𑐨𑐡𑑁 𑑑 𑐐𑐟𑐾 𑐣𑐶𑐳𑐾𑑄 𑐧𑑂𑐧𑐣𑐾𑐎𑐸𑐠𑐶 𑐔𑐵𑐫𑐾𑐎𑐾𑐐𑐸 𑐟𑐫𑐵𑐬𑐷 𑐀𑐮𑐩𑐮𑐫𑑂 𑐮𑐵𑐟

𑐣𑐾𑐰𑐵: 𑐀𑐣𑐮𑐵𑐂𑐣 𑐣𑑂𑐫𑐸𑐖 | 𑑒𑑐𑑗𑑗 𑐱𑑂𑐬𑐵𑐰𑐞 𑑒𑑓, 𑐱𑐸𑐎𑑂𑐬𑐧𑐵𑐬 𑑒𑑑:𑑔𑑖:𑑑𑑓

𑐳𑑂𑐰𑐣𑐶𑐐𑑅𑐫𑐵 𑐟𑑂𑐟𑐬𑐥𑐹𑐬𑑂𑐰𑐷 𑐨𑐾𑐐𑐫𑐵 𑐳𑑂𑐠𑐵𑐣𑐷𑐫 𑐟𑐴𑐮𑐫𑑂 𑐨𑐡𑑁 𑑑 𑐐𑐟𑐾 𑐣𑐶𑐳𑐾𑑄 𑐱𑐿𑐎𑑂𑐲𑐶𑐎 𑐳𑑄𑐳𑑂𑐠𑐵 𑐔𑐵𑐫𑐾𑐎𑐾𑐐𑐸 𑐟𑐫𑐵𑐬𑐷 𑐫𑐵𑑅𑐐𑐸 𑐏𑑅𑐳𑐵 𑐎𑑀𑐬𑑀𑐣𑐵 𑐨𑐵𑐂𑐬𑐳𑐫𑐵 𑐳𑐒𑑂𑐎𑑂𑐬𑐩𑐞 𑐣𑑂𑐴𑐶𑐫𑐵 𑐣𑑂𑐴𑑂𑐠𑐶𑑄 𑐀𑐥𑑂𑐰𑑅 𑐖𑐸𑐖𑐸𑑄 𑐰𑐣𑐵𑐔𑑂𑐰𑑄𑐐𑐸𑐮𑐶𑑄 𑐠𑑂𑐰 𑐂𑐮𑐫𑑂 𑐀𑐮𑐩𑐮𑐫𑑂 𑐮𑐵𑑅𑐐𑐸 𑐡𑐸 𑑋 𑐧𑑂𑐧𑐣𑐾𑐎𑐸𑐠𑐶 𑐔𑐵𑐫𑐾𑐎𑐸𑐳𑐵𑑄 𑐀𑐨𑐶𑐨𑐵𑐰𑐎𑐟𑐫𑑂𑐳𑑄 𑐠𑑅 𑐩𑐳𑑂𑐟𑐫𑐫𑑂𑐟 𑐕𑑂𑐰𑐫𑐵 𑐩𑐴𑐂𑐐𑐸 𑐳𑑂𑐠𑐶𑐟𑐶 𑐖𑐸𑐐𑐸𑐮𑐶𑑄 𑐁𑑅 𑐩𑐾𑐐𑐸 𑐮𑑃𑐥𑐸 𑐕𑐸 𑐖𑐸𑐂 𑐢𑐂𑐐𑐸 𑐏𑑃𑐫𑑂 𑐧𑐶𑐔𑐵𑑅 𑐫𑐵𑐫𑐾𑐩𑐵𑑅𑐐𑐸 𑐳𑑂𑐠𑐶𑐟𑐶 𑐮𑐵𑑅𑐐𑐸 𑐡𑐸 𑑋

𑐳𑑂𑐠𑐵𑐣𑐷𑐫 𑐟𑐴 𑐳𑐘𑑂𑐔𑐵𑐮𑐣 𑐋𑐣, 𑑒𑑐𑑗𑑔 𑐎𑐠𑑄 𑐩𑐵𑐢𑑂𑐫𑐩𑐶𑐎 𑐟𑐴 𑐟𑐎𑐫𑐵 𑐱𑐶𑐎𑑂𑐲𑐵𑐫𑐵 𑐰𑑂𑐫𑐰𑐳𑑂𑐠𑐵𑐥𑐣 𑐫𑐵𑐫𑐾𑐐𑐸 𑐡𑐵𑐫𑐶𑐟𑑂𑐰 𑐳𑑂𑐠𑐵𑐣𑐷𑐫 𑐟𑐴 𑐫𑐵𑐎𑐾 𑐡𑐸 𑑋 𑐟𑐬 𑐠𑑂𑐰 𑐂𑐮𑐫𑑂 𑐕𑐸 𑐫𑐵𑐫𑐾𑐐𑐸 𑐢𑐂𑐐𑐸 𑐳𑐩𑑂𑐰𑐣𑑂𑐢𑐫𑑂 𑐎𑐾𑐣𑑂𑐡𑑂𑐬𑐷𑐫 𑐟𑐴 𑐥𑐵𑐏𑐾𑑄 𑐫𑐵𑐎𑐣𑑄 𑐣𑐶𑐬𑑂𑐞𑐫 𑐫𑐵𑐫𑐾𑐩𑐵𑑅𑐐𑐸 𑐏𑑃𑐫𑑂 𑐳𑑂𑐠𑐣𑐶𑐫 𑐣𑐶𑐎𑐵𑐫𑑂 𑐣𑑄 𑐧𑑅 𑐧𑑂𑐫𑐹𑐐𑐸 𑐡𑐸 𑑋