𑐳𑐵𑐴𑐶𑐟𑑂𑐫 𑐩𑐣𑑂𑐡𑐶𑐬𑐫𑐵 𑐏𑑂𑐰𑐷𑐏𑐸𑐎𑑂𑐰𑑅𑐐𑐸 𑐧𑐸𑐡𑐶𑐫𑐵 𑐮𑐳𑐟𑐵𑐫𑑂 𑐠𑐷𑐠𑐷 𑐳𑐶𑐬𑐥𑐵 𑐮𑑅𑐯𑐵𑐟

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 – 𑐣𑐾𑐰𑐵𑑅 𑐳𑐹𑐔𑐣𑐵 𑐎𑐾𑐣𑑂𑐡𑑂𑐬 | 𑑒𑑐𑑗𑑖 𑐧𑐿𑐱𑐵𑐏 𑑒𑑑, 𑐱𑐣𑐶𑐧𑐵𑐬 𑑑𑑑:𑑑𑑔:𑑒𑑙

𑐣𑐾𑐥𑐵𑐮 𑐳𑐵𑐴𑐶𑐟𑑂𑐫 𑐩𑐣𑑂𑐡𑐶𑐬 𑐏𑑂𑐰𑐥𑐫𑐵 𑐏𑑂𑐰𑐷𑐏𑐸𑐎𑑂𑐰𑑅𑐐𑐸 𑐧𑐸𑐡𑐶𑑄 𑐴𑐣𑐵 𑐖𑑂𑐫𑐵𑐗𑑂𑐰𑑅 𑐏𑑂𑐰𑐥𑐫𑑂 𑐗𑑅𑐗𑑅 𑐢𑐵𑐫𑐾𑐎 𑐪𑐶𑐐𑑅 𑐎𑑂𑐰𑑅𑐔𑐵𑐐𑐸 𑐡𑐸 𑑋
𑐥𑑂𑐬𑐾𑐩 𑐱𑐵𑐣𑑂𑐟𑐶 𑐟𑐸𑐮𑐵𑐢𑐬 𑐩𑐹𑐥𑐵𑐴𑐵𑑃 𑐎𑐠𑑄 𑐗𑐵𑐫𑐵𑐡𑐷𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐟𑐶𑐮𑐎 𑐥𑑂𑐬𑐳𑐵𑐡 𑐎𑐵𑐫𑐳𑑂𑐠𑐫𑐵 𑐣𑐵𑐫𑐳𑐸𑐂 𑐖𑐸𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐧𑐶𑐬𑐵𑐟 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣 𑐐𑐸𑐠𑐶𑐫𑐵 𑐣𑐵𑐫𑑅 𑐎𑐺𑐲𑑂𑐞 𑐨𑐎𑑂𑐟 𑐧𑑀𑐜𑐾, 𑐬𑐵𑐩𑐱𑐾𑐏𑐬 𑐮𑐸𑐩𑐣𑑂𑐟𑐶 𑐡𑐧𑐹𑐫𑐵 𑐣𑐵𑐫𑑅 𑐐𑑀𑐰𑐶𑐣𑑂𑐡 𑐩𑐵𑐣 𑐱𑑂𑐬𑐾𑐲𑑂𑐛, 𑐫𑐵𑐟𑐵𑐖𑑅𑐫𑐵 𑐣𑐵𑐫𑑅 𑐳𑑁𑐬𑐨 𑐱𑐵𑐎𑑂𑐫𑐥𑐶𑑄 𑐥𑐵𑐴𑐵𑑃 𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋 𑐥𑐱𑐸𑐥𑐟𑐶𑐩𑐵𑐣 𑐥𑑅𑐩𑐵𑐣𑑄 𑐮𑐳𑐎𑐸𑐳 𑐣𑑂𑐰𑐔𑐹 𑐟𑐫𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐬𑐸𑐎𑑂𑐩𑐞𑐷 𑐱𑑂𑐬𑐾𑐲𑑂𑐛𑐫𑐵𑐟 ‘𑐖𑐬𑐶𑐩𑐿𑐫𑐵 𑐳𑐵𑐏𑑅 𑐎𑐸𑐩𑐵𑐬 𑐮𑐸𑐩𑐣𑑂𑐟𑐶 𑐳𑐶𑐬𑐥𑐵’, 𑐳𑐸𑐣𑐶𑐮 𑐧𑐖𑑂𑐬𑐵𑐔𑐵𑐬𑑂𑐫𑐫𑐵𑐟 ‘𑐳𑐸𑐩𑐣 𑐎𑐸𑐩𑐵𑐬 𑐥𑐬𑐡𑐾𑐱𑐷 𑐮𑐸𑐩𑐣𑑂𑐟𑐶 𑐳𑐶𑐬𑐥𑐵, 𑐱𑑂𑐬𑐷 𑐁𑐎𑐵𑐱 𑐨𑐿𑐬𑐰 𑐣𑑁𑐧𑐵𑐖𑐵 𑐨𑐖𑐣 𑐏𑐮𑑅𑐫𑐵𑐟 ‘𑐴𑐬𑑂𑐲𑐮𑐵𑐮 𑐮𑐸𑐩𑐣𑑂𑐟𑐶 𑐳𑐶𑐬𑐥𑐵’ 𑐮𑑅𑐯𑐵𑑅𑐐𑐸 𑐏𑑅 𑑋 𑐄𑐐𑐸 𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐕𑐟𑑂𑐬 𑐬𑐵𑐖 𑐱𑐵𑐎𑑂𑐫 𑐰 𑐰𑐶𑐖𑐫 𑐳𑐵𑐐𑐬𑐥𑐶𑐣𑑂𑐟 𑐴𑐣𑐾𑐖𑑂𑐫𑐵 𑐫𑐵𑑅𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐩𑐹 𑐥𑐵𑐴𑐵𑑃 𑐥𑑂𑐬𑐾𑐩 𑐱𑐵𑐣𑑂𑐟𑐶 𑐟𑐸𑐮𑐵𑐢𑐬𑑄 𑐕𑐸𑑄 𑐣𑑄 𑐖𑐵𑐟𑐶𑐫𑐵𑐟 𑐳𑑂𑐫𑐵𑐫𑐾𑐩𑐵𑐮 𑐢𑐵𑑅𑐳𑐵 𑐂𑐩𑐶𑐐𑐸 𑐨𑐵𑐲𑐵 𑐤𑑄𑐎𑐵 𑐧𑑂𑐫𑐹 𑐢𑐵𑐂 𑐢𑐵𑐳𑐾𑑄 𑐠𑐐𑐸 𑐢𑐵𑐥𑐹 𑐎𑐠𑑄 𑐳𑑂𑐰𑐫𑐾𑐐𑐸 𑐏𑑅𑐳𑐵 𑐣𑐾𑐰𑐵𑑅𑐟 𑐤𑐣𑐵𑐰𑐣𑐷𑐐𑐸 𑐀𑐰𑐳𑑂𑐠𑐵𑐫𑑂 𑐠𑑂𑐫𑐣𑐾 𑐢𑐸𑐎𑐹𑐐𑐸 𑐏𑑃𑐫𑑂 𑐔𑑂𑐫𑐹𑐟𑐵 𑐥𑑂𑐰𑑄𑐎𑐵𑐡𑐶𑐮 𑑋
𑐖𑑂𑐫𑐵𑐗𑑂𑐰𑑅 𑐬𑐵𑐩𑐾𑐱𑑂𑐰𑐬 𑐨𑐸𑐖𑐸𑑄 𑐤𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋