑐬𑐩𑐸𑐏 𑐮𑐵𑐏𑐾𑐣𑑄 𑐢𑐫𑐵𑐡𑐶𑐮 𑑋 𑐳𑑂𑐰𑐣𑐶𑐐𑑅𑐫𑐵 𑐣𑑂𑐫𑐵𑐐𑐹 𑐟𑐐𑐶𑑄𑐣𑐶𑐳𑐾𑑄 𑐔𑑂𑐰𑐫𑑂𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐳𑑄𑐐𑑂𑐬𑐴𑐵𑐮𑐫 𑐔𑐵𑑅𑐴𑐶𑐮𑐾𑐐𑐸𑐎𑐠𑑄 𑐖𑑂𑐫𑐵𑐗𑑂𑐰𑑅 𑐴𑐫𑐵𑐐𑐸 𑐢𑐵𑐳𑐾𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐳𑑄 𑐳𑑄𑐐𑑂𑐬𑐴𑐵𑐮𑐫 𑐔𑐵𑑅𑐴𑐶𑐮𑐵 𑐠𑐣 𑐡𑐸𑐣𑐾𑐔𑑂𑐰𑑄𑐐𑐸 […]

𑐫𑐮 𑐳𑑄𑐐𑑂𑐬𑐴𑐵𑐮𑐫𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐮𑐎𑑂𑐲𑐶𑐟 ...


𑐫𑐾𑑃- 𑐳𑐬𑐎𑐵𑐬𑑄 𑐮𑐵𑐐𑐹 𑐫𑐵𑑅𑐐𑐸 𑐰𑐵𑐮𑐫𑑂 𑐣𑐶𑐣𑑂𑐴𑐸 𑐧𑐶𑐡𑐵 𑐧𑐷𑐐𑐸 𑐰𑑂𑐫𑐰𑐳𑑂𑐠𑐵𑐫𑐵𑐟 𑐳𑑂𑐎𑐸𑐮 𑐰 𑐎𑐮𑐾𑐖𑐟𑐫𑑂𑐳𑑄 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑐫𑐾 𑐩𑐦𑐂𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐏𑐵𑐳 𑐫𑐵𑐣𑐵𑑅 𑐣𑐶𑐖𑐷 𑐳𑑂𑐎𑐸𑐮 𑐰 𑐎𑐮𑐾𑐖𑐟𑐫𑑂𑐳𑑄 𑐰𑐵𑐮𑐫𑑂 𑐣𑐶𑐣𑑂𑐴𑐸 𑐧𑐶𑐡𑐵 𑐧𑐷𑐐𑐸 𑐠𑑂𑐰 𑐰𑑂𑐫𑐰𑐳𑑂𑐠𑐵𑑄 𑐳𑐬𑐎𑐵𑐬𑐷 𑐖𑑂𑐫𑐵𑐎𑐹𑐫𑐵𑐟 𑐀𑑅𑐥𑐸𑐎𑐵 𑐧𑐶𑐄𑐳𑐵𑑄 𑐳𑑂𑐎𑐸𑐮 𑐎𑐮𑐾𑐖𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐢𑐵𑑅𑐳𑐵 𑐠𑐵𑐎𑐸𑐂𑐎𑐷𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐩𑑀𑐜𑐬𑑂𑐣 𑐣𑐾𑐰𑐵𑑅 𑐂𑑄𑐐𑑂𑐮𑐶𑐳 𑐳𑑂𑐎𑐸𑐮𑐫𑐵 𑐥𑑂𑐬𑐶𑐣𑑂𑐳𑐶𑐥𑐮 𑐡𑐶𑐥𑐎 𑐟𑐸𑐮𑐵𑐢𑐬𑑄 𑐰𑐵𑐮𑐫𑑂 𑐣𑐶𑐣𑑂𑐴𑐸 𑐧𑐶𑐡𑐵 𑐧𑐷𑐐𑐸 𑐰𑑂𑐫𑐰𑐳𑑂𑐠𑐵 𑐳𑑂𑐎𑐸𑐮 𑐎𑐮𑐾𑐖𑐫𑐵 𑐮𑐵𑐐𑐶𑑄 𑐰𑑂𑐫𑐰𑐴𑐵𑐬𑐶𑐎 𑐩𑐖𑐸𑐂𑐐𑐸 𑐏𑑃 𑐎𑐣𑐵𑐡𑐷𑐐𑐸 𑐡𑐸 𑑋 𑐰𑐫𑑂𑐎𑐮𑑄 𑐳𑐵𑐩𑐵𑐖𑐶𑐎 𑐳𑐘𑑂𑐖𑐵𑐮 𑐩𑐵𑐬𑑂𑐦𑐟 𑐴𑐾 𑐠𑑅𑐐𑐸 𑐧𑐶𑐔𑐵𑑅 𑐟𑐫𑐵𑐡𑐶𑐳𑐾𑑄 𑐠𑐸𑐎𑐶𑐫𑐵𑐟 𑐎𑐫𑐵𑑅 𑐥𑐸𑐣𑐬𑑂𑐰𑐶𑐔𑐵𑐬 𑐫𑐵𑐫𑐾𑐩𑐵𑑅𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐡𑐸 𑑋 𑐀𑐠𑐾 𑐴𑐾 𑐎𑐵𑐛𑐩𑐵𑐜𑑁𑑄 𑐩𑑀𑐜𑐾𑐮 𑐳𑑂𑐎𑐸𑐮𑐫𑐵 𑐥𑑂𑐬𑐶𑐣𑑂𑐳𑐶𑐥𑐮 𑐬𑐵𑐖𑐾𑐣𑑂𑐡𑑂𑐬 𑐩𑐴𑐬𑑂𑐖𑐣𑑄 𑐣𑑄 𑐰𑐵𑐮𑐫𑑂 𑐣𑐶𑐣𑑂𑐴𑐸 𑐧𑐶𑐡𑐵 𑐧𑐷𑐐𑐸 𑐖𑑂𑐫𑐵 𑐰𑐶𑐡𑑂𑐫𑐵𑐮𑐫𑐫𑐵 𑐴𑐎𑐫𑑂 𑐰𑑂𑐫𑐵𑐰𑐴𑐵𑐬𑐶𑐎 𑐩𑐖𑐹 𑐢𑐵𑐳𑐾𑑄 […]

𑐣𑐶𑐣𑑂𑐴𑐸 𑐰𑐶𑐡𑐵 𑐳𑑂𑐎𑐸𑐮𑐫𑐵𑐟 𑐀𑐰𑑂𑐫𑐰𑐴𑐵𑐬𑐶𑐎


𑐫𑐮 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑑑𑑖 𑐰𑐜𑐵 𑐧𑐵𑐬𑐾 𑐖𑐵𑐣𑐎𑐵𑐬𑐷 𑐧𑐷𑐐𑐸 𑐮𑑂𑐫𑐵𑐏𑑄 𑐣𑐶𑐐𑐹 𑐳𑐦𑐹 𑐥𑐶𑐡𑑄𑐐𑐸 𑐡𑐸 𑑋 𑐫𑐮 𑐩𑐴𑐵𑐣𑐐𑐬𑐫𑑂 𑐎𑐮𑐵𑐎𑐺𑐟𑐶𑑄 𑐖𑐵𑐫𑐵𑐔𑑂𑐰𑑄𑐐𑐸 𑑑𑑖 𑐰𑐜𑐵𑐫𑐵 𑐥𑑂𑐬𑑀𑐦𑐵𑐂𑐮 𑐰 𑐰𑐜𑐵 𑐩𑑂𑐴𑐳𑐷𑐎𑐵 (𑐰𑐜𑐵 𑐔𑐶𑐣𑐵𑐬𑐷) 𑐣𑐵𑑄𑐫𑐵 𑐣𑐶𑐐𑐹 𑐳𑐦𑐹 𑐥𑐶𑐡𑑄𑐐𑐸 𑐏𑑅 𑑋 𑐠𑐸𑐥𑐶𑑄 𑐣𑐶𑐐𑐸𑐮𑐶𑑄 𑐳𑐦𑐹𑐫𑐵 𑐥𑐶𑐟𑐧𑑂𑐰𑐖𑑂𑐫𑐵 𑑑𑑖 𑐰𑐜𑐵𑐫𑐵 𑐳𑐮𑑂𑐮𑐵𑐴𑐎𑐵𑐬 𑐐𑐩𑑂𑐨𑐶𑐬𑐮𑐵𑐮 𑐬𑐵𑐖𑐨𑐞𑑂𑐜𑐵𑐬𑐷𑑄 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑑑𑑖 𑐰𑐜𑐵 𑐖𑑂𑐫𑐵𑐎𑐸𑐠𑐶𑑄 𑐧𑐶𑐄𑐐𑐸 𑐖𑐵𑐣𑐎𑐵𑐬𑐷 𑐎𑐠𑑄 𑐳𑑂𑐠𑐵𑐣𑐷𑐫 𑐳𑐐𑐸𑐣 𑐢𑐵𑐏𑑂𑐰𑐵𑐫𑐵 𑐳𑑄𑐫𑑀𑐖𑐎𑐟𑑂𑐰𑐫𑑂 𑐐𑐛𑐣 𑐫𑐵𑐣𑐵𑐟𑑅𑐐𑐸 𑐎𑐩𑐶𑐚𑐷𑑄 𑐰𑑄𑐐𑐸 𑐣𑐶𑐡𑑃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐰𑐜𑐵𑐫𑐵 𑐥𑑂𑐬𑐟𑑂𑐫𑐾𑐎 𑐕𑐾𑑃𑐏𑐵𑐥𑐟𑐶𑐎𑑄 𑐰𑐣𑐵𑑅 𑐰𑐜𑐵 𑐥𑑂𑐬𑑀𑐦𑐵𑐂𑐮 𑐟𑐫𑐵𑐬 𑐫𑐵𑐣𑐵𑐡𑐷𑐐𑐸 𑐏𑑅𑐳𑑄𑐫𑑀𑐖𑐎 𑐢𑐵𑐏𑑂𑐰𑐵𑑄 𑐰𑐶𑐣𑐫 𑐢𑐵𑐏𑑂𑐰𑐵, 𑐳𑐵𑐎𑑂𑐲𑐷 𑐬𑐵𑐖𑐨𑐞𑑂𑐜𑐵𑐬𑐷𑐳𑐴𑐶𑐟 𑑒𑑐𑐩𑑂𑐴𑐾𑐳𑐶𑐫𑐵 𑐥𑐸𑐔𑐮𑑄 𑐳𑑂𑐠𑐮𑐐𑐟 𑐬𑐸𑐥𑑄 𑐟𑐠𑑂𑐫𑐵𑑄𑐎 𑐳𑑄𑐎𑐮𑐣 𑐫𑐵𑐣𑐵𑑅 𑐥𑑂𑐬𑑀𑐦𑐵𑐂𑐮 𑐟𑐫𑐵𑐬 𑐫𑐵𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐳𑐾𑑄 𑐎𑑀𑐬𑑀𑐣𑐵 𑐩𑐴𑐵𑐩𑐵𑐬𑐷 𑐰 𑐩𑐾𑐩𑐾𑐐𑐸 𑐳𑐩𑐳𑑂𑐫𑐵𑐫𑐵 𑐡𑐠𑐸𑐂 𑐣𑑄 𑐠𑑅𑐥𑐶𑑄𑐳𑑄 𑐰𑐜𑐵 𑐥𑑂𑐬𑑀𑐦𑐵𑐂𑐮 𑐟𑐫𑐵𑐬 𑐫𑐵𑐣𑐵𑐐𑐸 𑐏𑑃𑐫𑑂 𑐮𑐳𑐟𑐵 𑐥𑑂𑐰𑑄𑐎𑐵𑐡𑐶𑐮 𑑋 […]

𑐫𑐮 𑑑𑑖 𑐰𑐜𑐵𑐫𑐵 𑐩𑑂𑐴𑐳𑐷𑐎𑐵 ...



𑐫𑐮- 𑐫𑐸𑐰𑐎 𑐧𑑁𑐡𑑂𑐢 𑐩𑐞𑑂𑐜𑐮, 𑐣𑐾𑐥𑐵𑐮𑐥𑐵𑐏𑐾𑑄 𑐳𑑄𑐔𑐵𑐮𑐣 𑐖𑐸𑐫𑐵𑐔𑑂𑐰𑑄𑐐𑐸 𑐫𑐸𑐰𑐎 𑐧𑑁𑐡𑑂𑐢 𑐩𑐞𑑂𑐜𑐮 𑐳𑑂𑐎𑐸𑐮𑐫𑐵 𑐗𑐶𑑄𑐳𑑂𑐰𑐎𑑂𑐰𑑅𑐐𑐸 𑐰𑐵𑐬𑑂𑐲𑐶𑐎𑑀𑐟𑑂𑐳𑐰 𑐰𑑄𑐐𑐸 𑐱𑐣𑐶𑐰𑐵𑑅 𑐖𑐸𑐮 𑑋 𑐳𑑂𑐎𑐸𑐮 𑐳𑑄𑐔𑐵𑐮𑐎 𑐳𑐩𑐶𑐟𑐶𑐫𑐵 𑐀𑐢𑑂𑐫𑐎𑑂𑐲 𑐥𑐸𑐲𑑂𑐥𑐬𑐟𑑂𑐣 𑐰𑐵𑐬𑐵𑐴𑐷𑐫𑐵 𑐳𑐨𑐥𑐵𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑑑𑑙 𑐰𑐜𑐵𑐀𑐢𑑂𑐫𑐎𑑂𑐲 𑐰𑐶𑐣𑑀𑐡 𑐟𑐵𑐩𑑂𑐬𑐵𑐎𑐵𑐬 𑐩𑐹𑐥𑐵𑐴𑐵𑑄𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐥𑑄𑐔𑐱𑐷𑐮 𑐥𑑂𑐬𑐵𑐬𑑂𑐠𑐣𑐵𑐮𑐶𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑄 𑐰𑐜𑐵𑐀𑐢𑑂𑐫𑐎𑑂𑐲 𑐟𑐵𑐩𑑂𑐬𑐵𑐎𑐵𑐬𑑄 𑐧𑐸𑐡𑑂𑐢𑐩𑐹𑐬𑑂𑐟𑐶 𑐣𑑂𑐴𑑂𑐫𑑅𑐣𑐾 𑐡𑐷𑐥 𑐥𑑂𑐬𑐖𑑂𑐰𑐮𑐣 𑐫𑐵𑐣𑐵𑑅 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐳𑑂𑐎𑐸𑐮𑐫𑐵 𑐥𑑂𑐬𑐶𑐣𑑂𑐳𑐶𑐥𑐮 𑐔𑐣𑑂𑐡𑑂𑐬𑐩𑐵𑐣 𑐱𑐵𑐎𑑂𑐫𑑄 𑐮𑐳𑐎𑐸𑐳 𑐫𑐵𑐫𑐾𑐐𑐸 𑐗𑑂𑐰𑐮𑐫𑑂 𑐳𑑂𑐎𑐸𑐮𑐫𑐵 𑐐𑐟𑐶𑐰𑐶𑐢𑐶 𑐧𑐵𑐬𑐾 𑐣𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐫𑐸𑐰𑐎 𑐧𑑁𑐡𑑂𑐢 𑐩𑐞𑑂𑐜𑐮𑐮𑐶𑐳𑐾𑑄 𑐳𑑂𑐎𑐸𑐮 𑐳𑑄𑐔𑐵𑐮𑐎 𑐳𑐩𑐶𑐟𑐶𑐫𑐵 𑐥𑐸𑐮𑐵𑑄𑐩𑑂𑐴 𑐀𑐢𑑂𑐫𑐎𑑂𑐲 𑐳𑐵𑐣𑐸𑐬𑐵𑐖𑐵 𑐱𑐵𑐎𑑂𑐫, 𑐰𑐬𑑂𑐟𑐩𑐵𑐣 𑐀𑐢𑑂𑐫𑐎𑑂𑐲 𑐀𑐬𑐞𑐷𑐟𑐵𑐬𑐵 𑐰𑐖𑑂𑐬𑐵𑐔𑐵𑐬𑑂𑐫𑑄 𑐨𑐶𑑄𑐟𑐸𑐣𑐵 𑐣𑑂𑐰𑐔𑐸 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐩𑐹𑐥𑐵𑐴𑐵𑑄 𑐟𑐵𑐩𑑂𑐬𑐵𑐎𑐵𑐬𑑄 𑐳𑑂𑐎𑐸𑐮𑐫𑐵 𑐣𑐶𑑄𑐟𑐶𑑄 𑐰𑐜𑐵𑐥𑐵𑐏𑐾𑑄 𑐦𑐎𑑂𑐰 𑐐𑑂𑐰𑐵𑐴𑐵𑐮𑐶 𑐫𑐵𑐫𑐾𑐐𑐸 𑐥𑑂𑐬𑐟𑐶𑐰𑐡𑑂𑐢𑐟𑐵 𑐥𑑂𑐰𑑄𑐎𑐵𑐡𑐷𑐐𑐸 𑐖𑑂𑐫𑐵𑐗𑑂𑐮𑐰𑐫𑑂 𑐳𑐨𑐵𑐥𑐟𑐶𑐥𑐵𑐏𑐾𑑄 𑐳𑐸𑐨𑐵𑐫𑑂 𑐡𑐾𑐕𑐵𑐳𑐾 𑐣𑑂𑐴𑐵𑐥𑐵𑑄𑐐𑐸 𑐔𑐬𑐞𑐫𑐵 𑐖𑑂𑐫𑐵𑐗𑑂𑐰𑑅 𑐎𑑂𑐰𑐔𑐵𑐫𑐾𑐎𑐵𑐡𑐷𑐐𑐸 𑐏𑑅 𑑋 […]

𑐫𑐸𑐰𑐎 𑐧𑑁𑐡𑑂𑐢 𑐳𑑂𑐎𑐸𑐮𑐫𑐵 𑐰𑐵𑐬𑑂𑐲𑐶𑐎𑑀𑐟𑑂𑐳𑐰


𑐫𑐾𑑃(𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳)- 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐫𑐵𑐟 𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐀𑐢𑑂𑐫𑐫𑐣 𑐫𑐵𑐂𑐥𑐶𑑄 𑐧𑑂𑐰𑑃𑐩𑐶𑐥𑐶𑑄 𑐀𑐥𑑂𑐰𑐫𑐾𑐎𑐾𑐟 𑐩𑐵𑐐 𑐫𑐵𑐳𑐾𑑄 𑐖𑑂𑐘𑐵𑐥𑐣 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣𑑄 𑐠𑐣𑐫𑐵 𑐥𑑂𑐬𑐡𑐬𑑂𑐱𑐣𑐷 𑐩𑐵𑐬𑑂𑐐𑐫𑑂 𑐔𑑂𑐰𑑄𑐐𑐸 𑐬𑐟𑑂𑐣𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳 𑐰 𑐧𑐵𑐐𑐧𑐖𑐵𑐬𑐫𑑂 𑐔𑑂𑐰𑑄𑐐𑐸 𑐥𑐡𑑂𑐩𑐎𑐣𑑂𑐫𑐵 𑐎𑑂𑐫𑐵𑐩𑑂𑐥𑐳𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐎𑐫𑐵𑑅 𑐀𑐢𑑂𑐫𑐫𑐣 𑐫𑐵𑐂𑐥𑐶𑑄 𑐧𑑂𑐰𑑃𑐩𑐶𑐫𑐵 𑐮𑑂𑐫𑐵𑑅 𑐀𑐥𑑂𑐰𑐫𑐾𑐎𑐾𑐟 𑐩𑐵𑐐 𑐫𑐵𑐳𑐾𑑄 𑐡𑐾𑐫𑑂 𑐡𑐧𑐹𑐫𑐵𑐟 𑐖𑑂𑐘𑐵𑐥𑐣 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐫𑐸𑐣𑐶𑐫𑐣𑑄 𑐎𑑂𑐫𑐵𑐩𑑂𑐥𑐳𑐫𑑂 𑐧𑐷𑐊 𑐟𑐐𑐶𑐩𑐫𑑂 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑐣𑐶𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷 𑐩𑐡𑐫𑐵𑑅 𑐎𑐎𑑂𑐲𑐵 𑐳𑑄𑐔𑐵𑐮𑐣 𑐫𑐵𑐫𑐾 𑐩𑐦𑐫𑐵𑐔𑑂𑐰𑑄𑐐𑐸𑐮𑐶𑑄 𑐧𑑂𑐰𑑃𑐩𑐶𑐥𑐶𑑄 𑐀𑐥𑑂𑐰𑐫𑐾𑐎𑐾𑐟 𑐩𑐵𑐐 𑐫𑐵𑐳𑐾𑑄 𑐡𑐾𑐫𑑂 𑐡𑐧𑐹𑐫𑐵𑐟 𑐖𑑂𑐘𑐵𑐥𑐣 𑐥𑑁 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐡𑐾𑐫𑑂 𑐡𑐧𑐹𑐫𑐵 𑐣𑑂𑐴𑐹𑐐𑐸 𑐣𑐾𑐟𑐺𑐟𑑂𑐰𑐫𑐵 𑐎𑐵𑐬𑑂𑐫𑐎𑐵𑐮 𑐳𑐸𑐠𑐵𑑄 𑐮𑐵𑐫𑐾𑐩𑐵𑑅 𑐢𑐂𑐐𑐸 𑐎𑐵𑐩𑐣𑐵 𑐫𑐵𑐳𑐾𑑄 𑐣𑐵𑐫𑑅 𑐥𑐰𑐶𑐟𑑂𑐬 𑐰𑐖𑑂𑐬𑐵𑐔𑐵𑐬𑑂𑐫 𑐰 𑐩𑐶𑐳𑐵 𑐣𑑂𑐰𑐎𑐸 𑐬𑐱𑑂𑐩𑐶𑐮𑐵 𑐥𑑂𑐬𑐖𑐵𑐥𑐟𑐶𑐫𑐵𑐟 𑐨𑐶𑑄𑐟𑐸𑐣𑐵 𑐧𑐷𑐐𑐸 𑐗𑑂𑐰𑐮𑐫𑑂 𑐧𑐷𑐊 𑐟𑐐𑐶𑐩𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐧𑑂𑐰𑐣𑐶𑐥𑐶𑐣𑐶𑐐𑐸 𑐮𑑂𑐫𑐵𑑅 𑐀𑐥𑑂𑐰𑐫𑐾𑐎𑐾𑐟 𑐩𑐵𑐐 𑐫𑐵𑐳𑐾𑑄 […]

𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑃𑐩𑐶𑐥𑐶𑑄 𑐀𑐥𑑂𑐰𑐫𑐾𑐎𑐾𑐟 𑐡𑐾𑐫𑑂 ...


𑐫𑐾𑑃 – 𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑐫𑐵 𑐨𑐶𑑄m𑐣𑑂𑐴𑐫𑐎𑑂𑐰𑑅𑐐𑐸 𑐡𑑃𑐩𑐸𑑃𑐖𑑂𑐫𑐵 𑐰𑑄𑐐𑐸 𑐳𑐣𑐶𑐰𑐵𑑅 𑐠𑐣𑐫𑐵 𑐔𑐵𑐐𑐮𑐫𑑂 𑐔𑑂𑐰𑑄𑐐𑐸 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐂 𑐥𑐬𑐶𑐲𑐡𑑂𑐫𑐵 𑐣𑑂𑐰𑐎𑐹 𑐣𑐰𑐶𑐣 𑐔𑐶𑐟𑑂𑐬𑐎𑐵𑐬𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐸𑐮 𑑋 𑐡𑐸𑐖𑑅 𑐣𑐵𑐥𑑄 𑐎𑐰𑐶𑐫𑐟𑑂𑐬𑐷 𑐥𑑂𑐬𑐟𑐶𑐳𑐬𑐵 𑐳𑐵𑐫𑐩𑐶𑑄 𑐮𑐳𑐎𑐸𑐳 𑐫𑐵𑐣𑐵𑑅 𑐣𑑂𑐴𑑂𑐫𑐵𑑅𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐵𑐫𑑅 𑐥𑑂𑐬𑐵𑐢𑑂𑐫𑐵𑐥𑐎 𑐳𑐸𑐰𑐬𑑂𑐞 𑐱𑐵𑐎𑑂𑐫 𑐰 𑐁𑐖𑐷𑐰𑐣 𑐡𑐸𑐖𑑅 𑐳𑐵𑐴𑐶𑐟𑑂𑐫𑐎𑐵𑐬 𑐳𑑁𑐬𑐨 𑐱𑐵𑐎𑑂𑐫𑐥𑐶𑐣𑐶 𑐨𑐶𑑄𑐄𑐳𑐵𑑃𑐫𑐫𑐵 𑐎𑐵𑐩𑐣𑐵 𑐫𑐵𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐵𑐫𑑅 𑐳𑐸𑐰𑐬𑑂𑐞 𑐱𑐵𑐎𑑂𑐫𑑄 𑐕𑑂𑐰𑐫𑐵𑐴𑑅𑐐𑐸 𑐳𑐣𑑂𑐡𑐾𑐱 𑐧𑑂𑐰𑐣𑐵 𑐣𑑂𑐫𑑄𑐎𑐹𑐐𑐸 𑐏𑑅 𑑋 𑐮𑐶𑐳𑐾𑑄 𑐠𑐸𑐐𑐸𑐳𑐷 𑐩𑐡𑐸𑐥𑐶𑑄 𑐁𑐖𑐷𑐰𑐣 𑐡𑐸𑐖𑑅𑐥𑐶𑑄 𑐩𑑂𑐫𑐸𑐖𑐶𑐫𑐩 𑐳𑑄𑐫𑑀𑐖𑐎 𑐖𑐮𑐎𑐺𑐲𑑂𑐞 𑐱𑑂𑐬𑐾𑐲𑑂𑐛, 𑐨𑐵𑐲𑐵𑐳𑐾𑐰𑐶 𑐮𑐎𑑂𑐲𑑂𑐩𑐷𑐡𑐵𑐳 𑐩𑐵𑐣𑐣𑑂𑐢𑐬, 𑐳𑐵𑐴𑐸 𑐡𑑂𑐬𑐧𑑂𑐫𑐩𑐵𑐣𑐳𑐶𑑄 𑐟𑐸𑐮𑐵𑐢𑐬 𑐰 𑐎𑐰𑐶 𑐥𑐹𑐬𑑂𑐞 𑐧𑐿𑐡𑑂𑐫 𑐩𑐡𑐸𑐐𑐸 𑐡𑐸𑑅𑐏𑐫𑑂 𑐕𑐐𑐹 𑐩𑐶𑐣𑐾𑐚 𑐩𑑁𑐣𑐢𑐵𑐬𑐞 𑐫𑐵𑐳𑐾𑑄 𑐣𑐶𑐬𑑂𑐰𑐵𑐞 𑐎𑐵𑐩𑐣𑐵 𑐫𑐵𑑅𑐐𑐸 𑐏𑑅 𑑋 𑐡𑑃𑐩𑐸𑑃𑐖𑑂𑐫𑐵𑐫𑑂 𑐥𑐬𑐶𑐲𑐡𑑂𑐫𑐵 𑐕𑑂𑐫𑐵𑐘𑑂𑐖𑐾 𑐥𑐸𑐲𑑂𑐥𑐬𑐟𑑂𑐣 𑐟𑐸𑐮𑐵𑐢𑐬𑑄 𑐥𑑂𑐬𑐟𑐶𑐰𑐾𑐡𑐣 𑐰 𑐡𑐵𑑄𑐨𑐬𑐶𑑄 𑐩𑐫𑐖𑐸 𑐩𑑄𑐐𑐮𑐵 𑐎𑐵𑐬𑑄𑐖𑐶𑐟𑑄 𑐮𑑂𑐫𑐵𑑅𑐔𑐵𑑅 𑐥𑑂𑐬𑐟𑐶𑐰𑐾𑐡𑐣 𑐣𑑂𑐴𑑂𑐫𑐧𑑂𑐰𑐫𑐵𑐡𑐶𑐮 𑑋 𑐧𑐵𑐏𑑄𑐔𑑂𑐰𑐩𑐶 𑐧𑐶𑐩𑐮𑐥𑑂𑐬𑐨𑐵 𑐰𑐖𑑂𑐬𑐵𑐔𑐵𑐬𑑂𑐫𑑄 […]

𑐣𑐾𑐥𑐵𑐮𑐨𑐵𑐲𑐵 𑐥𑐬𑐶𑐲𑐡𑐫𑐵 𑑑𑑗 𑐎𑑂𑐰𑑅𑐐𑐸 ...



𑐄𑐡𑐾𑐣 𑐣𑑂𑐴𑐹𑐳𑐵𑐫𑑂𑐩𑐶𑐥𑐵𑐏𑐾𑑄 𑐢𑐬𑐵𑐣- 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐫𑐵 𑐣𑑂𑐴𑐹𑐩𑑂𑐴 𑐣𑐵𑐫𑑅 𑐎𑐠𑑄 𑐥𑐰𑐶𑐟𑑂𑐬 𑐰𑐖𑑂𑐬𑐵𑐔𑐵𑐬𑑂𑐫 𑐀𑐟𑑂𑐫𑐢𑐶𑐎 𑐧𑐴𑐸𑐩𑐟 𑐴𑐫𑐵𑑅 𑐣𑐶𑐬𑑂𑐰𑐵𑐔𑐶𑐟 𑐖𑐸𑐫𑐵𑐡𑐷𑐐𑐸 𑐡𑐸 𑑋 𑐩𑑂𑐴𑐷𑐐 𑐰𑐫𑑂𑐎𑑅𑐫𑐵 𑐥𑑂𑐬𑐟𑐶𑐳𑑂𑐥𑐬𑑂𑐢𑐵 𑐩𑐵𑐂𑐮𑐵𑐧𑐵𑐧𑐸 𑐡𑑂𑐫𑑅𑐮𑐵𑐮𑐶𑐳𑐾 𑐖𑐹𑐐𑐸 𑐏𑑅𑐳𑐵 𑐩𑑂𑐴𑐶𑐐𑑅 𑐳𑐸𑐠𑐫𑑂 𑐩𑐟𑐐𑐞𑐣𑐵𑐫𑐵 𑐮𑐶𑐔𑑂𑐰𑑅 𑐰𑑅𑐧𑐮𑐫𑑂 𑐰𑐖𑑂𑐬𑐵𑐔𑐵𑐬𑑂𑐫𑐫𑐵 𑐥𑐎𑑂𑐲𑐫𑑂 𑑓𑑑𑑓 𑐩𑐟 𑐰𑑅𑐐𑐸 𑐏𑑅𑐳𑐵 𑐰𑐫𑑂𑐎𑑅𑐫𑐵 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐶 𑐩𑐵𑐂𑐮𑐵𑐧𑐵𑐧𑐸 𑐡𑑂𑐫𑑅𑐮𑐵𑐫𑐵 𑐥𑐎𑑂𑐲𑐫𑑂 𑑖𑑗 𑐩𑐟 𑐰𑑅𑐐𑐸 𑐏𑑅𑑋 𑐩𑐟𑐡𑐵𑐣𑐫𑑂 𑐩𑐸𑐎𑑂𑐎𑑄 𑑓𑑘𑑖 𑐨𑑀𑐚 𑐎𑐸𑐟𑐸𑑄 𑐰𑑄𑐐𑐸 𑐏𑑅 𑑋 𑐠𑑂𑐰 𑐮𑑂𑐫𑐵𑐏𑑄 𑐰𑐖𑑂𑐬𑐵𑐔𑐵𑐬𑑂𑐫 𑐦𑐸𑐎𑑂𑐎 𑐳𑑂𑐰𑐫𑐵𑑄 𑐡𑐎𑐮𑐫𑑂 𑐀𑐥𑑂𑐰𑑅 𑐩𑐟 𑐎𑐫𑐵𑑅 𑐟𑑂𑐫𑐵𑑅𑐩𑑂𑐴 𑐄𑐩𑑂𑐩𑐾𑐡𑐰𑐵𑐬 𑐳𑐩𑐾𑐟 𑐖𑐸𑐫𑐵𑐡𑐷𑐐𑐸 𑐡𑐸 𑑋 𑐀𑐠𑐾 𑐴𑐾 𑐰𑐬𑐶𑐲𑑂𑐛 𑐄𑐥𑐵𑐢𑑂𑐫𑐎𑑂𑐲 𑐥𑐡𑐫𑑂 𑑒𑑓𑑕 𑐩𑐟 𑐎𑐫𑐵𑑅 𑐔𑐣𑑂𑐡𑑂𑐬𑐮𑐵𑐮 𑐬𑐵𑐖𑐨𑐞𑑂𑐜𑐵𑐬𑐷 𑐣𑐶𑐬𑑂𑐰𑐵𑐔𑐶𑐟 𑐖𑐸𑐫𑐵𑐡𑐷𑐐𑐸 𑐡𑐸𑐳𑐵 𑐰𑐫𑑂𑐎𑑅𑐫𑐵 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐶 𑐱𑑄𑐎𑐬𑐣𑐵𑐬𑐵𑐫𑐞 𑐱𑑂𑐬𑐾𑐲𑑂𑐛𑑄 𑑑𑑓𑑖 𑐩𑐟 𑐎𑐵𑑅𑐐𑐸 𑐡𑐸 𑑋 𑐩𑐶𑐳𑐵 𑐄𑐥𑐵𑐢𑑂𑐫𑐎𑑂𑐲𑐥𑐵𑐏𑐾 𑐬𑐱𑑂𑐩𑐶𑐮𑐵 𑐥𑑂𑐬𑐖𑐵𑐥𑐟𑐶 𑐀𑐥𑑂𑐰𑑅 𑐎𑐫𑐵𑑅 𑐰𑐶𑐖𑐫𑐷 𑐖𑐸𑐫𑐵𑐡𑐷𑐐𑐸 𑐡𑐸𑐳𑐵 𑐐𑐞𑑂𑐜𑐎𑐷 𑐄𑐥𑐵𑐢𑑂𑐫𑐎𑑂𑐲𑐫𑑂 𑐴𑐬𑐶𑐎𑐸𑐩𑐵𑐬 𑐱𑑂𑐬𑐾𑐲𑑂𑐛, 𑐮𑐸𑐩𑑂𑐧𑐶𑐣𑐷 […]

‘𑐟𑑅𑐩𑐸𑑃𑐖𑑂𑐫𑐵𑐫𑑂 𑐧𑐶𑐫𑐵𑐐𑐸 𑐦𑐸𑐎𑑂𑐎 𑐧𑐔𑑄 ...


𑐫𑐾𑑃 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳 – 𑐣𑐾𑐰𑐵: 𑐡𑐾𑐫𑑂 𑐡𑐧𑐹𑐫𑐵 𑐀𑐢𑑂𑐫𑐎𑑂𑐲𑐫𑑂 𑐥𑐰𑐶𑐟𑑂𑐬 𑐰𑐖𑑂𑐬𑐵𑐔𑐵𑐬𑑂𑐫 𑐟𑑂𑐫𑐵𑑅𑐐𑐸 𑐡𑐸 𑑋 𑐩𑑂𑐴𑐶𑐐𑑅 𑐧𑐴𑐣𑐷 𑐖𑐹𑐐𑐸 𑐩𑐟𑐡𑐵𑐣𑐫𑑂 𑐰𑐖𑑂𑐬𑐔𑐵𑐬𑑂𑐫𑐫𑐵𑐟 𑑓𑑑𑑓 𑐩𑐟 𑐰𑑅𑐐𑐸 𑐡𑐸𑐳𑐵 𑐰𑐫𑐎𑑅𑐫𑐵 𑐥𑑂𑐬𑐟𑐶𑐡𑑂𑐰𑐣𑑂𑐡𑐷 𑐩𑐵𑐂𑐮𑐵𑐧𑐵𑐧𑐸 𑐡𑑂𑐫𑑅𑐮𑐵𑐫𑐵𑐟 𑑗𑑓 𑐩𑐟 𑐰𑑅𑐐𑐸 𑐏𑑅 𑑋 𑐀𑐠𑐾𑐴𑐾 𑐰𑐬𑐬𑐲𑑂𑐛 𑐄𑐥𑐵𑐢𑑂𑐫𑐎𑑂𑐲𑐫𑑂 𑐔𑐣𑑂𑐡𑑂𑐬𑐮𑐵𑐮 𑐬𑐵𑐖𑐨𑐞𑑂𑐜𑐵𑐬𑐷 𑑒𑑓𑑕 𑐩𑐟 𑐴𑐫𑐵𑑅 𑐟𑑂𑐫𑐵𑑅𑐐𑐸 𑐡𑐸 𑑋 𑐰𑐫𑐎𑑅𑐫𑐵 𑐥𑑂𑐬𑐟𑐶𑐡𑑂𑐰𑐣𑑂𑐡𑐷 𑐱𑑄𑐎𑐬𑐮𑐵𑐮 𑐱𑑂𑐬𑐾𑐲𑑂𑐛𑐫𑐵𑐟 𑑑𑑓𑑖 𑐩𑐟 𑐰𑑅𑐐𑐸 𑐏𑑅 𑑋 𑐩𑐶𑐳𑐵 𑐄𑐥𑐵𑐢𑑂𑐫𑐎𑑂𑐲𑐫𑑂 𑐬𑐱𑑂𑐩𑐶𑐮𑐵 𑐥𑑂𑐬𑐖𑐵𑐥𑐟𑐶 𑐟𑑂𑐫𑐵𑑅𑐐𑐸 𑐡𑐸 𑑋 𑐰𑐫𑐎𑑅𑐫𑐵𑐟 𑑑𑑗𑑙 𑐩𑐟 𑐰𑑅𑐐𑐸 𑐏𑑅𑐳𑐵 𑐰𑐫𑐎𑑅𑐫𑐵 𑐣𑐶𑐎𑐟𑐩 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐷 𑐮𑐎𑑂𑐲𑑂𑐩𑐷 𑐱𑐵𑐎𑑂𑐫𑐫𑐵𑐟 𑑘𑑖 𑐩𑐟 𑐰𑑅𑐐𑐸 𑐏𑑅 𑑋

𑐡𑐾𑐫𑑂 𑐡𑐧𑐹𑐫𑐵 𑐀𑐢𑑂𑐫𑐎𑑂𑐲𑐫𑑂 𑐥𑐰𑐶𑐟𑑂𑐬 ...


𑐡𑑃𑐫𑑂𑐡𑐳𑑄 𑐖𑐸𑐫𑐵 𑐰𑐫𑐵𑐔𑑂𑐰𑑄𑐐𑐸 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐣𑐏𑑅𑐫𑐵 𑐥𑑂𑐫𑐎𑑂𑐰𑑅𑐐𑐸 𑐳𑑄𑐳𑑂𑐎𑐬𑐞 𑐎𑐶𑐥𑐸𑐮𑐷 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐐𑑂𑐰𑐵𑐴𑐵𑐮𑐶𑑄 𑐖𑐸𑐂𑐐𑐸 𑐠𑐸𑐐𑐸𑐳𑐷𑐫𑐵 𑐖𑑂𑐫𑐵𑐗𑑂𑐰𑑅 ‘𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵 𑐥𑑂𑐫𑐎𑑂𑐰𑑅𑐐𑐸 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐣𑐏𑑅’𑐫𑐵 𑐣𑐵𑐩𑑄 𑐖𑐸𑐂 𑑋 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫𑐫𑐵𑐟 𑐠𑐥𑐸 𑐫𑐵𑐫𑐾𑐐𑐸 𑐟𑐵𑑅 𑐟𑐫𑐵𑑅 𑐳𑐣𑑂𑐢𑑂𑐫𑐵 𑐚𑐵𑐂𑐩𑑂𑐳 𑐥𑐶𑐠𑐣𑐵 𑐥𑑂𑐬𑐵.𑐮𑐶𑐫𑐵 𑐥𑑂𑐬𑐎𑐵𑐱𑐣 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳 𑐣𑑂𑐴𑐶𑐥𑑁𑐥𑐵𑐏𑐾𑑄 𑐡𑑃𑐫𑑂𑐡𑐳𑑄 𑐣𑑂𑐫𑐵𑐫𑐾𑐎𑐵 𑐰𑐫𑐵𑐔𑑂𑐰𑑄𑐐𑐸 𑐳𑐵𑐴𑐶𑐟𑑂𑐫 𑐣𑐏𑑅 𑐠𑐸𑐐𑐸𑐳𑐷 𑐠𑑂𑐰 𑐴𑐾 𑐰𑐂𑐐𑐸 𑐣𑐾.𑐳𑑄. 𑑑𑑑𑑔𑑒 𑐔𑐶𑐮𑑂𑐮𑐵𑐠𑑂𑐰 𑑘 𑐰 𑑙 (𑐱𑐸𑐎𑑂𑐬𑐰𑐵𑑅 𑐰 𑐱𑐣𑐶𑐰𑐵𑑅) 𑐣𑐶𑐣𑑂𑐴𑐸𑐫𑑄𑐎𑑄 𑐖𑐸𑐂 𑑋 𑐠𑐸𑐐𑐸𑐳𑐷𑐫𑐵 𑐖𑑂𑐫𑐵𑐗𑑂𑐰𑑅 𑐄𑐮𑐾𑐖𑑂𑐫𑐵 𑐰 𑐳𑐦𑐹 𑐰𑐶𑐩𑑀𑐔𑐣, 𑐴𑐣𑐵𑐖𑑂𑐫𑐵𑐗𑑂𑐰𑑅, 𑐳𑐩𑑂𑐥𑐡𑐵 𑐨𑑂𑐬𑐩𑐞, 𑐀𑐣𑑂𑐟𑐎𑑂𑐬𑑂𑐬𑐶𑐫𑐵, 𑐬𑐔𑐣𑐵 𑐥𑐵𑐛 𑐰 𑐳𑐵𑑄𑐳𑑂𑐎𑐺𑐟𑐶𑐎 𑐖𑑂𑐫𑐵𑐗𑑂𑐰𑑅 𑐫𑐵𑐣𑐵𑑅 𑐠𑐷𑐠𑐷 𑐣𑑂𑐴𑐫𑑂𑐐𑐹 𑐳𑐾𑐳𑐣𑐫𑑂 𑐣𑑂𑐴𑑂𑐫𑐵𑐂 𑑋 𑐣𑑂𑐴𑐵𑐥𑐵𑑄𑐐𑐸 𑐳𑐾𑐳𑐣𑐫𑑂 𑐄𑐮𑐾𑐖𑑂𑐫𑐵 𑐰 𑐳𑐦𑐹 𑐰𑐶𑐩𑑀𑐔𑐣 𑐖𑐸𑐂 𑑋 𑐎𑐶𑐥𑐹 𑐣𑑂𑐫𑐵𑐩𑑂𑐴𑐳𑐶𑐩𑐵𑐫𑑂 𑐔𑑂𑐰𑑄𑐐𑐸 𑐣𑐾𑐥𑐵𑐮𑐨𑐵𑐲𑐵 𑐊𑐎𑐾𑐡𑐾𑐩𑐶𑐫𑐵 𑐴𑐮𑐫𑑂 𑐖𑐸𑐂𑐐𑐸 𑐄𑐮𑐾𑐖𑑂𑐫𑐵 […]

𑐰𑐂𑐐𑐸 𑐀𑐲𑑂𑐚𑐩𑐷 𑐰 𑐣𑐰𑐩𑐷𑐎𑐸𑐣𑑂𑐴𑐸 ...



𑐨𑑂𑐰𑐟 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐨𑑂𑐰𑐟𑐫𑑂 𑐣𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐧𑑂𑐰𑑄𑐎𑐾𑐐𑐸 𑐏𑑃𑐫𑐵𑐟 𑐎𑐫𑐵𑑅 𑐩𑑂𑐴𑐶𑐐𑑅 𑐨𑑂𑐰𑐟𑐫𑐵 𑐳𑑂𑐠𑐵𑐣𑐷𑐫 𑐨𑐵𑐲𑐶𑐎 𑐎𑐵𑐬𑑂𑐫𑐎𑐬𑑂𑐟𑐵 𑐰 𑐫𑐾𑑃𑐫𑐵 𑐨𑐵𑐲𑐶𑐎 𑐀𑐨𑐶𑐫𑐣𑑂𑐟𑐵𑐟𑐫𑑂 𑐡𑐠𑐸𑐂 𑐏𑑃𑐮𑑂𑐴𑐵𑐧𑐮𑑂𑐴𑐵 𑐖𑐸𑐮 𑑋 𑐨𑑂𑐰𑐟𑐫𑐵 𑐣𑐾𑐰𑐵𑑅 𑐐𑐸𑐠𑐶 𑐳𑐩𑐵𑐖𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐄𑐐𑐸 𑐏𑑃𑐮𑑂𑐴𑐵𑐧𑐮𑑂𑐴𑐵𑐫𑑂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑑂 𑐳𑑂𑐠𑐵𑐣𑐷𑐫 𑐰𑐶𑐲𑐫𑐫𑐵 𑐥𑐵𑐛𑑂𑐫𑐎𑑂𑐬𑐩 𑐡𑐫𑐾𑐎𑐵𑐡𑐷𑐥𑐶𑑄 𑐜𑐵. 𑐔𑐸𑐣𑑂𑐡𑐵 𑐰𑐖𑑂𑐬𑐵𑐔𑐵𑐬𑑂𑐫, 𑐰𑐬𑐸𑐞𑐥𑑂𑐬𑐳𑐵𑐡 𑐰𑐿𑐡𑑂𑐫𑐥𑐶𑑄𑐳𑑄 𑐣𑑄 𑐧𑑂𑐰𑐟𑐶 𑐎𑐫𑐵𑐡𑐷𑐐𑐸 𑐏𑑅 𑑋 𑐏𑑃𑐮𑑂𑐴𑐵𑐧𑐮𑑂𑐴𑐵𑐫𑑂 𑐖𑐵𑐣𑐎𑐵𑐬𑐷 𑐧𑐶𑐄 𑐎𑐠𑑄 𑐧𑐣𑐾𑐥𑐵 𑐣𑐐𑐬𑐥𑐵𑐮𑐶𑐎𑐵𑑄 𑐁𑑅 𑑑 𑐟𑐐𑐶𑑄𑐣𑐶𑐳𑐾𑑄 𑑓 𑐟𑐐𑐶𑑄 𑐟𑐎 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐧𑑂𑐰𑑄𑐎𑐾𑐐𑐸 𑐖𑐸𑐂 𑐢𑐎𑐵𑑅 𑐩𑑁𑐏𑐶𑐎 𑐳𑐴𑐩𑐟𑐶 𑐖𑐹𑐐𑐸 𑐡𑐸𑑋 𑐟𑐬 𑐄𑐎𑐶𑐫𑐵 𑐮𑐵𑐐𑐶𑑄 𑐥𑐵𑐛𑑂𑐫𑐎𑑂𑐬𑐩 𑐢𑐵𑑅𑐳𑐵 𑐟𑐫𑐵𑐬 𑐩𑐖𑐹𑐣𑐶 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐠𑑅𑐐𑐸 𑐧𑐶𑐔𑐵𑑅 𑐟𑐫𑐵𑐡𑐶𑐳𑐾𑑄 𑐜𑐵. 𑐔𑐸𑐣𑑂𑐡𑐵 𑐰𑐖𑑂𑐬𑐵𑐔𑐵𑐬𑑂𑐫𑑄 𑐧𑐣𑐾𑐥𑐵𑐫𑑂 𑑓 𑐟𑐐𑐶𑑄 𑐟𑐎 𑐖𑐎 𑐩𑐏𑐸, 𑑘 𑐟𑐐𑐶𑑄 𑐟𑐎 𑐴𑐾 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑐵𑐢𑑂𑐫𑐩𑑄 […]

𑐨𑑂𑐰𑐟𑐫𑑂 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐧𑐵𑐬𑐾 ...


𑐠𑐶𑐩𑐶- 𑐱𑐶𑐎𑑂𑐲𑐎, 𑐥𑑂𑐬𑐱𑐶𑐎𑑂𑐲𑐎𑐮𑐶𑐳𑐾𑑄 𑐳𑐵𑐴𑐶𑐟𑑂𑐫𑐎𑐵𑐬 𑐟𑐸𑐮𑑂𑐳𑐷𑐴𑐬𑐷 𑐥𑑂𑐬𑐖𑐵𑐥𑐟𑐶𑑄 𑐔𑑂𑐰𑐫𑐵𑐡𑐷𑐐𑐸 𑐳𑑂𑐰𑑄𑐐𑐹 𑐎𑐺𑐟𑐶 𑐩𑑄𑐎𑐵𑑅𑐎𑐠𑑄 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐡𑐸 𑑋 𑐳𑑂𑐬𑐲𑑂𑐚𑐵 𑐥𑑂𑐬𑐖𑐵𑐥𑐟𑐶𑑄 𑐔𑑂𑐰𑐫𑐵𑐡𑐷𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 ‘𑐳𑑂𑐰𑐣𑐶𑐐𑑅𑐫𑐵 𑐥𑐮𑐾𑐳𑑂𑐰𑐵𑑄’, 𑐏𑐫𑑂 𑐨𑐵𑐫𑑂𑐫𑐵 ‘𑐩𑐾𑐬𑑀 𑐥𑑂𑐫𑐵𑐬𑑀 𑐩𑐢𑑂𑐫𑐥𑐸𑐬 𑐠𑐶𑐩𑐶’ 𑐰 𑐀𑑄𑐐𑐾𑑂𑐬𑐖𑐷 𑑄 𑐔𑑂𑐰𑐫𑐵𑐡𑐷𑐐𑐸 ‘𑐀𑐣𑐧𑐶𑐚𑐾𑐧𑐮’ 𑐣𑐵𑑄𑐫𑐵 𑐳𑐦𑐹 𑐕𑐐𑐹 𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋 𑐔𑑂𑐰𑐩𑐶 𑐥𑑂𑐬𑐖𑐵𑐥𑐟𑐶𑐫𑐵 𑐀𑐧𑐸 𑐟𑐸𑐮𑑂𑐳𑐷𑐧𑐴𑐵𑐡𑐸𑐬 𑐥𑑂𑐬𑐖𑐵𑐥𑐟𑐶𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐫𑑂𑐎𑑅𑐮𑐶𑐳𑐾𑑄 𑐩𑐹𑐥𑐵𑐴𑐵𑑄 𑐩𑐢𑑂𑐫𑐥𑐸𑐬 𑐠𑐶𑐩𑐶 𑐣𑐐𑐬 𑐥𑑂𑐬𑐩𑐸𑐏 𑐩𑐡𑐣𑐳𑐸𑐣𑑂𑐡𑐬 𑐱𑑂𑐬𑐾𑐲𑑂𑐛, 𑐄𑐥𑐥𑑂𑐬𑐩𑐸𑐏 𑐀𑐘𑑂𑐖𑐣𑐵 𑐩𑐢𑐶𑐎𑑅𑐩𑐶𑑄 𑐩𑑄𑐎𑐵𑑅𑐎𑐠𑑄 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐳𑑂𑐰𑑄𑐐𑐸𑐮𑐶𑑄 𑐳𑐥𑐹m𑐫𑐵𑐟 𑐎𑐫𑐵𑑅 𑐱𑐶𑐎𑑂𑐲𑐵𑐳𑐾𑐰𑐷 𑐡𑐶𑐣𑐾𑐱 𑐔𑐵𑐥𑐵𑐐𑐵𑐂𑑃 𑐳𑐩𑐵𑐮𑑀𑐔𑐣𑐵 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐠𑐷𑐠𑐷 𑐰𑑂𑐫𑐎𑑂𑐟𑐶𑐟𑑂𑐰𑐥𑐶𑑄𑐳𑑄 𑐔𑑂𑐰𑐩𑐶 𑐰 𑐳𑐦𑐹𑐫𑐵𑐟 𑐎𑐫𑐵𑑅 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋

𑐳𑑂𑐬𑐲𑑂𑐚𑐵 𑐥𑑂𑐬𑐖𑐵𑐥𑐟𑐶𑐫𑐵 𑐳𑑂𑐰𑑄𑐐𑐹 𑐎𑐺𑐟𑐶𑐫𑐵 ...


𑐫𑐮 -𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵 𑐡𑐸𑐣𑐾𑐫𑐵 𑐳𑑂𑐎𑐸𑐮𑐫𑑂 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐣𑐶𑑄𑐟𑐶𑑄 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐟𑐫𑐵𑐬 𑐖𑐹𑐐𑐸 𑐡𑐸 𑑋 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐔𑐶𑐬𑐶𑐧𑐵𑐧𑐸 𑐩𑐴𑐬𑑂𑐖𑐣𑐫𑐵𑐟 𑐁𑐂𑐟𑐰𑐵𑑅 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐥𑐵𑐛𑑂𑐫𑐎𑑂𑐬𑐩 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐟𑐫𑐵𑐬𑐷 𑐎𑐩𑐶𑐚𑐷𑐫𑐵 𑐳𑑄𑐫𑑀𑐖𑐎 𑐰 𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐱𑐶𑐎𑑂𑐲𑐵𑐢𑐶𑐎𑐵𑐬𑐷 𑐩𑐴𑐾𑐣𑑂𑐡𑑂𑐬𑐧𑐴𑐵𑐡𑐸𑐬 𑐎𑑂𑐲𑐾𑐟𑑂𑐬𑐷 𑐰 𑐳𑐴–𑐳𑑄𑐫𑑀𑐖𑐎 𑐟𑐸𑐮𑐳𑐷𑐮𑐵𑐮 𑐳𑐶𑑄𑐴𑑄 𑐥𑐵𑐛𑑂𑐫𑐎𑑂𑐬𑐩 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋 𑐥𑐵𑐛𑐫𑑂𑐎𑑂𑐬𑐩 𑐮𑑅𑐮𑑂𑐴𑐵𑐣𑐵 𑐎𑐫𑐵𑐡𑐶𑐳𑐾𑑄 𑐩𑐾𑐫𑐬 𑐩𑐴𑐬𑑂𑐖𑐣𑑄 𑐰𑐂𑐐𑐸 𑐱𑐿𑐎𑑂𑐲𑐶𑐎 𑐳𑐟𑑂𑐬𑐫𑑂 𑐴𑐾 𑐣𑐾𑐥𑐵𑐮𑐨𑐵𑐲𑐵 𑐧𑑂𑐰𑑄𑐎𑐾𑐐𑐸 𑐥𑑂𑐬𑐟𑐶𑐧𑐡𑑂𑐢𑐟𑐵 𑐥𑑂𑐰𑑄𑐎𑐵𑐡𑐶𑐳𑐾𑑄 𑐢𑐫𑐵𑐡𑐶𑐮, ‘𑐣𑑂𑐴𑐹𑐐𑐸 𑐱𑐿𑐎𑑂𑐲𑐶𑐎 𑐳𑐟𑑂𑐬 𑐳𑐸𑐬𑐸 𑐖𑐸𑐂𑐟 𑐫𑐎𑑂𑐰 𑐃 𑐩𑐡𑐫𑐾𑐢𑐸𑑄𑐎𑐮 𑑋 𑐥𑐵𑐛𑑂𑐫𑐥𑐸𑐳𑑂𑐟𑐎 𑐥𑐶𑐠𑐣𑐾𑐐𑐸, 𑐖𑐣𑐱𑐎𑑂𑐟𑐶 𑐟𑐫𑐵𑐬 𑐫𑐵𑐫𑐾𑐐𑐸 𑐖𑑂𑐫𑐵 𑐮𑐶𑐳𑐾𑑄 𑐩𑐾𑐩𑐾𑐐𑐸 𑐖𑑂𑐫𑐵 𑐫𑐎𑑂𑐰 𑐮𑑂𑐫𑑄 𑐡𑐣𑐶, 𑐀𑐠𑐾 𑐏𑑅𑐳𑐵𑑄 𑐰𑐂𑐐𑐸 𑐱𑐿𑐎𑑂𑐲𑐶𑐎 𑐳𑐟𑑂𑐬𑐫𑑂 𑐴𑐾 𑐮𑐵𑐐𑐹 𑐫𑐵𑐫𑐾𑐐𑐸 𑐎𑐠𑑄 𑐣𑑂𑐴𑑂𑐫𑐵𑑅 𑐰𑐣𑐾𑐐𑐸 𑐖𑐸𑐂 𑑋’ 𑐰𑐫𑑂𑐎𑐮𑑄 𑐥𑐵𑐛𑑂𑐫𑐥𑐸𑐳𑑂𑐟𑐎 𑐥𑐶𑐎𑐵𑐫𑐾𑐟, 𑐧𑑂𑐰𑑄𑐎𑐷𑐥𑐶𑑄 𑐣𑑂𑐴𑐹𑐥𑐶𑑄 𑐖𑐣𑐱𑐎𑑂𑐟𑐶 […]

𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑑂 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 ...