𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐁𑐲𑐵𑐝 𑑑, 𑐁𑐂𑐟𑐧𑐵𑐬 𑑑𑑗:𑑐𑑕:𑑒𑑕

𑐥𑐷𑐐𑐸𑐡𑑃 𑐣𑑂𑐴𑑂𑐫𑑅 𑐣𑐾𑐥𑐵𑐮𑐨𑐵𑐲𑐵𑑄 𑐥𑐶𑐡𑑄𑐐𑐸 𑐴𑐶𑐟𑐎𑐬 𑐰𑐷𑐬 𑐳𑐶𑑄𑐴 𑐎𑑄𑐳𑐵𑐎𑐵𑐬𑐫𑐵 𑐧𑐵𑐏𑑄 𑐳𑐦𑐹 ‘𑐩𑐶𑐖𑐮𑐵’ 𑐀𑑄𑐐𑑂𑐬𑐾𑐖𑐷 𑐨𑐵𑐳𑑄 𑐨𑐵𑐫𑑂 𑐴𑐶𑐮𑐵𑑅 𑐱𑐣𑐶𑐰𑐵𑑅 𑐫𑐾𑑃𑐫𑑂 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐡𑐸 𑑋

𑐣𑐾𑐰𑐵𑑅 𑐀𑐩𑐾𑐬𑐶𑐎𑐣 𑐡𑐧𑐹 𑐱𑐶𑐎𑐵𑐐𑑀, 𑐀𑐩𑐾𑐬𑐶𑐎𑐵𑐫𑐵 𑐐𑑂𑐰𑐳𑐵𑐮𑐫𑑂 𑐔𑑂𑐰𑐳𑐵𑐥𑐵𑐳𑐵𑐫𑐵 𑐣𑐵𑐫𑑅 𑐐𑐖𑐮𑐎𑐵𑐬 𑐨𑐹𑐲𑐞𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛𑐫𑐵 𑐣𑐵𑐫𑑅𑐳𑐸𑐂 𑐱𑐱𑐷𑐎𑐮𑐵 𑐩𑐵𑐣𑐣𑑂𑐢𑐬𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐄𑐐𑐸 𑐩𑐸𑑃𑐖𑑂𑐫𑐵𑐫𑑂 𑐥𑐵𑐴𑐵𑑃 𑐎𑐠𑑄 𑐨𑐵𑐫𑑂 𑐴𑐶𑐮𑐵𑐡𑐷𑐩𑑂𑐴 𑐥𑑂𑐬𑐵.𑐜𑐵. 𑐟𑐾𑐖𑐬𑐟𑑂𑐣 𑐎𑑄𑐳𑐵𑐎𑐵𑐬 𑐰 𑐜𑐵. 𑐳𑐸𑐣𑑂𑐡𑐬𑐎𑐺𑐲𑑂𑐞 𑐖𑑀𑐱𑐷𑐥𑐶𑐳𑑄 𑐩𑑄𑐎𑐵𑑅 𑐎𑐠 𑐔𑐶𑐏𑐶𑐦𑑂𑐫𑐣𑐵𑐡𑐷𑐐𑐸 𑐏𑑅 𑑋

𑐣𑑂𑐰𑐔𑐹 𑐟𑐫𑐾𑐐𑐸 𑐗𑑂𑐰𑐮𑐫𑑂 𑐥𑑂𑐬𑐵.𑐜𑐵. 𑐎𑑄𑐳𑐵𑐎𑐵𑐬𑑄 𑐣𑐾𑐰𑐵𑑅 𑐏𑑂𑐫𑐮𑐫𑑂 𑐮𑑀𑐎𑑄𑐴𑑂𑐰𑐵𑑅𑐐𑐸 ‘𑐩𑐶𑐖𑐮𑐵’ 𑐨𑐵𑐫𑑂 𑐴𑐶𑐮𑐵𑑅 𑐥𑐶𑐡𑐣𑐾 𑐢𑐸𑑄𑐎𑐵𑑅 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐏𑑂𑐫𑐮𑐫𑑂 𑐣𑑄 𑐀𑐟𑐶𑐎𑑄 𑐮𑑀𑐎𑑄𑐴𑑂𑐰𑐵𑐂𑐐𑐸 𑐏𑑃𑐫𑑂 𑐰𑐶𑐱𑑂𑐰𑐵𑐳 𑐥𑑂𑐰𑑄𑐎𑐵𑐡𑐶𑐳𑐾𑑄 𑐕𑐳𑐷𑐎𑐠𑑄 𑐩𑐾𑐩𑐾𑐐𑐸 𑐳𑐦𑐹𑐟 𑐣𑑄 𑐨𑐵𑐫𑑂 𑐴𑐶𑐮𑐵𑐧𑐶𑐂𑐐𑐸 𑐧𑐔𑑄 𑐥𑑂𑐰𑑄𑐎𑐵𑐡𑐷𑐐𑐸 𑐡𑐸 𑑋
𑐀𑐠𑐾𑐴𑐾 𑐜𑐵. 𑐖𑑀𑐱𑐷 𑐰 𑐩𑐸𑑃𑐖𑑂𑐫𑐵 𑐣𑐵𑐫𑑅 𑐱𑑂𑐬𑐾𑐲𑑂𑐛𑑄 𑐳𑐦𑐹𑐫𑐵 𑐧𑐵𑐬𑐾 𑐩𑐐𑐵𑑅𑐩𑐔𑐵𑑅𑐐𑐸 𑐎𑐸𑐮𑐵𑐡𑐷𑐐𑐸 𑐏𑑅 𑑋

𑐣𑐾𑐰𑐵𑑅 𑐀𑐩𑐾𑐬𑐶𑐎𑐣 𑐡𑐧𑐹𑐫𑐵 𑐣𑐵𑐫𑑅 𑐄𑐡𑐫 𑐩𑐴𑐬𑑂𑐖𑐣𑑄 𑐨𑑂𑐰𑐵𑐂𑐳 𑐩𑑂𑐫𑐵𑐳𑐾𑐖 𑐥𑐵𑐏𑐾𑑄 𑐮𑐳𑐎𑐸𑐳 𑐣𑑂𑐰𑐔𑐹 𑐟𑐫𑐵𑐡𑐷𑐐𑐸 𑐏𑑅 𑑋 𑐀𑐠𑐾𑐴𑐾 𑐱𑐶𑐎𑐵𑐐𑑀, 𑐀𑐩𑐾𑐬𑐶𑐩𑐵𑐫𑐵 𑐎𑐾𑐱𑐬𑐩𑐵𑐣 𑐟𑐵𑐩𑑂𑐬𑐵𑐎𑐵𑐬𑑄 𑐣𑑄 𑐨𑑂𑐰𑐵𑐂𑐳 𑐩𑑂𑐫𑐵𑐳𑐾𑐖 𑐥𑐵𑐏𑐾𑑄 𑐴𑐾 𑐨𑐶𑑄𑐟𑐸𑐣𑐵 𑐣𑑂𑐰𑐔𑐹 𑐟𑐫𑐵𑐡𑐷𑐐𑐸 𑐏𑑅 𑑋

𑐧𑐸𑐏𑑃– 𑐣𑐾𑐰𑐵𑑅 𑐳𑐹𑐔𑐣𑐵 𑐎𑐾𑐣𑑂𑐡𑑂𑐬 / 𑐎𑐶𑐥𑐵𑑅 – 𑐬𑐵𑐖𑐾𑐣𑑂𑐡𑑂𑐬 𑐬𑐘𑑂𑐖𑐶𑐟