𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐨𑐵𑐡𑑂𑐬 𑑘, 𑐁𑐂𑐟𑐧𑐵𑐬 𑑑𑑖:𑑑𑑗:𑑔𑑔

𑐡𑐫𑑂𑑃𑐡𑐳𑑃 𑐧𑐴𑐶𑐡𑑂𑐫𑑅 𑐧𑑂𑐰𑐂𑐐𑐸 𑐣𑑂𑐴𑐶 𑐏𑐸𑐣𑑂𑐴𑐹 𑐣𑑂𑐴𑐵𑐥, 𑐮𑑂𑐫𑐸, 𑐮𑐶𑐫𑐵𑑃𑐮𑑂𑐫𑐸 𑐰 𑐳𑐵𑐣𑑂𑐟𑑂𑐰𑐣𑐵 𑐫𑐵𑐣𑐵𑑅 𑐥𑑂𑐫𑐩𑑂𑐴 𑐦𑑀𑐚𑑀 𑐥𑐟𑑂𑐬𑐎𑐵𑐬𑐫𑐵𑐟 𑐴𑐣𑐷𑐐𑐸

𑐣𑐾𑐰𑐵𑑅 𑐟𑐖𑐶𑐮𑐖𑐶 𑐳𑑄𑐬𑐎𑑂𑐲𑐞, 𑐳𑑄𑐰𑐡𑑂𑐬𑑂𑐢𑐣 𑐰 𑐥𑑂𑐬𑐰𑐡𑑂𑐬𑑂𑐢𑐣 𑐫𑐵𑐫𑐾𑐐𑐸 𑐟𑐵𑐟𑐸𑐣𑐵𑑅 𑐦𑑀𑐚𑑀 𑐥𑐟𑑂𑐬𑐎𑐵𑐬𑐫𑐵 𑐣𑐾𑐰𑐵𑑅 𑐟𑐖𑐶𑐮𑐖𑐶 𑐎𑐶𑐥𑐵𑑅𑐫𑐵𑐟 𑐳𑐶𑐬𑐥𑐵 𑐡𑐾𑐕𑐵𑐫𑐾𑐐𑐸 𑐁𑐖𑐸 𑐟𑐫𑐵𑑅 𑐰𑐬𑐶𑐲𑑂𑐛 𑐦𑑀𑐚𑑀 𑐥𑐟𑑂𑐬𑐎𑐵𑐬 𑐊𑐰𑐩𑑂 𑐣𑐾𑐰𑐵𑑅 𑐥𑐟𑑂𑐬𑐎𑐵𑐬 𑐬𑐵𑐲𑑂𑐚𑑂𑐬𑑂𑐫𑐶 𑐡𑐧𑐹 𑐫𑐾 𑐎𑐔𑐵𑐫𑐵 𑐥𑐸𑐮𑐵𑐩𑑂𑐴 𑐣𑐵𑐫𑑅 𑐣𑐵𑐟𑐶𑐎𑐵𑐖𑐷 𑐩𑐴𑐬𑑂𑐖𑐣𑑄 𑐀𑐎𑑂𑐲𑐫 𑐎𑑀𑐲𑐫𑐵 𑐣𑐶𑐟𑐶𑑄 𑐕𑐐𑐹 𑐮𑐏 𑐰 𑐣𑐷𑐣𑑂𑐫𑐵𑐰𑑂𑐡 𑐡𑐵𑑃 𑐮𑑅𑐮𑑂𑐴𑐵𑐣𑐵 𑐡𑐷𑐐𑐸 𑐡𑐸 𑑋
𑐰𑐬𑐶𑐲𑑂𑐛 𑐦𑑀𑐚𑑀 𑐥𑐟𑑂𑐬𑐎𑐵𑐬 𑐩𑐴𑐬𑑂𑐖𑐣𑑄 𑐀𑐎𑑂𑐲𑐫 𑐎𑑀𑐲𑐫𑐵 𑐣𑐶𑐟𑐶𑑄 𑐄𑐐𑐸 𑐡𑐵𑑃 𑐣𑐎𑐟𑐶𑐣𑐶 𑐣𑐷𑐳𑑂𑐰𑑄𑐐𑐸 𑐰𑐶𑐲𑑂𑐞𑐸–𑐣𑐵𑐟𑐶 𑐳𑐶𑐬𑐥𑐵 𑐎𑑀𑐲𑐫𑐵 𑐣𑐵𑐫𑑅 𑐳𑐘𑑂𑐔𑐵𑐬𑐎𑐬𑑂𑐩𑐷 𑐡𑐵𑐣𑐡𑐵𑐳 𑐱𑑂𑐬𑐾𑐲𑑂𑐛𑐫𑐵𑐟 𑐣𑐾𑐰𑐵𑑅 𑐥𑐟𑑂𑐬𑐎𑐵𑐬 𑐬𑐵𑐲𑑂𑐚𑑂𑐬𑑂𑐫𑐶 𑐡𑐧𑐹 𑐫𑐾𑑃 𑐎𑐔𑐵𑐫𑐵 𑐱𑐣𑐶𑐧𑐵𑑅 𑐖𑐹𑐐𑐸 𑐣𑑂𑐫𑐵𑐎𑑅𑐐𑐸 𑐳𑐵𑐢𑐵𑐬𑐞 𑐳𑐨𑐵 𑐰 𑐳𑑂𑐰𑐎𑑅𑐐𑐹 𑐀𑐢𑐶𑐰𑐾𑐱𑐣𑐫𑐵 𑐡𑐠𑑂𑐰𑐷 𑐩𑐹𑐥𑐵𑐴𑐵𑑃 𑐫𑐾𑑄 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐰𑐶𑐡𑑂𑐫𑐵𑐳𑐸𑐣𑑂𑐡𑐬 𑐱𑐵𑐎𑑂𑐫, 𑐰𑐶𑐱𑐶𑐲𑑂𑐚 𑐥𑐵𑐴𑐵𑑃 𑐣𑐾𑐥𑐵𑐮 𑐮𑐮𑐶𑐟𑐎𑐮𑐵 𑐥𑑂𑐬𑐖𑑂𑐘𑐵𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐄𑐥𑐎𑐸𑐮𑐥𑐟𑐶 𑐰𑐬𑐶𑐲𑑂𑐛 𑐦𑑀𑐚𑑀 𑐥𑐟𑑂𑐬𑐎𑐵𑐬 𑐐𑑀𑐥𑐵𑐮 𑐔𑐶𑐟𑑂𑐬𑐎𑐵𑐬 𑐰 𑐣𑐾𑐰𑐵𑑅 𑐥𑐟𑑂𑐬𑐎𑐵𑐬 𑐬𑐵𑐲𑑂𑐚𑑂𑐬𑑂𑐫𑐶 𑐡𑐧𑐹𑐫𑐵 𑐎𑐾𑐣𑑂𑐡𑑂𑐬𑐷𑐫 𑐣𑐵𑐫𑑅 𑐱𑑂𑐬𑐷𑐎𑐺𑐲𑑂𑐞 𑐩𑐴𑐬𑑂𑐖𑐣𑐫𑐵 𑐄𑐥𑐳𑑂𑐠𑐶𑐟𑐶𑐂 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋
𑐰𑐬𑐶𑐲𑑂𑐛 𑐦𑑀𑐚𑑀 𑐥𑐟𑑂𑐬𑐎𑐵𑐬 𑐣𑐵𑐟𑐶𑐎𑐵𑐖𑐷 𑐩𑐴𑐬𑑂𑐖𑐣 𑐣𑐾𑐰𑐵𑑅 𑐥𑐟𑑂𑐬𑐎𑐵𑐬 𑐬𑐵𑐲𑑂𑐚𑑂𑐬𑑂𑐫𑐶 𑐡𑐧𑐹 𑐫𑐾𑑄 𑐎𑐔𑐵𑐫𑑂 𑐣𑐵𑐫𑑅𑐫𑐵 𑐠𑑅𑐐𑐸 𑐎𑐵𑐬𑑂𑐫𑐎𑐵𑐮 𑐳𑐶𑐢𑐫𑐾𑐎𑐵 𑐱𑐣𑐶𑐧𑐵𑑅𑐣𑐶𑐳𑐾𑑄 𑐣𑐶𑐰𑐬𑑂𑐟𑐩𑐵𑐣 𑐣𑐵𑐫𑑅 𑐖𑐸𑐫𑐵𑐡𑐷𑐐𑐸 𑐏𑑅 𑑋
𑐗𑐶𑑄𑐣𑑂𑐫𑐵𑐰𑑂𑐡𑑅𑐡𑐵𑑃𑐫𑐵 𑐄𑐐𑐸 𑐳𑐶𑐬𑐥𑐵 𑐡𑐫𑑂𑑃𑐡𑐳𑑃 𑐧𑐴𑐶𑐡𑑂𑐫𑑅 𑐧𑑂𑐰𑐂𑐐𑐸 𑐣𑑂𑐴𑐶 𑐏𑐸𑐣𑑂𑐴𑐹 𑐣𑑂𑐴𑐵𑐥, 𑐣𑑂𑐴𑐵𑐥𑐮𑑂𑐫𑐸, 𑐮𑐶𑐫𑐵𑑃𑐮𑑂𑐫𑐸 𑐰 𑐳𑐵𑐣𑑂𑐟𑑂𑐰𑐣𑐵 𑐫𑐵𑐣𑐵𑑅 𑐥𑑂𑐫𑐩𑑂𑐴 𑐦𑑀𑐚𑑀 𑐥𑐟𑑂𑐬𑐎𑐵𑐬𑐫𑐵𑐟 𑐴𑐣𑐷𑐐𑐸 𑐎𑑀𑐲𑐫𑐵 𑐣𑐵𑐫𑑅 𑐱𑑂𑐬𑐾𑐲𑑂𑐛𑑄 𑐎𑐣𑐵𑐡𑐶𑐮 𑑋