𑐩𑐵𑐥𑐡𑐞𑑂𑐜 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐎𑐵𑑅𑐐𑐸 𑐱𑐸𑐮𑑂𑐎 𑐣𑐶𑐖𑐷 𑐰𑐶𑐡𑑂𑐫𑐵𑐮𑐫𑐵𑐟 𑐎𑐵𑐬𑐧𑐵𑐴𑐷 𑐫𑐵𑐂𑐐𑐸

𑐫𑐾𑑃, 𑐱𑐶𑐎𑑂𑐲𑐵, 𑐰𑐶𑐖𑑂𑐘𑐵𑐣 𑐮𑐶𑐳𑐾𑑄 𑐥𑑂𑐬𑐰𑐶𑐢𑐶 𑐩𑐣𑑂𑐟𑑂𑐬𑐵𑐮𑐫𑑄 𑐩𑐵𑐥𑐡𑐞𑑂𑐜 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐱𑐸𑐮𑑂𑐎 𑐎𑐫𑐵𑐔𑑂𑐰𑑄𑐐𑐸 𑐣𑐶𑐖𑐷 𑐰𑐶𑐡𑑂𑐫𑐵𑐮𑐫𑑄 𑐱𑐸𑐮𑑂𑐎 𑐮𑐶𑐟 𑐧𑐶𑐂𑐐𑐸 𑐏𑑃 𑐩𑐣𑑂𑐫𑑄𑐐𑐸 𑐮𑐸𑐫𑐵𑐰𑑅𑐳𑐵 𑐎𑐵𑐣𑐸𑐣𑐎𑐠𑑄 𑐎𑐵𑐬𑐧𑐵𑐴𑐷 𑐫𑐵𑐫𑐾𑐟 𑐐𑐺𑐴 𑐥𑑂𑐬𑐱𑐵𑐳𑐣 𑐰 𑐳𑑂𑐠𑐵𑐣𑐷𑐫 𑐟𑐴𑐫𑐵𑐟 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋

𑐕𑐸𑑄𑐕𑐸𑑄 𑐳𑑄𑐳𑑂𑐠𑐵𑐐𑐟 𑐰𑐶𑐡𑑂𑐫𑐵𑐮𑐫𑐟𑐫𑑂𑐳𑑄 𑐔𑐮𑐾𑐖𑐹𑐐𑐸 𑐎𑐵𑐣𑐸𑐣 𑐰 𑐳𑐩𑑂𑐩𑐵𑐣𑐶𑐟 𑐳𑐬𑑂𑐰𑑀𑐔𑑂𑐔 𑐀𑐡𑐵𑐮𑐟𑐫𑐵 𑐁𑐡𑐾𑐱𑐫𑐵 𑐀𑑅𑐏𑑅 𑐖𑐸𑐂𑐎𑐠𑑄 𑐱𑐿𑐎𑑂𑐲𑐶𑐎𑐳𑐟𑑂𑐬 𑐣𑑂𑐴𑑂𑐫𑐵𑐫𑐾 𑐣𑑂𑐴𑑂𑐫𑑅 𑐴𑐾 𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵 𑐫𑐵𑐫𑐾𑐐𑐸 𑐰 𑐳𑑂𑐰𑐷𑐎𑐺𑐟 𑐩𑐵𑐥𑐡𑐞𑑂𑐜𑐳𑑂𑐰𑐫𑐵𑑄 𑐀𑐥𑑂𑐰𑑅 𑐱𑐸𑐮𑑂𑐎 𑐎𑐫𑐵𑐔𑑂𑐰𑑄𑐐𑐸 𑐖𑑂𑐫𑐵 𑐨𑐶𑑄𑐎𑐾𑐟 𑐠𑑂𑐰 𑐴𑐾 𑐔𑐿𑐟 𑑒𑑒 𑐐𑐟𑐾 𑐣𑐶𑐬𑑂𑐡𑐾𑐱𑐣 𑐧𑑂𑐫𑐹𑐐𑐸 𑐏𑑅 𑑋

𑐕𑐸𑑄𑐕𑐸𑑄𑑄 𑐳𑑄𑐳𑑂𑐠𑐵𑐐𑐟 𑐰𑐶𑐡𑑂𑐫𑐵𑐮𑐫𑑄 𑐀𑐗 𑐣𑑄 𑐎𑐵𑐣𑐸𑐣𑐫𑐵 𑐀𑑅𑐏𑑅 𑐱𑐸𑐮𑑂𑐎 𑐎𑐵𑐫𑐾𑐐𑐸 𑐖𑑂𑐫𑐵 𑐩𑐡𑑂𑐡𑐶𑐎 𑐫𑐵𑐣𑐵𑐔𑑂𑐰𑑄𑐐𑐸 𑐐𑐸𑐣𑐵𑐳𑑀 𑐰𑑅𑐐𑐸 𑐳𑐣𑑂𑐡𑐬𑑂𑐨𑐫𑑂 𑐱𑐶𑐎𑑂𑐲𑐵 𑐋𑐣 𑑙𑐳𑑄𑐱𑑀𑐢𑐣 𑐳𑐴𑐶𑐟𑑐, 𑑒𑑐𑑒𑑘 𑐫𑐵 𑐡𑐦𑐵𑑑𑑖𑑖 𑑙𑑖𑑐 𑐎𑐠𑑄 𑐐𑐿𑐬𑐎𑐵𑐣𑐸𑐣𑐷 𑐎𑐠𑑄 𑐳𑐒𑑂𑐎𑐮𑐣 𑐫𑐵𑑅𑐐𑐸 𑐱𑐸𑐮𑑂𑐎 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐮𑐶𑐟 𑐧𑐶𑐂𑐟 𑐳𑐩𑑂𑐧𑐣𑑂𑐢𑐶𑐟 𑐦𑐸𑐎𑑂𑐎𑐳𑐶𑐟 𑐩𑐣𑑂𑐟𑑂𑐬𑐵𑐮𑐫𑑄 𑐥𑐸𑐣𑑅𑐣𑐶𑐬𑑂𑐡𑐾𑐱𑐣 𑐧𑑂𑐫𑐹𑐐𑐸 𑐏𑑅 𑑋 “𑐕𑐸𑑄 𑐣𑑄 𑐰𑐶𑐡𑑂𑐫𑐵𑐮𑐫𑑄 𑐠𑑂𑐰 𑐣𑐶𑐬𑑂𑐡𑐾𑐱𑐣𑐳𑑂𑐰𑐫𑐵𑑄 𑐩𑐾𑐎𑐠𑑄 𑐫𑐵𑑅𑐐𑐸 𑐮𑐸𑐫𑐵𑐰𑐮 𑐢𑐵𑑅𑐳𑐵 𑐄𑐐𑐸 𑐴𑐾 𑐋𑐣𑐫𑐵 𑐡𑐦𑐵 𑑑𑑖𑑖 𑑙𑑗𑑐 𑐫𑐵 𑐥𑑂𑐬𑐵𑐰𑐢𑐵𑐣 𑐮𑐶𑐳𑐾𑑄 𑐩𑐾𑐩𑐾𑐐𑐸 𑐔𑐮𑐾𑐖𑐹𑐐𑐸 𑐎𑐵𑐣𑐸𑐣 𑐎𑐠𑑄 𑐠𑐥 𑐎𑐵𑐬𑐧𑐵𑐴𑐷𑐫𑐵 𑐥𑑂𑐬𑐎𑑂𑐬𑐶𑐫𑐵 𑐣𑑂𑐴𑑂𑐫𑐵𑐎𑐾𑐩𑐵𑑅𑐐𑐸 𑐀𑐰𑐳𑑂𑐠𑐵 𑐡𑑅𑐳𑐵 𑐐𑐺𑐴 𑐩𑐣𑑂𑐟𑑂𑐬𑐵𑐮𑐫, 𑐳𑐩𑑂𑐧𑐣𑑂𑐢𑐶𑐟 𑐖𑐶𑐮𑑂𑐮𑐵 𑐥𑑂𑐬𑐱𑐵𑐳𑐣 𑐖𑑂𑐫𑐵𑐎𑐸𑐠𑐶𑐟 𑐰 𑐳𑑂𑐠𑐵𑐣𑐷𑐫 𑐟𑐴𑐟𑐥𑐵𑐏𑐾𑑄 𑐁𑐰𑐱𑑂𑐫𑐎 𑐳𑐩𑐣𑑂𑐰𑐫 𑐫𑐵𑐫𑐾𑐟 𑐂𑐣𑐵𑐥 𑐫𑐵𑐣𑐵𑐔𑑂𑐰𑐣𑐵𑐐𑐸 𑐡𑐸,” 𑐱𑐶𑐎𑑂𑐲𑐵 𑐩𑐣𑑂𑐟𑑂𑐬𑐵𑐮𑐫𑐫𑐵 𑐥𑑂𑐬𑐰𑐎𑑂𑐟𑐵 𑐱𑐶𑐰𑐎𑐸𑐩𑐵𑐬 𑐳𑐵𑐥𑐎𑑀𑐚𑐵𑑄 𑐥𑐶𑐟𑐧𑑂𑐰𑑅𑐐𑐸 𑐳𑐸𑐔𑐣𑐫𑑂 𑐢𑐫𑐵𑐟𑑅𑐐𑐸 𑐏𑑅 𑑋

𑐩𑐣𑑂𑐟𑑂𑐬𑐵𑐮𑐫𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐐𑐸 𑐱𑐸𑐮𑑂𑐎𑐳𑐩𑑂𑐧𑐣𑑂𑐢𑐷 𑐳𑐶𑐦𑐵𑐬𑐶𑐳 𑐮𑐶𑐳𑐾𑑄 𑐐𑐸𑐣𑐵𑐳𑑀𑐫𑐵 𑐬𑐶𑐥𑑀𑐬𑑂𑐚𑐶𑐒 𑐰 𑐳𑐴𑐖𑐷𑐎𑐬𑐞 𑐥𑑂𑐬𑐫𑑀𑐖𑐣𑐫𑐵 𑐣𑐶𑑄𑐟𑐶𑑄 𑐱𑐶𑐎𑑂𑐲𑐵 𑐮𑐶𑐳𑐾𑑄 𑐩𑐵𑐣𑐰 𑐳𑑂𑐬𑑀𑐟 𑐰𑐶𑐎𑐵𑐳 𑐎𑐾𑐣𑑂𑐡𑑂𑐬𑐫𑑂 𑐳𑐴𑐵𑐫𑐟𑐵 𑐎𑐎𑑂𑐲 𑐳𑑂𑐠𑐵𑐥𑐣𑐵 𑐫𑐵𑑅𑐐𑐸 𑐣𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐏𑑅 𑑋