𑐳𑐣𑑂𑐢𑑂𑐫𑐵

𑐳𑐣𑑂𑐢𑑂𑐫𑐵

– 𑐰𑐿𑐎𑐸𑐞𑑂𑐛𑐥𑑂𑐬𑐳𑐵𑐡 𑐮𑐵𑐎𑑁𑐮

𑐟𑑂𑐫𑐵𑐣𑐸𑐫𑐵 𑐴𑐶𑑄 𑐧𑐸𑐮𑐵 𑐏𑑂𑐰𑐵𑐮𑑄 𑐳𑐹𑐬𑑂𑐫 𑐀𑐳𑑂𑐟𑐵𑐔𑐮𑐾 𑐡𑐶𑐟,
𑐰𑐮 𑐧𑐸𑐮𑑄 𑐧𑐸𑐮𑑄 𑐳𑐣𑑂𑐢𑑂𑐫𑐵 𑐳𑐵𑐣𑑂𑐟𑑂𑐰𑐣𑐵 𑐧𑐷𑐟 𑐳𑐎𑑂𑐳𑐶𑐟 𑑋
𑐧𑐮 𑐏𑑂𑐫𑐮𑑄 𑐮𑐶𑐴𑐵𑑃 𑐳𑐵𑐟, 𑐮𑑂𑐫𑐹 𑐮𑑂𑐫𑐹 𑐳𑐵𑐥𑐹 𑐩𑐴𑐵𑐖𑐣 𑑋
𑐎𑐺𑐲𑑂𑐞𑐖𑐸𑑄 𑐧𑐵𑐳𑐸𑐬𑐷 𑐥𑐹 𑐠𑐾𑑄 𑐳𑐸𑐮𑐶 𑐥𑐸𑐥𑐸𑑄 𑐰𑐫𑐵 𑐔𑑂𑐰𑐣

𑐎𑐶𑐳𑐵𑐣𑐶𑐟 𑐴𑑂𑐣𑐶-𑐖𑑂𑐫𑐵𑑄 𑐧𑑂𑐫𑐵𑐎𑐵𑑅 𑐣𑑂𑐴𑑂𑐫: 𑐣𑑂𑐴𑑂𑐫: 𑐩𑐔𑐵 𑐩𑐶𑐳𑐵 𑐟𑐫𑐵
𑐧𑐸𑑄 𑐮𑐶𑐴𑐵𑑃 𑐰𑐮 𑐁𑑅 𑐩𑐖𑑂𑐖𑐵𑑄 𑐔𑐣𑑂𑐡𑑂𑐬 𑐮𑐹 𑐠𑐾 𑐣𑐐𑐹 𑐧𑑂𑐰𑐫𑐵 𑑋
‘ ‘𑐁 𑐮𑐵 𑐰𑐫𑐶 ” 𑐑𑐎𑐵 𑐴𑐬𑑂𑐲𑑄 ‘‘𑐖𑑂𑐫𑐵𑐫𑐵 𑐰𑑄𑐴𑑂𑐫 𑐖𑐶𑐩𑐷 𑐀𑐧𑐸”
𑐎𑑅𑐩𑐶𑐟𑐫𑑂 𑐩𑐔𑑂𑐟 𑐣𑑂𑐫𑐵𑐳𑑂𑐔𑐵𑐐𑐸 𑐧𑐏𑐵𑐣 𑐫𑐵𑐫 𑐖𑐶𑑄 𑐩𑐦𑐸 𑑋

𑐧𑐵𑐳𑑄 𑐔𑑂𑐰𑐣𑐵 𑐳𑐶𑐩𑐵 𑐥𑐟𑐶𑑄 𑐗𑑄𑐐𑑅 𑐥𑐎𑑂𑐲𑐷 𑐰𑐫𑐵 𑐩𑐸𑐣𑐷
𑐮𑑀𑐩𑑄𑐎𑐮 𑐴𑑂𑐣𑐶𑐫𑐵 𑐡𑐸𑑅𑐏 𑐳𑐣𑑂𑐢𑑂𑐫𑐵𑐫𑐵𑐐𑐸 𑐟𑐸𑐟𑑅 𑐧𑑂𑐰𑐣𑐵 𑑋
𑐴𑑂𑐣𑐶𑐔𑑂𑐕𑐶𑐟𑐎𑑂𑐎 𑐣𑐶𑐨𑐵:- 𑐟𑐵𑐥𑑄 𑐏𑑂𑐫𑐹𑑃 𑐏𑑂𑐰𑐵𑐄𑑃𑐠𑐵𑐫𑑂 𑐳𑐸𑐮𑐵𑐔𑑂𑐰𑐣𑐵
𑐧𑑂𑐰𑐫𑐵 𑐖𑐸𑐮 𑐨𑐸𑐮𑐹𑐏𑐵 𑐁𑑅 𑐴𑐵𑐮𑐵 𑐄𑐏𑐾 𑐠𑐸𑐏𑐾 𑐳𑐣𑐵 𑑋

𑐔𑐣𑑂𑐡𑑂𑐬𑐩𑐵 𑐣𑐵𑐥 𑐮𑐵𑐫𑑂 𑐁𑐱𑐵𑑄 𑐮𑑀𑐩𑑄𑐎𑐵 𑐰𑐶𑐬𑐴𑐵𑐣𑐮
𑐄𑐦𑑀-𑐳𑑂𑐰𑐵𑑄 𑐣𑑄 𑐴𑐠𑐵𑐫𑑂 𑐔𑐵𑐔𑐵𑑄 𑐨𑐟𑐶 𑐨𑐟𑐶 𑐴𑑂𑐰𑐫𑐵 𑐰𑐮𑑋
𑐳𑐣𑑂𑐢𑑂𑐫𑐵𑐫𑐵 𑐱𑐵𑐣𑑂𑐟𑐶𑐫𑐵 𑐢𑐵𑐮𑑄 𑐨𑐎𑑂𑐟𑐫𑐵𑐐𑐸 𑐩𑐣𑐾 𑐡𑐶𑐟
𑐂𑐲𑑂𑐚 𑐃𑐱𑑂𑐰𑐬𑐫𑐵 𑐠𑐵𑐳 𑐥𑑂𑐬𑐾𑐩𑐫𑐵 𑐁𑐬𑐟𑐷 𑐔𑐶𑐟𑑋

-𑐠𑐸𑐮𑐶𑐔𑐵𑑄