𑐳𑐸𑐰𑐵𑐮 𑐎𑐮𑐾𑐖𑐫𑑂 𑐎𑑂𑐬𑐵𑐣𑑂𑐟𑐶𑐎𑐵𑐬𑐷𑑄 𑐟𑐵𑐮𑑄 𑐐𑑂𑐰𑐮

𑐀𑐏𑐶𑐮 𑐣𑐾𑐥𑐵𑐮 𑐬𑐵𑐲𑑂𑐚𑑂𑐬𑐶𑐫 𑐳𑑂𑐰𑐟𑐣𑑂𑐟𑑂𑐬 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣 𑐎𑑂𑐬𑐵𑐣𑑂𑐟𑐶𑐎𑐵𑐬𑐷𑑄 𑐏𑑂𑐰𑐥𑐫𑐵 𑐳𑐹𑐬𑑂𑐫𑐰𑐶𑐣𑐵𑐫𑐎𑐫𑑂 𑐔𑑂𑐰𑑄𑐐𑐸 𑐳𑐸𑐰𑐵𑐮 𑐂𑐣𑑂𑐚𑐬𑐣𑐾𑐱𑐣𑐮 𑐎𑐮𑐾𑐖𑐫𑑂 𑐟𑐵𑐮𑑄 𑐐𑑂𑐰𑐫𑐵 𑐧𑐶𑐄𑐐𑐸 𑐡𑐸 𑑋 𑐫𑐸𑐣𑐶𑐫𑐣𑑄 𑐩𑑂𑐴𑐶𑐐𑑅 𑐕𑐐𑐹 𑐰𑐶𑐖𑑂𑐘𑐥𑑂𑐟𑐶 𑐥𑐶𑐎𑐵𑐳𑐾𑑄 𑐀𑐣𑑄 𑐳𑐡𑐵𑑄𑐫𑐵 𑐣𑐶𑐟𑐶𑑄 𑐟𑐵𑐮𑑄 𑐐𑑂𑐰𑐫𑐵𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐏𑑂𑐰𑐥𑐫𑐵 𑐳𑐹𑐬𑑂𑐫𑐰𑐶𑐣𑐵𑐫𑐎–𑑑 𑐑𑐟𑐵𑐮𑐾𑐫𑑂 𑐔𑑂𑐰𑑄𑐐𑐸 𑐳𑐸𑐰𑐵𑐮 𑐂𑐣𑑂𑐚𑐬𑐣𑐾𑐱𑐣𑐮 𑐎𑐮𑐾𑐖𑑄 𑐣𑐶𑐫𑐵𑐩𑐎 𑐣𑐶𑐎𑐵𑐫𑐫𑐵 𑐀𑐣𑐸𑐩𑐟𑐶 𑐰 𑐳𑐩𑑂𑐧𑐣𑑂𑐢𑐣 𑐩𑐎𑐵𑐳𑐾 𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵 𑐫𑐵𑐣𑐵𑑅 𑐱𑐸𑐮𑑂𑐎 𑐩𑑂𑐴𑑅𑐐𑐸 𑐮𑐸𑐂𑐰𑑄 𑐀𑐣 𑐟𑐵𑐮𑑄 𑐐𑑂𑐰𑐫𑐵𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐎𑐮𑐾𑐖𑑄 𑐣𑐬𑑂𑐳𑐶𑐒, 𑐦𑐵𑐬𑑂𑐩𑐾𑐳𑐷 𑐰 𑐊𑐔𑐊𑐫𑑂 𑑒𑑗𑑐 𑐰𑐶𑐡𑑂𑐫𑐵𑐬𑑂𑐠𑐷 𑐨𑐬𑑂𑐣𑐵 𑐫𑐵𑐣𑐵𑑅 𑐱𑐸𑐮𑑂𑐎 𑐩𑑂𑐴𑑅𑐐𑐸 𑐏𑑅 𑑋

𑐀𑐩𑐾𑐬𑐶𑐎𑐷 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐥𑐵𑐏𑐾𑑄 𑐳𑐩𑑂𑐧𑐣𑑂𑐢𑐣 𑐎𑐫𑐵𑐐𑐸 𑐡𑐵𑐰𑐷 𑐫𑐵𑐳𑐾𑑄 𑐣𑐬𑑂𑐳𑐶𑐒, 𑐦𑐵𑐬𑑂𑐩𑐾𑐳𑐷 𑐰 𑐊𑐔𑐊𑐫𑑂 𑑓𑑐𑑐 𑐩𑑂𑐴 𑐰𑐶𑐡𑑂𑐫𑐵𑐠𑐷 𑐨𑐬𑑂𑐣𑐵 𑐎𑐵𑑅𑐐𑐸 𑐰 𑐂𑐣𑑂𑐖𑐶𑐣𑐶𑐫𑐬𑐶𑐒 𑐮𑐐𑐵𑐫𑐟𑐫𑑂 𑐨𑐬𑑂𑐣𑐵𑐫𑐵 𑐣𑐶𑐟𑐶𑑄 𑐳𑐸𑐔𑑄 𑐥𑐶𑐠𑑄𑐐𑐸 𑐏𑑅 𑑋 𑐫𑐸𑐣𑐶𑐫𑐣𑑄 𑐱𑐿𑐎𑑂𑐲𑐶𑐎 𑐀𑐥𑐬𑐵𑐢 𑐖𑐹𑐐𑐸𑐮𑐶𑑄 𑐕𑐵𑐣𑐰𑐶𑐣 𑐫𑐵𑐣𑐵𑑅 𑐥𑐷𑐜𑐶𑐟 𑐰𑐶𑐡𑑂𑐫𑐵𑐬𑑂𑐠𑐷𑐥𑐵𑐏𑐾𑑄 𑐩𑑂𑐴𑑅𑐐𑐸 𑐢𑑂𑐫𑐧𑐵 𑐮𑐶𑐟 𑐧𑐷𑐟 𑐰 𑐛𑐐𑐾 𑐫𑐵𑑅𑐩𑑂𑐴 𑐳𑐸𑐰𑐵𑐮 𑐂𑐣𑑂𑐚𑐬𑐣𑐾𑐱𑐣𑐮 𑐎𑐮𑐾𑐖 𑐣𑐵𑑄𑐫𑐵 𑐳𑑄𑐳𑑂𑐠𑐵𑐫𑐵𑐟 𑐧𑐣𑑂𑐡 𑐫𑐵𑐣𑐵𑑅 𑐳𑐘𑑂𑐔𑐵𑐮𑐎𑐥𑐶𑑄𑐟 𑐎𑐵𑐬𑐧𑐵𑐴𑐷 𑐫𑐵𑐫𑐾𑐟 𑐣𑑄 𑐩𑐵𑐐 𑐫𑐵𑐣𑐵𑐟𑑅𑐐𑐸 𑐡𑐸 𑑋

News