𑐩𑐡𑐣 𑐥𑐸𑐬𑐳𑑂𑐎𑐵𑐬𑐫𑐵 𑐣𑐶𑐟𑐶𑑄 𑑗 𑐐𑐹 𑐎𑐺𑐟𑐶 𑐮𑑂𑐫𑐮

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑖 𑐁𑐲𑐵𑐝 𑑒𑑕, 𑐧𑐸𑐢𑐧𑐵𑐬 𑑑𑑒:𑑕𑑑:𑑐𑑓

𑐩𑐡𑐣 𑐥𑐸𑐬𑐳𑑂𑐎𑐵𑐬 𑑒𑑐𑑗𑑕 𑐫𑐵 𑐣𑐶𑐟𑐶𑑄 𑑗 𑐐𑐹 𑐎𑐺𑐟𑐶 𑐮𑑂𑐫𑑅𑐐𑐸 𑐡𑐸 𑑋  𑐩𑐡𑐣 𑐥𑐸𑐬𑐳𑑂𑐎𑐵𑐬 𑐐𑐸𑐠𑐶𑐫𑐵 𑐱𑑂𑐬𑐾𑐲𑑂𑐛 𑐳𑐹𑐔𑐷 𑐟𑐫𑐵𑐬 𑐫𑐵𑐫𑐾𑐟 𑐣𑐷𑐳𑑂𑐰𑑄𑐐𑐸 𑐳𑐩𑐶𑐟𑐶𑑄 𑐠𑐷𑐠𑐷 𑑗 𑐐𑐹 𑐎𑐺𑐟𑐶 𑐥𑐸𑐬𑐳𑑂𑐎𑐵𑐬𑐫𑐵 𑐣𑐶𑐟𑐶𑑄 𑐮𑑂𑐫𑑅𑐐𑐸 𑐏𑑅 𑑋

𑐩𑐡𑐣 𑐥𑐸𑐬𑐳𑑂𑐎𑐵𑐬 𑐐𑐸𑐠𑐶𑐫𑐵 𑐣𑐵𑐫𑑅 𑐎𑐸𑐣𑑂𑐡 𑐡𑐷𑐎𑑂𑐲𑐶𑐟𑑄 𑐰𑑅𑐐𑐸 𑑒𑑕𑑗 𑐎𑐺𑐟𑐶𑐩𑐢𑑂𑐫𑐾 𑑗 𑐐𑐹 𑐎𑐺𑐟𑐶𑐫𑐵𑐟 𑐕𑐣𑑀𑐚 𑐳𑐩𑐶𑐟𑐶𑐫𑐵 𑐳𑐶𑐦𑐵𑐬𑐶𑐳𑐫𑑂 𑐳𑐬𑑂𑐚 𑐮𑐶𑐳𑑂𑐚𑐶𑐒𑑂𑐐 𑐫𑐵𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐕𑐣𑑀𑐚𑐫𑑂 𑐮𑐵𑑅𑐐𑐸 𑐎𑐺𑐟𑐶𑐂 𑐳𑐵𑐣𑐸 𑐱𑐬𑑂𑐩𑐵𑐫𑐵 ‘𑐊𑐎𑐵𑐡𑐾𑐱𑐩𑐵’, 𑐰𑐶𑐣𑑂𑐡𑐸 𑐱𑐬𑑂𑐩𑐵𑐫𑐵 ‘𑐌𑐎𑑂𑐎𑐮 𑐡𑑀𑐎𑑂𑐎𑐮 𑐥𑐶𑐥𑐮 𑐥𑐵𑐟’ 𑐰 𑐎𑐸𑐩𑐵𑐬 𑐣𑐐𑐬𑐎𑑀𑐚𑐷𑐫𑐵 ‘𑐖𑑂𑐘’ 𑐮𑐵𑑅𑐐𑐸 𑐡𑐸 𑑋

𑐀𑐠𑐾𑐴𑐾, 𑐕𑐸𑐡𑐾𑐣𑐎𑐵𑐰𑐶𑐩𑑀𑐫𑐵 ‘𑐥𑐵m𑐟𑐳𑐸𑐒’, 𑐩𑐴𑐾𑐱 𑐠𑐵𑐥𑐵𑐫𑐵 ‘𑐩𑐬𑐷𑐔𑐶𑐎𑐵’, 𑐫𑑀𑐐𑐾𑐱 𑐬𑐵𑐖𑐫𑐵 ‘𑐬𑐞𑐴𑐵𑐬’ 𑐰 𑐢𑐸𑑂𑐬𑐰 𑐳𑐵𑐥𑐎𑑀𑐚𑐵𑐫𑐵 ‘𑐰𑐶𑐔𑐵𑐬𑐎𑑀 𑐮𑐵𑐱’ 𑐣𑑄 𑐄𑐟𑑂𑐎𑐺𑐲𑑂𑐚 𑑗 𑐐𑐹 𑐎𑐺𑐟𑐶 𑐡𑐸𑐣𑐾 𑐮𑐵𑑅𑐐𑐸 𑐡𑐸 𑑋

𑐕𑐣𑑀𑐚𑐫𑑂 𑐮𑐵𑑅𑐐𑐸 𑐄𑐐𑐸 𑐎𑐺𑐟𑐶𑐩𑐢𑑂𑐫𑐾 𑐕𑐐𑐹𑐫𑐵𑐟 𑐩𑐡𑐣 𑐥𑐸𑐬𑐳𑑂𑐎𑐵𑐬 𑑒𑑐𑑗𑑕 𑐥𑐵𑐏𑐾𑑄 𑐐𑐸𑐠𑐶𑑄 𑐥𑐸𑐬𑐳𑑂𑐎𑐺𑐟 𑐫𑐵𑐂 𑑋

𑐩𑐡𑐣 𑐥𑐸𑐬𑐳𑑂𑐎𑐵𑐬 𑐥𑑂𑐬𑐟𑐶𑐲𑑂𑐛𑐶𑐟 𑐥𑐸𑐬𑐳𑑂𑐎𑐵𑐬 𑐏𑑅 𑑋 𑐠𑐸𑐎𑐶𑐫𑐵 𑐬𑐵𑐱𑐶 𑑒 𑐮𑐏 𑐟𑐎𑐵 𑐡𑐵𑑄𑐫𑐵 𑐡𑐸 𑑋

𑐠𑐸𑐐𑐸 𑐩𑐡𑐣 𑐥𑐸𑐬𑐳𑑂𑐎𑐵𑐬 𑐱𑐟𑐵𑐧𑑂𑐡𑐷 𑐥𑐸𑐬𑐸𑐲 𑐳𑑄𑐳𑑂𑐎𑐺𑐟𑐶𑐰𑐶𑐡𑑂 𑐜𑐵. 𑐳𑐟𑑂𑐫𑐩𑑀𑐴𑐣 𑐖𑑀𑐱𑐷𑑄 𑐳𑑂𑐰𑐎𑑂𑐰𑑅𑐟𑐎 𑐟𑑂𑐫𑐵𑐎𑐵𑐡𑐷 𑐢𑐸𑑄𑐎𑐹𑐐𑐸 𑐡𑐸 𑑋 𑐠𑐠𑐾 𑐳𑑂𑐰𑐎𑑂𑐰𑑅𑐟𑐎 𑐩𑐡𑐣 𑐥𑐸𑐬𑐳𑑂𑐎𑐵𑐬 𑐟𑑂𑐫𑐵𑐎𑐵𑐡𑐷𑐩𑑂𑐴 𑐳𑐟𑑂𑐫𑐩𑑀𑐴𑐣 𑐖𑑀𑐱𑐷𑐧𑐵𑐴𑐾𑐎 𑐩𑐾𑐥𑐶𑑄 𑐁𑑅𑐟𑐎 𑐳𑐸𑑄 𑐩𑐡𑐸𑐣𑐶 𑑋