𑐫𑐮 – 𑐣𑐾𑐥𑐵𑑅 𑐗𑐵𑐫𑐵𑐔𑑂𑐰𑐣𑐵𑐡𑐷𑐪 𑐳𑑂𑐰𑐣𑐶𑐐𑑅𑐫𑐵 𑐣𑐾𑐰𑐵𑑅𑐟𑐫𑑂 𑐧𑐵𑐬𑐾 𑐀𑐢𑑂𑐫𑐫𑐣 𑐫𑐵𑐣𑐵 𑐰𑐫𑐵𑐔𑑂𑐰𑐣𑐵𑐡𑐷𑐪 𑐦𑑂𑐬𑐵𑐣𑑂𑐳𑐫𑐵 𑐥𑑂𑐬𑑀𑐦𑐾𑐳𑐬 𑐐𑐾𑐬𑐵𑐬𑑂𑐜 𑐚𑐦𑐶𑐣𑐫𑐵𑐟 𑐖𑑂𑐫𑐵𑐥𑐸 𑐳𑐩𑐵𑐖𑑄 𑐱𑐸𑐎𑑂𑐬𑐰𑐵𑑅 𑐕𑐐𑐹 𑐧𑑅𑐔𑐵𑐢𑑄𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐮𑐳𑐎𑐸𑐳 𑐫𑐵𑑅𑐐𑐸 𑐡𑐸 𑑋 𑐖𑑂𑐫𑐵𑐥𑐸 𑐳𑐩𑐵𑐖𑐫𑐵 𑐖𑑂𑐫𑐵𑐥𑐸 𑐳𑑄𑐳𑑂𑐎𑐺𑐟𑐶 𑐀𑐢𑑂𑐫𑐫𑐣 𑐀𑐣𑐸𑐳𑐣𑑂𑐢𑐵𑐣 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐡𑐸𑐖𑑅 𑐟𑐸𑐮𑐳𑐷𑐮𑐵𑐮 𑐳𑐶𑑄𑐴𑑄 𑐥𑑂𑐬𑑀. 𑐚𑐦𑐶𑐣𑐫𑐵 𑐪𑐳𑐶𑐎𑐵 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐥𑑂𑐬𑐵. 𑐚𑐦𑐶𑐣 𑐖𑑂𑐫𑐵𑐥𑐸𑐟𑐫𑑂 𑐧𑐵𑐬𑐾 𑐡𑐎𑐮𑐫𑑂 𑐀𑐥𑑂𑐰𑑅 𑐀𑐢𑑂𑐫𑐫𑐣 𑐫𑐵𑐣𑐵𑐡𑐷𑐪 𑐰𑐶𑐡𑐾𑐱𑐷 𑐀𑐣𑐸𑐳𑐣𑑂𑐢𑐵𑐣𑐎𑐬𑑂𑐟𑐵 𑐖𑐹𑐐𑐸 𑐢𑐵𑐳𑐾𑑄 𑐰𑐫𑑂𑐎𑐮𑑄 𑐥𑑂𑐫𑐵𑑄𑐐𑐵𑑄, 𑐫𑐾𑑃𑐫𑐵 𑐖𑑂𑐫𑐵𑐥𑐸𑐟𑐫𑑂 𑐳𑑂𑐰𑐷𑐣𑐶𑐐𑐹 𑐟𑑂𑐰𑐵𑑅, 𑐱𑑂𑐰𑐾𑐟𑐎𑐵𑐮𑐷 𑐏𑑂𑐰𑐵𑑅𑐥𑐵𑑅 𑐥𑑂𑐫𑐵𑐏𑑄𑐧𑐵𑐬𑐾 𑐳𑐦𑐹 𑐔𑑂𑐰𑐫𑐾𑐢𑐸𑑄𑐎𑐹𑐐𑐸 𑐏𑑃 𑐤𑑂𑐫𑐠𑐣𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐰𑐵𑐣𑐵𑐡𑐶𑐳𑐾𑑄 𑐥𑑂𑐬𑑀. 𑐚𑐦𑐶𑐣𑑄 𑐠𑑅 𑐡𑐬𑐧𑐵𑐬 𑐴𑐵𑐂𑐳𑑂𑐎𑐹𑐮𑐫𑑂 𑐱𑐶𑐎𑑂𑐲𑐎 𑐖𑐸𑐫𑐵𑑅 𑐰𑐫𑐵𑐧𑐮𑐫𑑂 𑐟𑐟𑑂𑐎𑐵𑐮𑐶𑐣 𑐩𑐣𑑂𑐟𑑂𑐬𑐷 𑐎𑐾𑐱𑐬𑐧𑐴𑐵𑐡𑐸𑐬 𑐰𑐶𑐲𑑂𑐚𑑄 𑐳𑐩𑐵𑐖 𑐰𑐶𑐖𑑂𑐘𑐵𑐣𑐧𑐵𑐬𑐾 𑐀𑐢𑑂𑐫𑐫𑐣 𑐫𑐵𑐫𑐾𑐐𑐸 𑐏𑑅𑐳𑐵 𑐥𑑂𑐫𑐵𑑄𑐐𑐵𑑄𑐧𑐵𑐬𑐾 𑐀𑐢𑑂𑐫𑐫𑐣 𑐫𑐵𑑅𑐳𑐵 𑐖𑐶𑐄𑐐𑐸 𑐳𑐸𑐗𑐵𑐰 𑐧𑐶𑐄𑐐𑐸𑐮𑐶𑑄 𑐥𑑂𑐫𑐵𑑄𑐐𑐵𑑄 𑐧𑐵𑐬𑐾 𑐤𑐵𑐥𑐵𑑄 𑐀𑐢𑑂𑐫𑐫𑐣 𑐫𑐵𑐣𑐵𑐐𑐸 𑐏𑑃 𑐎𑐣𑐵𑐡𑐶𑐮 𑑋
𑐳𑐨𑐵𑐥𑐟𑐶𑐫𑐵 𑐠𑐵𑐳𑑄 𑐣𑑂𑐰𑐰𑐵𑐣𑐵𑐡𑐶𑐳𑐾𑑄 𑐳𑐩𑐵𑐖𑐫𑐵 𑐣𑐵𑐫𑑅 𑐔𑐣𑑂𑐡𑑂𑐬 𑐩𑐴𑐬𑑂𑐖𑐣𑑄 𑐳𑑂𑐰𑐣𑐶𑐐𑑅𑐫𑐵 𑐖𑑂𑐫𑐵𑐥𑐸𑐟, 𑐣𑐾𑐰𑐵𑑅𑐟 𑐰𑐶𑐳𑑂𑐠𑐵𑐥𑐶𑐟 𑐖𑐸𑐫𑐵 𑐰𑐣𑐵𑐔𑑂𑐰𑑄𑐐𑐸 𑐧𑐵𑐬𑐾 𑐀𑐣𑐸𑐳𑐣𑑂𑐢𑐵𑐣 𑐫𑐵𑐫𑐾𑐩𑐵𑑅𑐐𑐸 𑐏𑑃 𑐢𑐫𑐵𑐡𑐶𑐮 𑑋