𑐱𑐵𑐣𑑂𑐟𑐶𑐱𑑂𑐬𑐩 𑐩𑐵.𑐰𑐶. 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫

𑐫𑐮 – 𑐠𑐣𑐫𑐵 𑐮𑑂𑐰𑑄𑐴𑐮𑑃𑐫𑑂 𑐔𑑂𑐰𑑄𑐐𑐸 𑐱𑑂𑐬𑐷 𑐱𑐵𑐣𑑂𑐟𑐶𑐱𑑂𑐬𑐩 𑐩𑐵.𑐰𑐶. 𑐣𑑄 𑐐𑐸𑑄𑐐𑐹 𑐟𑐐𑐶𑐩𑐫𑑂 𑐋𑐔𑑂𑐕𑐶𑐎 𑐰𑐶𑐲𑐫𑐎𑐠𑑄 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐡𑐸𑐠𑑂𑐫𑐵𑐎𑐹𑐐𑐸 𑐡𑐸 𑑋 𑐰𑐵𑐒𑐩𑐫 𑐱𑐟𑐵𑐧𑑂𑐡𑐷𑐥𑐸𑐬𑐸𑐲 𑐳𑐟𑑂𑐫𑐩𑑀𑐴𑐣 𑐖𑑀𑐱𑐷𑐫𑐵 𑐰𑐶𑐱𑐾𑐲 𑐴𑑅𑐥𑐵𑑅 𑐰 𑐎𑐸𑐟𑐮𑑄 𑐰𑐶𑐡𑑂𑐫𑐵𑐮𑐫𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐡𑐸𑐠𑑂𑐫𑐵𑐎𑐹𑐐𑐸 𑐏𑑅 𑑋 𑐰𑐵𑐒𑐩𑐫 𑐱𑐟𑐵𑐧𑑂𑐡𑐷𑐥𑐸𑐬𑐸𑐲 𑐖𑑀𑐱𑐷 𑐄𑐐𑐸 𑐰𑐶𑐡𑑂𑐫𑐵𑐮𑐫𑐫𑐵 𑐳𑑄𑐳𑑂𑐠𑐵𑐥𑐎 𑐡𑐸𑐖𑑅 𑐣𑑄 𑐏𑑅 𑑋

𑐠𑐸𑐐𑐸𑐳𑐷𑐣𑐶𑐳𑐾𑑄 𑐴𑐾 𑐀𑐢𑑂𑐫𑐵𑐥𑐣 𑐫𑐵𑐎𑐾𑐐𑐸 𑐮𑑂𑐫𑐵𑐏𑑄 𑐰𑐶𑐡𑑂𑐫𑐵𑐮𑐫𑑄 𑐋𑐔𑑂𑐕𑐶𑐎 𑐰𑐶𑐲𑐫𑐎𑐠𑑄 𑐣𑐾𑐥𑐵𑐮𑐨𑐵𑐲𑐵 𑐡𑐸𑐠𑑂𑐫𑐵𑐎𑐹𑐐𑐸 𑐏𑑅𑐳𑐵 𑐗𑐶𑐩𑑂𑐴𑐰𑐶𑐡𑑂𑐫𑐵𑐬𑑂𑐠𑐷𑑄 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐀𑐢𑑂𑐫𑐫𑐣 𑐫𑐵𑐣𑐵𑐔𑑂𑐰𑑄𑐐𑐸 𑐰𑐶𑐡𑑂𑐫𑐵𑐮𑐫𑑄 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋 𑐰𑐶𑐡𑑂𑐫𑐵𑐮𑐫𑐫𑑂 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐎𑐫𑐵𑑅 𑐀𑐢𑑂𑐫𑐫𑐣 𑐫𑐵𑑅𑐥𑐶𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵𑐟 𑐮𑐫𑑂𑐥𑐟𑐶𑐎𑑄 𑐣𑑂𑐫𑐵𑐳𑑅 𑐟𑐎𑐵 𑐡𑐵𑑄𑐫𑐵 𑐕𑐵𑐟𑑂𑐬𑐰𑐺𑐟𑑂𑐟𑐶𑐫𑐵 𑐰𑑂𑐫𑐰𑐳𑑂𑐠𑐵 𑐣𑑄 𑐡𑐸𑐐𑐸 𑐰𑐶𑐡𑑂𑐫𑐵𑐮𑐫𑐫𑐫𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐴𑐬𑐶𑐡𑐾𑐰 𑐫𑐵𑐡𑐰𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋