𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑕 𑐦𑐵𑐮𑑂𑐐𑐸𑐞 𑑑𑑐, 𑐱𑐸𑐎𑑂𑐬𑐧𑐵𑐬 𑑑𑑐:𑑓𑑙:𑑓𑑗

𑐮𑐸𑐩𑑂𑐧𑐶𑐣𑐷 𑐧𑑁𑐡𑑂𑐢 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐵 𑐣𑐰𑐣𑐶𑐫𑐸𑐎𑑂𑐟 𑐄𑐥𑐎𑐸𑐮𑐥𑐟𑐶 𑐥𑑂𑐬𑐵.𑐜𑐵. 𑐴𑐺𑐡𑐫𑐬𑐟𑑂𑐣 𑐧𑐖𑑂𑐬𑐵𑐔𑐵𑐬𑑂‍𑐫𑑄 𑐠𑑅𑐐𑐸 𑐥𑐡𑐨𑐵𑐬 𑐐𑑂𑐬𑐴𑐞 𑐫𑐵𑐣𑐵𑐡𑐷𑐐𑐸 𑐡𑐸 𑑋

𑐰𑐫𑑂𑐎𑑅𑐫𑐵𑐟 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐥𑐡𑐵𑐢𑐶𑐎𑐵𑐬𑐷, 𑐥𑑂𑐬𑐵𑐢𑑂𑐫𑐵𑐥𑐎 𑐮𑐶𑐳𑐾𑑄 𑐎𑐬𑑂‍𑐩𑐔𑐵𑐬𑐷𑐥𑐶𑐣𑑂𑐳𑑄 𑐮𑐳𑐎𑐸𑐳 𑐫𑐵𑑅𑐐𑐸 𑐡𑐸 𑑋

𑐥𑐡𑐨𑐵𑐬 𑐐𑑂𑐬𑐴𑐞 𑐖𑑂𑐫𑐵𑐗𑑂𑐰𑐮𑐫𑑂 𑐄𑐥𑐎𑐸𑐮𑐥𑐟𑐶 𑐥𑑂𑐬𑐵.𑐜𑐵. 𑐧𑐖𑑂𑐬𑐵𑐔𑐵𑐬𑑂‍𑐫𑑄 𑐧𑑁𑐡𑑂𑐢𑐫𑐵 𑐩𑐵𑐬𑑂‍𑐐𑐫𑐵𑐟 𑐤𑑂𑐫𑑅𑐣𑐾 𑐫𑑄𑐎𑐹𑐳𑐾𑑄 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵𑐟 𑐰𑐶𑐱𑑂𑐰𑐳𑑂𑐟𑐬𑐫𑑂 𑐠𑑂𑐫𑑄𑐎𑐾𑐟 𑐠𑑅 𑐥𑑂𑐬𑐟𑐶𑐧𑐡𑑂𑐢 𑐖𑐹𑐐𑐸 𑐢𑐫𑐵𑐡𑐶𑐮 𑑋

𑐮𑐶𑐳𑐾𑑄 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐐𑐬𑐶𑐩𑐵𑐫𑐵𑐟 𑐎𑐵𑐫𑐩 𑐫𑐵𑐫𑐾𑐟𑐠𑑅 𑐳𑐎𑑂𑐬𑐶𑐫 𑐖𑐸𑐫𑐵𑑅 𑐥𑐮𑐵𑑅 𑐤𑑂𑐫𑐵𑐎𑐾𑐐𑐸 𑐥𑑂𑐬𑐟𑐶𑐧𑐡𑑂𑐢𑐟𑐵 𑐣𑑄 𑐥𑑂𑐬𑐵.𑐜𑐵. 𑐴𑐺𑐡𑐫𑐬𑐟𑑂𑐣 𑐧𑐖𑑂𑐬𑐵𑐔𑐵𑐬𑑂‍𑐫𑑄 𑐥𑑂𑐰𑑄𑐎𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑑅𑐰𑐵𑐳𑐾𑑄 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐵 𑐳𑐩𑐵𑐬𑑀𑐴𑐫𑐵 𑐳𑐨𑐵𑐥𑐟𑐶 𑐰 𑐣𑐶𑐩𑐶𑐟𑑂𑐟 𑐄𑐥𑐎𑐸𑐮𑐥𑐟𑐶 𑐮𑐶𑐳𑐾𑑄 𑐬𑐖𑐶𑐲𑑂𑐚𑑂𑐬𑐵𑐬 𑐟𑐶𑐮𑐎𑐬𑐵𑐩 𑐁𑐔𑐵𑐬𑑂‍𑐫𑑄 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐵𑐟 𑐰𑑂𑐫𑐵𑐥𑐎 𑐫𑐵𑐫𑐾𑐟 𑐳𑐴𑐩𑐟𑐶, 𑐳𑐴𑐎𑐵𑐬𑑂‍𑐫 𑐰 𑐥𑑂𑐬𑐵𑐖𑑂𑐘𑐶𑐎 𑐄𑐣𑑂𑐣𑐫𑐣 𑐫𑐵𑐳𑐾𑑄 𑐤𑑂𑐫𑑅𑐣𑐾 𑐰𑐣𑐾𑐩𑐵𑑅𑐐𑐸 𑐰𑐶𑐔𑐵𑑅 𑐥𑑂𑐰𑑄𑐎𑐵𑐡𑐶𑐮 𑑋

𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐥𑐵𑐏𑐾𑑄 𑐐𑑂𑐰𑐳𑐵𑑅 𑐐𑑂𑐰𑑅𑐐𑐸 𑐮𑐳𑐎𑐸𑐳 𑐳𑐩𑐵𑐬𑑀𑐴𑐳 𑐥𑑂𑐬𑐵.𑐜𑐵. 𑐐𑐷𑐟𑐸 𑐐𑐶𑐬𑐷, 𑐥𑐬𑐷𑐎𑑂𑐲𑐵 𑐣𑐶𑐫𑐣𑑂𑐟𑑂𑐬𑐎 𑐳𑐶𑐡𑑂𑐢𑐶𑐱𑑂𑐰𑐬 𑐩𑐵𑐣 𑐱𑑂𑐬𑐾𑐲𑑂𑐛, 𑐎𑐾𑐣𑑂𑐡𑑂𑐬𑐷𑐫 𑐎𑑂𑐫𑐵𑐩𑑂𑐥𑐳𑐫𑐵 𑐎𑑂𑐫𑐵𑐩𑑂𑐥𑐳 𑐥𑑂𑐬𑐩𑐸𑐏 𑐦𑐞𑐶𑐣𑑂𑐡𑑂𑐬 𑐎𑐸𑐩𑐵𑐬 𑐣𑑂𑐫𑑁𑐥𑐵𑐣𑐾, 𑐥𑑂𑐬𑐱𑐵𑐳𑐣 𑐥𑑂𑐬𑐩𑐸𑐏 𑐐𑐖𑐾𑐣𑑂𑐡𑑂𑐬 𑐐𑐸𑐥𑑂𑐟𑐵 𑐮𑐶𑐳𑐾𑑄𑐫𑐵𑐥𑐶𑐣𑑂𑐳𑑄 𑐮𑐳𑐎𑐸𑐳 𑐣𑑂𑐰𑐔𑐹 𑐧𑐶𑐫𑐵𑐡𑐷𑐐𑐸 𑐏𑑅 𑑋