𑐬𑐟𑑂𑐣𑐬𑐵𑐖𑑂𑐫𑐫𑑂 𑐩𑐵𑐟𑐺𑐨𑐵𑐲𑐵 𑐳𑐔𑐾𑐟𑐣𑐵 𑐖𑑂𑐫𑐵𑐗𑑂𑐰𑑅

𑐫𑐾𑑃 (𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳) – 𑐠𑐣𑐫𑐵 𑐥𑑂𑐬𑐡𑐬𑑂𑐱𑐣𑐷 𑐩𑐵𑐬𑑂𑐐𑐳𑑂𑐠𑐶𑐟 𑐬𑐟𑑂𑐣 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐎𑑂𑐫𑐵𑐩𑑂𑐥𑐳𑐫𑑂 𑐀𑐢𑑂𑐫𑐫𑐣 𑐫𑐵𑐣𑐵𑐔𑑂𑐰𑑄𑐥𑐶𑑄 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂 𑐳𑑄𑐐𑐛𑐣 𑐣𑐾𑐰𑐵𑑅 𑐰𑐶𑐡𑑂𑐫𑐵𑐬𑑂𑐠𑐷 𑐫𑐸𑐣𑐶𑐫𑐣𑐫𑐵 𑐐𑑂𑐰𑐳𑐵𑐮𑐫𑑂 𑐣𑐶𑐎𑑂𑐰𑑅𑐏𑐸𑐳𑐷 ‘𑐩𑐵𑐟𑐺𑐨𑐵𑐲𑐵 𑐳𑐔𑐾𑐟𑐣𑐵, 𑐣𑐾𑐥𑐵𑐮𑐨𑐵𑐲𑐵 𑐥𑑂𑐬𑐱𑐶𑐎𑑂𑐲𑐞’ 𑐖𑑂𑐫𑐵𑐗𑑂𑐰𑑅 𑐰𑑄𑐐𑐸 𑐱𑐣𑐶𑐰𑐵𑑅 𑐖𑐸𑐮 𑑋

𑐧𑐶.𑐊. 𑐟𑐐𑐶𑐫𑐵 𑐧𑑂𑐰𑑃𑐩𑐶𑐥𑐶𑑄𑐟 𑐧𑐶𑐄𑐐𑐸 𑐕𑐣𑑂𑐴𑐸𑐫𑐵 𑐄𑐐𑐸 𑐟𑐵𑐮𑐶𑐩 𑐎𑐶𑐥𑐸𑐮𑐶𑐂 𑐔𑑂𑐰𑑄𑐐𑐸 𑐎𑐷𑐬𑑂𑐟𑐶𑐥𑐸𑐬 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫𑐫𑐵 𑐣𑐾𑐥𑐵𑐮𑐨𑐵𑐲𑐵 𑐰𑐶𑐲𑐫 𑐱𑐶𑐎𑑂𑐲𑐎 𑐡𑐾𑐰 𑐁𑐣𑐣𑑂𑐡 𑐩𑐴𑐬𑑂𑐖𑐣𑑄 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐥𑑂𑐬𑐱𑐶𑐎𑑂𑐲𑐎 𑐩𑐴𑐬𑑂𑐖𑐣𑑄 𑐣𑐾𑐰𑐵𑑅𑐮𑐶𑐳𑐾𑑄 𑐬𑐵𑐃, 𑐮𑐶𑐩𑑂𑐧𑐸, 𑐩𑐐𑑅, 𑐐𑐸𑐬𑐸, 𑐠𑐵𑐬𑐸, 𑐀𑐰𑐢𑐶, 𑐨𑑀𑐖𑐥𑐸𑐬𑐷 𑐫𑐵𑐣𑐵𑑅 𑐣𑐾𑐥𑐵𑐮𑐫𑑂 𑐡𑐸𑐐𑐸 𑑑𑑒𑑓 𑐐𑐸𑐮𑐶𑑄 𑐨𑐵𑐫𑑂𑐩𑑂𑐰𑐵𑐎𑐵 𑐟𑐫𑐾𑐩𑐵𑑅 𑐢𑐫𑐵𑐡𑐶𑐮 𑑋 𑐮𑐶𑐳𑐾𑑄 𑐰𑐫𑑂𑐎𑐮𑑄 𑐨𑐵𑐲𑐵 𑐳𑑄𑐬𑐎𑑂𑐲𑐞 𑐰 𑐳𑑄𑐰𑐡𑑂𑐬𑑂𑐢𑐣𑐫𑐵 𑐖𑑂𑐫𑐵𑐫𑑂 𑐣𑐾𑐥𑐵𑐮 𑐳𑐬𑐎𑐵𑐬𑑄 𑐴𑐾 𑐥𑐴𑐮 𑐫𑐵𑐫𑐾𑐩𑐵𑑅𑐐𑐸 𑐏𑑅 𑐰 𑐳𑐎𑐮 𑐣𑐵𑐐𑐬𑐶𑐎𑐫𑐵𑐟 𑐨𑐵𑐲𑐶𑐎 𑐀𑐢𑐶𑐎𑐵𑐬𑐫𑑂𑐳 𑐩𑐵𑐣𑐟𑐵 𑐧𑐷𑐩𑐵𑑅𑐐𑐸 𑐣𑑄 𑐢𑐫𑐵𑐡𑐶𑐮 𑑋