𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐣𑐶𑐱𑑂𑐔𑐮 | 𑑒𑑐𑑗𑑖 𑐧𑐿𑐱𑐵𑐏 𑑘, 𑐁𑐂𑐟𑐧𑐵𑐬 𑑑𑑓:𑑐𑑕:𑑓𑑑

𑐡𑐾𑐐𑑅 𑐪𑐶𑐔𑐵 𑐳𑐦𑐹𑐫𑐵 𑐐𑑂𑐰𑐳𑐵𑐮𑐫𑑂 𑐱𑐸𑐎𑑂𑐬𑐰𑐵𑑅 𑐎𑐸𑐥𑐞𑑂𑐜𑑀𑐮𑐫𑐵 𑐳𑐵𑐟𑑀𑐁𑐎𑐶 𑐨𑐰𑐣𑐫𑑂 𑐢𑐬𑑂𑐩 𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬𑐫𑐵 𑐧𑐸𑑄𑐐𑐵𑑅𑐔𑐵 𑐴𑐵𑐂𑐎𑐸 𑐳𑐦𑐹 𑐥𑐶𑐟𑐧𑑂𑐰𑐖𑑂𑐫𑐵 𑐖𑐹𑐐𑐸 𑐡𑐸 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐩𑐹𑐥𑐵𑐴𑐵𑑃 𑐎𑐠𑑄 𑐱𑐟𑐵𑐧𑑂𑐡𑐷 𑐥𑐸𑐬𑐹𑐲 𑐳𑐟𑑂𑐫𑐩𑑀𑐴𑐣𑐖𑑀𑐱𑐷𑑄 𑐗𑐵𑐫𑐵𑐡𑐶𑐐𑐸 𑐏𑑅𑑋 𑐰𑐫𑐎𑐮𑑄 𑐥𑐶𑐣𑐾𑑄 𑐰𑑅𑐐𑐸 𑐳𑐵𑐴𑐶𑐟𑑂𑐫 𑐎𑐵𑐫𑐾 𑐴𑐾 𑐩𑐖𑑂𑐫𑐹 𑐢𑐫𑐵𑐐𑐸 𑐩𑐏𑐸 𑐧𑐵𑑄𑐮𑐵𑑅𑐐𑐸 𑐤𑑂𑐫𑐵𑐐𑐸 𑐡𑐾𑐫𑑂 𑐫𑐵𑐐𑐸 𑐖𑐹𑐳𑐵𑑄 𑐖𑑂𑐫𑐹 𑐟𑐬 𑐠𑑅𑐐𑐸 𑐏𑑂𑐰𑐵𑑅 𑐧𑐸𑐮𑐸𑐫𑐵 𑐩𑐰𑐣𑐷𑐐𑐸, 𑐠𑑅𑐥𑐶𑐣𑐶𑐐𑐸 𑐥𑐴𑐶𑐔𑐵𑐣 𑐩𑐟𑐣𑐷𑐐𑐸 𑐎𑐠𑑄 𑐎𑐵𑐫𑐾𑐩𑐵𑑅𑐐𑐸 𑐧𑐶𑐔𑐵𑑅 𑐥𑑂𑐰𑑄𑐎𑐵𑐡𑐶𑐐𑐸 𑐏𑑅 𑑋
𑐀𑐠𑐾𑐴𑐾 𑐳𑐩𑐵𑐮𑑀𑐔𑐎 𑐂𑐣𑑂𑐡𑑂𑐬 𑐩𑐵𑐮𑐷𑑄 𑐴𑐵𑐂𑐎𑐸𑐮𑐫𑑂 𑐢𑐫𑐵𑐟𑑅𑐐𑐸 𑐏𑑃 𑐳𑑂𑐰𑐫𑐵𑑄 𑐢𑐫𑐵𑐩𑐟𑑅𑐐𑐸 𑐏𑑃 𑐀𑐥𑑂𑐰𑑅 𑐡𑐫𑐵𑐔𑑂𑐰𑐣𑐷𑐐𑐸 𑐰 𑐰𑐶𑐬𑑀𑐢𑐵𑐨𑐵𑐳 𑐏𑑃 𑐟 𑐡𑐫𑐾𑐩𑐵𑐐𑐸 𑐧𑐶𑐔𑐵𑑅 𑐥𑑂𑐰𑑄𑐎𑐵𑐡𑐶𑐮 𑑋
𑐣𑐾𑐥𑐵𑐮 𑐮𑐮𑐶𑐟 𑐎𑐮𑐵 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐎𑐸𑐮𑐥𑐟𑐶 𑐰𑐬𑐶𑐲𑑂𑐛 𑐎𑐮𑐵𑐎𑐵𑐬 𑐎𑐾 𑐎𑐾 𑐎𑐬𑑂𑐩𑐵𑐔𑐵𑐬𑑂𑐫, 𑐥𑑂𑐬𑐵. 𑐣𑐬𑑂𑐩𑐡𑐾𑐱𑑂𑐰𑐬 𑐥𑑂𑐬𑐢𑐵𑐣𑐥𑐶𑑄 𑐥𑐵𑐴𑐵𑑃 𑐎𑐠𑑄 𑐗𑐵𑐫𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐵𑐴𑐶𑐟𑑂𑐫𑐎𑐵𑐬 𑐜𑐵. 𑐥𑐸𑐲𑑂𑐥 𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬, 𑐧𑐵𑐏𑑄 𑐔𑑂𑐰𑐩𑐶 𑐬𑐵𑐖𑐵 𑐱𑐵𑐎𑑂𑐫, 𑐄𑐥𑐣𑑂𑐫𑐵𑐳𑐎𑐵𑐬 𑐱𑐱𑐷𑐎𑐮𑐵 𑐩𑐵𑐣𑐣𑑂𑐢𑐬, 𑐣𑐾𑐥𑐵𑐮𑐨𑐵𑐲𑐵 𑐎𑐾𑐣𑑂𑐡𑑂𑐬𑐷𑐫 𑐧𑐶𑐨𑐵𑐐𑐫𑐵 𑐥𑐸𑐮𑐵𑑄𑐪 𑐥𑑂𑐬𑐩𑐸𑐏 𑐟𑐸𑐮𑐳𑐷 𑐮𑐵𑐮 𑐳𑐶𑑄, 𑐳𑐵𑐴𑐶𑐟𑑂𑐫𑐎𑐵𑐬 𑐢𑑂𑐬𑐸𑐰 𑐩𑐢𑐶𑐎𑑅𑐩𑐶, 𑐰𑐬𑐶𑐲𑐛 𑐴𑐵𑐂𑐎𑐸 𑐔𑑂𑐰𑐩𑐶 𑐥𑐸𑐲𑑂𑐎𑐬 𑐮𑑀𑐴𑐣𑐷, 𑐴𑐵𑐂𑐎𑐸 𑐔𑑂𑐰𑐩𑐶 𑐥𑑂𑐬𑐵. 𑐬𑐵𑐩𑐎𑐸𑐩𑐵𑐬 𑐥𑐵𑐞𑑂𑐜𑐾, 𑐴𑐵𑐂𑐎𑐸 𑐔𑑂𑐰𑐩𑐶 𑐎𑐺𑐲𑑂𑐞𑐨𑐎𑑂𑐟 𑐧𑑀𑐜𑐾, 𑐳𑐵𑐴𑐶𑐟𑑂𑐫𑐎𑐵𑐬 𑐳𑑁𑐬𑐨 𑐱𑐵𑐎𑑂𑐫, 𑐧𑐬𑐶𑐲𑑂𑐛 𑐩𑑂𑐫𑐾𑐴𑐵𑐮𑐵𑐩𑐶 𑐖𑐸𑐖𑐸𑐎𑐵𑐖𑐷 𑐬𑐘𑑂𑐖𑐶𑐟 𑐮𑐐𑐵𑐫𑐟 𑐳𑐵𑐴𑐶𑐟𑑂𑐫𑐎𑐵𑐬, 𑐎𑐮𑐵𑐎𑐵𑐬, 𑐥𑐟𑑂𑐬𑐎𑐵𑐬𑐥𑐶𑑄𑐣𑑂𑐳 𑐧𑑂𑐰𑐟𑐶 𑐎𑐫𑐵𑐡𑐷𑐐𑐸 𑐏𑑅 𑑋
𑐀𑐠𑐾 𑐴𑐾 𑐬𑐟𑑂𑐣 𑐱𑑀𑐨𑐵 𑐩𑐴𑐬𑑂𑐖𑐣 𑐰 𑐳𑐸𑐩𑐣 𑐎𑐥𑐵𑐮𑐷𑐥𑐶𑐳𑑄 𑐴𑐵𑐂𑐎𑐸 𑐩𑑂𑐫𑐾 𑐴𑐵𑐮𑐵𑑅 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋 𑐳𑐵𑐴𑐶𑐟𑑂𑐫𑐎𑐵𑐬 𑐨𑐬𑐟 𑐳𑐵𑐫𑐩𑐶𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐸𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑑅 𑐬𑐶𑐟𑐵 𑐩𑐴𑐬𑑂𑐖𑐣𑑄 𑐤𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋

– 𑐣𑐾𑐰𑐵𑑅 𑐳𑐹𑐔𑐣𑐵 𑐎𑐾𑐣𑑂𑐡𑑂𑐬