𑐬𑐵𑐩𑐥𑐸𑐬 𑐕𑐐𑐹 𑐔𑐶𑐎𑐶𑐔𑐵𑐢𑑄𑐐𑐸 𑐐𑐵𑑄 𑐏𑑅 𑑋 𑐀𑐣 𑐳𑑀𑐣𑐸 𑐠𑑅 𑐩𑐵𑑄𑐮𑐶𑐳𑐾 𑐔𑑂𑐰𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐳𑑀𑐣𑐸𑐫𑐵 𑐀𑐧𑐸 𑐰 𑐩𑐔𑐵𑐧𑐮𑐫𑑂 𑐴𑐾 𑐳𑐷 𑐢𑐸𑑄𑐎𑐮 𑑋 𑐀𑐠𑐾 𑐖𑐸𑐫𑐵𑑅 𑐂𑐩𑐶 𑐟𑐳𑐎𑑄 𑐠𑐵𑐎𑐸𑐎 𑐩𑑂𑐰𑐵𑐫𑐾 𑐩𑐵𑐮𑐵𑐔𑑂𑐰𑑄𑐐𑐸 𑐡𑐸 𑑋 𑐰𑐫𑐵 𑐥𑐵𑐳𑐵𑐥𑐶𑐣𑐶 𑐤𑐹𑐐𑐸 𑐰𑐳𑑅 𑐥𑐸𑐣𑐵𑐰𑐂𑐧𑐮𑐫𑑂 𑐳𑐵𑑅𑐳𑐵𑑅𑐐𑐸 𑐣𑐫𑐾𑐐𑐸 𑐖𑑂𑐰𑐣𑐵𑐰𑐂𑐧𑐮𑐫𑑂 𑐰𑐫𑐵 𑐣𑐸𑐐𑑅 𑐩𑐕𑐶𑐣𑐷 𑑋 𑐰𑑄 𑐕𑐾“𑐫𑑂 𑐰𑐣𑐵𑑅 𑐠𑑅 𑐩𑐵𑑄𑐮𑐶𑐳𑐾 𑐠𑑅𑐟 𑐣𑑄 𑐀𑐖𑑂𑐫𑐵𑑅𑐐𑐸 𑐩𑐵𑐮 𑐢𑐎𑐵𑑅 𑐗𑐐𑐬𑐵 𑐫𑐵𑑅𑐰𑐣𑐷 𑑋

𑐕𑐤𑐸 𑐀𑐠𑐾 𑐴𑐾 𑐗𑐐𑐬𑐵 𑐫𑐵𑑅𑐰𑑄𑐧𑐮𑐫𑑂 𑐰𑐫𑐵 𑐩𑐵𑑄 ‘𑐖𑐶𑑄 𑐐𑐣 𑐎𑐫𑐵 𑐴𑐫𑐾’ 𑐢𑐎𑐵𑑅 𑐴𑑂𑐰𑐵“𑐫𑑂𑐴𑑂𑐰𑐵“𑐫𑑂 𑐏𑑂𑐰𑐮 𑑋 𑐰𑑄 𑐣𑑂𑐫𑐣, “𑐩𑐵𑑄 𑐗𑐷𑐎𑐾 𑐢𑑂𑐫𑐧𑐵 𑐕𑐵𑐫𑑂 𑐩𑐡𑐸𑐐𑐸 ?” 𑐩𑐵𑐩𑑄 𑐢𑐵𑐮, “𑐨𑐐𑐰𑐵𑐣𑑄 𑐧𑐶𑐄𑐐𑐸 𑐏𑑅𑐳𑐵 𑐥𑐎𑑂𑐎𑐵 𑐣𑑄 𑐡𑐂 𑑋” 𑐰𑑄 𑐣𑑂𑐫𑐣, “𑐨𑐐𑐰𑐵𑐣 𑐐𑐣 𑐡𑐸 𑐮𑐾 ?” 𑐩𑐵𑐩𑑄 𑐰𑐫𑐵𑐐𑐸 𑐕𑑂𑐫𑐣𑐫𑑂 𑐥𑐶𑐟𑑂𑐟𑐸𑐥𑐷𑐎𑐵𑑅 𑐢𑐵𑐮, “𑐖𑐶 𑐏𑐣𑐵𑐐𑐸 𑐮𑐵 𑐩𑐡𑐸, 𑐟𑐬 𑐣𑑂𑐫𑐣𑐵𑐐𑐸 𑐡𑐸, 𑐰𑐫𑐵𑐟 𑐩𑐵𑐮𑐾 𑐟𑐳𑐎𑑄 𑐴𑐾 𑐠𑐵𑐎𑐸 𑑋”

𑐳𑑀𑐣𑐸𑑄 𑐢𑐵𑐮, “𑐩𑐏𑐸 𑐩𑐵𑑄, 𑐖𑐶 𑐎𑐤𑐫𑑂 𑐴𑐾 𑐰𑐫𑐵𑐟 𑐩𑐵𑐮𑐾𑐟 𑐥𑐶𑐴𑐵𑑄 𑐰𑐣𑐾𑐐𑐸 𑐖𑐸𑐮 𑑋” 𑐩𑐵𑑄𑐪 ‘𑐖𑑂𑐫𑐹’ 𑐢𑐫𑐵𑑅 𑐳𑐸𑐩𑑂𑐎 𑐡𑑂𑐫𑐣𑐵𑐕𑑂𑐰𑐟 𑑋 𑐎𑐤𑐫𑑂𑐎𑐸𑐤𑐸 𑐳𑐸𑐠𑐫𑑂 𑐩𑐵𑑄𑐪 𑐡𑐣𑐵𑐰𑑅𑐧𑐮𑐫𑑂 𑐳𑑀𑐣𑐸 𑐥𑐶𑐴𑐵𑑄 𑐰𑐣𑐾𑐟 𑐟𑐫𑐵𑐬 𑐖𑐸𑐫𑐵𑐔𑑂𑐰𑐣𑐾 𑐢𑐸𑑄𑐎𑐮 𑑋 𑐠𑑂𑐰 𑐏𑐣𑐵𑑅 𑐰𑐫𑐵 𑐩𑐵𑐩𑑄 𑐰𑐫𑐵𑐟 𑐮“𑐫𑑂 𑐣𑐫𑐾𑐐𑐸 𑐥𑑂𑐰𑑅𑐔𑐶𑐎𑐵𑐧𑐶𑐮 𑐀𑐮𑐾 𑐣𑐸𑐐𑑅 𑐗𑑂𑐫𑐵𑐟𑐸𑐎𑐵𑑅 𑐧𑐶𑐡𑐵 𑐧𑐶𑐮 𑑋 𑐳𑑀𑐣𑐸 𑐨𑐐𑐰𑐵𑐣𑐫𑐵 𑐣𑐵𑑄 𑐎𑐫𑐵𑑅 𑐫𑐵𑐟𑑂𑐬𑐵𑐫𑐵 𑐣𑐶𑐟𑐶𑑄 𑐥𑐶𑐴𑐵𑑄 𑐰𑐣𑐵𑐕𑑂𑐰𑐟 𑑋

𑐰 𑐕𑐐𑐹 𑐀𑐖𑑂𑐫𑐵𑑅𑐐𑐸 𑐠𑐵𑐳𑐫𑑂 𑐠𑑂𑐫𑑄𑐎𑑅 𑐰𑐣 𑐐𑐣 𑐡𑐎𑑂𑐰𑑄 𑐩𑐣𑐹𑐟 𑐖𑐵𑐣𑐵𑑅 𑐟𑐸𑑄 𑐕𑐐𑑅 𑐡𑐫𑐾𑐎𑐾𑐟 𑐳𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐰𑑄 𑐟𑐷𑐖𑐎 𑐰𑐣𑐵𑑅 𑐂𑐩𑐶𑐎𑐾 𑐣𑑂𑐫𑐣, “𑐨𑐐𑐰𑐵𑐣, 𑐐𑐣 𑐣𑐵𑐥𑐮𑐵𑐂 ?” 𑐂𑐩𑐶𑐳𑑄 𑐰𑐫𑐵𑐟 𑐣𑐵𑐐𑑅𑐟𑐸𑐐𑑅 𑐫𑐵𑐣𑐵𑑅 𑐢𑐵𑐮, “𑐨𑐐𑐰𑐵𑐣 𑐢𑐫𑐵𑐪 𑐣𑑄 𑐩𑐵𑐮𑐾𑐰𑑄 𑐮𑐸𑐂 𑐮𑐵𑐎𑐶 𑐕𑐸 ?”𑐳𑑀𑐣𑐸 𑐣𑐣𑐶𑐩𑐰𑐵𑐳𑐾 𑐳𑐸𑐩𑑂𑐎 𑐡𑐣𑐵𑐔𑑂𑐰𑐣 𑑋 𑐂𑐩𑐶𑐳𑑄 𑐰𑐫𑐵𑐟 𑐢𑐵𑐮, “𑐕𑑄 𑐨𑐐𑐰𑐵𑐣𑐫𑐵𑐟 𑐐𑐣𑑄 𑐣𑐵𑐥𑐮𑐵𑐟 𑐢𑐵𑑅𑐳𑐵 𑐕𑐎𑑂𑐰𑑅 𑐣𑑂𑐫𑐣𑐵𑐧𑐶𑐄 𑐬𑐾, 𑐠𑑂𑐰 𑐟𑐸𑑄𑐠𑐶𑐂 𑐮𑑅 𑐰𑐂 𑐮𑐵𑐎𑐶 𑐰𑐂𑐩𑐏𑐸 ?”

𑐰 𑐀𑐣𑑄 𑐨𑐔𑐵 𑐄𑐏𑐾𑐬 𑐠𑑂𑐫𑐣𑐾𑐰𑑄 𑐮“𑐫𑑂 𑐀𑐖𑐶𑑄𑐐𑐬 𑐕𑐪 𑐏𑐣 𑑋 𑐰𑐫𑐵𑐟 𑐴𑐵𑐔𑐵𑑄 𑐐𑐵𑐫𑐵𑑅 𑐰𑐣𑐾𑐦𑐂 𑐠𑐾𑑄 𑐩𑐔𑑂𑐰𑐣 𑑋 𑐰𑑄 𑐀𑐖𑐶𑑄𑐐𑐬𑐫𑐵𑐟 𑐢𑐵𑐮, “𑐖𑐶𑐟𑑅 𑐮“ 𑐕𑐎𑑂𑐰𑑅 𑐔𑐶𑐮𑐵𑐧𑐷 𑐮𑐵 ?”𑐀𑐖𑐶𑑄𑐐𑐬𑑄 𑐣𑑂𑐫𑐣, “𑐕 𑐐𑐣 𑐰𑐣𑐾𑐟𑑂𑐫𑐣𑐵𑐐𑐸 ?”
𑐳𑑀𑐣𑐸𑑄 𑐢𑐵𑐮, “𑐖𑐶 𑐨𑐐𑐰𑐵𑐣𑐫𑐵𑐟 𑐩𑐵𑑅𑐰𑐫𑐵𑐪 𑐏𑑅 𑑋 𑐕𑑄 𑐳𑐶𑐄𑐮𑐵 𑐰 𑐐𑐣 𑐔𑑂𑐰𑐣𑐷𑐐𑐸 𑐏𑑅 ?
𑐀𑐖𑐶𑑄𑐐𑐬𑑄 𑐢𑐵𑐮, “𑐩𑐳𑐶𑐄, 𑐟𑐬 𑐰 𑐣𑐵𑐥𑐮𑐵𑑅𑐳𑐵 𑐕𑐎𑑂𑐰𑑅 𑐣𑑂𑐫𑐣𑐵𑐧𑐶𑐄 𑐬𑐾, 𑐖𑐶𑐐𑐸 𑐩𑐶𑐏𑐵𑑄 𑐐𑐧𑐮𑐫𑑂 𑐏𑑄𑐎𑐾𑐦𑐂 𑐢𑐎𑐵𑑅 𑑋”
𑐳𑑀𑐣𑐸 𑐡𑐫𑑂 𑐢𑐫𑐵𑑅 𑐀𑐣𑑄 𑐰𑐣𑐵𑐕𑑂𑐰𑐟 𑑋
𑐨𑐔𑐵 𑐄𑐏𑐾𑐠𑑂𑐫𑑄𑐎 𑐠𑑂𑐫𑑄𑐧𑐮𑐫𑑂 𑐏𑑂𑐰𑐵𑐟𑐸𑐐𑐸 𑐖𑑄𑐐𑐮 𑐠𑑂𑐫𑑄𑐎𑑅 𑐰𑐮 𑑋 𑐰 𑐟𑐟𑑅𑐳𑐮𑑄 𑐴𑐵𑐮𑐵𑐕𑑂𑐰𑐟, “𑐴𑐾 𑐨𑐐𑐰𑐵𑐣 ! 𑐕 𑐐𑐣 𑐡𑐸 ?”
𑐟𑐵𑐥𑐵𑐎𑑄𑐣𑐶𑐳𑐾𑑄 𑐕𑐐𑐹 𑐳𑑅 𑐰𑐮 “𑐕𑐵𑐫𑑂
𑐴𑐵𑑄 … ?”
𑐳𑑀𑐣𑐸𑑄 𑐀𑐣 𑐰𑐣𑐵𑑅 𑐳𑑂𑐰𑑅𑐰𑑄𑐧𑐮𑐫𑑂 𑐕𑐐𑐹 𑐎𑐸𑐚𑐶𑐂 𑐧𑐸𑐬𑐵𑐪 𑐳𑐵𑐢𑐸 𑐕𑐪 𑐔𑑂𑐰𑐣𑐵𑐔𑑂𑐰𑑄𑐐𑐸 𑐏𑐣 𑑋 𑐰𑑄 𑐳𑑀𑐣𑐸𑐫𑐵𑐎𑐾 𑐟𑐳𑐎𑑄 𑐣𑐵𑐫𑐸𑐐𑐸 𑐳𑐮𑑄 𑐣𑑂𑐫𑐣, “𑐕𑑄 𑐕𑐵𑐫𑑂 𑐳𑑅𑐟𑐵𑐐𑐸 𑐡𑑅 ?”
𑐳𑑀𑐣𑐸𑑄 𑐣𑑂𑐫𑐣, “𑐕𑐶 𑐨𑐐𑐰𑐵𑐣 𑐏𑑅 𑐮𑐵 ?”
“𑐖𑐶 𑐨𑐐𑐰𑐵𑐣 𑐏𑑅𑐳𑐵𑑄 𑐩𑐏𑐸𑐳𑐵𑑄 𑐕𑑄𑐟 𑐕𑐵𑐫𑑂 𑐩𑐵𑐮 𑑋 𑐕𑑄 𑐠𑑂𑐰 𑐢𑐵 𑐎𑐶 𑐕𑑄 𑐕𑐸 𑐫𑐵𑐣𑐵𑐧𑐷𑐩𑐵𑐮 𑑋”

𑐳𑑀𑐣𑐸𑑄 𑐢𑐵𑐮, ‘𑐖𑐶𑐥𑐶𑑄 𑐟𑐳𑐎𑑄 𑐴𑐾 𑐐𑐬𑐷𑐧 𑑋 𑐖𑐶𑐩𑐶𑐎𑐾 𑐕𑐸𑑄 𑐣𑑄 𑐡𑐸𑐐𑐸 𑐩𑐏𑐸 𑑋 𑐖𑐶𑐟𑑅 𑐣𑑄 𑐧𑐵𑑄𑐮𑐵𑑅𑐐𑐸 𑐰𑐳𑑅, 𑐳𑐵𑑅𑐳𑐵𑑅𑐐𑐸 𑐣𑐳𑐵 𑐀𑐮𑐾 𑐕𑐾“𑐫𑐵𑐟 𑐩𑐾𑐩𑐾𑐐𑐸 𑐣𑑄 𑐡𑐎𑑂𑐰 𑐔𑐷𑐖 𑐩𑐵𑑅𑐐𑐸 𑐡𑐸 𑑋’
𑐳𑐵𑐢𑐸𑑄 𑐎𑐔𑑁𑐬𑐵 𑐕𑐐𑑅 𑐥𑐶𑐎𑐫𑐵𑑅 𑐰𑐫𑐵𑐟 𑐧𑐶𑐮 𑐀𑐮𑐾 𑐢𑐵𑐮, “𑐕𑑄𑐟 𑐕𑐸 𑐕𑐸 𑐩𑐵𑐮 𑐕𑑄 𑐠𑑂𑐰𑐫𑐵𑐎𑐾 Ï𑐰“ 𑑋 𑐕𑑄𑐟 𑐢𑐵𑑅𑐢𑐵𑑅𑐐𑐸 𑐧𑐳𑑂𑐟𑐸 𑐡𑐂 𑑋”
𑐳𑑀𑐣𑐸 𑐄𑐐𑐸 𑐎𑐔𑑁𑐬𑐵 𑐎𑐫𑐵𑑅 𑐠𑑅𑐐𑐸 𑐐𑐵𑐩𑐫𑑂 𑐰𑐣𑐾𑐟 𑐥𑐶𑐴𑐵𑑄 𑐰𑐮 𑑋

𑐡𑑂𑐫𑑅 𑐏𑐶𑐄“𑐫𑐵 𑐰𑑅𑐐𑐸𑐮𑐶𑑄 𑐰 𑐕𑐠𑐵𑐫𑑂 𑐕𑐾“𑐫𑑂 𑐧𑐵𑐫𑑂 𑐔𑑂𑐰𑑄𑐰𑐣 𑑋 𑐰𑑄 𑐄𑐐𑐸 𑐕𑐾“𑐫𑐵 𑐕𑐾“𑐠𑐸𑐰𑐵𑑅𑐫𑐵𑐟 𑐠𑐪𑑄 𑐨𑐐𑐰𑐵𑐣𑐫𑐵𑐟 𑐩𑐵𑑅𑐰𑐣𑐵𑐐𑐸 𑐏“ 𑐰 𑐳𑐵𑐢𑐸𑑄 𑐎𑐔𑑁𑐬𑐵 𑐧𑐶𑐫𑐵𑐴𑑅𑐐𑐸 𑐏“ 𑐡𑐎𑑂𑐰𑑄 𑐎𑐣 𑑋 𑐔𑐵𑐤𑐫𑑂 𑐖𑐹𑐧𑐮𑐫𑑂 𑐕𑐾“𑐠𑐸𑐰𑐵𑐮𑑄 𑐰𑐫𑐵𑐐𑐸 𑐥𑑂𑐰𑐮𑐫𑑂 𑐔𑑂𑐰𑑄𑐐𑐸 𑐎𑐔𑑁𑐬𑐵 𑐠𑐪𑑄 𑐎𑐫𑐵𑑅 𑐀𑐠𑐾 𑐴𑐾 𑐔𑑂𑐰𑑄𑐐𑐸 𑐩𑐾𑐐𑐸 𑐎𑐔𑑁𑐬𑐵 𑐕𑐐𑑅 𑐟𑐫𑐵𑐧𑐶𑐮 𑑋

𑐳𑑀𑐣𑐸𑑄 𑐎𑐤𑐫𑑂𑐎𑐸𑐤𑐸 𑐕𑐾“𑐫𑑂 𑐮𑐶𑐠𑑂𑐫𑑄𑐎𑐵𑑅 𑐠𑑅 𑐩𑐵𑑄𑐫𑐵𑐟 𑐳𑐎𑐟𑐵𑑄 𑐏“ 𑐎𑐣 𑑋 𑐩𑐵𑐩𑑄 𑐥𑐹𑐖𑐵 𑐫𑐵𑐣𑐵𑑅 𑐎𑐔𑑁𑐬𑐵𑐫𑐵𑐎𑐾 𑐣𑐫𑐾𑐐𑐸 Ï𑐰𑐣, 𑐟𑐬 𑐄𑐎𑐶𑑄 𑐕𑐸𑑄 𑐣𑑄 𑐥𑐶𑐴𑐵𑑄 𑐩𑐰𑑅 𑑋 𑐳𑑀𑐣𑐸𑑄 𑐧𑐶𑐔𑐵𑑅 𑐫𑐵𑐟 “𑐰 𑐧𑐸𑐬𑐵𑑄 𑐖𑐎 𑐕𑐸𑑄 𑐐𑐜𑐧𑐜 𑐩𑐫𑐵𑑅 𑐮𑐵 𑑋”

𑐰 𑐎𑐤𑐫𑑂 𑐎𑐸𑐤𑐸 𑐴𑐵𑐣𑑄 𑐖𑑄𑐐𑐮𑐥𑐵𑐏𑐾 𑐳𑑂𑐰𑐫𑐵𑑅 𑐰𑐣 𑑋 𑐰 𑐴𑐾 𑐏𑑂𑐰𑐵𑐟𑐸𑐐𑐸 𑐖𑑄𑐐𑐮𑐫𑑂 𑐠𑑂𑐫𑑄𑐎𑐵𑑅 𑐳𑐵𑐢𑐸𑐫𑐵𑐟 𑐰𑐣𑐵𑑅 𑐰𑑄 𑐢𑐵𑐮, “𑐠𑑂𑐰 𑐎𑐔𑑁𑐬𑐵𑑄 𑐮𑐵 𑐕𑐸𑑄 𑐴𑐾 𑐥𑐶𑐴𑐵𑑄 𑐩𑐰𑑅 𑑋 𑐳𑐵𑐢𑐸𑑄 𑐣𑑂𑐫𑐣, “𑐕𑑄 𑐎𑐔𑑁𑐬𑐵 𑐮“𑐫𑑂 𑐐𑐣𑑄 𑐥𑐶𑐎𑐫𑐵 𑐮𑐵 𑐎𑐶 ?”

“𑐮“𑐫𑑂 𑐮𑐶𑐎𑐫𑐵𑐐𑐸 𑐡𑐸, 𑐥𑐹𑐖𑐵 𑐫𑐵𑐣𑐵𑑅 𑐣𑐫𑐾𑐐𑐸 Ï𑐰𑐣𑐵𑐧𑐮𑐫𑑂 𑐧𑐶𑐄𑐐𑐸 𑐣𑑄 𑐡𑐸, 𑐖𑐶𑑄 𑐣𑐫𑐵𑐐𑐸 𑐣𑑄 𑐡𑐸 𑑋 𑐧𑐴𑐣𑐷 𑐮𑐶𑐧𑐵𑑅𑐐𑐸𑐮𑐶𑑄 𑐕𑐠𑐵𑐫𑑂 𑐕𑐾“𑐫𑑂 𑐖𑐶 𑐧𑐵𑐫𑑂 𑐔𑑂𑐰𑐣𑐵𑐧𑐮𑐫𑑂 𑐕𑐾“𑐠𑐸𑐰𑐵𑑅𑐫𑐵𑐟 𑐎𑑂𑐫𑐣𑐵𑑅 𑐄𑐎𑐶𑐫𑐵 𑐧𑐵𑐬𑐾 𑐎𑐣𑐵𑐐𑐸 𑐣𑑄 𑐡𑐸 𑑋 𑐮𑐶𑐥𑐵 𑐕𑐾“𑐫𑑂 𑐠𑑂𑐫𑑄𑐎𑐵𑑅 𑐥𑐹𑐖𑐵 𑐫𑐵𑐣𑐵𑑅 Ï𑐰𑐣𑐵𑐧𑐮𑐫𑑂 𑐠𑐸𑐎𑐶𑑄 𑐕𑐸𑑄 𑐴𑐾 𑐥𑐶𑐴𑐵𑑄 𑐩𑐰𑑅 𑑋”
𑐳𑐵𑐢𑐸𑑄 𑐢𑐵𑐮, “𑐎𑐔𑑁𑐬𑐵 𑐰 𑐕 𑐧𑐵𑐫𑑂 𑐔𑑂𑐰𑑄𑐠𑐵𑐫𑑂 𑐴𑐾 𑐏𑐸𑐫𑐵 𑐎𑐵𑐮 𑑋

𑐠𑑂𑐰 𑐥𑐵𑐮𑐫𑑂 𑐖𑐶𑑄 𑐕𑑄𑐟 𑐎𑐠𑐶 𑐣𑐶𑐥𑐸 𑐧𑐶𑐫𑐵𑐕𑑂𑐰𑐫𑐾 𑑋 𑐰 𑐴𑐾 𑐎𑐠𑐶𑑄 𑐕𑑄𑐐𑐸 𑐰 𑐎𑐔𑑁𑐬𑐵 𑐮𑐶𑐟 𑐎𑐫𑐵𑐧𑐷 𑑋”
𑐤𑐵𑐥𑐵𑐫𑐵 𑐥𑐵𑐮𑐫𑑂 𑐰𑑄 𑐐𑐸𑐐𑐸 𑐏“ 𑐣𑑂𑐫𑐣𑐾 𑐮𑑂𑐰𑑅𑐩𑑄𑐐𑐸 𑐏𑑅, 𑐰 𑐏“ 𑐰𑑄 𑐠𑑂𑐰 𑐥𑐵𑐮𑐫𑑂 𑐣𑑂𑐫𑐣, “𑐮“𑐫𑑂 𑐖𑐶𑑄 𑐕𑐪 𑐀𑐖𑐶𑑄𑐐𑐬 𑐣𑐵𑐥𑐮𑐵𑐟, 𑐰𑑄 𑐩𑐶𑐏𑐵𑑄 𑐩𑐏𑑄 𑑋 𑐀𑐣𑑄 𑐰𑐫𑐾𑐰𑐣𑐾 𑐫𑐵𑐂𑐥𑐶𑑄 𑐮“𑐖𑐸𑐰𑐵𑑅𑐟𑐫𑑂𑐳𑑄 𑐰𑐫𑐵𑐟 𑐠𑑂𑐰𑐵𑐣𑐵𑐰𑐣𑐷 𑑋 𑐰𑑄 𑐐𑐧𑐮𑐫𑑂 𑐩𑐶𑐏𑐵𑑄 𑐏𑐣𑐷 ?”

“𑐳𑐬𑑂‍𑐥𑐫𑐵 𑐕𑐾“𑐫𑑂 𑐀𑐮𑑂𑐫𑐵𑐏 𑐢𑐣 𑐡𑐸, 𑐰 𑐢𑐣 𑐰𑑄 𑐡𑐵𑐣 𑐫𑐵𑐣𑐵𑐧𑐶𑐮 𑐢𑐵𑑅𑐳𑐵 𑐰𑑄 𑐩𑐶𑐏𑐵𑑄 𑐏𑐣𑐵𑐰𑐂 𑑋”
“𑐩𑐾𑐐𑐸 𑐏“, 𑐮“𑐫𑑂 𑐕𑐸𑑄 𑐕𑐸𑑄 𑐮“𑐖𑐸𑐰𑐵𑑅𑐟𑐫𑑂𑐳𑑄 𑐟𑐸𑑄 𑐏𑐣𑐵𑐔𑑂𑐰𑑄𑐐𑐸 𑐏𑐣𑐵 𑑋 𑐂𑐩𑐶𑐳𑑄 𑐣𑑂𑐫𑐣𑐵𑐴𑑅𑐐𑐸 𑐎𑐵, 𑐄𑐎𑐷 𑐮𑑅 𑐐𑐧𑐮𑐫𑑂 𑐰𑐂 𑐢𑐎𑐵𑑅 𑑋”
𑐳𑐵𑐢𑐸𑑄 𑐢𑐵𑐮, “𑐳𑐵𑐴𑐸𑑄 𑐠𑑅 𑐪𑑂𑐫𑐵𑐫𑑂𑐫𑐵𑐟 𑐧𑑂𑐫𑐵𑐴𑐵 𑐫𑐵𑐣𑐵𑐧𑐶𑐮 𑐎𑐶 𑐮𑑅 𑐰𑐂 𑑋 𑐰𑑄 𑐎𑐣𑑂𑐫𑐵𑐡𑐵𑐣 𑐫𑐵𑐫𑐾𑐰𑑄 𑐴𑐾 𑐟𑐸𑑄𑐠𑐶𑐂 𑐮𑑅 𑐰𑐂 𑑋”

𑐠𑐸𑐮𑐶 𑐣𑑂𑐫𑐣𑐾𑐰𑑄 𑐳𑑀𑐣𑐸 𑐳𑐵𑐢𑐸𑐫𑐵𑐟 𑐳𑐸𑐨𑐵𑐫𑑂 𑐧𑐶𑐫𑐵𑑅 𑐀𑐣𑑄 𑐮𑐶𑐴𑐵𑑄 𑐰𑐣𑐵𑐕𑑂𑐰𑐟 𑑋
𑐧𑐴𑐣𑐷 𑐖𑐹𑐧𑐮𑐫𑑂 𑐟𑐎𑐫𑐵 𑐡𑐸𑐣𑐾 𑐰 𑐰 𑐴𑐾 𑐐𑐵𑐩𑐫𑑂 𑐠𑑂𑐫𑑄𑐎𑑅 𑐰𑐣 𑐐𑐣 𑐰 𑐪𑐶𑐐𑑅 𑐧𑐴𑐣𑐷 𑐧𑐵𑐫𑑂 𑐔𑑂𑐰𑐣𑐵𑐰𑑄𑐐𑐸 𑐏𑑅 𑑋 𑐕𑐾“𑐠𑐸𑐰𑐵𑑅𑐫𑐵𑐟 𑐳𑑀𑐣𑐸𑑄 𑐠𑑅𑐐𑐸 𑐫𑐵𑐟𑑂𑐬𑐵𑐫𑐵 𑐧𑐵𑐬𑐾 𑐡𑐎𑑂𑐰 𑐏“ 𑐎𑐣 𑑋 𑐕𑐾“𑐠𑐸𑐰𑐵𑑅𑐫𑐵𑐎𑐾 𑐴𑐵𑐣𑑄 𑐮𑑀𑐨 𑐡𑐣𑐵𑐰𑐮 𑑋 𑐕𑐸𑑄 𑐟𑑂𑐰𑐴𑑅 𑐟𑐫𑐵𑑅 𑐰 𑐳𑑀𑐣𑐸𑐫𑐵𑐟 𑐡𑐸𑐣𑐾 𑐕𑑂𑐰𑐫𑐵𑐧𑐶𑐮 𑐀𑐮𑐾 𑐎𑐠𑐶𑐂 𑐠𑐶 𑐖𑐎 𑐕𑐸 𑐠𑐶𑐮 𑐎𑐠𑐶𑑄 𑐰𑐫𑐵𑐟 𑐟𑐵𑐬𑐵𑐟𑐵𑐬𑐵 𑐡𑐵𑐫𑐵𑐴𑐮 𑑋
𑐕𑐾“𑐠𑐸𑐰𑐵𑐮𑑄 𑐠𑑅𑐐𑐸 𑐐𑐮𑑂𑐟𑐷 𑐳𑑂𑐰𑐷𑐎𑐵𑐬 𑐫𑐵𑐣𑐵𑑅 𑐳𑑀𑐣𑐸𑐫𑐵𑐐𑐸 𑐎𑐔𑑁𑐬𑐵 𑐮𑐶𑐟 𑐧𑐶𑐮 𑑋 𑐳𑐸𑐠 𑐖𑐸𑐂𑐰𑑄 𑐳𑑀𑐣𑐸 𑐀𑐣𑑄 𑐥𑐶𑐴𑐵𑑄 𑐰𑐮 𑑋 𑐀𑐣𑑄 𑐨𑐔𑐵 𑐄𑐏𑐾𑐬 𑐰𑐣𑐾 𑐢𑐸𑑄𑐎𑐵𑑅 𑐰𑑄 𑐀𑐖𑐶𑑄𑐐𑐬𑐫𑐵𑐟 𑐣𑐵𑐥𑐮𑐵𑐟 𑑋 𑐳𑑀𑐣𑐸𑑄 𑐰𑐫𑐵𑐟 𑐩𑐶𑐏𑐵𑑄 𑐏𑑄𑐎𑐾𑐐𑐸 𑐄𑐥𑐵𑐫 𑐎𑐣𑐵𑐧𑐶𑐮 𑑋

𑐀𑐖𑐶𑑄𑐐𑐬 𑐢𑐣 𑐡𑐎𑑂𑐰 𑐮𑐶𑐎𑐫𑐵𑑅 𑐳𑑀𑐣𑐸𑐫𑐵𑐟 𑐧𑐶𑐫𑐵𑐧𑐶𑐮 𑑋 𑐀𑐖𑐶𑑄𑐐𑐬𑑄 𑐩𑐶𑐏𑐵𑑄 𑐏𑐣 𑑋 𑐀𑐣𑑄 𑐰 𑐳𑐵𑐴𑐸𑐫𑐵𑐠𑐵𑐫𑑂 𑐰𑐣 𑑋 𑐀𑐣 𑐰𑑄 𑐟𑐸𑑄𑐠𑐶𑐂 𑐮𑑅 𑐰𑐫𑐾𑐎𑐾𑐐𑐸 𑐄𑐥𑐵𑐫 𑐎𑐣 𑑋 𑐳𑐵𑐴𑐸𑑄 𑐢𑐵𑐮, “𑐕 𑐟𑐶 𑐨𑐶𑑄𑐪 𑐩𑐶𑐖𑑄 𑐳𑐸 𑐡𑐂 ?” 𑐀𑐮𑐾 𑐰𑑄 𑐎𑐤𑐫𑑂𑐎𑐸𑐤𑐸 𑐴𑐾 𑐰𑐫𑐵 𑐪𑑂𑐫𑐵𑐫𑑂𑐫𑐵 𑐧𑑂𑐫𑐵𑐴𑐵 𑐳𑑀𑐣𑐸𑐮𑐶𑐳𑐾 𑐫𑐵𑐣𑐵𑐧𑐶𑐮 𑑋 𑐰𑐫𑐵𑐐𑐸 𑐎𑐣𑑂𑐫𑐵𑐡𑐵𑐣 𑐫𑐵𑐫𑐾𑐰𑑄 𑐴𑐾 𑐟𑐸𑑄𑐠𑐶𑐂 𑐮𑑅𑐫𑐵 𑐩𑐸𑐴𑐵𑐣 𑐟𑐖𑑂𑐫𑐵𑐣𑐵𑐰𑐮 𑑋 𑐳𑑀𑐣𑐸 𑐁𑑅 𑐎𑐮𑐵𑑅 𑐢𑐣–𑐳𑐩𑑂𑐥𑐟𑐶 𑐰 𑐖𑐵𑐡𑐸𑐐𑐬𑐷 𑐎𑐔𑑁𑐬𑐵 𑐖𑑂𑐰𑐣𑐵𑑅 𑐕𑐾“𑐫𑑂 𑐮𑐶𑐴𑐵𑑄 𑐰𑐣 𑑋 𑐁𑑅 𑐳𑑀𑐣𑐸 𑐰 𑐰𑐫𑐵 𑐩𑐵𑑄𑐫𑐵 𑐖𑐷𑐰𑐣 𑐳𑐸𑐏𑑄 𑐤𑑂𑐫𑐵𑐣𑐵𑐰𑐣 𑑋