𑐳𑑂𑐰𑐩𑑂𑐴 𑐔𑑂𑐰𑐩𑐶𑐥𑐵𑐏𑐾𑑄 𑐔𑐶𑐧𑐵𑐏𑑄 𑐰𑐵𑐔𑐣

𑐫𑐮 – 𑐳𑑅 𑐕𑐐𑐹 𑐦𑐬𑐎 𑐀𑐨𑐶𑐰𑑂𑐫𑐎𑑂𑐟𑐶 𑐣𑐵𑑄𑐫𑐵 𑐳𑐵𑐴𑐶𑐟𑑂𑐫𑐶𑐎 𑐳𑑄𑐳𑑂𑐠𑐵𑐥𑐵𑐏𑐾𑑄 𑐮𑐫𑑂𑐥𑐟𑐶𑐎𑑄 𑐣𑑂𑐴𑑂𑐫𑐵𑐎𑐵 𑐰𑐫𑐵𑐔𑑂𑐰𑑄𑐐𑐸 𑐔𑐶𑐧𑐵𑐏𑑄 𑐰𑐵𑐔𑐣 𑐖𑑂𑐫𑐵𑐗𑑂𑐰𑑅 𑐰𑑄𑐐𑐸 𑐱𑐣𑐶𑐰𑐵𑑅 𑐖𑐸𑐮 𑑋 𑑒𑑕𑑖𑑓 𑐎𑑂𑐰𑑅𑐐𑐸 𑐳𑑂𑐰𑐵𑑄𑐫𑐵𑑅𑐥𑐸𑐣𑑂𑐴𑐶𑐫𑐵 𑐣𑑂𑐴𑐶𑐎𑐸𑐣𑑂𑐴𑐸 𑐠𑐣𑐫𑐵 𑐡𑐧𑐹 𑐣𑐾𑐰𑐵𑑅 𑐣𑐳𑐵 𑐕𑐾𑑃𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑐶𑐫𑐩𑐶𑐟 𑐬𑐸𑐥𑑄 𑐳𑑂𑐰𑐩𑑂𑐴 𑐧𑐵𑐏𑑄 𑐔𑑂𑐰𑐩𑐶𑐥𑐶𑑄𑐳𑑄 𑐠𑑅𑐠𑑅𑐐𑐸 𑐧𑐵𑐏𑑄 𑐥𑐵𑐛 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐴𑐬𑐾𑐎 𑐩𑐴𑐶𑐣𑐵𑐫𑑂 𑐣𑑂𑐴𑐵𑐥𑐵𑑄𑐐𑐸 𑐱𑐣𑐶𑐰𑐵𑑅 𑐣𑐾𑐥𑐵𑐮𑐨𑐵𑐲𑐵𑐫𑐵 𑐣𑑂𑐴𑐹𑐥𑐶𑑄 𑐰 𑐥𑐸𑐮𑐵𑑄𑐥𑐶𑑄 𑐧𑐵𑐏𑑄 𑐔𑑂𑐰𑐩𑐶𑐥𑐶𑑄𑐟 𑐧𑑂𑐰𑐣𑐵𑑅 𑐣𑑂𑐴𑑂𑐫𑐵𑐎𑐵 𑐰𑐫𑐵𑐔𑑂𑐰𑑄𑐐𑐸 𑐖𑑂𑐫𑐵𑐗𑑂𑐰𑑅 𑐀𑐣𑑂𑐟𑐬𑑂𑐐𑐟 𑐰𑑄𑐐𑐸 𑐱𑐣𑐶𑐰𑐵𑑅 𑐏𑐸𑐐𑐹𑐐𑐸 𑐳𑑄𑐳𑑂𑐎𑐬𑐞𑐫𑐵 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐏𑑅 𑑋 𑐳𑑄𑐳𑑂𑐠𑐵𑐫𑐵 𑐣𑐬𑐾𑐱 𑐀𑐩𑐵𑐟𑑂𑐫𑑄 𑐥𑐵𑐴𑐵𑑄𑐥𑐶𑑄𑐟 𑐳𑑂𑐰𑐵𑑄𑐩𑐵𑑅 𑐎𑑂𑐰𑐏𑐵𑐫𑐾𑐎𑐵𑑅 𑐮𑐳𑐎𑐸𑐳 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐃𑐱𑑂𑐰𑐬𑐷𑐩𑐿𑐫𑐵𑑃 𑐱𑑂𑐬𑐾𑐲𑑂𑐛, 𑐰𑐶𑐩𑐮𑐥𑑂𑐬𑐨𑐵 𑐰𑐖𑑂𑐬𑐵𑐔𑐵𑐬𑑂𑐫 𑐰 𑐬𑐵𑐖𑐸𑐬𑐵𑐩 𑐩𑐸𑐣𑐎𑑅𑐩𑐶𑑄 𑐔𑐶𑐧𑐵𑐏𑑄 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑑅𑐥𑐶𑑄 𑐳𑑂𑐰𑐩𑑂𑐴𑐾𑐳𑐶𑐣𑑄 𑐩𑑂𑐴𑐟𑐶𑑄 𑐣𑑂𑐫𑐵𑐥𑐸 𑐣𑑂𑐫𑐵𑐥𑐸 𑐔𑐶𑐧𑐵𑐏𑑄 𑐰𑐵𑐔𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐰𑐵𑐔𑐣 𑐖𑐹𑐐𑐸 𑐔𑐶𑐧𑐵𑐏𑑄𑐫𑐵𑐟 𑐎𑐫𑐵𑑅 𑐳𑐵𑐴𑐶𑐟𑑂𑐫𑐎𑐵𑐬 𑐜𑐵. 𑐥𑐸𑐲𑑂𑐥𑐬𑐵𑐖 𑐬𑐵𑐖𑐎𑐬𑑂𑐞𑐶𑐎𑐵𑐬𑑄 𑐚𑐶𑐥𑑂𑐥𑐞𑐷 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅 𑐮𑐶𑐥𑐵 𑐳𑑄𑐳𑑂𑐠𑐵𑐫𑐵 𑐎𑐖𑐶𑐮𑐶𑐳𑐾𑑄 𑐎𑐰𑐶 𑐳𑐸𑐢𑐶𑐬 𑐏𑑂𑐰𑐧𑐶𑑄 𑐔𑐶𑐧𑐵𑐏𑑄 𑐰𑐵𑐔𑐣 𑐫𑐵𑐣𑐵𑐡𑐷𑐥𑐶𑑄 𑐳𑑂𑐰𑐩𑑂𑐴𑐾𑐳𑐶𑐟𑑄 𑐩𑐟𑐶𑐣𑐵𑐫𑐵 𑐔𑐶𑑄 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅𑐳𑐵 𑐳𑑄𑐳𑑂𑐠𑐵𑐫𑐵 𑐥𑐬𑐩𑑂𑐥𑐬𑐵𑐎𑐠𑑄 𑐧𑐵𑐏𑑄 𑐣𑑂𑐫𑑄 𑐰𑑅𑐥𑐶𑑄𑐩𑐢𑑂𑐫𑐾 𑐕𑐩𑑂𑐴𑐾𑐳𑐶𑐟 𑐐𑑀𑐮𑐵𑐥𑑂𑐬𑐠𑐵𑐥𑐵𑐏𑐾𑑄 𑐕𑐣𑑀𑐚 𑐖𑐸𑐫𑐵𑐡𑐷𑐥𑐶𑑄 𑐬𑐵𑐩𑐧𑐵𑐧𑐸 𑐱𑑂𑐬𑐾𑐲𑑂𑐛𑐫𑐵𑐟 𑐱𑑂𑐫𑐵𑐩 𑐩𑐵𑐎𑐖𑐸𑑄 𑐩𑐟𑐶𑐣𑐵𑐫𑐵 𑐔𑐶𑑄 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋