𑐳𑐶𑐎𑑂𑐎𑐶𑐩𑐫𑑂 𑑒𑑐 𑐣𑑂𑐴𑐸 𑐟𑐵𑑅𑐴𑐵𑐎𑑅𑐐𑐸 𑐣𑐾𑐰𑐵𑑅 𑐎𑐵𑐬𑑂𑐫𑐱𑐵𑐮𑐵

𑐫𑐾𑑃 – 𑐨𑐵𑐬𑐟𑐫𑐵 𑐳𑐶𑐎𑑂𑐎𑐶𑐩𑐫𑑂 𑑒𑑐 𑐣𑑂𑐴𑐸 𑐟𑐎 𑐣𑑂𑐴𑑂𑐫𑐵𑑅𑐐𑐸 𑐣𑐾𑐰𑐵𑑅 𑐎𑐵𑐬𑑂𑐫𑐱𑐵𑐮𑐵 𑐣𑐎𑐟𑐶𑐣𑐶 𑐎𑑂𑐰𑐔𑐵𑐮 𑑋 𑐣𑐾𑐰𑐵𑑅 𑐖𑐵𑐟𑐶𑐫𑐵 𑐨𑐵𑐲𑐵, 𑐣𑐳𑐵𑐟𑑂𑐰𑑃𑐳𑐵 𑐴𑐸𑐮𑐵𑐥𑑂𑐫𑐵𑐏𑑄 𑐳𑑂𑐫𑐣𑐾𑐐𑐸 𑐟𑐵𑑅 𑐟𑐫𑐵𑑅 𑐄𑐐𑐸 𑐎𑐵𑐬𑑂𑐫𑐱𑐵𑐮𑐵 𑐣𑑂𑐴𑑂𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅𑐫𑐵 𑐀𑐣𑑂𑐟𑐶𑐩 𑐣𑑂𑐴𑐶 𑐎𑐵𑐬𑑂𑐫𑐱𑐵𑐮𑐵𑐫𑑂 𑐳𑐴𑐨𑐵𑐐𑐷 𑐖𑐹𑐥𑐶𑑄𑐳𑑄 𑐣𑐾𑐰𑐵𑑅 𑐣𑐳𑐵𑐟𑑂𑐰𑑃𑐳𑐵𑐫𑐵 𑐧𑑂𑐰𑐖𑑂𑐫𑐵 𑐮𑐶𑐳𑐾𑑄 𑐴𑐸𑐮𑐵𑐥𑑂𑐫𑐵𑐏𑑄 𑐣𑑂𑐴𑑂𑐫𑐧𑑂𑐰𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐎𑐵𑐬𑑂𑐫𑐱𑐵𑐮𑐵 𑐳𑐶𑐎𑑂𑐎𑐶𑐩𑐫𑐵 𑐳𑐶𑐒𑑂𑐟𑐵𑐩 𑐢𑐵𑑅𑐐𑐸 𑐠𑐵𑐳𑐫𑑂 𑐖𑐹𑐐𑐸 𑐏𑑅 𑑋 𑐄𑐎𑐷 𑐳𑐶𑐒𑑂𑐟𑐵𑐩 𑐡𑐸𑐣𑐾 𑐰 𑐥𑐶𑐣𑐾 𑐔𑑂𑐰𑑄𑐥𑐶𑑄 𑐳𑐩𑐾𑐟 𑐫𑐵𑐣𑐵𑑅 𑑒𑑖 𑐩𑑂𑐴 𑐡𑐸𑐖𑑅𑐟𑐫𑑂𑐳𑑄 𑐳𑐴𑐨𑐵𑐐𑐷𑐟𑐫𑑂𑐳𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅 𑐳𑐶𑐒𑑂𑐟𑐵𑐩𑐫𑐵 𑐣𑐾𑐰𑐵𑑅 𑐨𑐵𑐫𑑂 𑐧𑑂𑐰𑐣𑐾𑐎𑐸𑐠𑐶𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐏𑑅 𑑋 𑐠𑐸𑐎𑐷 𑐣𑐾𑐥𑐵𑑅𑐫𑐵 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹𑐥𑐵𑐏𑐾𑑄 𑐗𑐵𑑅𑐩𑑂𑐴 𑐮𑐎𑑂𑐲𑑂𑐩𑐷 𑐱𑐵𑐎𑑂𑐫𑑄 𑐳𑐴𑐨𑐵𑐐𑐷𑐟𑐫𑑂𑐟 𑐣𑐾𑐰𑐵𑑅 𑐴𑐸𑐮𑐵𑐥𑑂𑐫𑐵𑐏𑑄 𑐰 𑐣𑐳𑐵𑐟𑑂𑐰𑑃𑐳𑐵 𑐡𑐫𑐾𑐐𑐸 𑐎𑐮𑐵 𑐳𑑂𑐫𑐣𑐵𑐡𑐷𑐐𑐸 𑐏𑑅 𑑋

𑐀𑐠𑐾 𑐴𑐾 𑐎𑐵𑐮𑐶𑐩𑑂𑐥𑑀𑐒𑐫𑐵 𑐫𑑀𑐐𑐰𑐷𑐬 𑐱𑐵𑐎𑑂𑐫𑑄 𑑒𑑐 𑐣𑑂𑐴𑐸 𑐟𑐎𑑄 𑐣𑐾𑐰𑐵𑑅 𑐨𑐵𑐫𑑂 𑐳𑑂𑐫𑐣𑐵𑐡𑐷𑐐𑐸 𑐏𑑅 𑑋𑐖𑑂𑐫𑐵𑐗𑑂𑐰𑑅𑐫𑐵 𑐳𑐩𑐵𑐥𑐣 𑐳𑐩𑐵𑐬𑑀𑐴 𑐣𑐾𑐰𑐵𑑅 𑐨𑐵𑐫𑑂 𑐧𑑂𑐰𑐣𑐾𑐎𑐸𑐠𑐶𑐫𑐵 𑐣𑐵𑐫𑑅 𑐰𑐶𑐣𑑀𑐡 𑐥𑑂𑐬𑐢𑐵𑐣𑑄 𑐮𑐳𑐎𑐸𑐳 𑐫𑐵𑐳𑐾𑑄 𑐣𑑂𑐴𑑂𑐫𑐵𑐎𑐹𑐐𑐸 𑐏𑑅𑐳𑐵 𑐕𑑂𑐫𑐵𑑄𑐖𑑂𑐫𑐾 𑐀𑐖𑐶𑐟 𑐥𑑂𑐬𑐢𑐵𑐣𑑄 𑐖𑑂𑐫𑐵𑐗𑑂𑐰𑑅𑐫𑐵 𑐥𑑂𑐬𑐟𑐶𑐰𑐾𑐡𑐣 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐥𑐹𑐬𑐵 𑐡𑐶𑐣 𑐴𑐾 𑐄𑐥𑐳𑑂𑐠𑐶𑐟 𑐖𑐸𑐫𑐵𑐡𑐷𑐩𑑂𑐴 𑐀𑐣𑐩𑑀𑐮 𑐥𑑂𑐬𑐢𑐵𑐣𑐫𑐵𑐟 𑐰𑐶𑐱𑐾𑐲 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅𑐳𑐵 𑐥𑑂𑐬𑐱𑐶𑐎𑑂𑐲𑐎𑐥𑐶𑑄𑐳𑑄 𑐣𑐾𑐰𑐵𑑅 𑐨𑐵𑐫𑑂 𑐰 𑐳𑑄𑐳𑑂𑐎𑐺𑐟𑐶𑐫𑐵 𑐩𑐴𑐟𑑂𑐰 𑐧𑐵𑐬𑐾 𑐎𑐣𑐵𑐡𑐷𑐐𑐸 𑐏𑑅 𑑋