‘𑐳𑐷’ 𑐰 ‘𑐜𑐷’ 𑐐𑑂𑐬𑐾𑐜 𑐰𑑅𑐥𑐶𑑄 𑐐𑐣𑐷 𑐰𑐣𑐷 ?

𑐫𑐾𑑃 – 𑑑𑑐 𑐟𑐐𑐶𑑄 𑐥𑐵𑐳 𑐖𑐸𑐂𑐐𑐸 𑐊𑐳𑐃𑐃 𑐥𑐬𑐷𑐎𑑂𑐲𑐵𑐫𑑂 𑑑.𑑖 𑐳𑑂𑐰𑐫𑐵𑑄 𑐎𑐩 𑐖𑐷𑐥𑐷𑐊 𑐰𑑅𑐥𑐶𑑄𑐳𑑄 𑑑𑑑 𑐟𑐐𑐶𑑄 𑐧𑑂𑐰𑐣𑐾 𑐩𑐡𑐂𑐐𑐸 𑐰𑑂𑐫𑐰𑐳𑑂𑐠𑐵 𑐡𑐸 𑑋 𑐀𑐠𑐾 𑐏𑑅𑐳𑐵𑑄 𑑑.𑑖 𑐳𑑂𑐰𑐫𑐵𑑄 𑐎𑐩 𑐖𑐷𑐥𑐷𑐊 𑐰𑑅𑐥𑐶𑑄𑐳𑑄 𑐕𑐸 𑐫𑐵𑐫𑐾𑐐𑐸 𑐮𑐾 ? 𑐄𑐩𑐶𑐐𑐸 𑐮𑐵𑐐𑐶𑑄 𑐳𑐬𑐎𑐵𑐬𑑄 𑐥𑑂𑐬𑐵𑐰𑐶𑐢𑐶𑐎 𑐳𑐷𑐥 𑐳𑐫𑐾𑐎𑐵 𑐎𑐵𑐫𑐾𑐐𑐸 𑐳𑐷𑐚𑐷𑐃𑐨𑐷𑐚𑐷 𑐎𑐎𑑂𑐲𑐵𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐟𑐬 𑐡𑑃𑐫𑑂𑐡𑐳𑑄 𑐐𑐸𑐮𑐶 𑐩𑐵𑐟𑑂𑐬𑐵𑐫𑑂

𑑑.𑑕 𑐖𑐷𑐥𑐷𑐊 𑐳𑑂𑐰𑐫𑐵𑑄 𑐎𑐩 𑐐𑑂𑐬𑐾𑐜 𑐰𑐫𑐵𑑅 𑐰𑐶𑐡𑑂𑐫𑐵𑐬𑑂‍𑐠𑐷 𑐥𑐵𑐳 𑐖𑐸𑐂𑐐𑐸 𑐏𑑅 𑐄𑐮𑐶 𑐦𑐸𑐎𑐳𑐶𑐟 𑐥𑑂𑐬𑐵𑐰𑐶𑐢𑐶𑐎 𑐳𑐷𑐥 𑐧𑑂𑐰𑑄𑐎𑐾𑐐𑐸 𑐎𑑂𑐲𑐩𑐟𑐵 𑐢𑐵𑑅𑐳𑐵 𑐣𑐾𑐥𑐵𑑅 𑐳𑐬𑐎𑐵𑐬𑐫𑐵𑐎𑐾 𑐩𑐡𑐸 𑑋
𑐄𑐎𑐶𑑄 𑐴𑐬𑐾𑐎 𑐡𑑃𑐫𑑂 𑐊𑐳𑐃𑐃 𑐥𑐵𑐳 𑐖𑐹𑐳𑐵𑑄 𑐣𑑄 𑐐𑑂𑐬𑐾𑐜 𑐩𑐫𑐵𑐣𑐵𑑅 𑐀𑐮𑐥𑐟𑑂𑐬𑐫𑑂 𑐮𑐵𑐂𑐥𑐶𑑄 𑐰𑐶𑐡𑑂𑐫𑐵𑐬𑑂‍𑐠𑐷𑐟𑐫𑑂 𑐮𑑂𑐫𑐵𑑅 𑐡𑑂𑐰𑐮𑑄𑐡𑑂𑐰𑑅 𑐠𑑂𑐫𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐠𑐸𑐐𑐸𑐳𑐷 𑐣𑑄 𑑑.𑑖 𑐖𑐷𑐥𑐷𑐊 𑐳𑑂𑐰𑐫𑐵𑑄 𑐎𑐩 𑐐𑑂𑐬𑐾𑐜 𑐰𑐫𑐵𑑅 𑐥𑐵𑐳 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂‍𑐠𑐷𑐟𑐫𑑂 𑐮𑑂𑐫𑐵𑑅 𑐎𑐬𑐶 𑐧 𑑗𑑕,𑑐𑑐𑑐 𑐡𑐸 𑑋 𑐟𑐬 𑐀𑐖𑑂𑐫𑐵𑑅𑐥𑐶𑑄 𑐰𑐶𑐡𑑂𑐫𑐵𑐬𑑂‍𑐠𑐷𑐟𑐫𑑂𑐟 𑐥𑑂𑐬𑐵𑐰𑐶𑐢𑐶𑐎 𑐳𑐷𑐥 𑐧𑑂𑐰𑑄𑐎𑐾𑐐𑐸 𑐎𑑂𑐲𑐩𑐟𑐵 𑐢𑐵𑑅𑐳𑐵 𑐣𑐾 𑐥𑐵𑑅𑐫𑐵𑐎𑐾 𑑒𑑙,𑑐𑑐𑑐 𑐖𑐎 𑐡𑐸 𑑋 𑐠𑐸𑐎𑐶𑑄 𑐫𑐵𑐣𑐵𑑅 𑐡𑑃𑐫𑑂 𑐎𑐬𑐶𑐧 𑑕𑑐,𑑐𑑐𑑐 𑐪 𑐰𑐶𑐡𑑂𑐫𑐵𑐬𑑂‍𑐠𑐷 𑐊𑐳𑐃𑐃 𑐮𑐶𑐥𑐵 𑐀𑐮𑐥𑐟𑑂𑐬𑐫𑑂 𑐴𑐾 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐥𑐬𑐷𑐎𑑂𑐲𑐵 𑐣𑐶𑐫𑐣𑑂𑐟𑑂𑐬𑐞 𑐎𑐵𑐬𑑂‍𑐫𑐵𑐮𑐫𑑄 𑐐𑑂𑐬𑐾𑐜𑐶𑐒 𑐥𑑂𑐬𑐞𑐵𑐮𑐷 𑐎𑐠𑑄

𑐊𑐳𑐃𑐃 𑐥𑐬𑐷𑐎𑑂𑐲𑐵 𑐳𑐸𑐬𑐸 𑐫𑐵𑑅𑐐𑐸 𑐰𑑄𑐐𑐸 𑐣𑐶𑐡𑑃𑐫𑐵 𑐡𑐸𑐣𑐾 𑑑.𑑖 𑐖𑐷𑐥𑐷𑐊 𑐳𑑂𑐰𑐫𑐵𑑄 𑐎𑐩 𑐐𑑂𑐬𑐾𑐜 𑐴𑐫𑐵𑑅 𑐊𑐳𑐃𑐃 𑐥𑐵𑐳 𑐖𑐹𑐥𑐶𑑄 𑐎𑐬𑐶 𑐧 𑑒 𑐮𑐵𑐏 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐰𑐶𑐡𑑂𑐫𑐵𑐬𑑂‍𑐠𑐷𑐟 𑐠𑑁𑑄 𑐣𑑄 𑐀𑐥𑐮𑐟𑑂𑐬 𑐀𑐰𑐳𑑂𑐠𑐵𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐡𑐣𑐶 𑑋 𑐄𑐩𑐶𑐐𑐸 𑐧𑐵𑐬 𑐾 𑐕𑐸 𑐫𑐵𑐫𑐾 𑐐𑐸 𑐢𑐎𑐵𑑅 𑐕𑐸𑑄 𑐴𑐾 𑐫𑑀𑐖𑐣𑐵 𑐳𑐸𑐣𑐵𑑄 𑐣𑑄 𑐧𑐶𑐔𑐵𑑅 𑐫𑐵𑐫𑐾 𑐦𑐫𑐵𑐔𑑂𑐰𑑄𑐐𑐸 𑐩𑐡𑐸𑐣𑐶 𑑋 𑐊𑐳𑐃𑐃𑐫𑐵 𑐤𑐹𑐐𑐸 𑐥𑑂𑐬𑐞𑐵𑐮𑐷 𑐎𑐠𑑄 𑑑.𑑕 𑐖𑐷𑐥𑐷𑐊 𑐀𑐬𑑂‍𑐠𑐵𑐟 ‘ 𑐳𑐷’ 𑐰 ‘ 𑐜𑐷’ 𑐐𑑂𑐬𑐾𑐜 𑐰𑐫𑐵𑑅 𑐥𑐵𑐳 𑐖𑐹𑐥𑐶𑑄 𑐰𑐶𑐡𑑂𑐫𑐵𑐬𑑂‍𑐠𑐷𑐟𑐫𑑂𑐳𑑄 𑑑𑑑 𑐟𑐐𑐶𑑄 𑐧𑑂𑐰𑐣𑐾𑐡𑐂 𑐩𑐏𑐸 𑑋 𑐟𑐬 𑑑𑑑 𑐟𑐐𑐶𑑄 𑐧𑑂𑐰𑐣𑐾 𑐩𑐡𑐂𑐐𑐸 𑐏𑑅𑐳𑐵𑑄 𑐄𑐩𑐶𑐟 𑐊𑐳𑐃𑐃 𑐦𑐾𑐮 𑐖𑐹𑐥𑐶𑑄 𑐢𑐎𑐵𑑅 𑐢𑐵𑑅𑐳𑐵 𑐢𑐵𑐂 𑐩𑐏𑐸 𑑋 𑐠𑑂𑐰 𑐥𑑂𑐬𑐞𑐵𑐮𑐷𑐂 𑐳𑐸𑑄 𑐣𑑄 ‘𑐦𑐾𑐮’ 𑐖𑐸𑐂 𑐩𑐏𑐸 𑐢𑐂𑐐𑐸 𑐀𑐰𑐢𑐵𑐬𑐞𑐵 𑐡𑐸 𑑋

‘𑐳𑐷’ 𑐰 ‘𑐜𑐷’ 𑐐𑑂𑐬𑐾 𑐜 𑐴𑐫𑐵𑑅 𑐦𑐾 𑐮 𑐖𑐹𑐥𑐶𑑄 𑐀𑐟𑑂𑐫𑐢𑐶𑐎 𑐮𑑂𑐫𑐵𑑅𑐫𑐵 𑐰𑐶𑐡𑑂𑐫𑐵𑐬𑑂‍𑐠𑐷𑐟𑐫𑑂𑐟 𑐳𑐷𑐥 𑐳𑑂𑐫𑐣𑐾 𑐐𑐸 𑐰𑑂𑐫𑐰𑐳𑑂𑐠𑐵𑐫𑐵 𑐮𑐵𑐐𑐶𑑄 𑐁𑑅 𑐳𑐬𑐎𑐵𑐬𑑄 𑐠𑐥 𑐳𑑂𑐎𑐹𑐮𑐟 𑐔𑐵𑐫𑐾𑐎𑐾𑐐𑐸 𑐫𑑀𑐖𑐣𑐵
𑐡𑐫𑐾 𑐎𑐵𑐔𑑂𑐰𑐣𑐵𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐟𑐬 𑐠𑑂𑐰 𑐫𑑀𑐖𑐣𑐵 𑐐𑐧𑐮𑐾 𑐥𑐹𑐬𑐵 𑐖𑐸𑐂 𑐢𑐂𑐐𑐸 𑐏𑑃 𑐢𑐵𑑅𑐳𑐵 𑐣𑐶𑐱𑑂𑐔𑐶𑐟 𑐩𑐡𑐸𑐣𑐶 𑑋 𑐳𑐬𑐎𑐵𑐬𑑄 𑐠𑐥 𑐳𑑂𑐎𑐹𑐮 𑐔𑐵𑐫𑐾𑐎𑐷𑐐𑐸 𑐂𑐮𑐫𑑂 𑐟𑐎 ‘𑐳𑐷’ 𑐰 ‘𑐜𑐷’ 𑐐𑑂𑐬𑐾𑐜 𑐴𑐫𑐵𑑅 𑐀𑐮𑐥𑐟𑑂𑐬𑐫𑑂 𑐮𑐵𑐂𑐥𑐶𑑄 𑐰𑐶𑐡𑑂𑐫𑐵𑐬𑑂‍𑐠𑐷𑐟𑐫𑑂 𑐳𑑄𑐏𑑂𑐫𑐵 𑐮𑐏𑑁𑑄 𑐠𑑂𑐫𑐣𑐾 𑐢𑐸𑑄𑐎𑐷𑐐𑐸 𑐀𑐣𑐸𑐩𑐵𑐣 𑐡𑐸 𑑋