𑐫𑐾𑑃 – 𑐫𑐾𑑃𑐫𑐵 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐫𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎𑐟𑐫𑑂 𑐡𑐸𑐫𑐵𑑅𑐐𑐸 𑐰𑐶𑐡𑑂𑐫𑐵𑐮𑐫 𑐰𑑂𑐫𑐰𑐳𑑂𑐠𑐵𑐥𑐎 𑐳𑐩𑐵𑐖 𑐐𑑂𑐰𑐳𑐵𑐮𑐫𑑂 𑐰𑑄𑐐𑐸 𑐱𑐸𑐎𑑂𑐬𑐰𑐵𑑅 𑐕𑐐𑐹 𑐀𑐣𑑂𑐟𑐎𑑂𑐬𑑂𑐬𑐶𑐫𑐵𑐟𑑂𑐩𑐎 𑐐𑑀𑐲𑑂𑐛𑐷 𑐖𑐸𑐮 𑑋 𑐣𑐶𑐐𑐹 𑐳𑐾𑐳𑐣𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐰𑐵𑐳𑐾𑑄 𑐩𑐹 𑐥𑐵𑐴𑐵𑑃 𑐰𑐶𑐡𑑂𑐫𑐵𑐮𑐫 𑐱𑐶𑐎𑑂𑐲𑐎 𑐎𑐶𑐟𑐵𑐧𑐏𑐵𑐣𑐵𑐫𑐵 𑐩𑐴𑐵𑐣𑐶𑐬𑑂𑐡𑐾𑐱𑐎 𑐡𑐶𑐣𑐾𑐱 𑐱𑑂𑐬𑐾𑐲𑑂𑐛 𑐰 𑐎𑐶𑐟𑐵𑐧𑐏𑐵𑐣𑐵𑐫𑐵 𑐣𑐶𑐬𑑂𑐡𑐾𑐱𑐎 𑐬𑐰𑐶𑐣𑑂𑐡𑑂𑐬 𑐧𑐸𑐝𑐵𑐥𑑂𑐬𑐶𑐟𑐷𑑄 𑐳𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐫𑐵 𑐱𑐶𑐎𑑂𑐲𑐎𑐟𑐫𑑂𑐳𑑄 𑐀𑐰𑐎𑐵𑐳 𑐮𑐶𑐥𑐵 𑐎𑐵𑐫𑐾𑐏𑐣𑐷𑐐𑐸 𑐳𑐸𑐰𑐶𑐢𑐵 𑐰 𑐄𑐎𑐶𑐫𑐵 𑐣𑐶𑑄𑐟𑐶𑑄 𑐁𑐰𑐱𑑂𑐫𑐎𑑂𑐬 𑐥𑑂𑐬𑐎𑑂𑐬𑐶𑐫𑐵 𑐧𑐵𑐬𑐾 𑐥𑐹𑐰𑑄𑐎 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐳𑐴𑐨𑐵𑐐𑐷𑐥𑐶𑑄𑐳𑑄 𑐣𑑂𑐫𑑄𑐐𑐸 𑐣𑑂𑐴𑐫𑐳𑐮𑐫𑑂 𑐩𑐴𑐵𑐣𑐶𑐬𑑂𑐡𑐾𑐱𑐎 𑐱𑑂𑐬𑐾𑐲𑑂𑐛 𑐰 𑐣𑐶𑐬𑑂𑐡𑐾𑐱𑐎 𑐧𑐸𑐝𑐵𑐥𑑂𑐬𑐶𑐟𑐷𑑄 𑐮𑐶𑐳𑑅 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐳𑐩𑐵𑐖𑐫𑐵 𑐀𑐢𑑂𑐫𑐎𑑂𑐲 𑐬𑐵𑐖𑐾𑐱𑑂𑐰𑐬𑐩𑐵𑐣 𑐱𑑂𑐬𑐾𑐲𑑂𑐛𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐎𑑂𑐰𑐔𑐵𑐫𑐾𑐰𑑄 𑐣𑑂𑐴𑐹𑐡𑑃, 𑐩𑑀𑐴𑐣𑐶 𑐰 𑐕𑐛 𑐥𑐬𑑂𑐰𑐫𑐵 𑐨𑐶𑑄𑐟𑐸𑐣𑐵 𑐎𑐵𑐮𑐧𑐶𑐮 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐏𑑅 𑑋

𑐠𑐸𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐰𑐶𑐡𑑂𑐫𑐵𑐳𑐸𑐣𑑂𑐡𑐬 𑐱𑐵𑐎𑑂𑐫, 𑐳𑐵𑑄𑐳𑐡 𑐖𑐷𑐰𑐣𑐬𑐵𑐩 𑐱𑑂𑐬𑐾𑐲𑑂𑐛, 𑐫𑐾𑑃 𑐩𑐣𑐥𑐵 𑐱𑐶𑐎𑑂𑐲𑐵 𑐰𑐶𑐨𑐵𑐐, 𑐱𑐶𑐎𑑂𑐲𑐵 𑐰𑐶𑐎𑐵𑐳 𑐟𑐠𑐵 𑐳𑐩𑐣𑑂𑐰𑐫 𑐂𑐎𑐵𑐫𑐵 𑐥𑐡𑐵𑐢𑐶𑐎𑐵𑐬𑐷 𑐮𑐶𑐳𑐾𑑄 𑐫𑐾𑑃𑐫𑐵 𑐳𑐵𑐩𑐸𑐡𑐵𑐫𑐶𑐎 𑐰𑐶𑐡𑑂𑐫𑐵𑐮𑐫𑐫𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐰 𑐱𑐶𑐎𑑂𑐲𑐎𑐟𑐫𑑂𑐳𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋