𑐰𑑃𑐫𑑂 𑐳𑐸 ? 𑐣𑐵𑐚𑐎 𑐳𑐦𑐹 𑐥𑐶𑐡𑐣

𑐬𑐵𑐖𑐾𑐣𑑂𑐡𑑂𑐬 𑐬𑐘𑑂𑐖𑐶𑐟, 𑐣𑐾𑐰𑐵𑑅 𑐳𑐹𑐔𑐣𑐵 𑐎𑐾𑐣𑑂𑐡𑑂𑐬

𑐫𑐾𑑃, 𑐥𑑀𑐴𑐾𑐮𑐵𑐠𑑂𑐰 𑐲𑐲𑑂𑐛𑐷 𑑋

𑐥𑐟𑑂𑐬𑐎𑐵𑐬 𑐬𑐟𑑂𑐣 ‘𑐩𑐣’ 𑐫𑐵 𑐣𑐵𑐚𑐎 𑐩𑐸𑐣𑐵 𑐳𑐦𑐹 ‘𑐰𑑃𑐫𑑂 𑐳𑐸 ?’ 𑐩𑐾𑐬𑑀 𑐳𑐵𑐥𑑂𑐟𑐵𑐴𑐶𑐎 𑐥𑐟𑑂𑐬𑐶𑐎𑐵𑐫𑐵 𑐐𑑂𑐰𑐳𑐵𑐮𑐫𑑂 𑐩𑑄𑐐𑐮𑐰𑐵𑑅 𑐫𑐾𑑃 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐰𑐶𑐡𑑂𑐫𑐵 𑐳𑐸𑐣𑑂𑐡𑐬 𑐱𑐵𑐎𑑂𑐫𑐖𑐸𑑄 𑐥𑐶𑐟𑐧𑑂𑐰𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐡𑐸 𑑋

𑐬𑐟𑑂𑐣 ‘𑐩𑐣’𑐫𑐵 𑐣𑐵𑐫𑑅𑐳𑐸𑐂 𑐟𑐾𑐖 𑐩𑐴𑐬𑑂𑐖𑐣𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐖𑐫 𑐳𑐶𑑄𑐴 𑐮𑐳𑐎𑐸𑐳 𑐣𑑂𑐰𑐔𑐹 𑐟𑐫𑐵𑐡𑐶𑐮𑐳𑐵 𑐣𑐾𑐰𑐵𑑅 𑐩𑐶𑐜𑐶𑐫𑐵 𑐥𑑂𑐬𑐵 𑐮𑐶𑐫𑐵 𑐀𑐢𑑂𑐫𑐎𑑂𑐲 𑐳𑐣𑑂𑐟𑐎𑐸𑐩𑐵𑐬 𑐩𑐴𑐬𑑂𑐖𑐣𑑄 𑐳𑐦𑐹𑐫𑐵 𑐳𑐩𑐵𑐮𑑀𑐔𑐣𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐀𑐠𑐾𑐴𑐾 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐱𑐾𑐲 𑐥𑐵𑐴𑐵𑑃𑐎𑐠𑑄 𑐔𑑂𑐰𑐩𑐶𑑄𑐫𑐵 𑐩𑐵𑑄 𑐬𑐟𑑂𑐣 𑐡𑐾𑐰𑐷 𑐩𑐴𑐬𑑂𑐖𑐣 𑐰 𑐀𑐧𑐸 𑐨𑐵𑐂𑐎𑐵𑐖𑐷 𑐩𑐴𑐬𑑂𑐖𑐣, 𑐠𑐷𑐠𑐷 𑐰𑐜𑐵𑐫𑐵 𑐰𑐜𑐵𑐢𑑂𑐫𑐎𑑂𑐲𑐥𑐶𑑄 𑐣𑑂𑐴𑐸𑐔𑑂𑐕𑐾𑐎𑐵𑐖𑐷 𑐩𑐴𑐬𑑂𑐖𑐣, 𑐃𑐱𑑂𑐰𑐬𑐩𑐵𑐣 𑐜𑑄𑐐𑑀𑐮, 𑐣𑐾𑐰𑐵𑑅 𑐥𑐟𑑂𑐬𑐎𑐵𑐬 𑐬𑐵𑐲𑑂𑐚𑑂𑐬𑐶𑐫 𑐡𑐧𑐹𑐫𑐵 𑐎𑐾𑐣𑑂𑐡𑑂𑐬𑐷𑐫 𑐣𑐵𑐫𑑅 𑐰 𑐫𑐾𑑃 𑐖𑐶𑐮𑑂𑐮𑐵 𑐣𑐵𑐫𑑅 𑐳𑐸𑐬𑐖𑐰𑐷𑐬 𑐧𑐖𑑂𑐬𑐵𑐔𑐵𑐬𑑂𑐫 𑐰 𑐀𑐬𑐧𑐶𑐣𑑂𑐡 𑐩𑐵𑐣 𑐳𑐶𑑄𑐥𑐶𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋