𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳𑐫𑐵𑐟 𑐮𑐸𑐩𑑄𑐎𑐵 𑐕𑐗𑐵𑑅 𑐐𑐖𑐮

𑐣𑐾𑐥𑐵𑐮 𑐳𑑄𑐰𑐟𑑂 𑑑𑑐𑑔𑑐 𑐫𑐵 𑐖𑑅𑐏𑑅 ‘𑐬𑐵𑐐 𑐐𑐖𑐮 𑐎𑑁𑐰𑐵𑐮𑐷’ 𑐫𑐵 𑐣𑐵𑐩𑑄 𑐕𑐐𑐹 𑐥𑐬𑑂𑐔𑐵 𑐥𑐶𑐴𑐵𑑄 𑐰𑑅𑐐𑐸 𑐏𑑅 𑑋 𑐰 𑐣𑑄 𑐩𑐸𑐎𑑂𑐎𑑄 𑐕𑐐𑐹 𑐥𑐵𑐣𑐵𑐫𑐵 𑑋 𑐟𑐬 𑐠𑑂𑐰 𑐴𑐾 𑐕𑐐𑐹 𑐥𑐬𑑂𑐔𑐵𑐣𑐶𑐳𑐾𑑄 𑐣𑑂𑐴𑑂𑐫𑐵𑐂 𑐗𑐷𑐐𑐸 𑐣𑐾𑐥𑐵𑐮𑐨𑐵𑐲𑐵𑐫𑐵 𑐐𑐖𑐮 𑐥𑐬𑐩𑑂𑐥𑐬𑐵 𑑋 𑐔𑑂𑐰𑐩𑐶 𑐩𑐾𑐥𑐶𑑄 𑐳𑐸𑑄 𑐩𑐏𑐸, 𑐗𑐷 𑐠𑑅 𑐴𑐾 𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳 𑐩𑐴𑐵𑐖𑐸 𑐏𑑅 𑑋 𑐀𑐠𑐾𑐮𑐵 𑐣𑐾𑐥𑐵𑐮𑐨𑐵𑐲𑐵𑐫𑐵 𑐎𑐵𑐰𑑂𑐫 𑐏𑑂𑐫𑑅𑐫𑐵𑐟 𑐔𑐶𑐣𑐵𑐏“𑐫𑐵 𑐢𑐵𑐟𑑂𑐠𑐾𑑄𑐫𑐵 𑐬𑐹𑐥 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐧𑐶𑐄𑐩𑑂𑐴 𑐣𑑄 𑐰𑐫𑑂𑐎𑑅 𑐴𑐾 𑐏𑑅 𑑋 𑐠𑑂𑐰𑐫𑐵𑑄 𑐣𑑂𑐴𑑂𑐫𑑅 𑐟𑐎 𑐕𑐸𑑄 𑐨𑐔𑐵 𑐨𑐖𑐣, 𑐕𑐸𑑄 𑐨𑐔𑐵 𑐟𑐸𑐟𑑅, 𑐀𑐮𑐾 𑐧𑐵𑐏𑑄𑐩𑑂𑐫𑐾, 𑐥𑑂𑐫𑐵𑐏𑑄𑐩𑑂𑐫𑐾 𑐴𑐾 𑐖𑐎 𑐡𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐳𑐶𑐡𑑂𑐢𑐶𑐡𑐵𑐳 𑐴𑐾 𑐀𑐖𑑂𑐫𑐵𑑅𑐩𑑂𑐴 𑐣𑑂𑐴𑐵𑐥𑐵𑑄𑐩𑑂𑐴 𑐖𑐸𑐮, 𑐐𑐸𑐩𑑂𑐴𑐾𑐳𑐶𑐣𑑄 𑐣𑐾𑐥𑐵𑐮𑐨𑐵𑐲𑐵𑐫𑑂 𑐐𑐮𑐖 𑐥𑐬𑐩𑑂𑐥𑐬𑐵 𑐣𑑄 𑐣𑑂𑐴𑑂𑐫𑐵𑐎𑐮– 𑐰 𑐴𑐾 ‘𑐬𑐵𑐐 𑐐𑐖𑐮 𑐎𑑁𑐰𑐵𑐮𑐷’ 𑐥𑐵𑐏𑐾𑑄 𑑋 𑐠𑑅𑐐𑐸 𑐩𑐵𑑄𑐨𑐵𑐫𑑂𑐫𑐵 𑐳𑐾𑐰𑐵𑐫𑑂 𑐥𑐹𑐰𑑄𑐎 𑐠𑑅𑐐𑐸 𑐖𑐷𑐰𑐣 𑐥𑐵𑐣𑐵𑐰𑑄𑐩𑑂𑐴 𑐗𑐷 𑐩𑐴𑐵𑐎𑐰𑐶𑐫𑐵 𑑑𑑕𑑕 𑐎𑑂𑐰𑑅𑐐𑐸 𑐧𑐸𑐣𑑂𑐴𑐶 𑐣𑑂𑐫𑐵𑐫𑐾𑐎𑐾𑐐𑐸 𑐗𑑂𑐰𑐮𑐫𑑂 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅 𑐖𑐸𑐫𑐵𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐰𑐫𑑂𑐎𑑅 𑐧𑐹𑐐𑐸 𑐮𑐵𑑅, 𑐣𑐾𑐥𑐵𑐮 𑐳𑑄𑐰𑐟𑑂 𑑙𑑘𑑗 𑐫𑑄𑐮𑐵𑐐𑐵 𑐡𑑂𑐰𑐶𑐟𑐶𑐫𑐵 𑐎𑐸𑐣𑑂𑐴𑐸 𑐏𑑅 𑑋 𑐰𑐫𑑂𑐎𑑅𑐫𑐵 𑐧𑐸𑐣𑑂𑐴𑐶 𑐴𑐣𑐾𑐐𑐸 𑐗𑑂𑐰𑐮𑐫𑑂 𑐣𑐾𑐥𑐵𑐮 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐩𑐵𑐟𑐺𑐨𑐵𑐲𑐵 𑐳𑐵𑐴𑐶𑐟𑑂𑐫 𑐰𑐶𑐨𑐵𑐐𑑄 𑐕𑐐𑐹 𑐖𑑂𑐫𑐵𑐗𑑂𑐰𑑅 𑐫𑐵𑐟, ‘𑐳𑐶𑐡𑑂𑐢𑐶𑐡𑐵𑐳 𑐩𑐴𑐵𑐖𑐸𑐫𑐵 𑐰𑑂𑐫𑐎𑑂𑐟𑐶𑐟𑑂𑐰 𑐰 𑐎𑐺𑐟𑐶𑐟𑑂𑐰’ 𑐰𑐶𑐲𑐫𑐫𑑂 𑑋

𑐀𑐠𑐾𑐮𑐵 𑐳𑐶𑐡𑑂𑐢𑐶𑐡𑐵𑐳𑐫𑐵 𑐳𑐵𑐴𑐶𑐟𑑂𑐫𑐶𑐎 𑐰𑑂𑐫𑐎𑑂𑐟𑐶𑐟𑑂𑐰𑐫𑐵 𑐀𑐣𑐾𑐎 𑐬𑐹𑐥 𑐡𑐸, 𑐄𑐎𑐶𑐩𑐢𑑂𑐫𑐾 𑐕𑐟𑐵 𑐣𑑂𑐴𑑂𑐫𑐠𑐣𑐾𑐧𑐴𑐐𑐸 𑐮𑐵, 𑐐𑐮𑐖 𑐴𑐾 𑐖𑐸𑐮 𑑋 𑐄𑐎𑐶𑑄 𑐄𑐐𑐸 𑐖𑑂𑐫𑐵𑐗𑑂𑐰𑑅𑐫𑐵 𑐩𑐹 𑐁𑐎𑐬𑑂𑐲𑐞 𑐖𑐸𑐫𑐵𑐧𑐶𑐮, 𑐐𑐖𑐮 𑐰𑐵𑐔𑐣 𑑋 𑐠𑑂𑐰 𑐖𑑂𑐫𑐵𑐗𑑂𑐰𑐮𑐫𑑂 𑐩𑐸𑐎𑑂𑐎𑑄 𑐔𑑂𑐫𑐵𑐩𑑂𑐴 𑐐𑐖𑐮𑐎𑐵𑐬𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅, 𑐐𑐸𑐥𑐶𑑄 𑐕𑐳𑐶𑐎𑐠𑑄 𑐖𑐸𑐮– 𑐀𑐐𑐶𑐰 𑐰𑐣𑐾𑐥𑐵𑐮𑐷, 𑐧𑐡𑑂𑐬𑐷 𑐰𑐾𑐡𑐣𑐵, 𑐀𑐩𑐺𑐟𑐩𑐵𑐣 𑐱𑐵𑐎𑑂𑐫, 𑐨𑐹𑐲𑐞𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛, 𑐳𑐘𑑂𑐖𑐫 𑐱𑐬𑑂𑐩𑐵, 𑐬𑐵𑐳𑐵, 𑐳𑐸𑐱𑐷𑐮 𑐬𑐵𑐖𑑀𑐥𑐵𑐢𑑂𑐫𑐵𑐫 𑐰 𑐟𑐸𑐫𑐸 𑐥𑐸𑑄 𑑋 𑐰𑐫𑑂𑐎𑑅𑐥𑐶𑑄 𑐳𑐎𑐳𑐶𑐣 𑐕𑐥𑐸𑑄𑐳𑐶𑐧𑐾𑑄 𑐀𑐥𑑂𑐰𑑅 𑐠𑑅𑐠𑑅𑐐𑐸 𑐐𑐖𑐮 𑐣𑑂𑐴𑑂𑐫𑐂𑐥𑐸𑐎 𑐣𑑂𑐴𑑂𑐫𑐧𑑂𑐰𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐕𑐐𑐹 𑐐𑑀𑐲𑑂𑐛𑐷 𑐥𑑁 𑐣𑑂𑐴𑑂𑐫𑐧𑑂𑐰𑐫𑐾𑐐𑐸 𑐖𑑂𑐫𑐵 𑐣𑑄 𑐖𑐸𑐮, 𑐬𑐵𑐖𑐾𑐣𑑂𑐡𑑂𑐬 𑐎𑐸𑐩𑐵𑐬 𑐥𑐸𑐟𑐵𑐥𑐵𑐏𑐾𑑄 𑑋 𑐰𑐫𑑂𑐎𑑅𑐫𑐵 𑐐𑑀𑐲𑑂𑐛𑐷 𑐥𑑁𑐫𑐵 𑐕𑑂𑐫𑑄 𑐏𑑅, ‘𑐩𑐴𑐵𑐎𑐰𑐶 𑐳𑐶𑐡𑑂𑐢𑐶𑐡𑐵𑐳 𑐰 𑐣𑐾𑐥𑐵𑐮𑐨𑐵𑐲𑐵𑐫𑑂 𑐐𑐖𑐮’ 𑑋 𑐐𑐵𑐎𑑂𑐎𑑄 𑐩𑐴Œ𑐰𑐥𑐹𑐬𑑂𑐞 𑐖𑐵𑐣𑐎𑐵𑐬𑐷 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐠𑑂𑐰 𑐐𑑀𑐲𑑂𑐛𑐷 𑐥𑐟𑐶𑐂 𑐰𑐫𑑂𑐎𑐮𑑄 𑐠𑑂𑐫𑑄𑐩𑐠𑑂𑐫𑑄 𑐣𑐾𑐥𑐵𑐮𑐨𑐵𑐲𑐵𑐫𑑂 𑐐𑐖𑐮 𑐔𑑂𑐰𑐫𑐾𑐐𑐸 𑐂𑐟𑐶𑐴𑐵𑐳 𑐔𑐶𑐴𑐵𑐎𑐫𑐾𑐎 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐡𑐸 𑑋 𑐳𑐶𑐡𑑂𑐢𑐶𑐡𑐵𑐳 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑑂𑐫𑑄𑐐𑑅 𑐠𑐵𑑄𑐩𑐢𑑂𑐫𑐾 𑐕𑐐𑑅 𑐠𑐵𑑄 𑐮𑐵 𑐖𑐸𑐮 𑐴𑐾, 𑐰𑐫𑑂𑐎𑑅𑐫𑐵𑐟 𑐣𑐾𑐥𑐵𑐮𑐨𑐵𑐲𑐵𑐫𑐵 𑐥𑐡𑑂𑐫 𑐐𑐸𑐬𑐸 𑐣𑑄 𑐢𑐵𑐫𑐾𑐐𑐸 𑐫𑐵𑑅 𑑋 𑐠𑐸𑐥𑐶𑑄 𑐳𑐎𑐟𑐵𑑄 𑐡𑐠𑐸𑐂 𑐰𑐫𑑂𑐎𑑅𑐫𑐵 𑐕𑐟𑐵𑑅 𑐫𑑀𑐐𑐡𑐵𑐣 𑐮𑐵 𑐐𑐖𑐮 𑐥𑐬𑐩𑑂𑐥𑐬𑐵 𑐣𑑂𑐴𑑂𑐫𑐵𑐎𑐾𑐐𑐸 𑐴𑐾 𑐖𑐸𑐮 𑑋

𑐬𑐵𑐖𑐾𑐣𑑂𑐡𑑂𑐬 𑐎𑐸𑐩𑐵𑐬 𑐥𑐸𑐟𑐵𑑄 𑐐𑑀𑐲𑑂𑐛𑐷 𑐥𑐟𑐶𑐂 𑐣𑐾𑐥𑐵𑐮𑐨𑐵𑐲𑐵𑐫𑑂 𑐁𑑅 𑐟𑐎 𑐐𑐸𑐮𑐶 𑐣𑑄 𑐐𑐖𑐮𑐫𑐵𑐟 𑐎𑐫𑐵𑑅 𑐳𑐥𑐹m 𑐥𑐶𑐡𑐣, 𑐐𑐸𑐮𑐶 𑐣𑑄 𑐐𑐖𑐮 𑐔𑑂𑐰𑐫𑐾𑐐𑐸 𑐥𑐴𑑅𑐫𑐵𑐟 𑐎𑐫𑐵𑑅 𑐔𑑂𑐰𑐳𑐸 𑐥𑐶𑐡𑐣𑑄, 𑐄𑐎𑐶𑐫𑐵 𑐔𑐬𑑂𑐔𑐵 𑐫𑐵𑐣𑐵𑐡𑐷𑐐𑐸 𑐡𑐸 𑑋 𑐰𑐫𑑂𑐎𑑅𑐫𑐵 𑐣𑐶𑐔𑑀𑐜 𑐏𑑅– 𑐣𑐾𑐥𑐵𑐮 𑐨𑐵𑐲𑐵𑐫𑑂 𑐐𑐖𑐮 𑐳𑐵𑐴𑐶𑐟𑑂𑐫𑐫𑐵 𑐥𑐸𑐳𑑂𑐟𑐵𑐣𑑂𑐟𑐬𑐞 𑐮𑐵 𑐖𑐸𑐮, 𑐟𑐬 𑐥𑐸𑐮𑐵𑑄𑐥𑐶𑐣𑐶𑐐𑐸 𑐣𑐶𑐬𑐣𑑂𑐟𑐬𑐟𑐵 𑐢𑐵𑑅𑐳𑐵 𑐩𑑂𑐴𑑀 𑐴𑐾 𑐖𑐎 𑐏𑐣𑐾𑐡𑐸 𑑋 𑐀𑐮𑐾 𑐠𑐸𑐎𑐶𑐫𑐵 𑐰𑐶𑐎𑐵𑐳, 𑐰𑐶𑐳𑑂𑐟𑐵𑐬 𑐰 𑐳𑑂𑐟𑐬𑐷𑐫𑐟𑐵𑐫𑑂 𑐨𑐔𑐵 𑐀𑐨𑐵𑐰 𑐏𑐣𑐾𑐡𑐸 𑑋 𑐄𑐮𑐶 𑐖𑐎 𑐩𑐏𑐸, 𑐬𑐵𑐖𑐾𑐣𑑂𑐡𑑂𑐬 𑐎𑐸𑐩𑐵𑐬 𑐥𑐸𑐟𑐵𑐫𑐵𑐟 𑐰𑐶𑐱𑑂𑐰𑐵𑐳 𑐣𑑄 𑐡𑐸, 𑐣𑐾𑐥𑐵𑐮𑐨𑐵𑐲𑐵𑐫𑑂 𑐐𑐖𑐮 𑐰𑐶𑐢𑐵 𑐳𑑂𑐫𑐮𑐵𑐎𑑂𑐎 𑐣𑑂𑐴𑑂𑐫𑐵𑐂 𑐣𑑄 𑐟𑐶𑐣𑐶 𑑋

𑐰𑐫𑑂𑐎𑐮𑑄 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐐𑑀𑐲𑑂𑐛𑐷 𑐥𑐟𑐶𑐂 𑐏𑐣𑐾𑐡𑐸𑐐𑐸 𑐩𑐐𑐵𑑅𑐩𑐔𑐵𑑅𑐫𑐵𑐟 𑐎𑐫𑐵𑑅 𑐨𑐸𑐲𑐞𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛, 𑐀𑐐𑐶𑐰 𑐰𑐣𑐾𑐥𑐵𑐮𑐷, 𑐣𑐬𑐾𑐱𑐰𑐷𑐬 𑐱𑐵𑐎𑑂𑐫, 𑐥𑑂𑐬𑐾𑐩𑐴𑐶𑐬𑐵 𑐟𑐸𑐮𑐵𑐢𑐬 𑐰 𑐟𑐸𑐫𑐸 𑐥𑐸𑑄 𑐣𑑄 𑐠𑑅𑐠𑑅𑐐𑐸 𑐧𑐶𑐔𑐵𑑅 𑐣𑑄 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋 𑐄𑐎𑐶𑐫𑐵 𑐮𑐶𑐳𑐮𑐫𑑂 𑐬𑐵𑐖𑐾𑐣𑑂𑐡𑑂𑐬 𑐎𑐸𑐩𑐵𑐬 𑐥𑐸𑐟𑐵𑑄 𑐠𑑂𑐰 𑐐𑑀𑐲𑑂𑐛𑐶 𑐥𑑁𑐫𑐵𑐟 𑐀𑐨𑑄m 𑐴𑐵𑐎𑐣𑑄 𑐎𑑂𑐰𑐵𑐟𑐸𑐎 𑐔𑑂𑐰𑐫𑐾𑐐𑐸 𑐧𑐔𑑄 𑐣𑑄 𑐧𑐶𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐨𑑂m𑐰𑑅 𑐩𑐵𑐟𑐺𑐨𑐵𑐲𑐵 𑐳𑐵𑐴𑐶𑐟𑑂𑐫 𑐰𑐶𑐨𑐵𑐐𑐫𑐵 𑐥𑑂𑐬𑐩𑐸𑐏 𑐮𑐎𑑂𑐲𑑂𑐩𑐷 𑐩𑐵𑐮𑐷𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐏𑑅 𑑋 𑐰𑐫𑑂𑐎𑐮𑑄 𑐖𑑂𑐫𑐵𑐗𑑂𑐰𑑅𑐫𑐵 𑐀𑐣𑑂𑐟𑑂𑐫𑐫𑑂 𑐣𑐾𑐥𑐵𑐮𑐨𑐵𑐲𑐵𑐫𑑂 𑐳𑐶𑐡𑑂𑐢𑐶𑐡𑐵𑐳𑐫𑐵 𑐫𑑀𑐐𑐡𑐵𑐣𑐫𑐵𑐟 𑐎𑐫𑐵𑑅 𑐔𑐬𑑂𑐔𑐵 𑐫𑐵𑐣𑐵𑐡𑐶𑐮 𑑋

𑐀𑐠𑐾 𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐥𑐵𑐮 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑐩𑐵 𑐎𑐸𑐮𑐥𑐟𑐶 𑐐𑑄𑐐𑐵𑐥𑑂𑐬𑐳𑐵𑐡 𑐄𑐥𑑂𑐬𑐾𑐟𑐷, 𑐄𑐥𑐎𑐸𑐮𑐥𑐟𑐶 𑐖𑐐𑐩𑐵𑐣 𑐐𑐸𑐬𑐸𑐒 𑐰 𑐳𑐡𑐳𑑂𑐫 𑐳𑐔𑐶𑐰 𑐖𑐐𑐟𑑂𑐥𑑂𑐬𑐳𑐵𑐡 𑐄𑐥𑐵𑐢𑑂𑐫𑐵𑐫𑑄 𑐣𑑄 𑐣𑐾𑐥𑐵𑐮 𑐨𑐵𑐲𑐵, 𑐠𑐸𑐎𑐶𑐫𑐵 𑐳𑐵𑐴𑐶𑐟𑑂𑐫 𑐰 𑐳𑐶𑐡𑑂𑐢𑐶𑐡𑐵𑐳𑐫𑐵 𑐫𑑀𑐐𑐡𑐵𑐣𑐫𑐵𑐟 𑐎𑐫𑐵𑑅 𑐏“ 𑐣𑑂𑐴𑑂𑐫𑐠𑐣𑐵𑐡𑐷𑐐𑐸 𑐏𑑅 𑑋 𑐰𑐫𑑂𑐎𑑅𑐥𑐶𑑄 𑐳𑐎𑐳𑐶𑐫𑐵𑑄 𑐧𑐶𑐔𑐵𑑅 𑐏𑑅– 𑐣𑐾𑐥𑐵𑐮𑐨𑐵𑐲𑐵 𑐰 𑐠𑐸𑐎𑐶𑐫𑐵 𑐳𑐵𑐴𑐶𑐟𑑂𑐫 𑐢𑐫𑐵𑐐𑐸 𑐩𑐸𑐎𑑂𑐎𑑄 𑐣𑐾𑐥𑐵𑑅 𑐡𑐾𑐫𑑂𑐫𑐵 𑐀𑐩𑐹𑐮𑑂𑐫 𑐳𑐩𑑂𑐥𑐟𑐶 𑐏𑑅, 𑐠𑐸𑐎𑐷 𑐐𑐬𑑂𑐰 𑐫𑐵𑐫𑐾𑐩𑐵𑑅 𑑋 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐏𑑅– 𑐱𑐱𑐷𑐎𑐮𑐵 𑐩𑐵𑐣𑐣𑑂𑐢𑐬𑑄 𑑋 𑐰𑐫𑑂𑐎𑑅 𑐥𑑂𑐬𑐲𑑂𑐟𑐶𑐛𑐵𑐣𑑄 𑐥𑐶𑐴𑐵𑑄 𑐰𑐫𑐵𑐔𑑂𑐰𑑄𑐐𑐸 𑐠𑐵𑐫𑑂𑐨𑐸 𑐥𑐟𑑂𑐬𑐶𑐎𑐵𑐫𑐵 𑐳𑐩𑑂𑐥𑐵𑐡𑐎𑐥𑐶𑑄 𑐩𑐢𑑂𑐫𑐾 𑐕𑐩𑑂𑐴 𑐏𑑅 𑑋