𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮𑐫𑐵 𑐣𑐵𑐩𑑄 “𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛 𑐦𑐣𑑂𑐚” 𑐥𑐶𑐡𑐣

𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑐫𑐵 𑐣𑐵𑐩𑑄 “𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛 𑐦𑐣𑑂𑐚” 𑐥𑐶𑐡𑑄𑐐𑐸 𑐡𑐸 𑑋

𑐱𑐸𑐎𑑂𑐬𑐰𑐵𑑅 𑐣𑐾𑐥𑐵𑐮𑐨𑐵𑐲𑐵 𑐩𑑄𑐎𑐵𑑅 𑐏𑐮𑑅𑐫𑐵 𑐖𑑂𑐫𑐵𑐎𑐸𑐠𑐶𑐂 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑐫𑐵 𑐣𑐵𑐩𑑄 𑐥𑐶𑐡𑑄𑐐𑐸 𑐠𑐸𑐐𑐸 “𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛 𑐦𑐣𑑂𑐚”𑐫𑐵 𑐄𑐮𑐾𑐖𑑂𑐫𑐵 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐄𑐥𑐥𑑂𑐬𑐩𑐸𑐏 𑐳𑐸𑐣𑐶𑐟𑐵 𑐜𑑄𑐐𑑀𑐮𑑄 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐡𑐸𑐬𑑂𑐐𑐵𑐮𑐵𑐮 𑐳𑐵𑐴𑐶𑐟𑑂𑐫 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮𑐨𑐵𑐲𑐵 𑐏𑑂𑐫𑑅𑐫𑐵 𑐠𑐷𑐠𑐷 𑐰𑑂𑐫𑐎𑑂𑐟𑐶𑐥𑐶𑑄 𑐄𑐥𑐳𑑂𑐠𑐶𑐟 𑐖𑐹𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐳𑐨𑐵𑐥𑐟𑐶 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐣𑐵𑐫𑑅 𑐩𑐴𑐾𑐣 𑐩𑑀𑐴𑐣 𑐱𑑂𑐬𑐾𑐲𑑂𑐛𑑄 𑐫𑐵𑐣𑐵𑐡𑐷𑐐𑐸 𑐏𑑅𑐳𑐵 𑐠𑐸𑐐𑐸 “𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛 𑐦𑐣𑑂𑐚” 𑐄𑐮𑐾𑐖𑑂𑐫𑐵 𑐮𑐶𑐥𑐵 𑐫𑐵𑐎𑐣𑑄 𑐴𑐾 𑐠𑐸𑐐𑐸 𑐴𑐾 𑐣𑑂𑐴𑐹𑐐𑐸 𑐦𑐣𑑂𑐚𑐥𑐵𑐏𑐾𑑄 𑐡𑐸𑐬𑑂𑐐𑐵𑐮𑐵𑐮𑐫𑐵 𑐳𑐦𑐹 𑐥𑐶𑐎𑐵𑐫𑐾 𑐢𑐸𑑄𑐎𑐵𑑅 𑐳𑐬𑑂𑐰𑐳𑐵𑐢𑐵𑐬𑐞𑑄 𑐣𑑄 𑐕𑑂𑐫𑐮𑐾𑐦𑐂𑐐𑐸 𑐎𑐠𑑄 𑐳𑐵𑐬𑑂𑐰𑐖𑐣𑐶𑐎 𑐫𑐵𑐫𑐾𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋