𑐮𑐶𑐕𑑂𑐫𑐵𑐟 𑐊𑐳𑐃𑐃 𑐥𑐹𑐬𑐸𑐎 𑐥𑐬𑐷𑐎𑑂𑐲𑐵𑐫𑐵 𑐟𑐶𑐠𑐶 (𑐢𑐮𑑅 𑐳𑑂𑐰𑐫𑐵𑐡𑐶𑐳𑑃)

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐁𑐲𑐵𑐝 𑑒𑑒, 𑐁𑐂𑐟𑐧𑐵𑐬 𑑑𑑐:𑑔𑑗:𑑔𑑓

𑐬𑐵𑐲𑑂𑐚𑑂𑐬𑐶𑐫 𑐥𑐬𑐷𑐎𑑂𑐲𑐵 𑐧𑑀𑐬𑑂𑐜𑑄 𑐊𑐳𑐃𑐃 𑐥𑐹𑐬𑐎 𑐥𑐬𑐷𑐎𑑂𑐲𑐵𑐫𑐵 𑐢𑐮𑑅 𑐳𑑄𑐱𑑀𑐢𑐣 𑐫𑐵𑑅𑐐𑐸 𑐡𑐸 𑑋 𑐠𑑂𑐰𑐳𑐶𑐧𑐾𑑄 𑐣𑑂𑐴𑑂𑐫𑑅 𑐳𑐵𑐄𑐣 𑑒𑑖 𑐰 𑑒𑑗 𑐐𑐟𑐾𑐫𑐵 𑐣𑐶𑐟𑐶𑑄 𑐎𑑂𑐰𑑅𑐕𑑂𑐫𑐹𑐐𑐸 𑐥𑐬𑐷𑐎𑑂𑐲𑐵 𑐁𑑅 𑐨𑐵𑐡𑑂𑐬 𑑑 𑐐𑐟𑐾𑐣𑐶𑐳𑐾𑑄 𑑑𑑑 𑐐𑐟𑐾𑐟𑐎 𑐖𑐸𑐂𑐐𑐸 𑐧𑑀𑐬𑑂𑐜𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐨𑐵𑐡𑑂𑐬 𑑑 𑐐𑐟𑐾 𑐀𑐣𑐶𑐰𑐵𑐬𑑂𑐫 𑐀𑑄𑐐𑑂𑐬𑐾𑐖𑐷, 𑐀𑐣𑐶𑐰𑐵𑐬𑑂𑐫 𑐣𑐾𑐥𑐵𑐮𑐷 𑐰 𑐀𑐣𑐶𑐰𑐵𑐬𑑂𑐫 𑐳𑑄𑐳𑑂𑐎𑐺𑐟 𑐨𑐵𑐲𑐵 𑐰 𑐳𑐵𑐴𑐶𑐟𑑂𑐫𑐫𑐵 𑐥𑐬𑐷𑐎𑑂𑐲𑐵 𑐖𑐸𑐂 𑑋

𑐨𑐵𑐡𑑂𑐬 𑑒 𑐐𑐟𑐾 𑐐𑐿𑐴𑑂𑐬 𑐣𑐾𑐥𑐵𑐮𑐷 𑐰𑐶𑐡𑑂𑐫𑐵𑐬𑑂𑐠𑐷𑐥𑐶𑐣𑐶𑐐𑐸 𑐣𑐶𑐟𑐶𑑄 𑐀𑑄𑐐𑑂𑐬𑐾𑐖𑐷 𑐰𑐶𑐲𑐫𑐫𑐵 𑐥𑐬𑐷𑐎𑑂𑐲𑐵 𑐣𑐶𑐬𑑂𑐢𑐵𑐬𑐞 𑐫𑐵𑑅𑐐𑐸 𑐡𑐸 𑑋

𑐨𑐵𑐡𑑂𑐬 𑑓 𑐐𑐟𑐾 𑐀𑐣𑐶𑐰𑐵𑐬𑑂𑐫 𑐐𑐞𑐶𑐟 𑐰 𑐨𑐵𑐡𑑂𑐬 𑑔 𑐐𑐟𑐾 𑐀𑐣𑐶𑐰𑐵𑐬𑑂𑐫 𑐰𑐶𑐖𑑂𑐘𑐵𑐣 𑐰𑐶𑐲𑐫𑐫𑐵 𑐥𑐬𑐷𑐎𑑂𑐲𑐵 𑐳𑑄𑐔𑐵𑐮𑐣 𑐖𑐸𑐂𑐐𑐸 𑐧𑑀𑐬𑑂𑐜𑐫𑐵 𑐳𑑄𑐱𑑀𑐢𑐶𑐟 𑐢𑐮𑐏𑐫𑑂 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸 𑑋

𑐨𑐵𑐡𑑂𑐬 𑑕 𑐐𑐟𑐾 𑐥𑑂𑐬𑐵𑐰𑐶𑐢𑐶𑐎𑐥𑐵𑐏𑐾 𑐦𑐵𑐬𑑂𑐩 𑐩𑑂𑐫𑐵𑐣𑐾𑐖𑐩𑐾𑐣𑑂𑐚 𑐊𑐞𑑂𑐜 𑐩𑐵𑐬𑑂𑐎𑐾𑐚𑐶𑐒𑑂𑐐, 𑐂𑐣𑑂𑐖𑐶𑐣𑐶𑐫𑐬𑐶𑐒𑑂𑐐 𑐜𑑂𑐬𑐂𑐒𑑂𑐐, 𑐎𑐩𑑂𑐥𑑂𑐫𑐸𑐚𑐬 𑐬𑐶𑐥𑐾𑐫𑐬 𑐊𑐞𑑂𑐜 𑐩𑐾𑐣𑑂𑐚𑐾𑐣𑐾𑐣𑑂𑐳 𑐰 𑐧𑐾𑐳𑐶𑐎 𑐩𑑂𑐫𑐹𑐖𑐶𑐎 𑐰𑐶𑐲𑐫𑐫𑐵 𑐥𑐬𑐷𑐎𑑂𑐲𑐵 𑐖𑐸𑐂 𑑋

𑐨𑐵𑐡𑑂𑐬 𑑖 𑐐𑐟𑐾 𑐀𑐣𑐶𑐰𑐵𑐬𑑂𑐫 𑐳𑑂𑐰𑐵𑐳𑑂𑐠𑑂𑐫, 𑐖𑐣𑐳𑑄𑐏𑑂𑐫𑐵 𑐰 𑐰𑐵𑐟𑐵𑐰𑐬𑐞 𑐱𑐶𑐎𑑂𑐲𑐵, 𑐀𑐣𑐶𑐰𑐵𑐬𑑂𑐫 𑐳𑑄𑐳𑑂𑐎𑐺𑐟 𑐨𑐵𑐲𑐵𑐫𑐵 𑐥𑐬𑐷𑐎𑑂𑐲𑐵 𑐖𑐸𑐂 𑑋

𑐨𑐵𑐡𑑂𑐬 𑑖 𑐐𑐟𑐾 𑐴𑐾 𑐥𑑂𑐬𑐵𑐰𑐶𑐢𑐶𑐎 𑐥𑐵𑐏𑐾 𑐀𑐎𑑂𑐰𑐵𑐎𑐮𑑂𑐔𑐬 𑐊𑐞𑑂𑐜 𑐦𑐶𑐳𑐬𑐶𑐖, 𑐂𑐮𑐾𑐎𑑂𑐚𑑂𑐬𑐶𑐎 𑐩𑐾𑐖𑐬𑐩𑐾𑐣𑑂𑐚 𑐊𑐞𑑂𑐜 𑐂𑐣𑑂𑐳𑑂𑐚𑐸𑐩𑐾𑐣𑑂𑐚, 𑐎𑐩𑑂𑐥𑑂𑐫𑐸𑐚𑐬 𑐣𑐾𑐚𑐰𑐬𑑂𑐎, 𑐂𑐣𑑂𑐖𑐶𑐣𑐶𑐫𑐬𑐶𑐒𑑂𑐐 𑐳𑐬𑑂𑐨𑐾 𑐰 𑐩𑑂𑐫𑐸𑐖𑐶𑐎 𑐀𑐦 𑐣𑐾𑐥𑐵𑐮𑐫𑐵 𑐥𑐬𑐷𑐎𑑂𑐲𑐵 𑐖𑐸𑐂 𑑋

𑐨𑐵𑐡𑑂𑐬 𑑗 𑐐𑐟𑐾 𑐱𑐣𑐶𑐰𑐵𑑅𑐫𑐵 𑐡𑐶𑑄 𑐣𑑄 𑐥𑐬𑐷𑐎𑑂𑐲𑐵 𑐎𑑂𑐰𑑅𑐕𑐶𑐣𑐵𑐟𑑅𑐐𑐸 𑐡𑐸 𑑋 𑐠𑐸𑐐𑐸 𑐡𑐶𑑄 𑐋𑐔𑑂𑐕𑐶𑐎 𑐥𑑂𑐬𑐠𑐩𑐫𑐵 𑐦𑐸𑐎𑑂𑐎 𑐰𑐶𑐲𑐫𑐟 𑐰 𑐥𑑂𑐬𑐵𑐰𑐶𑐢𑐎𑐥𑐵𑐏𑐾 𑐋𑐔𑑂𑐕𑐶𑐎 𑐐𑐞𑐶𑐟𑐫𑐵 𑐥𑐬𑐷𑐎𑑂𑐲𑐵 𑐖𑐸𑐂𑐐𑐸 𑐧𑑀𑐬𑑂𑐜𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐨𑐵𑐡𑑂𑐬 𑑘 𑐐𑐟𑐾𑐣𑐶𑐳𑐾𑑄 𑑑𑑑 𑐐𑐟𑐾𑐟𑐎 𑐥𑑂𑐬𑐵𑐰𑐶𑐢𑐶𑐎𑐥𑐵𑐏𑐾𑐫𑐵 𑐩𑐾𑐩𑐾𑐐𑐸 𑐰𑐶𑐲𑐫𑐟𑐫𑑂𑐐𑐸 𑐥𑐬𑐷𑐎𑑂𑐲𑐵 𑐣𑐶𑐬𑑂𑐢𑐵𑐬𑐞 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐥𑐬𑐷𑐎𑑂𑐲𑐵 𑐳𑐸𑐠𑐫𑑂 𑑘 𑐟𑐵 𑐃𑐣𑐶𑐳𑐾𑑄 𑑑𑑑 𑐟𑐵 𑐃𑐟𑐎 𑐳𑑄𑐔𑐵𑐮𑐣 𑐖𑐸𑐂 𑑋 𑐳𑐿𑐡𑑂𑐢𑐵𑐣𑑂𑐟𑐶𑐎 𑐣𑐶𑐐𑐹 𑐰𑐶𑐲𑐫𑐟𑐎 ‘𑐳𑐷’ 𑐰𑐵 ‘𑐳𑐷’𑐳𑐶𑐧𑐾𑑄 𑐎𑑂𑐰𑐫𑑂 𑐮𑐵𑑅𑐐𑐸 𑐐𑑂𑐬𑐾𑐜 𑐴𑐵𑐳𑐶𑐮 𑐫𑐵𑑅𑐥𑐶𑑄 𑐣𑐶𑐫𑐩𑐶𑐟 𑐥𑐵𑐏𑐾𑐫𑐵 𑐰𑐶𑐡𑑂𑐫𑐵𑐬𑑂𑐠𑐷 𑐥𑐹𑐬𑐎 (𑐐𑑂𑐬𑐾𑐜 𑐧𑐺𑐡𑑂𑐢𑐶) 𑐥𑐬𑐷𑐎𑑂𑐲𑐵𑐫𑑂 𑐳𑐴𑐨𑐵𑐐𑐷 𑐖𑐸𑐂𑐏𑐣𑐷 𑑋

𑐣𑐶𑐐𑐹 𑐰𑐶𑐲𑐫𑐳 𑐀𑐣𑐸𑐥𑐳𑑂𑐠𑐶𑐟 𑐰𑐶𑐡𑑂𑐫𑐵𑐬𑑂𑐠𑐷𑑄 𑐣𑑄 𑐥𑐬𑐷𑐎𑑂𑐲𑐵𑐫𑑂 𑐳𑐴𑐨𑐵𑐐𑐷 𑐖𑐸𑐫𑐵𑑅 𑐮𑐵𑐨 𑐎𑐵𑐫𑐾𑐦𑐂𑐐𑐸 𑐧𑑀𑐬𑑂𑐜𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐥𑐬𑐷𑐎𑑂𑐲𑐵 𑐢𑐮𑑅 𑐳𑑂𑐰𑐫𑐵𑐡𑐶𑐳𑑃