𑐱𑐶𑐎𑑂𑐲𑐵𑐰𑐶𑐡𑑂 𑐩𑐵𑐳𑑂𑐎𑐾𑐫𑐵 𑐗𑑂𑐰𑐵𑐟𑐵 𑐀𑐣𑐵𑐰𑐬𑐞

𑐫𑐾𑑃- 𑐰𑐶𑐱𑑂𑐰 𑐣𑐶𑐎𑐾𑐟𑐣 𑐄𑐔𑑂𑐔 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫𑐫𑐵 𑐥𑐸𑐮𑐵𑑄𑐩𑑂𑐴 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎𑐮𑐶𑐳𑐾𑑄 𑐱𑐶𑐎𑑂𑐲𑐵𑐰𑐶𑐡𑑂 𑐐𑐩𑑂𑐨𑐶𑐬𑐩𑐵𑐣 𑐩𑐵𑐳𑑂𑐎𑐾𑐫𑐵 𑐗𑑂𑐰𑐵𑐟𑐵 𑐰𑐶𑐡𑑂𑐫𑐵𑐮𑐫 𑐥𑐬𑐶𑐳𑐬𑐫𑑂 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐡𑐸 𑑋 𑐰𑐶𑐱𑑂𑐰 𑐣𑐶𑐎𑐾𑐟𑐣–𑐐𑐩𑑂𑐨𑐶𑐬𑐩𑐵𑐣 𑐦𑐵𑐄𑐣𑑂𑐜𑐾𑐱𑐣𑑄 𑐩𑐡𑐸𑐩𑑂𑐴 𑐱𑐶𑐎𑑂𑐲𑐵𑐰𑐶𑐡𑑂 𑐩𑐵𑐳𑑂𑐎𑐾𑐫𑐵 𑐗𑑂𑐰𑐵𑐟𑐵 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐏𑑅 𑑋

‘𑐐𑐸𑐞𑐳𑑂𑐟𑐬𑐷𑐫 𑐱𑐶𑐎𑑂𑐲𑐵𑐫𑐵 𑐣𑐶𑑄𑐟𑐶𑑄 𑐴𑐵𑐟𑐾𑐩𑐵𑐮𑑀’ 𑐢𑐂𑐐𑐸 𑐩𑐹𑐣𑐵𑐬𑐵 𑐖𑑂𑐰𑐣𑐵𑑅 𑐐𑐛𑐣 𑐫𑐵𑐣𑐵𑐟𑑅𑐐𑐸 𑐦𑐵𑐄𑐣𑑂𑐜𑐾𑐳𑐣𑐫𑐵 𑐐𑑂𑐰𑐳𑐵𑐮𑐫𑑂 𑐰𑑄𑐐𑐸 𑐱𑐣𑐶𑐰𑐵𑑅 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐡𑑂𑐫𑐵𑐮𑐫𑐫𑐵 𑐥𑐸𑐮𑐵𑑄𑐥𑐶𑑄 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎𑐥𑐶𑑄 𑐳𑐟𑑂𑐫𑐣𑐵𑐬𑐵𑐫𑐞 𑐬𑐵𑐖𑐨𑐞𑑂𑐜𑐵𑐬𑐷, 𑐎𑐩𑐮𑐵 𑐱𑐵𑐎𑑂𑐫, 𑐣𑐶𑐬𑑂𑐩𑐮 𑐐𑐶𑐬𑐷 𑐰𑐫𑑂𑐎𑑅𑐫𑐵 𑐀𑐟𑐶𑐎𑑄 𑐳𑑂𑐫𑐵𑑅𑐣𑑂𑐫𑐵𑑅𑐩𑑂𑐴 𑐥𑐵𑐳𑐵 𑐜𑐵. 𑐴𑐾𑐬𑐩𑑂𑐧𑐧𑐴𑐵𑐡𑐸𑐬 𑐬𑐵𑐖𑐨𑐵𑐞𑑂𑐜𑐵𑐬𑐷𑑄 𑐩𑑄𑐎𑐵𑑅𑐎𑐠𑑄 𑐗𑑂𑐰𑐵𑐟𑐵𑐫𑐵 𑐀𑐣𑐵𑐰𑐬𑐞 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐄𑐐𑐸 𑐂𑐮𑐫𑑂 𑐰𑐶𑐡𑑂𑐫𑐵𑐮𑐫𑐫𑐵 𑐩𑐾𑐩𑑂𑐴 𑐥𑐸𑐮𑐵𑑄𑐩𑑂𑐴 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐧𑐾𑐏𑐵𑐮𑐵𑐮 𑐱𑑂𑐬𑐾𑐲𑑂𑐛𑑄 𑐨𑐶𑐜𑐶𑐫𑑀 𑐳𑐣𑑂𑐡𑐾𑐱 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐰𑐶.𑐳𑑄. 𑑒𑑐𑑐𑑓 𑐳𑐵𑐮𑐫𑑂 𑐣𑐬𑐩𑐵𑐣 𑐱𑑂𑐬𑐾𑐲𑑂𑐛𑑄 𑐠𑑅𑐐𑐸 𑐴𑐾 𑐕𑐾𑑃𑐫𑐵 𑐕𑐾𑑃𑐡𑐶𑐂 𑐣𑐷𑐳𑑂𑐰𑐣𑐵𑐡𑐷𑐐𑐸 𑐄𑐐𑐸 𑐰𑐶𑐡𑑂𑐫𑐵𑐮𑐫𑐫𑑂 𑐱𑐶𑐎𑑂𑐲𑐵𑐰𑐶𑐡𑑂 𑐩𑐡𑐸𑐩𑑂𑐴 𑐩𑐵𑐳𑑂𑐎𑐾𑑄 𑑒𑑐𑑒𑑓 𑐣𑐶𑐳𑐾𑑄 𑑒𑑐𑑕𑑑 𑐳𑐵𑐮𑐟𑐎 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐖𑐸𑐫𑐵𑑅 𑐳𑐾𑐰𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐠𑐐𑐸𑐣𑐾 𑐩𑑄𑐳𑐶𑐬 𑑑𑑖 𑐐𑐟𑐾 𑑘𑑖 𑐡𑑃𑐫𑐵 𑐄𑐩𑐾𑐬𑐫𑑂 𑐩𑐡𑐸𑐩𑑂𑐴 𑐩𑐵𑐳𑑂𑐎𑐾𑐫𑐵 𑐡𑐎𑐶𑐮𑐵𑐫𑐵 𑐥𑐸𑐞𑑂𑐫 𑐟𑐶𑐠𑐶 𑐮𑐵𑐎𑐵𑑅 𑐰𑐶𑐡𑑂𑐫𑐵𑐮𑐫 𑐥𑐬𑐶𑐳𑐬𑐫𑑂 𑐗𑑂𑐰𑐵𑐟𑐵 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐡𑑂𑐫𑐵𑐮𑐫 𑐰𑑂𑐫𑐰𑐳𑑂𑐠𑐵𑐥𑐣 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐐𑑀𑐥𑐵𑐮 𑐱𑑂𑐬𑐾𑐲𑑂𑐛, 𑐥𑐸𑐮𑐵𑑄𑐩𑑂𑐴 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐬𑐵𑐖𑐨𑐞𑑂𑐜𑐵𑐬𑐷, 𑐥𑐸𑐮𑐵𑑄𑐩𑑂𑐴 𑐱𑐶𑐎𑑂𑐲𑐶𑐎𑐵 𑐩𑐘𑑂𑐖𑐸 𑐀𑐢𑐶𑐎𑐵𑐬𑐷, 𑐱𑐶𑐎𑑂𑐲𑐵𑐰𑐶𑐡𑑂 𑐩𑐵𑐳𑑂𑐎𑐾𑐫𑐵 𑐕𑐫𑑂 𑐜𑐵. 𑐳𑐦𑐮𑐵 𑐩𑐵𑐳𑑂𑐎𑐾, 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐴𑐾𑐬𑐩𑑂𑐧 𑐎𑑃𑐜𑐾𑐮 𑐮𑐐𑐵𑐫𑐟𑑄 𑐩𑐡𑐸𑐩𑑂𑐴 𑐩𑐵𑐳𑑂𑐎𑐾𑑄 𑐱𑐶𑐎𑑂𑐲𑐵 𑐏𑑂𑐫𑐮𑐫𑑂 𑐧𑐶𑐫𑐵𑐡𑐷𑐐𑐸 𑐫𑑀𑐐𑐡𑐵𑐣𑐫𑐵𑐟 𑐎𑐫𑐵𑑅 𑐔𑐬𑑂𑐔𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐗𑑂𑐰𑐵𑐟𑐵 𑐡𑐫𑐾𑐎𑐵 𑐡𑐷𑐩𑑂𑐴 𑐎𑐮𑐵𑐎𑐵𑐬 𑐱𑑂𑐫𑐵𑐩 𑐟𑐸𑐮𑐵𑐢𑐬𑐣𑐵𑐥𑑄 𑐜𑐶𑐖𑐵𑐂𑐣 𑐰 𑐣𑐶𑐬𑑂𑐩𑐵𑐞𑐫𑐵 𑐖𑑂𑐫𑐵𑐫𑑂 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄𑐟 𑐣𑑄 𑐴𑐣𑐵𑐥𑑁 𑐮𑑅𑐮𑑂𑐴𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐥𑐸𑐮𑐵𑑄𑐩𑑂𑐴 𑐰𑐶𑐡𑑂𑐫𑐵𑐬𑑂𑐠𑐷 𑐳𑐸𑐬𑐖 𑐥𑑁𑐜𑐾𑐮𑑄 𑐮𑐳𑐎𑐸𑐳 𑐰 𑐰𑐶𑐣𑑂𑐡𑑂𑐬𑐵 𑐎𑐎𑑂𑐲𑐥𑐟𑐶 𑐥𑑂𑐬𑐢𑐵𑐣𑑄 𑐳𑐸𑐨𑐵𑐫𑑂 𑐡𑐾𑐕𑐵𑐣𑐵𑐡𑐷𑐐𑐸 𑐏𑑅𑐳𑐵 𑐦𑐵𑐄𑐣𑑂𑐜𑐾𑐳𑐣𑐫𑐵𑐟 𑐰𑐶𑐡𑑂𑐫𑐵𑐮𑐫𑐫𑐵 𑐥𑐸𑐮𑐵𑑄𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷, 𑐱𑐶𑐎𑑂𑐲𑐎𑐱𑐶𑐎𑑂𑐲𑐶𑐎𑐵 𑐮𑐐𑐵𑐫𑐟 𑐠𑐷𑐠𑐷 𑐳𑑄𑐑𑐳𑑄𑐳𑑂𑐠𑐵𑐥𑐵𑐏𑐾𑑄 𑐐𑑂𑐰𑐵𑐴𑐵𑐮𑐶 𑐣𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋